Apokalipsis 19:10 - Northern Tepehuan Bible

¹⁰ Pobai in tïtïdai ïgai antai totonakïdï kïkiba ïkasodï sonoana xadutuda iñagaitai Diuxi dukai. Dïï mos ïgai pobai in tïtïdai aidï, —Maiti pobuada. Aanï ïpï mos ïr pioñigadï Diuxi ïpïan dukai aapi ïmadï bïïxi go gaa ix makïdï aipakoga aagaiña Suxi Kristo ñokidï. Daiñi, Diuxi ñokituldiadamigadï aatïmï tudu xïïxkadï aagagi aatïmï Suxi Kristo ñokidï. Kaxkïdï gï agai xi mosïkaxi Diuxi xadutuada aatïmï dai maiti gï agai xi Diuxi dukai gin nïijada aapi— in tïtïdai ïgai.

Tepehuan Northern: Diuusi ñiooquidʌ utuducami oodamicʌdʌ

¹⁰ Antai aanʌ giñtootonacʌdʌ cʌquiva ʌDiuusi tʌaañicarudʌ vuidʌrʌ dai siaa duutudaiña agaitadai aanʌ. Dʌmos ʌgai povaiñtʌtʌdai: ―Maiti pomaasi iñvuiidiada aapi. Aanʌ gia mosʌrDiuusi piooñigadʌ ʌpan duucai aapi ʌʌmadu gʌaaduñi ismaacʌdʌ apiacʌʌga gaaagidi Suusi ñiooquidʌ. Siaa iduutuda aapi Diuusi. Sioorʌ gaaagidi Suusi ñiooquidʌ ʌgai vaa ʌrDiuusi ñiñiooquituldiadamigadʌ ―iñtʌtʌdai ʌDiuusi tʌaañicarudʌ.

Apokalipsis 19:10 Iomraidhean Croise

Mataibo 4:10

Daidi Suxi potïtïdai, —Imïdañi tabhiadïrï aapi diabora— itïtïdai. —Diuxi ojadï ikaiti sai, Mosïkaxi Diuxi Gïr Nukadakami buidïrï gï agai xi oigïda ñokada aatïmï dai xadutuada podukai— itïtïdai.

Markos 5:22

Tai amaxi ami dibia ïmo kïïrhi Jairo tïgidukami. Ïgai ïr gubukadagai biakami ïmo kiupaigadïrï judidiu. Dai mos tïïgakai ïgai go Suxi gï totonakïdï kïïkiba go Suxi ïïkasodï abhana.

Markos 7:25

Dai mos aïkai go Suxi tai ïmo oki kajioma dai ami dibia dai totonakïdï kïïkiba sonoana Suxi ïïkasodï. Dïïdï ïgai ïmo arhi tïji ix makïdï bia ïmo Diabora tïañikarudï.

Lukas 1:19

Daidi go Tïañikarudï Diuxi potïtïdai, —Aanï ïgai daidi Gabriel tïgidu. Aanï ïgai tudu dai Diuxi buitapi kïakana dai ïgai gin otoi ansai gï aituldana idi bhai ïrhiaragai ñoki. Sai gï aagidana aanï sai marata agai gï aduñi tudu.

Lukas 24:44

Dai bhodïrï soi Suxi tïgibudadï go mamaatïrdamigadï sai maatï kaïkana ïgai Diuxi ñokidï. Daidi potïtïdai ïgai, —Gïn tïgitobïrai aidïxi gïn aagidiña aanï sai bïïxi gï agaitadai xi po gï duñagi ix dukatai ojixi go Moises ojadïrï dai go Salmo librogadïrï dai go ojadïrï bïïxi go ñiñokituldiadamigadï Diuxi.

VUAANA 5:39

Daiñi, kïïga nïnïidiña aapimï Diuxi ñokidï pobïn ïrhiditai sai ami tïigimu aapimï ix dukatai kïïgakïrï oidakagi bïïxkïrï bïïtarï. Diuxi ñokidïrï kïïga aagai sai aanï ïr Diuxi Maradï. Kaxkïdï gï agaitadai ix kïïga gin buaboitudagi aapimï.

