Apokalipsis 21:3 - Northern Tepehuan Bible

³ Dai gïgïrï ño ixtumaxi mïï go gïï daikaruañdïrï daidi ikaiti, —Xibi gia odami saagida daja Diuxi kiidï. Xibi odami saagida oidaka agai ïgai dai kïïgakïrï ïr Diuxigadïka agai ïmadï dakatai.

Tepehuan Northern: Diuusi ñiooquidʌ utuducami oodamicʌdʌ

³ Antai cai aanʌ ʌmo ñiooqui iscavami ñioo tʌvaagiaiñdʌrʌ dai pocaiti: ―Sivi gia Diuusi oodami saagida oidacamu daidʌ ʌoodami ʌrmaamaradʌcamu Diuusi. Dai Diuusi ʌrDiuusigadʌcamu ʌoodami.

Apokalipsis 21:3 Iomraidhean Croise

Exodo 25:8

Ipïrhidi aanï xi gin duiñdagi go Israelitas ïmo xadutudikami kii xako oidakagi aanï gïn saagida.

VUAANA 1:14

Daidi go Diuxi Ñokidï tïgidukami ïmo odami busai dai biatu tukuga ïpïamaaxkami ix makïdï bia aatïmï dai bhodïrï óídakami saagida oidatu. Sïïrhikïdï kïï tuiga ïgai dai kïïga gïr maatïturhi ix tumaxi ïr buaboi. Dai aanï Juan ix makïdï ibuayi idi ojai ïmadï jaa mui kïïga nïidi ïgai ix makïdï Diuxi Ñokidï tïgidu. Dai aatïmï ïr nïijadami xïïxi ïr gïdukami ïgai dai xïï kïï tiodi ïgai Diuxi maradïkatai. Diuxi maradï ïmadugakïdï ïgai tudu.

VUAANA 14:23

Dai Suxi itïtïdai, —Daiñi, gï agai ix gin oigïdadagi odami xi kaxkïdï gin ïïgiada ïpï. Ïma dukai mai tïtïgidiña aanï ix tuiga aanï. Kïïga gï maatï tudu sai gin ïïgiadamu go odami ix makïdï kïïgakïrï gin oigïdai tudu. Dai kaxkïdï oigïadamu gin Oga ïgai dai aanï ïmadï gin Oga ayimu ïgai ïmadï dai kïïga gïr urabakan dukai óídakamu ïgai ïmadï. Daiñi, aagaiña aanï mosïkaxi ixtumaxi gin tïjai Diuxi. Mai ïïgi gin tïgibudagakïdï ñokai aanï tudu. Dïï tomax dukai go odami ix makïdï maiti gin oigïdai mai ïïgidiña gin ñoki. Kaxkïdï mai tïtïgida iñagai ix tuiga aanï ïpï— itïtïdai.

2 Korintios 6:16

Daiñi, kïïga maatï aapimï sai maiti gï agai aapimï xi go gïï kiupaigadïrï Diuxi tutusadagi uubixi dai Diuxi dukai xadutuada agadagi aapimï ïgai ami. Soimaaxi gobai tudu. Ïmo tukuragai gobai. Dai podukai ïpï aatïmï buaboitudadami maiti gï agai ix gïr bapasïdagi ïmadï ix makïdï mai buaboitudai. Gobai ïr ïpïan dukami xi kiupaigadïrï Diuxi bapasadagi aapimï ubixi. Ïmo tukugai gobai tudu. Diuxi gïr saagida oidaga kaxkïdï. Dai kaxkïdï Diuxi maa ñoki gïr aaduñi ïïki daidi potïtïdai, Ayimu ixtuigako gin aaduñi saagida oidakamu aanï Aanï ïr Diuxigadïkamu aidï dai ïgai ïr gin maamaraka agai.

2 Korintios 6:18

Aidï gia gïn nukadamu aanï gïn Ogakatai aanï Dai aapimï ïr gin maamarakamu aidï, ikaiti Gïr Nukadakami ix makïdï bïïxi adaama gubuka.

1Tesalonicenses 3:11

Daanïiña aatïmï Diuxi ïmadï Suxi Kristo sai gïr maakana ïgai ixdukatai gïn dibidagi otoma.

