Efesios 2:12 - Northern Tepehuan Bible

¹² Tïgitobïrai ïpï sai aidï maiti gïn ajïakatadai xi gïn soikïdagi Suxi Kristo dai mai biakatadai aapimï urabaragai ïmadï go Israelitas. Diuxi bhai dui ñoki go Israelitas ïmadï dai aagidi saidi iduñagai naana maaxi ixtumaxi ïgai bïïtarï dïï aapimï maiti ïr gïn bïïtarïkatadai gobai. Aapimï mai biakatadai soiñi aidï dai mos óídakaiña mai maatïkatai Diuxi.

Tepehuan Northern: Diuusi ñiooquidʌ utuducami oodamicʌdʌ

¹² Gʌntʌgitovurai aapimʌ isʌʌquioma maivaavoitudaiña Cristo dai aapimʌ maitʌraaduñicatadai ʌjudidíu dai maimaatʌcatadai aapimʌ istumaasi aagidi Diuusi saidʌ iduñi agaitadai ʌgai vʌʌtarʌ. Aapimʌ maiñʌnʌracatadai isiimiagi Diuusi ʌʌmadu siʌʌscadʌ coiyagi tomali Diuusi maitʌnʌʌmadu daacatadai.

Efesios 2:12 Iomraidhean Croise

Lukas 1:72

—Ka podukai bhai dui Diuxi ñoki gïr ïïki aaduñi ïmadï tudu. Aagidi ïgai sai gïr oigïda nïijada agai. Kaxkïdï xibi bhai dui ïgai kïïgakïrï bubaidaragai gïr bïïtarï. Ka podukai aagidi ïgai gïr ïïki aaduñi kaxkïdï.

VUAANA 10:16

Dai xibhïakoga bia aanï jaa odami ïpï ix makïdï maiti ïr judidiu. Xibhïadïrï óídakami kañiñiru gïn dukami ïgai dai gï agai ix buapa aanï dai bïïnaituda go judidiu ix makïdï kaxi gin urabaka. Aidï gia mosïkaxi aanï ïr paxturugadïka agai bïïxkatai dai ka mai biakamu ïgai paxtuturu omarhigakami dai ïxibugami. Aidï gia kïïga gin kaïkamu ïgai dai ïmo aadunumïkan dukai óídakamu ïmadï go judidiu ix makïdï kaxi gin urabaka.

VUAANA 15:5

Buaboi tudu sai aanï ïr go uba uxiaradï gï dukami dai aapimï ïr go maamaradï gï dukami. Bïïxkatai aapimï ix makïdï gin bïpïnaka dai kïïga saïkan dukai oidakagi gin abhana buimu gubukarhigai dai aapimïkïdï ïpïduñimu ixtumaxi bhai ïrhidi Diuxi. Aapimï ïr go uba maamaradï gï dukami tudu dai go bhai ïrhiaradï Diuxi ix makïdï bhai gï buadamu aapimïkïdï ïr gï ibhiadï dukai. Gobai itïiya ïrhidi sai aapimïkïdï iduñimu Diuxi naana maaxi ixtumaxi bhai ïrhidi ïgai. Dïï gia maiti ixtutuidikïi aapimï ix ibuadagi tomarhi ïmo ixtumaxi ix makïdï bhai ïrhidi Diuxi ix mai saïkan dukai óídakagi aapimï gin abhana— itïtïdai.

VUAANA 4:22

Aapimï tami Samarhiïrï óídakami ibuadana xadutudaragai Diuxi bïïtarï, dïï mos mai maatï aapimï xorai ïgai— itïtïdai. —Dïï aatïmï judidiu gia maatï. Kaxkïdï tudu go kïïgakïrï bubiadami ïr judiu. Aatïmï gia kïïga maatï Diuxi— itïtïdai.

Hechos 2:39

—Idi ñoki ïr aapimï gïn bïïtarï ïmadï gïn maamara bïïtarï dai jaa bïïtarï ïpï ix makïdï mïkaxi daraja dai ïmadï bïïxkatai ix makïdï Diuxi Gïr Nukadakami baida ïrhiada— ikaiti Piduru.

