Apokalipsis 7:9 - Northern Tepehuan Bible

⁹ Dai bhodïrï tïï aanï sïïrhikïdï mui naana maaxi odami bïïxi aipakoga oidigi daamaiñdïrï óídakami. Ami gukatadai ïgai go gïï daikarui buidïrï xako sonoana kïïka go Arhi Kañiru tïgidukïdï. Mai bhaigakatadai tomarhi ïmadutai xi ïkaldagi go odami mos ïï muidukatai ïgai. Gukatadai odami bïïxi gïgïrï kiikiañdïrï óídakami tudu dai bïïxi go naana maaxi ñokadami saagidañdïrï dai gïn aadati ïgai yukuxi totoakami dai dagï guka ïgai soubarhi aagadï.

Tepehuan Northern: Diuusi ñiooquidʌ utuducami oodamicʌdʌ

⁹ Dai gooquiʌrʌ gaamucu nʌnʌava aanʌ dai tʌʌ mui naana maasi oodami naana maasi ñioocadami, aipaco gʌgʌr quiiquiʌrʌ oidacami vʌʌsi oidigiaiñdʌrʌ. Dai ʌgai moguuca ʌgʌʌ daicarui vuidʌrʌ dai ʌgai ismaacʌdʌ Cañiiru aagaiña ʌvaavoitudadami vuidʌrʌ. Ʌoodami sʌʌlicʌdʌ muidu tomali ʌmaadutai maitistutuidi isʌcaldagi. Dai gʌaadaca yuucusi tootoacami dai gʌnnoonoviʌrʌ daagʌ palma aagadʌ.

Apokalipsis 7:9 Iomraidhean Croise

Genesis 13:16

Daiñi Abram— itïtïdai. —Xadïrï naato ïkaldana aapi go orai oidigi dama kaatïkïdï. Podukai ïpï gï piipixara maiti ïr ïkaldakaru ka agai mosïï muiduka agaitai.

Lukas 12:1

Daidi kia gamaamakaitadai Suxi aatagi dai sïïrhikïdï mui odami gïn ïmpagi ami xako dakatadai ïgai dai asta aipakoga gïn nïituskimi ïgai mos go muidukatai. Daidi Suxi aagidi ïmo ñoki go mamaatïrdamigadï ami go gaa odami saagida gukakatai ïgai daidi potïtïdai, —Gïn tïgito abïr nïida dai mai oijada tïgibudadï go fariseos. Ïgai ïïgi gïn dadasai saidi ïr kïï buañixikami dai maiti ïr buaboi. Xako nïijadagi jaa gia kïïga ibuayi ïgai dïï gia xako mai nïijadagi jaa mai kïïga ibuayi. Gobai ïr tïgibudadï go fariseos dai bïïxi ixtumaxi ibuadagi ïgai sarabidi pomaaxi tïgibudagai. Maiti abïr gïn dagito tudu xi go tïgibudagai gobai sarabidagi aapimï gïn aaduindaga ïpï. Kaxkïdï tudu ïpïan dukami ibuayi gobai ïmo kopodatudakarui tuiyi ix makïdï bïï sudakami ïmo tuiyi saagida bapakïi. Podukai ibuayi go tïgibudadï go fariseos ïpï. Maiti gï agai tudu xi ïïgiada aapimï go tïgibudagai gobai.

Lukas 21:36

—Kïïga abïr nïnïasïrhiakami dukai óídaka bïïx tasai tudu. Dai bïïxkïrï abïr daanïda Diuxi sai podukai buiya aapimï gubukarhigai. Podukai kïïgakïrï bubuakimu aapimï go soi ïrhiaragaiñdïrï ix makïdï daibuña agai tami oidigi daama. Podukai kïïga mai xaïraitai gukakamu aapimï gin buitapi. Aanï in buitapi tudu ix makïdï ïr otosadï Diuxi dai ïmo kïïrhi busai— itïtïdai Suxi go mamaatïrdami gamaakaitai ñoki.

