Apokalipsis 22:9 - Northern Tepehuan Bible

⁹ Dïï gia pobai in tïtïdai ïgai, —Cho— in tïtïdai. —Maiti pobuada. Aanï ïr gï ïpïan dukai di. Aanï ïpï mos ïr pioñigadï Diuxi ïpïan dukai aapi ïmadï bïïxi go gaa ñokituldiadamigadï Diuxi. Ïpïan ïï namïakami bïïxkatai ix makïdï ïïgida kaïkana idi libro tudu. Gï agai xi mosïkaxi Diuxi xadutuada aapi podukai bhaiyoma— in tïtïdai.

Tepehuan Northern: Diuusi ñiooquidʌ utuducami oodamicʌdʌ

⁹ Dʌmos ʌgai povaiñtʌtʌdai: ―Maitipomaasi ivuaada. Aanʌ ʌʌpʌ ʌrDiuusi piooñigadʌ ʌpan duucai aapi ʌʌmadu gʌaaduñi ismaacʌdʌ gaaagidi Diuusi ñiooquidʌ ʌʌmadu vʌʌscatai ismaacʌdʌ ʌʌgiditai caʌ istumaasi oojisi idi liivruʌrʌ. Baiyoma isiaa duutuda Diuusi ―iñtʌtʌdai ʌDiuusi tʌaañicarudʌ.

Apokalipsis 22:9 Iomraidhean Croise

Mataibo 4:9

Dai potïtïdai ïgai go Suxi, —Kïï gï tïgito nïida. Daiñi, xi gï totonakïdï kïïkibagi aapi Suxi tami gin buidïrï daidi gin xadutuadagi, aidï gia gï maakimu aanï bïïxi gobai ix makïdï nïidi aapi— itïtïdai.

1 Juan 5:20

Daiñi, kïïga maatï aatïmï sai dibia Diuxi Maradï tami oidigi daama dai gïr tïtïïgidi xorai buaboikïdï ïr Diuxi. Suxi Kristo ïgai dai gïr tïtïïgidi tudu. Dai xibi ka urabakatai aatïmï Suxi Kristo ka uraba bii aatïmï Diuxi ïpï. Suxi Kristo ïr Diuxi kaxkïdï. Buaboikïdï ïr Diuxi ïgai dai mai tipu ïmai. Mai tipu ïmai xorai gamaakadagi go utudui oidakaragai bïïxkïrï bïïtarï tudu. Mosïkaxi Suxi gïr maakai gobai.

Apokalipsis 1:1

Aanï ïr Juan dai oja idi libro pioñigadïkatai aanï Diuxi. Idi libroïrï oja aanï ïmo ñoki ix makïdï tïtïgidi Diuxi go Suxi Kristo. Tïtïgidi ïgai ïmo ñoki aagaitai ix tuma otoma daibuña agai tudu saidi go Suxi utioma gatïtïïgidiña ïgai go buaboitudadami xi ïgai maatïkana ixtumaxi daibuña agai ïpï. Gobai ïr go ñoki ix makïdï oja aanï idi libroïrï. Suxi Kristo otoi ïmo tïañikarudï xi ïgai gin tïïgi go ñoki pioñigadïkatai aanï Suxi.

Apokalipsis 1:11

Dai pobai gin tïtïdai ïgai, —Ojañi aapi ïmo libroïrï pïx tumaxi kaïkagi dai nïijadagi dai bhodïrï otosañi go ojai Asiamu go buaboitudadami ix makïdï kubarakami gïgïrï kiikiïrï gïn ïmpaidiña ami. Otosañi ix makïdï gïn ïmpaidiña Efesoïrï tudu dai Esmirnïrï dai Pérgamoïrï dai Tiatirïrï dai Sardixiïrï dai Filadelfiïrï dai Laodisiïrï— ikaiti go ñoki.

