Efesios 2:19 - Northern Tepehuan Bible

¹⁹ Kaxkïdï xibi Diuxi ka mai xibhïadïrï óídakami dukai gïn nïidi, aapimï ix makïdï maiti ïr judidiu. Xibi kïïga bia aapimï ïïmadaragai ïmadï Diuxi. Ïmo gïn aadunumï dukai aapimï ïmadï ix makïdï Diuxi ïko bubaitu, ïmadï go judidiu tudu. Xibi kaxi ïr Diuxi aaduñdï aapimï.

Tepehuan Northern: Diuusi ñiooquidʌ utuducami oodamicʌdʌ

¹⁹ Poduucai aapimʌ camaitʌrsibʌadʌrʌ oidacami gʌnducami baiyoma aapimʌ ʌʌmadu vʌʌsi vaavoitudadami ʌrʌmo adunumʌ gʌnducami. Vʌʌscatai ʌrDiuusi maamaradʌ cascʌdʌ.

Efesios 2:19 Iomraidhean Croise

Mataibo 10:25

Dai aanï ïr gïn tïanïdamiga dai ïr gïn tïtïgiadami ñoki ïpï. Kaxkïdï gï agai xi ipïrhiadagi aapimï xi gin ïpïan tutiakagi aapimï dai taatagi ixtumaxi taatamaiña aanï. Daiñi, kïïga maatï aapimï sai gin kïdaiña óídakami dai asta Beelsebú gin aagaiña ïgai. Diabora gin aagaiña ïgai tudu gin kïdaitai. Kaxkïdï kïïga gï maatï sai asta bamioma gïn kïïdadamu ïgai aapimï gin aaduñikatai aapimï. Soimaaxi ñoki gïn aagidamu ïgai ïpï gin mamaatïrdamigakatai aapimï tudu— itïtïdai.

Galatas 6:10

Gin aaduñi, xibi kia oidaga oigaragai xi kïï buidadagi aatïmï jaa kia oidigi daama óídakatai aatïmï. Kaxkïdï gï agai aatïmï xi kïï buidadagi bïïxi óídakami ibuadatai ixtumaxi ïr soiñikagi ïgai bïïtarï dai bamioma bïïtarï ix makïdï ïr ïmo xïgïmï duu gïr ïmadï. Ix makïdï bia ï galbaaxi buaboidaragai ix makïdï bia aatïmï tudu.

Efesios 2:12

Tïgitobïrai ïpï sai aidï maiti gïn ajïakatadai xi gïn soikïdagi Suxi Kristo dai mai biakatadai aapimï urabaragai ïmadï go Israelitas. Diuxi bhai dui ñoki go Israelitas ïmadï dai aagidi saidi iduñagai naana maaxi ixtumaxi ïgai bïïtarï dïï aapimï maiti ïr gïn bïïtarïkatadai gobai. Aapimï mai biakatadai soiñi aidï dai mos óídakaiña mai maatïkatai Diuxi.

Efesios 3:15

Ïgai tudu ïr kïsakami oidigi dai tïbagi ïmadï bïïxi aïkatai ixtumaxi oidaga.

Efesios 3:6

Podukai máí ïgai sai Diuxi ïki abhiadïrï kaxi gï tïgitokatadai sai go odami ix makïdï maiti ïr judidiu ïpïan ïxi biakana sïïrhikami ïmadï go judidiu. Diuxi ipïrhidi sai gïn bïïtarïkagi ïpï bïïxi ixtumaxi kïïgadukami ix makïdï Diuxi bia maamaradï bïïtarï. Xibi ka bïpïnakai Suxi Kristo kaxi ïr ïmo aadunumïkana go judidiu ïmadï ix makïdï maiti ïr judidiu. Gobai tudu ïr Diuxi tïgibudadï ix makïdï ïxtokikana ïkioma. Dai xibi gia go odami ix makïdï maiti ïr judidiu mos buaboitudakai go bhai ïrhiaragai aatagi ka ïpïan ïxi gïn ajïga xi biakagi ix makïdï Diuxi aagai sai maakiagai. Mos buaboidakai ïgai Suxi Kristo tudu.

Filipenses 3:20

Dïï aatïmï gia bia gïr oidakaraga tïbagiana dai bhai ïrhiarakïdï nïnïraka aatïmï xi mïkadïrï dibiagi Suxi Kristo Gïr Nukadakami ix makïdï ïr gïr kïïgakïrï bubiadamiga.

Hebreos 11:13

Bïïxkatai ïgai ix makïdï aagai aanï, go Abraam dai go Isaak dai Jakobo, bïïxkatai ïgai kïïga buaboidaitadai Diuxi aidïxi koi ïgai. Kia kïïga buaboidaitadai ïgai tomaxi mai kia biakatadai ixtumaxi Diuxi aagidi sai maaki agai. Maatïkatadai ïgai sai tïbïpida agaitadai kia ix aiyagi gobai dai bïïxkïrï buaboitu. Mïkaxdïrï nïijadan dutadai ïgai ix makïdï Diuxi aagidi sai maaki agai dïï mai ayi gobai. Dïï bïïxkïrï bhai gïn ïrhidiña nïnïrakatai. Daidi ikaitiña ïgai, —Gïr oidakaraga tami oidigi daama mos ïr ïmo lïïchi imidagai dukai. Otoma daibuñimu gobai— ikaitiña.

Hebreos 13:14

Idi oidigi mai kïïgakïrï ïr gïr kii tudu. Tami mosïkaxi chïki tasai bïïtarï óídaka ragai. Nïnïraka aatïmï ïmai kiiki kia tudu ix makïdï gokiïrioma kïkiba agai dai bïïxkïrï bïïtarïka agai.

1 Pedro 2:11

Gin aaduñi, xibi gïn aagidamu aanï ïmo ñoki gïn oigïdatai aanï. Daiñi, aatïmï xibhïadïrï óídakami dukai óídaga tami oidigi daama. Idi oidigi mai kïïgakïrï ïr gïr kii tudu dai bhaiyoma go tïbagi ïr gïr kii. Kaxkïdï kïïga abïr gïn tïgitoka dai mai ïïgiada go soimaaxi ix makïdï gïn tanïdagi gïn tukuga xibi kia gïn tukugïrï óídakatai aapimï. Go soimaaxkami ix makïdï gïn tanïdagi gïn tukuga ïr buidïrï kaatïkami dukai gïn ibhïdaga tudu dai soi duada ïrhidi gobai gïn ibhïdaga.

1 Juan 3:1

Gin aaduñi, gïn tïgitobïrai xïïxi kïïga gïr oigïdai Diuxi. Ka maamaradï gïr aagai ïgai di. Dai kïïga ïr buaboi saidi ïr maamaradï aatïmï. Dïï gia go óídakami ix makïdï mai buaboitudai mai maatï sai aatïmï ïr maamaradï Diuxi. Mai maatï ïgai Diuxi tudu, kaxkïdï ¿dukatai maatïkana ïgai xorai ïr maamaradï?