VUAANA 12:13

Dai guikuta ïgai soubarhi aagadï dai mïï buidïrï ayi go Suxi dai miadïgida agai reygadï dukai. Ijiñakimi ïgai bhai gïn ïrhiarakïdï daidi ikaitimi, —Gia ïr gïdukami Diuxi— ikaitimi. Sai Diuxi kïïgakïrï nïidiña gobai ix makïdï ïr Otosadï dai Gïr Nukadakami. —Sai Diuxi kïïgakïrï nïidiña reygadï Israel tudu— ikaitimi odami aagaitai go Suxi.

Romanos 11:25

Gin aaduñi, ipïrhidi aanï xi maatïkagi aapimï ïmo maatïtuldaragai Diuxiañdïrï ï ix makïdï ïki abhiadïrï ïxtokikana. Dai aidï gia toma lïïchi mai gïgïrdukïdï gïn ïrhiadamu aapimï kaïkai idi maatïtuldaragai ix makïdï gïn aagidamu aanï. Daiñi, mai xu bïïxkïrï kaapakami ka agai iibhïadï go judidiu maiti ipïrhiditai xi buaboitudagi. Kapakamu ïgai mosïkaxi asta xïïxkadï aiyagi ix xïïkiduka agai buaboitudadami ix makïdï maiti ïr judidiu.

Efesios 6:13

Kaxkïdï abïr gïn aada bïïxi go aaduinkaru ix makïdï gïr maa Diuxi kokodi bïïtarï xi ïgaikïdï bui gukibana aapimï gïr buidïrï kaatïkami xudu soimaaxi daibuñagi. Podukai xudu kugaidagi go kokodi aapimï mos apia kia gukakamu.

Hebreos 11:12

Dai go Abraam ïpï kaxi ïr kïrhiodamikatadai aidï. Dai ka maiti ixtutuidikïitadai ïgai ïpï ix gamaratudagi. Toma lïïchi mai biakatadai ïgai gubukarhigai maratudaragai bïïtarï. Gobai bïïtarï ïpïan ïxi gubuakamikatadai ïgai ïmo mukiadï tudu. Dïï bïïxkïrï buaboitudai ïgai Diuxi dai kaxkïdï abhiadïrï go Abraamaiñdïrï bubuakai sïïrhikïdï mui odami. Ïpïan ïïki go xixabugai tïbagiana xiïpï go orai ix makïdï go gïï sudagi ugidana bïïtï tudu.

Hebreos 12:22

Dïï gia aapimï buaboitudadami xibi mai iji ïmo tubidakïrï podukai aidïxi buaboitu aapimï go utudui sïïrhikami ix makïdï bhai dui Diuxi gïn ïmadï. Gïïpi bamioma bhai ïrhiaraga xako iji aapimï. Mai iji aapimï go Sinaí tubidakïrï ix dukai idui go Israelitas ïïki aidïxi maa Moises go ïïkidadï sïïrhikami tudu. Bhaiyoma sïïrhi bapakïi aapimï xako odaga Diuxi ka buaboitudakai aapimï. Daiñi, gobai ïr ïpïan dukami ix makïdï ibuadana gïn aaduñi ïïkidadï. Aïjïiña ïgai xako Zión Gidiïrï tïgidu xadutuada agaitai Diuxi ïïki. Ajïiña ïgai Jerusalenïrï tudu dai ami xadutudaiña ïgai Diuxi. Dai xibi buaboitudakai aapimï kaxi ïr ïpïandukami gobai ïpï ix ka aiyandui aapimï Ziónïrï ïpï dai go utudui Jerusalenïrï ix makïdï tïbagiana daja xakoga kabami muidu mirhi tïtïañikarudï Diuxi. Ayi aapimï Diuxi tudu dai xadutudai aapimï oigïda ñokaitai aapimï.

