Apokalipsis 2:28 - Northern Tepehuan Bible

²⁸ Maitïmu ïgai go soimaaxi tudu. Dai maakimu aanï go xabugai ix makïdï busakïi ïïki kiamoko ïpï ïmo maaxidaragai dukai sai kaxi gamaitï ïgai soimaaxi bui.

Tepehuan Northern: Diuusi ñiooquidʌ utuducami oodamicʌdʌ

²⁸ Dai vaidacamu aanʌ ʌgai tʌvaagiamu sai aanʌ giñʌʌmadu oidacana tomastuigaco. Aanʌ ʌrʌpan ducami ʌgʌʌ siaavugai ismaacʌdʌ ʌʌquiamoco vusacʌi.

Apokalipsis 2:28 Iomraidhean Croise

2 Pedro 1:19

Bïïxi gobai ka ïïki abhiadïrï ka aagaiña go ñiñokituldiadamigadï Diuxi tudu dai xibi ka nïidi aatïmï dai kaï aatïmï bïïxi gobai. Dai kaxkïdï xibi asta bamioma kïïga buaboitudai aatïmï go ñoki ix makïdï aagaiña go ñiñokituldiadamigadï Diuxi ïïki. Dai kaxkïdï ïpï gï agai aapimï ix kïïga gïn tïgito kaïkagi ix kaiti ojadï ïgai ïpï. Ïgai ojadï soikïi odami sai maatiagi ixtumaxi ïr buaboi tudu. Ïpïan dukami gobai ïmo kudakarui ix makïdï kïïga maaxtudai xako tukamugakagi. Gobai kudidi tïgibudadï odami ix makïdï tukamugan duu tudu. Dai apia kudaidakamu gobai asta xïïxkadï ïpamu dibiagi Suxi Kristo. Ïmo xarhigai dukaikamu gobai gïn iibhïdaga bïïtarï aidï xïïxkadï dibiagi ïgai. Amaxi ka ugitimu go tukamudagai tudu.

1 Juan 3:2

Gin aaduñi, kaxi ïr maamaradï aatïmï Diuxi xibi. Dïï gia maiti gïr tïtïïgidi Diuxi kia ix maaxka ragai aatïmï xïïxkadï dibiagi Suxi Kristo. Dïï gia kïïga maatï aatïmï sai xïïxkadï dibiagi Suxi Kristo kïïga nïijadamu aatïmï dai maatïkamu ix maaxi ïgai. Dai mos nïiditai aatïmï ix maaxi ïgai aidï gia ka ïpïan mamaaxkamu aatïmï ïgai.

Apokalipsis 22:16

Daidi Suxi Kristo in tïtïdai, —Aanï Suxi Kristo ïgai dai otoi ïmo tïañikarudï Diuxi sai aituldana idi ñoki bïïxi buaboitudadami aipakoga gïn ïmpaidadami. Aanï ïr pipiixaradï go rey Dabidkaru dai aanï bhïiyi sïïrhikamigadï. Aanï ïr ïpïandukami go gïï xabugai ix makïdï tïbïpioma kudakana kiamoko. Gïdioma aanï xi toma xorai tudu— in tïtïdai Suxi.