Apokalipsis 7:3 - Northern Tepehuan Bible

³ potïtïdai ïgai, —Maiti abïr xia buada oidigi tomarhi go gïï sudagi tomarhi go uxi kia. Gï agai xi kokobadïrï tïpaltuda aatïmï Diuxi pipioñigadï kia— itïtïdai.

Tepehuan Northern: Diuusi ñiooquidʌ utuducami oodamicʌdʌ

³ ―Maitavʌr siaa duaada tomali ʌmo istumaasi oidigi daama tomali ʌgʌʌ suudagiʌrʌ tomali uusi asta siʌʌscadʌ coocovʌrʌ daraasi aatʌmʌ ʌvaavoitudadami Diuusi seeyogadʌ ―tʌtʌdai Diuusi tʌaañicarudʌ.

Apokalipsis 7:3 Iomraidhean Croise

Exodo 12:23

Podukai xudu Gïr Nukadakami ka koda agadagi go Ejiptuïrï óídakami dai tïïgakai go ïrai ka maatï nïidamu Gïr Nukadakami xi aapimï buaboida kaï dai ka mai dagitomu ïgai xi ami kiiyïrï baakiagi tïañikarudï ix makïdï ïr xia buadami dai bhaiyoma xikorhi daibuña agadamu ïgai. Podukai mai baakimu ïgai gïn kiikiïrï dai ka mai kodamu ïgai gïn maamara.

Mataibo 24:22

Xi dagitomudai Diuxi ix apia imïdagi go soi ïrhiaragai gobai, aidï gia bïïxi koimudai oidigi daama óídakami. Dïï gia Diuxi kïï oigïdai aaduñdï ix makïdï ïkobai bubaitu ïgai. Kaxkïdï ka podukai dáí ïgai sai otoma kugaidamu go soi ïrhiaragai gobai— itïtïdai Suxi.

Mataibo 24:31

Dai amaxi gï kaidatumu ïmo trompeta ix makïdï kabami ibada agai dai aidï otosamu aanï gin tïtïañikaruga bai ïgai ïmpaida agai bïïxi go odami ix makïdï ïkobai bubaitu Diuxi. Ïmpaida agai ix makïdï ïkobai bubaitu ïgai bïïxi oidigi daamaiñdïrï tudu— itïtïdai Suxi.

VUAANA 12:26

—Daiñi xorai gin soikïdamika ïrhiadagi gï agai ix gin oijadagi bai podukai gin ïmadï dakana ïgai toma xako imïdagi aanï. Dai gin Oga kïïga namïakami dukai nïijadamu bïïxkatai ïgai ix makïdï ïr gin soikïdamikagi— itïtïdai Suxi.

VUAANA 3:33

Dïï gia oidaga ïïmoko dai kïïga buaboitudai dai ïgai mos buaboidaitai gamamaaxidi Diuxi ix mai yaatagïi ïgai.

Romanos 6:22

Dïï xibi go soimaaxkami ka mai bia gubukadagai xi gïn tïanïdagi. Xibi aapimï ïr Diuxi pipioñigadï bhaiyoma. Kaxkïdï xibi Diuxi bïïtarï óídaga aapimï dai kïïgakïrï óídakamu aapimï bïïxkïrï bïïtarï.

Apokalipsis 13:16

Dai go kïixi ix makïdï dïbïrai utamajadïrï busai gatïjai ïpï tïpaltudagi bïïxi óídakami kokobadïrï xiïpï ïïkadïrï. Tïpaltu ïgai tïtiaradïkïdï go kïixi ix makïdï sudagiañdïrï busai. Tïtiaradïkïdï go kïixi ix makïdï duayitadai tudu xiïpï numerogadïkïdï. Tïpaltu ïgai bïïxi óídakami tudu, modukai arhi dai gïïgïr óídakami dai soititigami ïmadï gïn bipidakami. Tïpaltu ïgai bïïxkatai. Dai gatïjai ïgai sai mosïkaxi gïn tïpaltudakai óídakami biakagi oigaragai ix gasabïadagi xiïpï xi gagaagarïdagi ixtumaxi. Gï agaitadai xi gïn tïpaltudagi ïgai tïtiaradïkïdï go gïï kïixi tudu xiïpï numerogadïkïdï.

Apokalipsis 14:1

Dai bhodïrï tïï aanï go Arhi Kañiru agaikïdï xi kïïka go gidiana xako Sión tïgidu gidi. Dai ïmadï gukatadai mui odami ix makïdï kokobadïrï ojixi tïtiaradï go Arhi Kañiru dai tïtiaradï Ogadï ïpï. Ïmo ciento dan gokobhai dan maakoba mirhikatadai ix makïdï ami guka.

