Apokalipsis 8:2 - Northern Tepehuan Bible

² Dai tïï aanï kubarakami Diuxi tïtïañikarudï xi ami gukatadai Diuxi buidïrï dai gïn maakiatu ïïmo trompeta ïïmadutai ix tukïdï gaiibadagi ïgai.

Tepehuan Northern: Diuusi ñiooquidʌ utuducami oodamicʌdʌ

² Amaasi tʌʌ aanʌ ʌcuvaracami Diuusi tʌtʌaañicarudʌ ismaacʌdʌ Diuusi vuidʌrʌ guuca. Mʌtai maa ʌʌmoco trompepeta.

Apokalipsis 8:2 Iomraidhean Croise

Mataibo 18:10

—Maiti abïr soi dukai nïijada tomarhi ïmo aarhi tudu. Daiñi, oidaga tïtïañikarudï Diuxi ix makïdï nukadai dai ñokiturhiña go aarhi amïka tïbagiana buidïrï Diuxi gin Oga. Kaxkïdï kïïga abïr gïn tïgitoka dai mai soi dukai nïijada go aarhi— itïtïdai.

Mataibo 24:31

Dai amaxi gï kaidatumu ïmo trompeta ix makïdï kabami ibada agai dai aidï otosamu aanï gin tïtïañikaruga bai ïgai ïmpaida agai bïïxi go odami ix makïdï ïkobai bubaitu Diuxi. Ïmpaida agai ix makïdï ïkobai bubaitu ïgai bïïxi oidigi daamaiñdïrï tudu— itïtïdai Suxi.

Lukas 1:19

Daidi go Tïañikarudï Diuxi potïtïdai, —Aanï ïgai daidi Gabriel tïgidu. Aanï ïgai tudu dai Diuxi buitapi kïakana dai ïgai gin otoi ansai gï aituldana idi bhai ïrhiaragai ñoki. Sai gï aagidana aanï sai marata agai gï aduñi tudu.

Lukas 21:36

—Kïïga abïr nïnïasïrhiakami dukai óídaka bïïx tasai tudu. Dai bïïxkïrï abïr daanïda Diuxi sai podukai buiya aapimï gubukarhigai. Podukai kïïgakïrï bubuakimu aapimï go soi ïrhiaragaiñdïrï ix makïdï daibuña agai tami oidigi daama. Podukai kïïga mai xaïraitai gukakamu aapimï gin buitapi. Aanï in buitapi tudu ix makïdï ïr otosadï Diuxi dai ïmo kïïrhi busai— itïtïdai Suxi go mamaatïrdami gamaakaitai ñoki.

1 Korintios 15:52

Gï kaidatudamu go kugatïrï trompeta bai ix xïï otoma gï kupiokïi ïmoko pokaxi otoma ïmapïduñimu aatïmï. Amaxi gï kaidatumu go trompeta baidi go buaboitudadami ix makïdï ka koi duduakamu ïpamu dai ka biakamu gïn tukuga ix makïdï mai ugiatïi. Dai buaboitudadami ix makïdï kia óídakagi aidïpïrï todian dukai ïmapïduñimu ïpï dai bhïimu tukuga ix makïdï mai ugiatïi ïpï.

1Tesalonicenses 4:16

Aidï gïïgïr iñakidamu Suxi Kristo tïbanïkai tïbagiañdïrï tudu. Dai aidï gï kaidatudamu ïpï Diuxi tïtïañikarudï bhaitï kïakamigadï. Dai ganïjida agai ïgai Diuxi trompetagadïkïdï ïpï. Daidi duakatuldamu Diuxi go buaboitudadami ix makïdï ka koi.

Apokalipsis 1:4

Aapimï buaboitudadami Asiana óídakami, aanï ïr Juan dai gïn ojidi idi ojai. Gïn ojidi aanï aapimï tudu ix makïdï kubarakami gïgïrï kiikiïrï óídaga aipakoga ami Asiana. Ipïrhidi aanï sai Diuxi ïmadï Diuxi Ibhïadï ïmadï Suxi Kristo kïï tuigakana gïn bïïtarï dai sai gïn maakana ibhïxtaragai gïn ibhïdagïrï. Diuxi tudu ïgai dai ka oidakatadai mai kia kïkibakai oidigi dai tomarhi ïmo imidagai mai ugiti agai. Dai Diuxi Ibhïadï ïgai dai buidïrï kïïka Diuxi daikarudï dai ami gamamaaxidi xïïxi ïr gubuakami ïgai dai ix mai biïga tomarhi ïmo ixtumaxi.

Apokalipsis 11:15

Dai bhodïrï tïïtïkiïrï dukai tïï aanï xi iba go kugatïrï tïañikarudï Diuxi trompetagadï. Taidi gïgïrï ñiño ixtumaxi tïbagiana daidi ikaiti, —Xibi gia ka ayi xi tami oidigi daama gatïanïdagi Diuxi Gïr Nukadakami ïmadï Kristo ix makïdï ïr Diuxi dasadï rey. Xibi ka bhïiyi ïgai sïïrhikami xi tïanïdagi bïïxkïrï bïïtarï— ikaiti.

Apokalipsis 15:1

Dai bhodïrï tïïtïkiïrï dukai tïï aanï ïpï ïmo gïdukami maaxidaragai tïbagiana dai mai tïtïgaitadai aanï ixtumaxi gin tïgitoagi nïiditai. Tïï aanï kubarakami Diuxi tïtïañikarudï ix makïdï bhïkati go kubarakami gïgïbidaragai ixtukïdï gï kugaida agai oidigi daama óídakami gïgïbidaradï. Xïxkadï ka dïgabuñagi bïïxi gobai ka dodorhi bimu bhamudadï Diuxi dai ka mai surhigi agai bamioma gïgïbidaragai óídakami abhana.

Apokalipsis 16:1

Daidi bhodïrï kaï aanï ix gïgïrï ñokai ixtumaxi Diuxi kiupaigadïañdïrï dai ñokidi ïgai go kubarakami Diuxi tïtïañikarudï ix makïdï bia go ajasokorhi. Susudaga go ajasokorhi Diuxi bhamudadï dai gïgïbidaragai. Dai ix makïdï ñokai potïtïdai go tïtïañikaru, —Imibïrai dai mïï oidigi daama abïr aaxta go ajasokorhiañdïrï go bhamudagai dai gïgïbidaragai ix makïdï bia Diuxi óídakami bïïtarï— itïtïdai.

Apokalipsis 8:13

Dai bhodïrï tïï aanï xi tïbagiana daigigi ïmo Diuxi tïañikarudï dai kaï aanï ix kaitimi, —Sogigi oidigi daama óídakami. Kia biïga ïpï baika Diuxi tïañikarudï xi ibagi trompetakïdï. Sïïrhikïdï soimaaxi taata agai óídakami gaiibakai ïgai— ikaitimi.

Apokalipsis 8:6

Daidi go kubarakami Diuxi tïañikarudï ix makïdï bia go kubarakami trompeta bhai gïn dui dai gaiibada agai.

Apokalipsis 9:1

Dai bhodïrï iba ïpï ïmo Diuxi tïañikarui trompetagadï dai aidïpïrï nïidi aanï ïmo xabugai xi oidigi daama daja. Gïitadai ïgai tïbagiañdïrï mïtai maa ïgai yabigadï go maixakarui ix makïdï ïr ïmo gïï tukabakami dïgai.