Apokalipsis 2:3 - Northern Tepehuan Bible

³ Maatï aanï sai apia buaboitudai aapimï tomaxi soimaaxi taatamaiña aapimï dai sai mai ojodatai aatabuayi aapimï gin bïïtarï.

Tepehuan Northern: Diuusi ñiooquidʌ utuducami oodamicʌdʌ

³ Dai aliʌsi soimaasi taatamai aapimʌ giñvaavoitudaitai dʌmos vʌʌscʌrʌ maioojodaitai ivueeyi aapimʌ giñaa duiñdaga.

Apokalipsis 2:3 Iomraidhean Croise

Markos 15:21

Kaiyañdïrï iimïi ïgai tai ayi ïmo kïïrhi Sireniañdïrï oidakami, Ximuñi tïgidukami. Alejandro ïmadï Rufo ogadï ïgai. Oidigañdïrï imïi ïgai tai go sandadaru gubukadakïdï gatïjai sai kusubaka ïgai go kuruxi.

Lukas 14:27

—Gï agai ïgai xi gin ïpïan buadagi dai bhai aagagi xi soimaaxi taatagi dai asta xi gï muatudagi ïgai gin oiditai. Gï agai xi bhai aagagi ïgai xi asta xixatudagi ïgai ïmo kuruxiana in oiditai tudu. Ïma dukai mai bhaiga ïgai xi ïr gin mamaatïrdamigakagi ïgai— itïtïdai.

Lukas 18:1

Ïmo imidagai go Suxi maa ïmo ñoki mamaatïrdamigadï. Ïmo maaxidaragai aatagikïdï aagidi ïgai sai mai ojodatai daanïda ïgai Diuxi.

Lukas 21:19

Soimaaxi gïn taatamituldamu jaa tudu dïï aapimï abïr gïn kabakada go soi ïrhiaragai buidïrï dai kïïgakïrï bubuakimu aapimï— itïtïdai.

Lukas 5:5

Daidi Ximuñi potïtïdai aidï, —Aapi tïanïdami, ka ïmo tukagi gïr aaga aatïmï dai mai bubaitu tomarhi ïmoko. Dïï gia ix aapi pokaiti di, bïïxkïrï gï ïïgiadamu aatïmï— itïtïdai.

Lukas 8:15

Dïï gia ix makïdï kïïgadukami dïbïriïrï surhi ïgai gia ïpïan dukami odami ix makïdï kïïgadu iibhïadï dai kïïga ïïgida kaïkana Diuxi ñokidï. Ïgai abhana gia aatabuayi Diuxi dai ibuayi naana maaxi kïkïïgadukami ïgaikïdï mos apia buaboitudaitai ïgai— itïtïdai Suxi mamaatïrdamigadï.

VUAANA 15:21

Dai go gaa ix makïdï ïïgi tïgibudadï adaimïi gïn kïïdada agai gin urabakatai aapimï. Mai maatï ïgai Diuxi ix makïdï gin otoi bhaigobai kaxkïdï gïn kïïdada agai ïgai— itïtïdai.

Romanos 12:12

Aapimï bia ïmo gïdukami bhai ïrhiaraga ix makïdï Diuxi bhai dasakami bia aapimï gïn bïïtarï. Kaxkïdï abïr bhai gïn ïrhiada xibi nïnïraitai gobai. Maiti abïr gïn dagito aidï xi gïn maitiagi soi ïrhiaragai xïïxkadï soimaaxi taatakagi aapimï. Abïr mai dagitokai aatagada Diuxi ïmadï bhaiyoma.

Romanos 16:12

Diuxkïdï abïr biatulda Trifena dai Trifosa ix makïdï ïr aatabuadami Suxi Kristo aaduindadïrï ïpï, dai gïr sukurhi Perside ïpï. Kïïga oigïdai aatïmï ïgai. Kabami aatabuadana ïgai Suxi Kristo bïïtarï.

