Apokalipsis 7:4 - Northern Tepehuan Bible

⁴ Dai aidïxi ka naato tïpaltu ïgai Diuxi pipioñigadï kaï aanï ïmo ñoki aagaitai ix xïïkidu ïgai. Ïmo ciento dan gokobhai dan maakoba mirhi pipioñigadï Diuxi tïpaltu ïgai aidï.

Tepehuan Northern: Diuusi ñiooquidʌ utuducami oodamicʌdʌ

⁴ Dai caʌ aanʌ isgʌaagai siʌʌquiatai viaa Diuusi seeyogadʌ. Ʌgai ajʌga ʌmo siento dan goo coobai dan maacova mil ʌjudidíu cajiudadʌ saagidiaiñdʌrʌ.

Apokalipsis 7:4 Iomraidhean Croise

Genesis 15:5

Ïmo imidagai Gïr Nukadakami kidigamu busaitu go Abram daidi potïtïdai, —Nïidañi go tïbagi— itïtïdai. —Daidi nïida go xixabugai dai ïkalda pïx bhai ixtuidana ix naato ïkaldagi. Po kakidu ka agai gï piipixara tudu ix xïïxi oidaga xixabugai— itïtïdai.

Mataibo 19:28

Daidi Suxi potïtïdai, —Kïïga ïr buaboi ixtumaxi gïn aagidamu aanï xibi. Kaïkabïrai tudu. Daiñi, aanï ïr Diuxi otosadï ix makïdï ïmo kïïrhi busai. Dai xïïxkadï utudutuldagi aanï go tïbagi ïmadï oidigi aidï daibamu aanï ïmo daikaruana kïï tiodikami dai kïï namïakami dai ami dakatai gatïanïdamu aanï— itïtïdai. —Dai amaxi aapimï daraibamu gïgïr daraikaruana ïpï dai ami darakatai gatïanïdamu aapimï ïpï. Amaxi gatïanïdamu aapimï bïïxi go piipixaradï go bhaibuxtama dan goka maamaradï go Israelkaru tudu— itïtïdai.

Lukas 14:22

Dai jii go pioñi dai dibiakai ïpamu saidi potïtïdai ïgai amudï, —Kaxi idui aanï ixtumaxi gin tïjai aapi— itïtïdai. —Dai mai kia suda gï kii. Kia oidaga xako daraibagi ïpï jaa— itïtïdai.

Lukas 22:30

Kaxkïdï gïn maakimu aanï sïïrhikami sai daraibagi aapimï gin mesaga buidïrï ami gatïanïitai aanï. Gin ïmadï gakuadamu aapimï tudu dai gayïdamu. Dai gïn maakimu aanï sïïrhikami sai gïgïr daraikaruïrï daraibana aapimï dai ami darakatai aagadamu aapimï ix makïdï go Israelitas ïgai dai kïï dui dai ix makïdï mai kïï dui ïpï— itïtïdai.

Hechos 26:7

Daiñi aapi Rey, aatïmï judidiu ïr piipixaradï go bhaibuxtama dan goka maamaradï Israelkaru. Dai bïïxkatai aatïmï kïïga xadutudai Diuxi tasïrï dai tukarï ïpï. Mos nïnïraka aatïmï xi ïgai gïr duakatuldagi ïpamu xïxkadï koiyagi aatïmï. Aanï tudu nïnïraka podukai ïpï xi gin duakaldagi Diuxi mukukai aanï dai gokïdï gïpiïrï gin bupai go judidiu— itïtïdai.

Romanos 9:27

Dai go Isaias aagai ïmo ñoki ïïki ïpï aagaitai go judidiu daidi ïgai ikaiti sai, Toma xïï kabami muidukagi go judidiu, ïpïan ïïki orai go gïï sudagi ugidana, tomax dukai mos arhi chïkidu ka agai ix makïdï kïïgakïrï bubuaki agai.

Santiago 1:1

Aanï ïr Santiago ix makïdï gïn ojidi idi ojai. Ïmo pioñigadï aanï Diuxi dai Suxi Kristo Gïr Nukadakami ïpï. Ïmo biatuldaragai bïïtarï bïïxkatai aapimï judidiu ix makïdï ïr buaboitudadami dai ix makïdï aipakoga mïïmïkaxi óídaga oidigi daama, aapimï ix makïdï ïr piipixaradï go bhaibuxtama dan goka maamaradï go Jakobokaru tudu.

Apokalipsis 14:1

Dai bhodïrï tïï aanï go Arhi Kañiru agaikïdï xi kïïka go gidiana xako Sión tïgidu gidi. Dai ïmadï gukatadai mui odami ix makïdï kokobadïrï ojixi tïtiaradï go Arhi Kañiru dai tïtiaradï Ogadï ïpï. Ïmo ciento dan gokobhai dan maakoba mirhikatadai ix makïdï ami guka.

Apokalipsis 14:3

Ami gukatadai ïgai go Arhi Kañiru ïmadï tudu dai ganïyitadai ïmo nïidagai utudui ami buidïrï xako daja Diuxi go gïï daikaruana. Dai ami gukatadai go maakoba duduakakami ixtumaxi ïpï ïmadï go bhaitï gukakami dai kaïkana go nïidadï. Ïmo ciento dan gokobhai dan maakoba mirhikatadai go nïdami ami tudu dai ïgai ïr kïïgakïrï bubaidadï go Arhi Kañiru. Go nïdami ïr odami ix makïdï sabïrhitadai go Arhi Kañiru go gaa óídakami saagidañdïrï. Dai ïgai tudu ganïyiña ami Diuxi buidïrï dai jaa maiti ixtutuidikïiña xi maatiagi go nïidadï.

Apokalipsis 7:5

Dai bïïxkatai ïgai ïr piipixaradï go bhaibuxtama dan goka maamaradï Israel. Go Juda piipixaradïañdïrï tïpaltu ïgai bhaibuxtama dan goka mirhi dai po kaaki ïpï go Rubén piipixaradï dai go Gad piipixaradï

Apokalipsis 9:16

Dai ïmadutai ix makïdï ami dajatadai gin aagidi ix xïïkidu sandadarugadï go Diuxi tïtïañikarudï. Goka ciento millonkatadai ïgai dai kapayo daama daitugai ïgai.