Apokalipsis 11:15

Dai bhodïrï tïïtïkiïrï dukai tïï aanï xi iba go kugatïrï tïañikarudï Diuxi trompetagadï. Taidi gïgïrï ñiño ixtumaxi tïbagiana daidi ikaiti, —Xibi gia ka ayi xi tami oidigi daama gatïanïdagi Diuxi Gïr Nukadakami ïmadï Kristo ix makïdï ïr Diuxi dasadï rey. Xibi ka bhïiyi ïgai sïïrhikami xi tïanïdagi bïïxkïrï bïïtarï— ikaiti.

Apokalipsis 22:3

Ami go gïï kiikiïrï mai tipukamu tomarhi ïmo ixtumaxi ix makïdï bia gïgïbidaragai abhana. Dai ami kïakamu go gïï daikarui xako darakatai gatïanïi Diuxi ïmadï go Arhi Kañiru tïgidukïdï. Dai ami go buaboitudadami xadutuadamu Diuxi

Apokalipsis 3:18

Kaxkïdï gïn daanïi aanï mïsai gin sabïdana ixtumaxi biïga gïn ibhïdaga bïïtarï. Gin sabïdabïrai ixtumaxi namïakami ix makïdï ïr oro dukai kïï buañixikami dai ixtumaxi ïr yukuxi dukai ïpï kïï totoakami. Aidï gia ïr buaboikamu xi gïn bidakami dukaikamu aapimï dai kïïga biakamu ixtumaxi gïn aadagi sai ka mai xaïradagi aapimï mai yukusukan dukaikatai gïn ibhïdagakïdï. Aidï gia ïr ïpïan dukaikamu xi gïn duadi gïn bupuji dai bhaigakamu aapimï xi maatï nïijadagi ixtumaxi ïr buaboi.

Apokalipsis 4:4

Dai ami go gïï daikarui xikorhi gukatadai ïpï jaa daraikarui. Ïmokobhai dan maakoadu ïgai dai daama daraka go kaaki bhaitï gukakami totoaja yukusukami. Dai bïïxkatai gïn aadaka korona oro duñixikami.

Apokalipsis 5:11

Dai bhodïrï gamo go gïï daikarui amakoga nïnïaba aanï ïpamu dai nïidi sïïrhikïdï mui mirhi tïtïañikarudï Diuxi xi ami xikorhi daraja. Sïïrhikïdï muidu tudu mai bhaiga ïmoko xi ïkaldagi mos ïï muidukatai. Dai kaï aanï

Apokalipsis 5:9

Dai ami ganïyi ïgai ïmo utudui nïidagai ix makïdï ikaiti, —Aapi Kañiru kïïga bia sïïrhikami xi bhïiyagi go libro dai upandagi seseyogadï ixtukïdï kuupidi gobai. Aapi tudu gï ïrakïdï dáí namïgadï bïïxi óídakami dai podukai sabïlturhi aapi Diuxi. Bïïxi go naana maaxi óídakami saagidañdïrï sabïrhi aapi ïïmoko, bïïxi go naana maaxi ñokadami saagidañdïrï tudu dai go naana maaxi gïgïr kiikiañdïrï óídakami.

Apokalipsis 6:11

Dai ïmadutai ix makïdï ami dajatadai maa yukuxi totoakami go buaboitudadami iibhïadï dai potïtïdai, —Diuxi maatï xïïkiduka agai ix makïdï gïn kodituda agai ïpïan dukai aapimï buaboidaitai ïgai dai aagaitai ixtumaxi ïr buaboi dai mai kia ayi go kaaki— itïtïdai. —Kaxkïdï gï agai xi nïnïrakagi aapimï ïpï chïki tasai kia dai gïn iibhïxtagi asta xïxkadï gïr buidïrï bïïtïkamiga kodagi go kaaki buaboitudami— itïtïdai.

Apokalipsis 7:8

dai go Zebulón dai go Benjamin. Bhaibuxtama dan gokadukatadai maamaradï go Israel tudu dai go tïtïañikaru tïpaltu bhaibuxtama dan goka mirhi piipixaradï ïïmoko dai podukai aiturhi ïmo ciento dan gokobhai dan maakoba mirhi piipixara ix makïdï tïpaltu ïgai.