Apokalipsis 8:3 - Northern Tepehuan Bible

³ Dai bhodïrï ami dibia ïpï ïmai tïañikarudï Diuxi dai ïmo oro asokorhiïrï bhïkati kubhimadarhi dai ami kïkiba buidïrï go daxdakarui xako gï dadaxdi daxdaragai. Go gïï daikarui buidïrï kïïka go daxdakarui. Dai gï maakiatu tïañikarui gïïpi kubhimadarhi sai daxdaiña gobai ïmadï go daañigaigadï go buaboitudadami. Ïmapi dadaxdiña ïgai go kubhimadarhi ïmadï go daañigai ami daxdakarui daama. Oro duñixi go daxdakarui.

Tepehuan Northern: Diuusi ñiooquidʌ utuducami oodamicʌdʌ

³ Dai gooquiʌrʌ divia ʌʌpʌ ʌmai Diuusi tʌaañicarudʌ dai ʌmo ooro aasocoliʌrʌ bʌcati cubimidali dai ʌaltar vuidʌrʌ cʌquiva ʌgai. Ʌaltar oorocʌdʌ duñisi dai mocʌʌca ʌgʌʌ daicarudʌ Diuusi vuidʌrʌ. Mʌtai maa Diuusi tʌaañicarudʌ gʌʌpi cubimidali sai mʌidana ʌaltar daama siuu duucu ʌvaavoitudadami daanʌidagi Diuusi.

Apokalipsis 8:3 Iomraidhean Croise

Lukas 1:10

Daidi ayi go ka duku xi gï mïmïidagi go kubhimadarhi bai ami kidigana gukatadai jaa mui odami dai gadaanïi Diuxi.

Romanos 8:34

Dai Suxi Kristo ïgai dai muu gïr bïïtarï ïpï dai gï duakatu ïpamu dai Diuxi sïïrhixapadïrï daja ïgai xibi. Ami gadaanïi ïgai Diuxi gïr bïïtarï. ¿Xorai potïdana aidï saidi gïr ajïga gïgïbidaragai ami dajatai Suxi dai daanïitai ïgai gïr bïïtarï? ¡Tipu xorai!

Hebreos 7:25

Kaxkïdï bia ïgai gubukarhigai ix kïïgakïrï bubiadagi odami ix makïdï urapïkïdagi Diuxi buaboitudaitai ïgai Suxi Kristo. Bïïxkïrï bïïtarï daja Suxi tudu dai bïïxkïrï bïïtarï apia gadaanturhiada agai ïgai xorai urabagi.

Hebreos 9:4

Ami go tukabiïrï ix makïdï bïïxi adaama xadutudikïdï tïgidu ami dakatadai go daxdakarui kubhimadarhi dai go kajoñi ix makïdï sïïrhikami kiidï tïgidu. Go kajoñi bïï sudakami gï tïkimagi oro. Dai ïrana dakatadai ïmo ayi orokïdï duñixikami dai biakatadai maná. Dai ami kajoñiïrï kaatïkatadai uxiaradï go Aaron ïpï ix makïdï iipoi ïïki. Dai ami bïïtïkatadai go ojodai kaakaparakami ix makïdï ami ojixikatadai go sïïrhikamigadï go Moises ïpï.

Apokalipsis 10:1

Dai bhodïrï tïïtïkiïrï dukai tïï aanï xi tïbagiañdïrï tïbandimi ïmo tïañikarudï Diuxi kïï gubuakami. Ïmo ikomaiñdïrï imïi ïgai dai modï daama kïïka ïmo kijondarhi. Dai buibasodï kabami kukudakïi ïpïan dukai tasai dai ïïkasodï ïpïamaaxi táí.

Apokalipsis 14:18

Dai oidakatadai ïpï ïmai tïañikarudï Diuxi ïpï ix makïdï tïanïi go táí. Dai busai ïgai go daxdakaruañdïrï xako gï dadasai go daxdaragai dai gïgïrï iñakidi ïgai go os biakami daidi potïtïdai, —Go oidigi ïr ïmo uba dïïdï dukai dai ka kïï bhaji ibhiadï. Kïïga mukaga gï os tudu, yoobañi gokïdï— ikaiti.

Apokalipsis 5:8

Dai bhïkai ïgai go libro bai go maakoba duduakakami ixtumaxi ïmadï go ïmokobhai dan maakoba bhaitï gukakami bïïxkatai buidïrï kuiki xadutudaitai. Bïïxkatai daagïka ibakarui harpa tïgidukami ixtukïdï ibadagi. Dai daagïi oro ajasokorhi ïpï susudakami kubhimadarhi xigian ubadami ix makïdï ajïi Diuxi buitapi ïpïan dukai xi buaboitudadami daanïdaradï ajïi Diuxi buitapi ïpï. Podukai go kubhimadarhi ïr ïpïan dukami go daañigai ix makïdï aïjïiña Diuxi.

Apokalipsis 6:9

Dai bhodïrï upai go Arhi Kañiru ïpï ïmo seyugadï go libro dai aidïxi podui ïgai tïï aanï iibhïadï odami ix makïdï gïn koditu buaboidaitai ïgai Diuxi ñokidï dai aagaitai ïgai ixtumaxi ïr buaboi. Uta darakatadai ïgai go daxdakarui xako gï dadaxdi daxdaragai Diuxi.

Apokalipsis 7:2

Dai biakatadai ïgai oigaragai xi xia buadagi oidigi. Dïï gia nïidi aanï xi xarhi utamajadïrï imïi ïpï ïmo Diuxi tïañikarudï dai bhïkati Diuxi seyogadï ixtukïdï tïpaltudaiña ïgai ix makïdï ïr Diuxi tuidadï. Bhïkati seyugadï Diuxi ix makïdï bïïxkïrï bïïtarï oidaga tudu. Dai gïgïrï iiña ix makïdï bhïkati go seyo dai potïtïdai ïgai go maakoba tïtïañikaru ix makïdï biakatadai oigaragai xi xia buadagi oidigi,

Apokalipsis 8:4

Dai go kubhimadarhi saagida imïiña go daañigai ix makïdï ibuadana buaboitudadami dai mïï aïjïi Diuxi buidïrï. Tïsadïi gobai abhai daxdakaruañdïrï xako toidiña go Diuxi tïañikarudï tudu.

Apokalipsis 8:5

Daidi go Diuxi tïañikarudï bhïiyi go oro asokorhi dai sudagi tutuparhi toñikami abhai daxdakaruañdïrï. Dai surhi ïgai oidigi daama bai koboñimi oidigi dai pïpïdokïi dai gigiburhi ïpï.

Apokalipsis 9:13

Dai bhodïrï iba ïpï ïmo Diuxi tïañikarudï trompetagadï. Dai gï kaidatu ïmo ñoki abhai go daxdakaruañdïrï ix makïdï Diuxi buidïrï kïïka. Daidi ikaiti go ñoki, —Upasañi go maakoba gin tïtïañikaruga ix makïdï bupurhikan daraka ugidïrï go gïï aki Eufrates tïgidukïdï— ikaiti. Ami go gïï daikarui buidïrï kïïka ïmo daxdakarui oro duñixikami tudu dai bïï maakoba xixixodïrï arasaka kukugadï ix makïdï ïpïamaaxi turu aagadï. Dai abhai go daxdakarui aagadï saagidañdïrï gï kaidatu go ñoki.