Hebreos 11:16

Dai bhaiyoma gaagaiña ïgai ïmo oidakaragai bamioma kïïgadukami xi go ïïkidadï kiidï. Ka tïbagiana óídata ïrhiditadai ïgai tudu dai ka mai tïtïitoiña ïkidadï oidakaradï mos ïï kïïga buaboidaitai ïgai ixtumaxi Diuxi aagidi. Kaxkïdï kïïga bhai gï ïrhidi Diuxi ïgaikïdï. Mai xia ïï Diuxi kaïkatai sai go Abraam ïmadï aduñdï podukai aagaiña sai ïgai ïr Diuxigadï tudu. Kaxkïdï bhai duñi Diuxi ïmo kiiki tïbagiana ïgai bïïtarï dai podukai mamaaxidi xïï kïïga bhai ïrhidi ïgaikïdï. Dai gï agai sai maatïkana aapimï sai podukai nïijadamu Diuxi bïïxkatai ix makïdï ïpïan dukai buaboitudai ix duu buaboitu go Abraam ïpï.

Hebreos 8:10

Dïï gia kia gokiïrioma ayimu ix tuigako bhai duñimu aanï ïmo utudui sïïrhikami ïgai bïïtarï, ikaiti. Dai aidï gia tïgibudadïrï dasamu aanï gin sïïrhikamiga dai ibhïgadïrï ïpï sai kïïga maatï kaïkana ïgai dai kïïga ïïgidiña. Aidï gia mosïkaxi aanï gin buaboitudadamu ïgai Diuxigadïkatai aanï. Dai amaxi gia gin aaduñi aagadamu aanï ïgai dai kïïga nukadamu aanï, ikaiti Diuxi.

Hebreos 8:2

Ami ibuayi ïgai aaduindadï bhaitï kïakami dadaxdadamikatai ïgai. Ibuayi ïgai aaduindadï go gïï kiupiana tïbagiana ix makïdï kïïgakïrï ïr Diuxi kiupaigadï tudu dai ix makïdï Diuxi idui dai maiti ïr odami duñidï gobai kiupai toma lïïchi.

Apokalipsis 10:4

Kubarakamioko kokobïrhi tudu aagaitai ïmo ñoki dai aanï oja iñagaitadai ix kaiti ïgai dïï kaï aanï ïpï ïmai ñoki tïbagiañdïrï dai pobai in tïtïdai, —Maiti oja ix kaiti go kobondami. Maiti gï agai xi odami maatïkagi gobai— in tïtïdai go tïbagiañdïrï ñokadami.

Apokalipsis 10:8

Dai bhodïrï ïpamu kaï aanï go ñokadami ix makïdï gin ñokidi tïbagiañdïrï daidi pobai in tïtïdai, —Mïïka bhïiyi go arhi libro kupiokiñikami ix makïdï bia go tïañikarui sudagi daama dai dïbïrai daama kïakïdï— in tïtïdai.

Apokalipsis 12:10

Daidi bhodïrï kaï aanï ïmoko ix makïdï gïgïrï iñakimitadai tïbagiana daidi ikaiti, —Xibi gia ka kïïgakïrï bubuaka Diuxi maamaradï. Ka busaitu Diuxi go diabora tïbagiañdïrï tudu dai ka mai bia ïgai oigaragai xi ami aiyagi xako daja Diuxi. Podukai mamaaxidi gïr Diuxiga xïïxi ïr gubuakami ïgai dai sai adaama gatïanïi ïgai. Podukai mamaaxidi ïgai ïpï sai Suxi Kristo ix makïdï ïr Diuxi dasadï Gïr Nukadakami ka bhïiyi agai sïïrhikamigadï. Ka bubaitu ïgai go diabora tïbagiañdïrï di. Go diabora tudu ïgai dai mïï kïakana Diuxi buitapi dai mai dagitokai gïpiïrï gïr bupaiña. Gïpiïrï bupaiña buaboitudadami tudu.

Apokalipsis 21:7

—Daiñi, maakimu aanï ixtumaxi kïï namïakami xorai maitiagi go soimaaxkami. Maakimu aanï oigaragai xi aanï kïïgakïrï ïr Diuxigadïkana dai xi ïgai ïr gin maamarakana tudu.

Apokalipsis 22:3

Ami go gïï kiikiïrï mai tipukamu tomarhi ïmo ixtumaxi ix makïdï bia gïgïbidaragai abhana. Dai ami kïakamu go gïï daikarui xako darakatai gatïanïi Diuxi ïmadï go Arhi Kañiru tïgidukïdï. Dai ami go buaboitudadami xadutuadamu Diuxi

Apokalipsis 7:15

—Kaxkïdï xibi Diuxi daikarudï buidïrï daraka gobai kïïga buaboidaitai. Dai ami Diuxi kiidïrï mai dagitokai xadutudai ïgai Diuxi modukai tasïrï dai tukarï. Dai Diuxi kïïga nukadakamu ïgai.