Hechos 28:20

Kaxkïdï tudu gïn báí aanï xibi dai gaataga in ïrhidi. Daiñi, aanï buaboitudai ix ka dibia go ix makïdï aatïmï judidiu nïnïrakaiña ïïki abhiadïrï. Xibi burhidi aanï idi kadenakïdï mos buaboitudaitai aanï go ix makïdï ïr Diuxi Otosadï gïr Bhaitï Kïakamiga tudu— itïtïdai.

Hechos 3:25

Aapimï judidiu gïn bïïtarï tudu go ñoki ix makïdï Diuxi bïïxi gï ibhïdagakïdï aagidi gïr aaduñi ïïki. Diuxi itïtïdai gïr aaduñi Abraamkaru aidï, Aanï bhai ïrhiatudamu bïïxi odami oidigi daama oidakami aapi Abraam gï piipixarakïdï itïtïdai Diuxi aidï. Aapimï judidiu gïn agaitadai Diuxi gobai ñokikïdï tudu. Aapimï ïr piipixaradï bïïxi go ñiñokituldiadamigadï Diuxi kaxkïdï.

Romanos 9:8

Mai xu bïïxi go odami ix makïdï bubuaka Abraam maamaradïañdïrï kïïgakïrï ïr piipixaradï Abraam tudu. Mosïkaxi go piipixaradï Abraam ix makïdï Diuxi aagidi sai maaki agai, ïgai gia kïïgakïrï ïr piipixaradï Abraam.

Galatas 4:8

Dïï bïïxkïrï duadikui aanï xïduñada ïpamu oi aapimï gïn ïïkidadï buaboidaragai dai go aaduindagai ix makïdï idui aanï gïn saagida ka maiti ibuadagi soiñi. Daiñi, ïkioma didiuxi dukai nïidiña aapimï naana maaxi ixtumaxi dukami uubixi maaxi dai biakana aapimï xi gaatabuadagi pipioñi dukai ïïgiditai pomaaxi buaboidaragai. Aidï mai kia maatïkatadai aapimï ïgai ix makïdï ïr Diuxi kïïgakïrï kaxkïdï.

Efesios 2:19

Kaxkïdï xibi Diuxi ka mai xibhïadïrï óídakami dukai gïn nïidi, aapimï ix makïdï maiti ïr judidiu. Xibi kïïga bia aapimï ïïmadaragai ïmadï Diuxi. Ïmo gïn aadunumï dukai aapimï ïmadï ix makïdï Diuxi ïko bubaitu, ïmadï go judidiu tudu. Xibi kaxi ïr Diuxi aaduñdï aapimï.

Efesios 4:18

Ïgai tïgibudadï maiti ïr soiñi, tukamuga maaxi bhaiyoma. Ïïgi kapatudai ïgai gïn momo dai gïn iibhïdaga Diuxi bui. Kaxkïdï mïkaxi ajiopai ïgai go oidakaragaiñdïrï ix makïdï Diuxi urhiñdimi odami.

Kolosenses 1:21

Aapimï ïpï buidïrï bïïtïkatadai Diuxi soimaaxkatai gïn tïgibudaga dai soimaaxi ibuadatai aapimï.

Kolosenses 1:5

Kïïga maatï aapimï tudu sai bia aapimï ïmo kïïgadukami nïnïraragai mïï tïbagiana. Dai gobai ix makïdï bia aapimï tïbagiana gïn abïnakiadan buayi sai apia kïïga buaboitudada aapimï dai sai kïïga oigïdada aapimï bïïxi go gaa buaboitudadami. Máí aapimï sai bia aapimï ïmo kïïgadukami nïnïraragai aidïxi kaï aapimï go buaboikïdï aatagi. Aidïxi kaï aapimï go bhai ïrhiaragai aatagi tudu.