Romanos 2:7

Diuxi maakimu ïmo gïdukami xadutudaragai abhana go odami ix makïdï mai ojodatai adaimïi ixtumaxi ïr kïïga, ix makïdï gaagai podukai ïmo kïïgakïrï oidakaragai Diuxi ïmadï bïïxkïrï bïïtarï tudu, dai ix makïdï ipïrhidi ïpï sai Diuxi kïïgakïrï nïïjadagi. Ïgai gia Diuxi maaki agai gubukarhigai xi tomarhi ïmo imidagai mai ugitïna dai xi kïïgakïrï oidakana Diuxi ïmadï.

Romanos 8:25

Maiti gïr ayi kia gobai ix makïdï nïnïraka aatïmï tudu dai kaxkïdï tomaxi tïbïpidagi gobai apia nïnïraka aatïmï kia.

1 Korintios 13:7

Ïgai apia oigïdai jaa tomax buidadagi dai apia buaboituda ïrhidi jaa ïpï nïnïrakatai ix kïï buadagi. Odami ix makïdï kïïga oigïdai jaa mos apia kapatudaiña ïïgi iibhïadï dai mai daadagitoiña ix maitiagi soi ïrhiaragai tomax daibuñagi.

1 Korintios 16:16

Sïïrhikïdï gï agai aapimï tudu xi ïïgiadagi ïgai dai podukai ïpï bïïxkatai ix makïdï kabami gïn aagaitai ibuayi Diuxi aaduindadï ix dukai ibuayi ïgai.

2 Korintios 10:15

Daiñi, kaxi gïn aagidi aanï sai aatïmï mai pokaitiña sai bia aatïmï oigaragai ix gatïanïdagi maigobioma xi xako gïr maa oigaragai Diuxi ix gaatabuadagi aatïmï. Dai kïïga ibuayi aatïmï gïr aaduindaga tudu dïï mai xu xi ipïrhiditai ix kïï tutuigakami gïr aagagi ïïgi aatïmï. Bhaiyoma gïn soikïda rïrhidi aatïmï sai kïïga kabakan imïna gïn buaboidaraga. Podukai gia gïr soiña antaada aapimï sai mïkaxioma aituldana aatïmï go bhai ïrhiaragai aatagi jaa óídakami saagida tudu.

2 Korintios 11:23

Go ix makïdï gin bui ñokaiña gïn aagidiña sai kïïga aatabuadana ïgai Suxi Kristo bïïtarï ïpï. Dïï gia, daiñi, kïïga maatï aanï sai ïmo buirudagai dukai ikaidaga ixtumaxi gin aagida iñagai xibi dïï bïïxkïrï ïr buaboi sai aanï bamioma kïïga aatadui Suxi bïïtarï ix bhai ïgai. Kabamioma gaatabuadana aanï ix bhai ïgai tudu. Muiyoma imidagai gin maixatu aanï ibuadatai aanï Suxi aaduindadï dai muiyoma imidagai gin gïïgïtu aanï ïpï. Mai bhaiga aanï xi gin tïgitoagi xïïki imidagai gin gïïgïtu aanï tudu. Dai mui imidagai bhaitoma muu aanï ibuadatai aaduindadï Suxi ïpï.

2 Korintios 4:1

Xigian kaiti go utudui sïïrhikami tudu dai Diuxi kïï tuiga dai gïr maa oigaragai ix gatïtïïgiadagi aatïmï gobai aipakoga. Kaxkïdï mai ojodatai gatïtïïgidi aatïmï ñoki

2 Korintios 4:16

Sïïrhikïdï kïï tuiga Diuxi gïn bïïtarï tudu daidi ibuayi naana maaxi gïn bïïtarï ipïrhiditai ix oijadagi aapimï ixtumaxi ïr buaboi. Kaxkïdï apia gatïtïïgidimi aatïmï go bhai ïrhiaragai aatagi tomaxi soimaaxi taatamai aatïmï dai maiti gïr daadagitoi xi gïr maitiagi go soi ïrhiaragai toma xïïxi kabami soimaaxi taatamai aatïmï. Apia gatïtïïgidi aatïmï go bhai ïrhiaragai aatagi aipakoga tomaxi bïïx tasai bamioma ugitimi gïr tukuga tudu dïï gia bïïxkïrï bïïx tasai bamioma utudutuimi gïr iibhïdaga.