Apokalipsis 14:7

Dai gïgïrï ñokimi aagaitai sai, —Xadutuadabïrai Diuxi mos ïï gïdukatai ïgai. Dai abïr aagada xïïxi ïr gïdukami ïpï. Karhioga ayi ix tuigako Diuxi maakiagai gïgïbidaragai soimaaxi ibuadami tudu. Dai kaxkïdï abïr oigïda ñokada Diuxi bui aagaitai xïï kïï tuiga. Ïgai tudu idui tïbagi dai oidigi dai go gïgïrï susudagi dai asta bïïxi go bapabiki xajadïrï busanïi go sudagi. Bïïxi aïkatai idui ïgai tudu kaxkïdï gï agai xi odami xadutuadagi ïgai— ikaitimi go Diuxi tïañikarudï.

Apokalipsis 15:4

Gïr Nukadakami, bïïxi óídakami xagïdutuadamu dai aagamu xïïxi ïr gïdukami aapi Mosïkaxi aapi ïkobai daja soimaaxkamiañdïrï tudu Dai bïïxi óídakami gï xadutuadamu, maaxitudakai aapi saidi ïr sïïrhi bïïxi ixtumaxi ibuadagi aapi— ikaiti nïidadï.

Apokalipsis 19:10

Pobai in tïtïdai ïgai antai totonakïdï kïkiba ïkasodï sonoana xadutuda iñagaitai Diuxi dukai. Dïï mos ïgai pobai in tïtïdai aidï, —Maiti pobuada. Aanï ïpï mos ïr pioñigadï Diuxi ïpïan dukai aapi ïmadï bïïxi go gaa ix makïdï aipakoga aagaiña Suxi Kristo ñokidï. Daiñi, Diuxi ñokituldiadamigadï aatïmï tudu xïïxkadï aagagi aatïmï Suxi Kristo ñokidï. Kaxkïdï gï agai xi mosïkaxi Diuxi xadutuada aatïmï dai maiti gï agai xi Diuxi dukai gin nïijada aapi— in tïtïdai ïgai.

Apokalipsis 22:10

Daidi ïpïpï gin ñokidi go tïañikarudï Diuxi daidi pobai in tïtïdai, —Ka otoma daibuña agai bïïxi ixtumaxi ojixi idi libroana. Kaxkïdï maiti gï agai xi ïxtoagi gobai. Gï agai bhaiyoma xi odami maatïkagi ix kaiti ami.

Apokalipsis 22:18

Aanï Juan bia ïmo ñoki bïïxi odami bïïtarï ix makïdï kaïkagi ix kaiti idi libro. Daiñi, xi ïmadutai bïnaidagi jaa ñoki idi libro ix makïdï mai ojixi ami aidï gia Diuxi maakimu ï galbaaxi naana maaxi gïgïbidaragai ix makïdï ojixi go libroïrï.

Apokalipsis 22:7

Daidi Suxi Kristo ikaiti, —Gin kaïkabïrai, xibi otoma dibiamu aanï— ikaiti. —Dai xorai ïïgiadagi ojadï idi libro kïïga biaka agai bhai ïrhiaragai— ikaiti Suxi.

Apokalipsis 4:10

Daidi go ïmokobhai dan maakoba bhaitï gukakami tootonakïdï gukaiña buidïrï ïgai ix makïdï tomaxtuigako oidaga. Dai ami buidïrï darasaiña bïïxkatai ïgai kororonadï xadutudaitai daidi ikaitiña,

Apokalipsis 9:20

Gïïpi naana maaxi daibusai soimaaxi tudu dai mui óídakami koi dïï modukai mai ïma dukai gïn tïtïgito go odami ix makïdï bitadai kia. Apia xadutudaiña ïgai ixtumaxi ibuadana ïïgi ïgai dukami oro dai plata dai bhronse dai odai dai asta uxi duñixikami uubixi. Xadutudaiña ïgai go diabora tïtïañikarudï tudu pomaaxi xadutudaitai uubixi maaxi ix makïdï mai duduaka. Go maaxi uubixi mai nïayi tudu dai mai kaidaga dai mai bhaiga imidagai ïpï. Dïï bïïxkïrï go odami maiti ipïrhi xi dagitoagi go uubixi dai Diuxi xadutuadagi bhaiyoma.