Efesios 2:13 - Northern Tepehuan Bible

¹³ Aidïpïrï mai uraba darakana aapimï Diuxi dïï xibi gia ka kïï miadïrï uraba óídaga aapimï. Suxi Kristo ïgai dai bhai dui gïn bïïtarï ïradïkïdï dai miadïrï gïn darai bïïnakai aapimï ïgai.

Tepehuan Northern: Diuusi ñiooquidʌ utuducami oodamicʌdʌ

¹³ Ʌʌquioma maivaavoitudaiña aapimʌ Diuusi tomali maidaanʌiña aapimʌ ʌgai sai gʌnsoicʌiña dʌmos sivi vaavoitudai aapimʌ Diuusi dai daanʌi sai gʌnsoicʌiña vai ʌgai gʌnsoicʌi vaavoitudaitai aapimʌ Suusi Cristo. Ʌgai muu curusiaba dai aasi ʌʌradʌ vai poduucai tomasioorʌ istutuidi isʌrmaamaradʌcagi Diuusi.

Efesios 2:13 Iomraidhean Croise

Sal 22:7

Gin parunai ïgai mos gin tïïgakai. Gin xixigidi ïgai ïpï dai aasïi daidi ikaiti, —Idi as ïgai dai kïïga buaboitudai Gïr Nukadakami. Tï nïida tudu sa bhai kïïgakïrï busaidana Gïr Nukadakami xibi— ikaiti odami gin parunaitai. Dai ikaiti go odami ïpï sai, —Gïr Nukadakami as kïï oigïdai idi. Xibi nïidamu aatïmï sa bhai soiñana— ikaiti odami gin tïïgakai.

VUAANA 10:16

Dai xibhïakoga bia aanï jaa odami ïpï ix makïdï maiti ïr judidiu. Xibhïadïrï óídakami kañiñiru gïn dukami ïgai dai gï agai ix buapa aanï dai bïïnaituda go judidiu ix makïdï kaxi gin urabaka. Aidï gia mosïkaxi aanï ïr paxturugadïka agai bïïxkatai dai ka mai biakamu ïgai paxtuturu omarhigakami dai ïxibugami. Aidï gia kïïga gin kaïkamu ïgai dai ïmo aadunumïkan dukai óídakamu ïmadï go judidiu ix makïdï kaxi gin urabaka.

Hechos 15:14

Kïïga gïr aagidi go Ximuñi Piduru ix dukatai ïpï dui aidïxi Diuxi tukamidïrï gï tïgito nïidi go ix makïdï maiti ïr judidiu. Aidïpïrï Diuxi ïko bubaitu ïïmoko ïgai saidi ïr maamaradïkana.

Hechos 2:39

—Idi ñoki ïr aapimï gïn bïïtarï ïmadï gïn maamara bïïtarï dai jaa bïïtarï ïpï ix makïdï mïkaxi daraja dai ïmadï bïïxkatai ix makïdï Diuxi Gïr Nukadakami baida ïrhiada— ikaiti Piduru.

Hechos 22:21

Daidi Gïr Nukadakami pobai gin tïtïdai, —Imiñi aapi tabhiadïrï. Gï otosa iñagai mïkaxi xako óídaga go ix makïdï maiti ïr judidiu, pobai in tïtïdai Gïr Nukadakami tudu— itïtïdai Pabora.

Hechos 26:18

Dai tïïgidamu aapi ixtumaxi ïr buaboi bai ïgai dagitona go soimaaxkïdï tïgibudagai tukamukïdï dai oijadana go kïïgadukïdï tïgibudagai ix makïdï ïr kudagi tudu. Sai ka maiti gïn tïanïna go diabora dai Diuxi gïn tïanïna bhaiyoma. Daidi oigïrhixikami bimu soimaaxkamigadï gin buaboitudaitai ïgai dai uraba bimu ïgai Diuxi ïko bubaidadï— gin tïtïdai Suxi— itïtïdai Pabora.

Romanos 8:1

Aa gia ïr buaboi gobai ix makïdï gïn aagidi aanï. Kaxkïdï xibi ka mai tipu gïgïbidaragai odami bïïtarï ix makïdï bïïnakami bii Suxi Kristo.

1 Korintios 1:30

Daiñi, mos ïïgi Diuxi gubukarhigadïkïdï bïïna daraja aatïmï Suxi Kristo. Aatïmï maiti idui tomarhi ïmo ixtumaxi. Suxi Kristokïdï tudu gïr maa Diuxi ïïgi tïgibudadï dai Suxi Kristokïdï ïpï bhai dui Diuxi sai kïïgakïrï gïr nïidiña ïgai ïpï. Suxi Kristo ïgai ix makïdï ïkobai gïr bubaitu sai mos ïïgi Diuxi bïïtarïkana aatïmï dai ïgai aa namïki gïr buatuldaraga ïpï sai kïïgakïrï bubuakïna aatïmï.

1 Korintios 12:13

Aidïxi uraba gïr darai Diuxi Ibhïadï go buaboitudadami amaxi ïmo aadunumï bii aatïmï tudu tomaxi ïr judidiukagi aatïmï ix maiti ïr judidiukagi ïpï. Ïmo aadunumï bii aatïmï ix ïr soigaxikami dukai pipioñi aatïmï ix maiti ïr pipioñi ïpï. Tomax dukai bïïxkatai aatïmï bia Diuxi Ibhïadï dai kaxkïdï ïr ïmo aadunumï aatïmï.