2 Korintios 5:9

Dai kaxkïdï tomax xako darakagi aatïmï xi tïbagiana xi tami oidigi daama ïpï tomax dukai ipïrhidi aatïmï xi ibuadagi ixtumaxi bhai ïrhidi Suxi, maatïkatai sai ïmadï daraka ragai.

2 Korintios 6:5

Ïïmo imidagai gïr gïikarsaiña jaa dai ïïmo imidagai gïr maamaixapaiña ïpï. Ïïmapïkïrï gïr bupui surhigïiña mui óídakami dai gïr iñakidiña gïr kïïdaitai. Sïïrhikïdï biakana aatïmï xi kabami aatabuadagi dai mui tukagi mai kokosïiña aatïmï dai taatamaiña bhiugigai ïpï.

Galatas 6:2

Xïïxkadï bïïtïkan taadakagi ix tumaxi ïmadutai gïn aaduñi bïïtarï abïr soikïda. Podukai kïïgakïrï ibuadamu aapimï ixtumaxi gïr tïjai Suxi Kristo.

Galatas 6:9

Kaxkïdï gï agai xi apia ïïgiadagi aatïmï Diuxi Ibhïadï dai kïïga ibuadagi. Maiti gï agai xi ojoadagi aatïmï gobai tudu. Kaxkïdï tudu gï maatï sai ayimu ixtuigako yoobamu aatïmï ixtumaxi kïïgadukami ix apia kïïga ibuadagi aatïmï.

Filipenses 4:3

Dai aapi kïïrhi ix makïdï kïïgakïrï gin soikïiña aaduindagïrï, aapi kïï maatï xorai aapi. Ipïrhidi aanï sai soiñana aapi go Eubodia ïmadï go Síntike sai gïn oigïdada ïgai ïpamu. Ïgai bïï gokatai ïr maamaradï Diuxi tudu dai gin ïmadï gaatabuadaiña ïpï aipakoga gaaiturhitai go bhai ïrhiaragai aatagi. Uurapïkïiña ïgai go Klemente ïmadï go gaa buaboitudadami ïpï ix makïdï gin soikïiña. Ga soikïiña ix makïdï tïtiaradï ojixi go libroana xako ojixi ix makïdï bïïxkïrï bïïtarï óídaka agai. Ipïrhidi aanï sai aapi kïïrhi soiñana sai bhai buada ïgai ñoki tudu saidi gïn oigïdada ïgai ïpamu.

Kolosenses 1:11

Daanïiña aatïmï Diuxi ix makïdï kabami gubuka kïï gïdukatai ïgai tudu. Daanïi aatïmï Diuxi sai gin maakana gubukarhigadï. Podukai bhaigakamu aapimï xi mai ojodatai buidïrï gukiba go soimaaxi. Ipïrhidi aatïmï sai kïïga bhai ïrhiarakïdï

1Tesalonicenses 2:9

Kïïga gïn tïgito aapimï ïrhi aanï xïï kabami aatadui aatïmï gïn ïmadï darakatai. Ga aatabuadana aatïmï tasïrï dai modukai tukarï sai biakana aatïmï ixtukïdï óídakagi dai mai xu ix aapimïañdïrï bui ixtumaxi gïn aagiditai go aatagi. Maiti ipïrhiditadai aatïmï ix soi gïn buadagi aapimï gïr maakaitai soiñi kaxkïdï.

1Tesalonicenses 5:12

Gïr susukurhi, sïïrhikïdï gï agai ix namïakami dukai nïijada aapimï gïn bhaitï gukakamiga ix makïdï kabami aatabuayi gïn soikïitai. Gïn mamaatïtuldiadami ïgai tudu dai gïn maakai ïgai ñoki sai mai soimaaxi ibuadagi aapimï.

2 Tesalonicenses 3:13

Dai aapimï ix makïdï gia kïïga aatabuayi abïr mai ojodada gïn aaduindagai dai bhaiyoma abïr apia oijada dai ibuada ixtumaxi ïr soiñi.