1Tesalonicenses 4:13

Gïr susukurhi, ipïrhidi aatïmï ix kïïga maatïkagi aapimï ixdukatai daibuña agai ix makïdï koiyagi uraba darakatai Suxi Kristo. Bia ïgai ïmo kïïgadukami nïnïraragai tudu. Dai ix kïïga maatïkagi aapimï ix tuma nïnïraka gïn aaduñi uraba darakatai ïgai Suxi Kristo aidï gia ka mai kabami soi gïn ïldamu aapimï xïïxkadï mukiagi ïmadutai ïgai. Ka mai ïpïan dukai soi gïn ïldamu aapimï go odami ix makïdï mai buaboitudai tudu. Mai bia ïgai ïmo kïïgadukami nïnïraragai ix dukai bia aatïmï kaxkïdï sïïrhikïdï soi gïn ïjïrhidiña ïgai.

1Tesalonicenses 4:5

Maiti gï agai tudu ix ïïgiada aapimï gïn tukuga xïïxkadï gïn tanïda gobai sai soimaaxi ibuada aapimï. Daiñi, go gaa ix makïdï mai buaboitudai Diuxi adaimïiña ixtumaxi ipïrhidi ïïgi tukugadï dai aapimï maiti gï agai ix pobuadagi.

2 Tesalonicenses 2:16

Gïr susukurhi, gïn daanturhiña aatïmï sai gïn abïnakidiña Diuxi dai sai gupurtudana ïgai gïn buaboidaraga. Dai kïï gubuakatai gïn buaboidaraga aidï gia bïïxi ixtumaxi aagidagi aapimï jaa kïïga ibuadamu soiñi dai bïïxi ixtumaxi ibuadagi aapimï jaa bïïtarï kïïga ibuadamu soiñi ïpï. Suxi Kristo Gïr Nukadakami ïmadï Diuxi gïr Oga ïgai dai kïï tutuiga gïr bïïtarï tudu dai gïr oigïdai dai gïr maakai ibhïxtaragai ix makïdï mai ugiatïkïi dai gïr maakai ïmo nïnïraragai kïïgadukami ïpï.

1 Tomoteo 1:1

Bhaiga Timoteo. Aanï ïr Pabora dai gï otoxdi idi ojai. Kïï maatï aapi sai aanï ïr otosadï Diuxi ïmadï Suxi Kristo. Otosadï aanï Diuxi ix makïdï kïïgakïrï gïr bubaitu dai otosadï aanï Suxi Kristo ïpï ix makïdï nïnïraka aatïmï sai ïpamu dibiana. Ïgai bïï gokatai gin tïjai ansaidi ïr otosadïkana.

Hebreos 11:34

Dai oidakatadai ïpï jaa ix makïdï taiyïrï gïn surhitu dai mai xïdui ïgai go táíkïdï. Dai Diuxi soi jaa sai mai kona kokodiïrï. Dai jaa ix makïdï mai gupukatadai kïïga gubukatu buaboidaitai Diuxi. Dai jaa bui surhigïiña mui sandadaru xibhïadïrï óídakami dai maitiña ïgai go sandadaru saidi go xibhïadïrï óídakami sandadaru mos dïgabuna bopoyiña. Po buadana ïgai buaboitudaitai Diuxi tudu.

Hebreos 6:18

Goka ñoki aagidi Diuxi go Abraam tudu sai podukai kïïga maatïkana aatïmï saidi iduñi agai ixtumaxi gïr aagidi. Ïmoko ïr go ñoki xako aagidi ïgai ïmo xadutudikami ñoki. Aagidi ïgai ïmo xadutudikami ñoki tudu dai kïïga maatï aatïmï sai Diuxi tomarhi ïmo imidagai mai yaatagïi. Gobai ïr go ïpïgadï ñoki ix makïdï aagidi Diuxi go Abraam. Dai go gïmai ñoki ïr xako ïïgi gï báí ïgai dai aagidi saidi buaboikïdï iduñi agai ixtumaxi aagidi ïgai. Gobai ïr ï goka ñoki ix makïdï aagidi Diuxi go Abraam. Dai kïïga maatï aatïmï sai Diuxi apia mo maaxi bïïxkïrï bïïtarï. Mai ïmapïbuayi ïgai tudu dai kaxkïdï maatï aatïmï sai ñokidï mai ïmapïduñimu ïpï. Goka ñoki gïr aagidi Diuxi tudu sai mai buamï gïr ïrhiadagi aatïmï kïïga maatïkatai saidi iduñimu ixtumaxi gïr aagidi. Sai mai buamï gïr ïrhidiña aatïmï tudu ix makïdï ka dagito bïïxi go ïma maaxi buaboidaragai dai ka mosïkaxi Diuxi buaboitudai xibi. Buaboitudai aatïmï sai ïgai kïïgakïrï gïr bubaidi tudu.

