Apokalipsis 19:6 - Northern Tepehuan Bible

⁶ Dai bhodïrï kaï aanï ïpï ïmo ñoki dai ïpïan kaiti xi xixiokadan kaitiadagi mui odami. Ïpïan kaititadai ïpï xïxkadï gïï mïradagi sudagi. Gïgïrï kobondan duu kaiti gobai ïpï. Daidi ikaiti gobai, —Gia gï agai sai aagadagi aatïmï sai ïr gïdukami gïr Diuxiga. Kïïga gatïanïi ïgai tudu Gïr Nukadakamikatai ïgai dai Adaama Gubuakïdïkatai— ikaiti.

Tepehuan Northern: Diuusi ñiooquidʌ utuducami oodamicʌdʌ

⁶ Dai cai aanʌ ʌʌpʌ ʌmo ñiooqui vai ʌpan caiti siʌʌscadʌ ñioocadagi mui oodami dai ʌpan caiti mui ajaaqui dai ʌpan caiti siʌʌscadʌ cavami copondagi dai pocaiti: Aliʌsi gʌaagai iscʌʌga ñioocadagi Diuusi vui. Diuusi gʌrbaitʌcʌaacamiga sʌʌlicʌdʌ viaa guvucadagai. Dai ʌgai tomasiaacoga gatʌaanʌi cascʌdʌ aliʌsi gʌaagai iscʌʌga ñioocadagi ʌgai vui.

Apokalipsis 19:6 Iomraidhean Croise

Mataibo 6:13

Gïr soiñañi sai mai ïïgiada aatïmï soimaaxi tïgibudagai. Dai gïr soiñañi xïïxkadï gïr abïnakiadagi go diabora sai soimaaxi ibuada aatïmï ïpï— Podukai aagidi Suxi go mamaatïrdamigadï sai podukai daanïda ïgai Diuxi.

Apokalipsis 1:15

Dai ïïkasodï ïpïamaaxkana baiñomi xïxkadï kabami gï toñitudagi gobai taiyïrï. Dai gïgïrï ñokai ïgai. Kïï gubuakan kaiti ñokidï ïpïan dukai xïïxkadï gïï daibuñagi sudagi akiana.

Apokalipsis 1:8

Dai Diuxi Gïr Nukadakami ix makïdï bïïxi adaama gubuka ikaiti sai, —Aanï Diuxi ïgai dai bïïxi aïkatïrï gatïanïiña aanï tukamidïrï abhiadïrï dai apia gatïanïdamu aanï kia xïïxkadï ugitiagi oidigi. Aanï ka ïkioñdïrï oidakatadai mai kia idunakai go oidigi tudu dai mai ugidamu aanï tomarhi ïmo imidagai— ikaiti Diuxi.

Apokalipsis 12:10

Daidi bhodïrï kaï aanï ïmoko ix makïdï gïgïrï iñakimitadai tïbagiana daidi ikaiti, —Xibi gia ka kïïgakïrï bubuaka Diuxi maamaradï. Ka busaitu Diuxi go diabora tïbagiañdïrï tudu dai ka mai bia ïgai oigaragai xi ami aiyagi xako daja Diuxi. Podukai mamaaxidi gïr Diuxiga xïïxi ïr gubuakami ïgai dai sai adaama gatïanïi ïgai. Podukai mamaaxidi ïgai ïpï sai Suxi Kristo ix makïdï ïr Diuxi dasadï Gïr Nukadakami ka bhïiyi agai sïïrhikamigadï. Ka bubaitu ïgai go diabora tïbagiañdïrï di. Go diabora tudu ïgai dai mïï kïakana Diuxi buitapi dai mai dagitokai gïpiïrï gïr bupaiña. Gïpiïrï bupaiña buaboitudadami tudu.

Apokalipsis 14:2

Daidi kaï aanï xi tïbagiañdïrï ño ixtumaxi dai ïpïan kaiti xïxkadï gïï mïradagi sudagi dai kobondan kaiti go ñoki ïpï. Kïï xigian kaiti ïpïan kaiti xïïxkadï mui odami gaiibadagi arpa.

Apokalipsis 19:1

Dai gokiïrï kaï aanï xi gïgïrï ñokai sïïrhikïdï mui tïbagiïrï óídakami daidi ikaitimi, Aa gia gï agai xi aagadagi aatïmï xi ïr gïdukami gïr Diuxiga. Ïgai tudu ïr kïïgakïrï bubiadamigadï óídakami dai ïgai adaama ïr gïdukïdï dai adaama ïr gubuakïdï.

Apokalipsis 19:4

Dai go ïmokobhai dan maakoba bhaitï gukakami ïmadï go maakoba duduakakami ixtumaxi totonakïdï gukatadai buidïrï mïï xako daja Diuxi go gïï daikaruana daidi ikaiti ïgai, —Ïjï— ikaiti. —Buaboi gobai— ikaiti. —Gia gï agai xi aagadagi aatïmï sai gia ïr gïdukami gïr Diuxiga— ikaiti xadutudaitai Diuxi.

Apokalipsis 21:22

Dai ami go gïï kiikiïrï mai tïï aanï tomarhi ïmo kiupai. Ka mai biïga gobai tudu ami dakatai Diuxi Gïr Nukadakami ix makïdï bïïxi adaama ïr gubuakïdï dai ami dakatai go Arhi Kañiru tïgidukïdï ïpï.

Apokalipsis 4:5

Dai abhai go gïdukïdï daikaruañdïrï pïpïdokïi dai kobonïi. Dai go daikarui buitapi kïakatadai Diuxi Ibhïadï dai ïgai kubarakami kukudakarui maaxi.

Apokalipsis 6:1

Dai bhodïrï nïidi aanï ïgai ix makïdï Arhi Kañiru tïgidu ix murhi dai upai ïmoko go seyo ixtukïdï kuupidi go libro. Dai kaï aanï ix kabami ño ïmadutai go maakoba duduakakami ixtumaxi. Ïpïan kaiti ïgai kobondami dai ñokidi ïgai ïmoko ix makïdï aanï mai kia nïiditadai daidi potïtïdai, —Gimi— itïtïdai.

Apokalipsis 8:5

Daidi go Diuxi tïañikarudï bhïiyi go oro asokorhi dai sudagi tutuparhi toñikami abhai daxdakaruañdïrï. Dai surhi ïgai oidigi daama bai koboñimi oidigi dai pïpïdokïi dai gigiburhi ïpï.