2 Tesalonicenses 3:5

Daanïi aatïmï Diuxi sai gïn soiñana sai bïïx tasai bamioma maatïkana aapimï xïï kïïga gïr oigïdai ïgai. Dai sai ix dukai kabakami dukai kïakana Suxi aidïxi soimaaxi taata ïgai sai podukai kabakami gukana aapimï ïpï.

2 Tesalonicenses 3:8

Dai bhaiyoma bïïxkïrï aa namïidiña aatïmï xorai gïr maakiagi kuadagai. Tomarhi mai biakana aatïmï ibhïxtaragai bhaitoma kabami gaatabuadatai sai maiti gï aagadagi aapimï ix gïr maakiagi ixtukïdï óídakagi. Maiti ipïrhiditadai aatïmï ix soi gïn buadagi aapimï di.

1 Tomoteo 4:10

Aanï ïmadï aapi Timoteo kïïgakïrï ïr buaboidadami Diuxi ix makïdï tomarhi ïmo imidagai mai muki agai dai ix makïdï bhai dui kïïgakïrï bubaidaragai bïïxi óídakami bïïtarï. Dïï gia tomaxi bhai dui ïgai bïïxi óídakami bïïtarï mosïkaxi ix makïdï buaboitudagi kïïgakïrï bubuaki agai. Kaxkïdï kabami gaatabuadana aatïmï soiña ïrhiditai óídakami sai buaboitudaiña.

1 Tomoteo 5:17

Gï agai xi kïïga xadutuadagi dai aa namïidadagi go buaboitudadami bhaitï gukamigadï ix makïdï kïïga ibuayi aaduindadï dai kïïgioma ix makïdï gamaakai ñoki dai gatïtïïgidi aatagi.

Hebreos 10:36

Gï agai xi gïn gubukadadagi aapimï tudu saidi apia ibuada aapimï ixtumaxi Diuxi ipïrhidi. Podukai bhïimu aapimï bïïxi ixtumaxi ix makïdï gïr aagidi Diuxi sai gïr maaki agai.

Hebreos 12:1

Gin aaduñi Diuxi amadïrï, kaxi gïn aagidi aanï sai muidukana go óídakami ix makïdï kïïga buaboitudai Diuxi ïïki abhiadïrï. Gïr xikorhi gukakan duu ïgai gïr aagiditai sai mai ugutai buaboitudada aatïmï Diuxi tudu. Kaxkïdï ïpï tï tai aatïmï kabami gïr aga dai kïïga buaboitudaitai óídaka ïpï. Tï kabami gïr aga ïpïan dukai ïmo mïmïradami ix makïdï maigobai dadasai bïïxi ixtumaxi sobhikïdagi ix mïradagi ïgai. Tï maigobai dasa bïïxi ixtumaxi gïr sobhikïdagi saidi kïïga buaboidaitai óídakagi aatïmï tudu. Tï gajiadïrï bia bïïxi go soimaaxkami ix makïdï dudatai gïr sobhikïi. Gï agai tudu xi mai ojodatai oijadagi aatïmï go oidakaragai ix makïdï gïr maa Diuxi.

Hebreos 13:13

Go óídakami soi dukai nïidiña go Suxi tudu dai kaxkïdï soi buididi podukai maigobai busaidakai go kiikiañdïrï. Kaxkïdï tï tai ïpïan dukai soimaaxi taata Suxi soi dukai gïr nïiditai jaa urabakatai aatïmï Suxi. Tï oijada Suxi tomaxi maigobai ïkobai gïr bubiadan duñagi óídakami soi dukai gïr nïiditai.

Hebreos 6:10

Kaxkïdï tudu Diuxi bïïxkïrï sïïrhi ibuayi. Dai ïgai kïïga gï tïgitoka agai xïï kabami gaatabuadana aapimï Diuxi bïïtarï dai xïï kïïga soikïi aapimï go gaa buaboitudadami ïpï. Xibi ukami kia pomaaxi ibuayi aapimï tudu dai gobai ïr ïmo maaxidaragai sai kïïga oigïdai aapimï Diuxi. Bïïxi gobai gï tïgitokamu Diuxi tudu daidi gïn maakimu go bhai ïrhiaragai ix makïdï ïr sïïrhi gïn bïïtarï kïïga ibuadatai aapimï.