Hebreos 8:6

Gin aaduñi, ka aagai aanï ix maaxi aaduindadï go dadaxdadamigadï go judidiu. Tami idi oidigi daama ibuadana ïgai aaduindadï tudu. Dïï gia Diuxi maa ïmo aaduindagai gïïpi bamioma namïakami go Suxi Kristo. Gïïpi bamioma namïakami xi bhai go dadaxdamigadï go judidiu aaduindadï tudu. Suxi Kristo namïaturhi ïmo utudui sïïrhikami gïr bïïtarï ix makïdï gïïpi bamioma kïïgadu xi bhai go ïïkidadï sïïrhikami. Go utudui sïïrhikamiïrï gïr aagidi Diuxi saidi gïr maaki agai ixtumaxi gïïpi bamioma kïïgadukami xi bhai ix makïdï biakana óídakami oiditai go ïïkidadï sïïrhikami tudu. Agia ïr buaboi sai bamioma namïga Suxi aaduindadï xi bhai aaduindadï go Judidiu dadaxdadamigadï ix makïdï ibuadana ïgai oiditai go ïïkidadï sïïrhikami.

1 Pedro 1:21

Dai kïïga maatï aapimï Suxi dai kïïga maatï aapimï ix tuma idui ïgai ïpï dai kaxkïdï buaboitudai aapimï Diuxi. Buaboitudai aapimï ïgai ix makïdï duakatu go Suxi dai maa go adaama namïakami sïïrhikami tudu. Dai xibi bia aapimï ïmo kïïgadukami nïnïraragai ka buaboitudakai aapimï Diuxi.

1 Pedro 1:3

Gin aaduñi, gï agai sai kïïga ñokada aatïmï Diuxi bïïtarï. Gï agai sai kïïga ñokada aatïmï bïïtarï ïgai ix makïdï ïr Diuxigadï Gïr Nukadakami Suxi Kristo tudu. Soi ïlda gïr tïï ïgai kaxkïdï daidi gïr maa ïmo utudui oidakaragai. Gï duakatu Suxi Kristo ïpamu tudu gokiïrï xi mutadai ïgai dai kaxkïdï bia aatïmï ïmo kïïgadukami nïnïraragai xibi. Dai kïïga gupuka antaadakana aatïmï gïr utudui oidakaragai bïïtarï maatïkatai sai bia aatïmï go kïïgadukami nïnïraragai gobai.

1 Pedro 3:15

Dai bhaiyoma abïr kïïga xadutuada Suxi Kristo bïïxi gïn ibhïdagakïdï gïn Tïanïdamigakatai ïgai. Dai bhaiga abïr gïn duka sai bhaigakana aapimï xi kïïga aa noraidagi ñoki xïïxkadï gïn tïkakagi go jaa ix tuixi bhai gïn ïrhidi aapimï buaboitudaitai aapimï Suxi Kristo. Dïï gia xïïxkadï aa noraidagi aapimï ñoki gï agai sai mai gïgïrdukïdï gïn ïrhiadagi aapimï dai gï agai sai kïï bhai maaxkami dukai aa noraidagi aapimï.

1 Juan 3:3

Dai kaxkïdï xibi bïïxkatai aatïmï ix makïdï kabakan dukai buaboitudai sai ïpïan mamaaxka ïragai Suxi Kristo xïïxkadï dibiagi ïgai, aatïmï ka maigobai dadasaimi bïïxi go soimaaxkami ix makïdï ibuadana aatïmï. Buañixikan dukai óídaka rïrhidi aatïmï ïpïan dukai Suxi Kristo kaxkïdï.