Apokalipsis 14:9

Dai gokiïrï imïi go kugatïrï tïañikarudï Diuxi dai ïgai gïgïrï ñokai ïpï daidi ikaitimi, —Diuxi kabami gïgïbitulda agai xorai xadutuadagi go gïï kïixi xiïpï go ubixi ix makïdï ïpïamaaxi go kïixi. Gïgïbituldamu ïgai xorai gï dagitoagi xi gï tïpaltudagi kobadïrï xiïpï ïkadïrï. Diuxi soimaaxi taatamitulda agai ïgai kabami bhamukatai ïgai bui. Kïïga taatamu ïgai Diuxi bhamudadï tudu. Dai Diuxi bhamudadï mai biïna imimu toma lïïchi bhai ïrhiaragai aidï. Ïpïan taadakamu gobai xïïxkadï ïmo odami biakagi ix iiyagi ïmo iidagai kabami xibukami mai bïnaidikami toma lïïchi yoobikami. Kïïga taatamu ïgai Diuxi bhamudadï tudu. Diuxi soimaaxi taatamitulda agai táíkïdï dai asufre mïjïdamikïdï. Dai Diuxi tïtïañikarudï ïmadï go Arhi Kañiru bïïxi nïijadamu.

Apokalipsis 19:2

Gïgïbiturhi ïgai go oki kïkïïlmïrhiakami tudu ix makïdï soi duiñturhi oidigi daama óídakami. Ka mui koi go oki pipioñigadï Diuxi di dai xibi Diuxi kaxi gï sïïrhiñtu ïgai ïmadï. Gia sïïrhi aatabuayi Diuxi gïgïbiditai go oki tudu. Bïïxkïrï gïgïbidi ïgai soimaaxi ibuadami ixdukatai ajïakagi, ikaiti.

Apokalipsis 20:4

Dai bhodïrï nïidi aanï gïgïrï daraikarui dai daama daraja ix makïdï ïr Suxi Kristo darasadï dudunukami. Dai tïï aanï ïpï xi duduakatu mui koidadï. Gobai ix makïdï tïï aanï ïr go ïpïgadï duakaragai agaikïdï. Dai aidïpïrï duduakatu koidadï ix makïdï gïn guikomatu kuxibodï aagaitai ïgai Suxi ñokidï dai Diuxi ñokidï. Duduaka ix makïdï mai xadutugi go kïixi dai tomarhi mai xadutugi ubixigadï dai maiti gïn dagito ix gïn tïpaltudagi kokobadïrï xiïpï ïïkadïrï. Ïgai tudu duduakatu ïpamu dai bhïiyi sïïrhikami dai gatïanïda agai Suxi Kristo ïmadï ïmo mirhi umigi.

Apokalipsis 22:4

dai asta nïijadamu buibasodï. Dai Diuxi tïtiaragadï ojixikamu kokobadïrï buaboitudadami.

Apokalipsis 6:6

Dai kaï aanï ïmo ñokadami xi go maakoba duduakakami ixtumaxi saagidañdïrï ño daidi ikaiti, —Mosïkaxi ïmo litro tïrhigi xiïpï baika litro sebada gï maitïkïda agai ïmo tasai aaduindagaikïdï kabami tïsaidakai namïgadï. Dïï gia go asaiti ïmadï go bino maiti gï agai xi tïsaidagi namïgadï— ikaiti go ñokadami.

Apokalipsis 7:1

Dai gokiïrï tïï aanï maakoba Diuxi tïtïañikarudï ix aipako xixixodïrï oidigi guka. Ïmoko norteamako kïïka dai ïmai suramakoga dai ïmai xarhi utapakoga dai go gïmai tasai dupikïrï amakoga. Dai sobhikïiña ïgai ïbïrhi xi mai ïbïradagi oidigi daama. Mai daadagitoiña ïgai xi ïbïradagi dïbïriana tomarhi go gïï sudagiana dai sai mai oiñidiña ïbïrhi tomarhi ïmo uxi ïpï.

Apokalipsis 7:2

Dai biakatadai ïgai oigaragai xi xia buadagi oidigi. Dïï gia nïidi aanï xi xarhi utamajadïrï imïi ïpï ïmo Diuxi tïañikarudï dai bhïkati Diuxi seyogadï ixtukïdï tïpaltudaiña ïgai ix makïdï ïr Diuxi tuidadï. Bhïkati seyugadï Diuxi ix makïdï bïïxkïrï bïïtarï oidaga tudu. Dai gïgïrï iiña ix makïdï bhïkati go seyo dai potïtïdai ïgai go maakoba tïtïañikaru ix makïdï biakatadai oigaragai xi xia buadagi oidigi,

Apokalipsis 9:4

Dïï gia ix makïdï maatadai gubukarhigai daidi xi soi buadagi odami ix makïdï ïr Diuxi tuidadï biakatai Diuxi seyogadï kobadïrï. Daidi ïgai xi soi buada ïgai tomax tuma tïdoidagai oidigi daama ïpï. Mai biakatadai ïgai oigaragai xi soi buadagi tomarhi ïmo uxi xiïpï basoi tudu. Mosïkaxi biakatadai ïgai oigaragai xi soi buadagi odami ix makïdï mai biakatadai Diuxi seyogadï kobadïrï.