Hebreos 6:12

Kïïga maatï aapimï sai bia aapimï ïmo kïïgadukami nïnïraragai tudu. Dai kaxkïdï mai paparugakamu aapimï maatïkatai gobai. Dai bhaiyoma kabami gïn aagamu aapimï ïpïan dukai jaa ix makïdï kïïga buaboitudai ïpï. Kïïga gïn kapatudai ïgai go soimaaxi buidïrï tudu. Podukai ibuayi ïgai bhïiya ïrhiditai ixtumaxi Diuxi ka aagai sai gïr maaki agai. Dai podukai abïr ibuada aapimï ïpï.

Hebreos 6:15

Dai tomaxi tïbïpi nïnïra go Abraam bïïxkïrï apia buaboitudaiña ïgai ixtumaxi aagidi Diuxi. Daidi gokiïrï bhïiyi ïgai ixtumaxi nïnïrakatadai ïgai. Diuxi idui ixtumaxi aagiditadai ïgai tudu.

2 Pedro 1:6

Dai bhodïrï gï agai sai maatiagi aapimï ixdukatai gïn nukadakagi ïpï sai maiti ibuada aapimï soimaaxkami ix makïdï gïn tanïdagi ïïgi gïn tïgibudaga. Dai bhodïrï gï agai sai apia buaboitudada aapimï ïpï xïïxkadï soimaaxi taatamadagi aapimï. Dai gï agai ïpï sai ïïgiada aapimï Diuxi bïïxi aïkatïrï ixtumaxi ibuadagi aapimï.

Apokalipsis 1:9

Gin aaduñi, kïï maatï aanï sai soimaaxi gïn taatamiturhiña jaa bïïna darakatai aapimï Suxi Kristo dai aanï ïpï taataiña xi soimaaxi gin taatamiturhi jaa bïïna dakatai aanï Suxi Kristo ïpï. Ïmo xïgïmï aatïmï tudu soimaaxi gïr taatamiturhitai jaa aatïmï bïïxkatai. Dïï gia ïmaduga Gïr Nukadakami dai ïgai ïr Suxi Kristo. Dai bïïna darakatai aatïmï ïgai buyiña aatïmï gubukarhigai ixtukïdï gïr kabakadagi go soi ïrhiaragai bui. Gïn aagidamu aanï ix dukatai gin daibusai ïmo imidagai tumiñoko. Ïmo arhi oidigana dajatadai aanï aidï ix makïdï go gïï sudagi ïrana kaatï. Patmos tïgidu go arhi oidigi ïgai. Ami gin maixatutadai jaa aagaitai aanï Diuxi ñokidï dai aagaitai Suxi Kristo. Ami dajatadai aanï tudu dai ïmo imidagai gin tïanïitadai Diuxi Ibhïadï dai aanï kïïga ïïgidimi bai todian dukai ïgai gubukadadïkïdï kaï aanï ix gïgïrï ño ïmoko gin gokiañdïrï. Po ïrhiadan kaiti trompeta.

Apokalipsis 3:10

Kaxi gïn aagidi aanï mïsai gïn kabakadana xïïxkadï soimaaxi taatagi dai kïïga gin ïïgidi aapimï. Kïïga gïn kabakadai aapimï tudu. Dai kaxkïdï gïn nukadakamu aanï xi maiti gïn aiyagi ix soimaaxi taatagi xïïxkadï kabami soimaaxi taatagi bïïxi go gaa óídakami. Ayimu tudu ixtuigako soimaaxi taatamitulda iñagai bïïxi óídakami nïidana sa bhai mai ïma dukai gïn tïtïgitona ïgai. Dïï aapimï maiti gïn ayimu gobai gïn nukadatai aanï.