Apokalipsis 21:5 - Northern Tepehuan Bible

⁵ Dai bhodïrï ño Diuxi ami go gïï daikaruana dakatai daidi ikaiti, —Xibi gia utudutuldamu aanï bïïxi aïkatai ixtumaxi— ikaiti. Dai bhodïrï pobai in tïtïdai ïgai, —Ojañi aapi idi ñoki ix makïdï gï aagidamu aanï. Kïïga ïr buaboi gobai— in tïtïdai.

Tepehuan Northern: Diuusi ñiooquidʌ utuducami oodamicʌdʌ

⁵ Amaasi Diuusi ʌgʌʌ daicarui daama daja pocaiti: ―Sivi gia utuldamu aanʌ vʌʌsi istumaasi ―caiti ʌgai. Dai Diuusi povaiñtʌtʌdai ʌʌpʌ: ―Oojañi aapi. Idi ñiooqui sʌʌlicʌdʌ ʌrvaavoi cascʌdʌ dai cʌʌga baiga isvaavoitudagi ―iñtʌtʌdai Diuusi.

Apokalipsis 21:5 Iomraidhean Croise

Lukas 5:38

Go bino utudui gï susudadai utudui baigakaruana bhaiyoma.

2 Korintios 5:17

Daiñi, odami ka ïmapïbuayi xïïxkadï urabagi ïgai Suxi Kristo ïpï. Diuxi utuduturhi ïgai kaxkïdï. Dai amaxi ka buaboitudakai ïgai ka ugiatïkïi go ïïkidadï oidakaradï dai aidï abhiadïrï ka biakana ïgai ïmo utudui oidakaragai.

Hebreos 12:27

Dai gobai itïiya ïrhidi sai xia duadamu ïgai bïïxi ixtumaxi idui ix makïdï mai bïïxkïrï bïïtarï kabaka agai, mai xudu xi ïr ixtumaxi tïbagiana xi ïr tami oidigi daama ïpï. Bïïxi xia duadamu ïgai. Poduñimu ïgai sai mosïkaxi biïna ixtumaxi gia bïïxkïrï bïïtarï kaapakana.

Apokalipsis 1:11

Dai pobai gin tïtïdai ïgai, —Ojañi aapi ïmo libroïrï pïx tumaxi kaïkagi dai nïijadagi dai bhodïrï otosañi go ojai Asiamu go buaboitudadami ix makïdï kubarakami gïgïrï kiikiïrï gïn ïmpaidiña ami. Otosañi ix makïdï gïn ïmpaidiña Efesoïrï tudu dai Esmirnïrï dai Pérgamoïrï dai Tiatirïrï dai Sardixiïrï dai Filadelfiïrï dai Laodisiïrï— ikaiti go ñoki.

Apokalipsis 1:19

Daidi in tïtïdai ïgai ïpï, —Tïïgimu aapi naana maaxi. Ojañi tudu pïx tumaxi tïïgimu aapi. Tïïgimu aapi ixtumaxi ïpïbujimi xibi dai ixtumaxi ïpï gï duñagai gokiïrioma ïpï. Bïïxi gobai oja aapi— in tïtïdai.

Apokalipsis 19:9

Dai go tïañikarudï Diuxi pobai in tïtïdai, —Ojañi aapi adukai, Diuxi ikaiti sai, —Gia bhai gïn ïrhidi bïïxkatai ïgai ix makïdï ïr bapaidarxikami kunataradïrï go Arhi Kañiru— —Gobai ïr ïmo Diuxiañdïrï imïdami ñoki tudu dai kïïga ïr buaboi. Gobai oja aapi— in tïtïdai go tïañikarudï Diuxi.

Apokalipsis 20:11

Dai bhodïrï nïidi aanï ïmo gïï daikarui tojakami dai ami daikaruana daja Diuxi. Dai maiti ixtui go oidigi dai go tïbagi xi ami dakagi Diuxi buitapi mos ïï gubuakamikatai ïgai dai mos ïï gïdukatai xi kaxkïdï mai tiputa go oidigi ïmadï tïbagi ami dakatai Diuxi.

Apokalipsis 22:19

Dai podukai ïpï ix ïmadutai maigobai darasagi ñoki idi libroañdïrï ix makïdï Diuxi ojiturhi odami aidï gia Diuxi mai maakimu oigaragai ïgai xi kukumiagi go uxi ibhiadï ixtukïdï kïïgakïrï oidaga odami. Dai mai maakimu oigaragai xi baakiagi go gïï kiikiïrï ïpï ix makïdï ojixi idi libroïrï.

Apokalipsis 22:6

Daidi bhodïrï go tïañikarudï Diuxi pobai in tïtïdai, —Kïïga ïr buaboi gobai bïïxi ixtumaxi kaï aapi dai nïidi. Gï agai xi buaboitudada aapi gobai— in tïtïdai ïgai. Diuxi Gïr Nukadakami ïgai dai aagidiña bïïxi go ñokituldiadamigadï ixtumaxi aagadagi ïgai. Dai xibi Diuxi otoi ïmo tïañikarudï sai tïïgidana ïgai go ñokituldiadamigadï ixtumaxi daibuña agai otoma. Kïïga ïr buaboi gobai tudu.

Apokalipsis 4:2

Dai mos potïi ïgai bai gin ayi gubukarhigadï Diuxi Ibhïadï. Dai Diuxi Ibhïadï gubukarhigadïkïdï tïï aanï ix tïbagiïrï kïïka ïmo gïï daikarui dai ami daikaruana daja Diuxi.

Apokalipsis 4:9

Dai kïïga ñokaiña ïgai bïïtarï go ix makïdï go gïï daikaruana daja. Kïïga ñokaiña ïgai bïïtarï ix makïdï ïïki abhiadïrï oidakana dai tomax tuigako oidaka agai tudu. Xadutudaiña ïgai dai aagaiña xïïxi ïr gïdukami ïgai dai aagidiña xïï bhai gïn ïrhidi ïgaikïdï. Po buadana go maakoba duduakakami ixtumaxi tudu.

Apokalipsis 5:1

Dai bhodïrï aanï Juan nïidi go ix makïdï go gïï daikaruana daja ix dagïka ïmo libro ïkadïrï sïïrhixapadïrï. Dai go libro biakatadai ojai damanagadïana dai ïrabiadïrï ïpï dai kïïga kuupikatadai kubarakami seyokïdï.