1 Korintios 6:11

Dai ïïmadutai aapimï pomaaxkana ïkioma ïpï. Dïï gia xibi ka buaboitu aapimï Suxi Kristo Gïr Nukadakami dai xibi Diuxi Ibhïadï ka gïn abhana ayi ix kaxkïdï ka buañixi aapimï dai kïïgakïrï gïn nïidi Diuxi dai xibi ka ïkobai darasadï aapimï Diuxi.

2 Korintios 5:17

Daiñi, odami ka ïmapïbuayi xïïxkadï urabagi ïgai Suxi Kristo ïpï. Diuxi utuduturhi ïgai kaxkïdï. Dai amaxi ka buaboitudakai ïgai ka ugiatïkïi go ïïkidadï oidakaradï dai aidï abhiadïrï ka biakana ïgai ïmo utudui oidakaragai.

Galatas 3:28

Pomaaxi bïïxkatai aapimï ix makïdï ka buaboitudai. Xibi ïmadugan dukai gïn nïidi Diuxi bïïxkatai aapimï. Mai xudu xi ïr judiukagi ïmoko xiïpï xi maiti ïr judiukagi ïpï, xi ïr ïmo soigaxikami dukai pioñikagi ïgai xiïpï xi maiti ïr pioñikagi ïpï, xi ïr kïïrhikagi ïgai xi ïr okikagi ïpï. Mai xudu, tomax dukai ka ïmo odami dukai bii aapimï bïïxkatai bïïna darakatai Suxi Kristo.

Efesios 1:1

Bhaiga. Aanï ïr Pabora dai gïn otoxi idi ojai. Ïmo otosadï aanï Suxi Kristo, Diuxi ipïrhi xi ïr otosadïkana aanï kaxkïdï. Xibi gïn ojidi aanï idi ojai aapimï Efesoïrï óídakami ix makïdï Diuxi ïko bubaitu. Aapimï ix makïdï biïna daraka Suxi Kristo tudu dai mai dagitokai buaboitudai ïgai.

Efesios 1:7

Suxi Kristo aaxi ïïgi ïradï gïr bïïtarï tudu. Kaxkïdï kïïgakïrï bubuaka aatïmï dai oigïrhikami bii aatïmï gïr soimaaxkamigakïdï bïïnakai aatïmï Suxi Kristo. ¡Xïï kïï tuiga Diuxi aidï!

Efesios 2:10

Bhaiyoma Diuxi ïgai dai gïr utuduturhi bïïnakai aatïmï Suxi Kristo. Ïgai ipïrhidi xi aatïmï ibuadagi ixtumaxi ïr kïïga, kaxkïdï pomaaxi bïïtarï gïr utuduturhi ïgai. Dai ipïrhidi ïgai xi óídakagi aatïmï xibi ibuadatai go kïïgadukami aaduindagai ix makïdï ïgai ïkiaxdïrï bhai dui xi buadagi aatïmï.

Efesios 2:12

Tïgitobïrai ïpï sai aidï maiti gïn ajïakatadai xi gïn soikïdagi Suxi Kristo dai mai biakatadai aapimï urabaragai ïmadï go Israelitas. Diuxi bhai dui ñoki go Israelitas ïmadï dai aagidi saidi iduñagai naana maaxi ixtumaxi ïgai bïïtarï dïï aapimï maiti ïr gïn bïïtarïkatadai gobai. Aapimï mai biakatadai soiñi aidï dai mos óídakaiña mai maatïkatai Diuxi.

Efesios 2:2

Aidïpïrï adaimïiña aapimï go odami tïgibudadï dai ïïgidiña aapimï go diabora pobuadatai. Go diabora ïgai dai tïanïi go soimaaxi iibïdagami ix makïdï mos ïbïltapi ajiopai. Dai xibi aatabuayi ïgai iibhïadïrï odami ix makïdï mai ïïgidi Diuxi ïpï.

Efesios 2:6

Diuxi gïr duakaturhi Suxi Kristo ïmadï dai tïbagiïrï gïr darai Suxi Kristo ïmadï ïpï bïïnakai aatïmï ïgai.

Hebreos 9:18

Daiñi, kïï maatï aapimï sai go ïïkidadï sïïrhikami gï namïaturhi ïradïkïdï buxtaki ix makïdï gï koditu.

1 Pedro 3:18

Asta Suxi Kristo soimaaxi taata kïïga ibuadatai ïgai tudu. Muu ïgai bhai buadatai gïr soimaaxkamiga bïïtarï. Dai podukai bhai dui ïgai gïr bïïtarï bïïxkïrï bïïtarï dai ka mai biïga bamioma daxdaragai xibi. Kïïga buañixikami ïgai tudu dai muu ïgai aatïmï soimaaxi ibuadami gïr bïïtarï sai kïï biïna aatïmï Diuxi ïmadï. Gï muatu tukugadï tudu dïï gia gï duakaturhi ïpamu Ibhïadï.

Apokalipsis 5:9

Dai ami ganïyi ïgai ïmo utudui nïidagai ix makïdï ikaiti, —Aapi Kañiru kïïga bia sïïrhikami xi bhïiyagi go libro dai upandagi seseyogadï ixtukïdï kuupidi gobai. Aapi tudu gï ïrakïdï dáí namïgadï bïïxi óídakami dai podukai sabïlturhi aapi Diuxi. Bïïxi go naana maaxi óídakami saagidañdïrï sabïrhi aapi ïïmoko, bïïxi go naana maaxi ñokadami saagidañdïrï tudu dai go naana maaxi gïgïr kiikiañdïrï óídakami.