Hechos 10:43

Kaxi ïkioñdïrï abhiadïrï bïïxkatai ïgai ix makïdï ïr ñokituldiadamigadїkatadai Diuxi kaxi aagaiña go Suxi. Ïgai aagaiña sai Suxi gubukadadïkïdï oigïrhixikami bipiïyiña bïïxi soimaaxkamigadï odami ix makïdï buaboitudagi go Suxi— itïtïdai Piduru.

Hechos 13:27

Daiñi, go Jerusalenïrï óídakami ïmadï go bhaitï gukakami mai máí go Suxi xi ïr kïïgakïrï bubiadami. Mos ïkarhiïrï kaïkana ïgai ojadï go aagadami Diuxi ñokidï ibhïxtaragai tasïrï bapakïkai ïgai judidiu kiupaigadïrï. Dai tomaxi go ojai ïkiaxdïrï agaitadai go Suxi, go odami tomax dukai mai maatï kaï dai gatïjai muaragai. Dai podukai ka buaboi busai ixdukatai ojixi saidi gï muatuda agaitadai go Suxi.

2 Korintios 8:7

Daiñi, aapimï kïï bhai maaxi ibuayi mui naana maaxi ixtumaxiïrï, dukami kïïga buaboitudai aapimï, dai kïïga saitudaga gïn tïgibudaga dai kïïga gatïtïïgidi aapimï ñoki. Bïïxi gïn bhai ïrhiarakïdï ibuayi aapimï ixtumaxi, dai kïïga gïr oigïdai aapimï. Bïïxi gobiïrï kïïga ibuayi aapimï tudu. Mosïkaxi biïga ix pokaxi kïïga ibuadagi aapimï gaïmapaiditai soiñi gïr aaduñi soititigami bïïtarï dai ix bïïxi gïn bhai ïrhiarakïdï gamaakadagi aapimï ïpï.

Efesios 5:15

Kaxkïdï abïr kïïga gïn tïgito nïida mïx dukatai óídaga. Maiti abïr ïpïan dukai óídaka pupuirugami ix makïdï mai maatï tomarhi ïmo ixtumaxi tudu. Bhaiyoma abïr óídaka kïïga sïïrhiñikami biakatai gïn tïgibudaga.

Efesios 5:33

Dïï go ñoki mai xu mosïkaxi aagadankaiti Suxi Kristo ïmadï aatïmï buaboitudadami. Aagadankaiti gobai aapimï kïkïïrhi ïpï dai gïr maatïturhi gobai sai gï agai xi oigïada aapimï gïn oñiga ïpïan dukai xi gïn oigïdai ïïgi aapimï. Dai podukai aapimï oki ïpï gï agai xi xadutuadagi gïn kukuna ïpï.

Filipenses 3:3

Dïï gia aatïmï ix makïdï kïïgakïrï xadutudai Diuxi gubukarhigadïkïdï Diuxi Ibhïadï, aatïmï gia kïïgakïrï ïr maamaradï Diuxi. Aatïmï tudu ix makïdï gïïpi bia bhai ïrhiaragai bïïna darakatai aatïmï Suxi Kristo. Aatïmï ix makïdï mai buaboitudai ixtumaxi ibuadagi aatïmï ïïgi gïr gubukarhigakïdï tudu.

1Tesalonicenses 5:15

Daidi abïr mai soi buidadagi xorai soi gïn buidadagi ïpï. Bhaiyoma abïr ibuada ixtumaxi ïr soiñikagi ïgai bïïtarï tomaxi maiti ïr buaboitudadamikagi ïgai ix ïr buaboitudadamikagi ïpï.

Hebreos 1:14

Go tïtïañikarudï Diuxi mos ïr pipioñigadï kaxkïdï. Dai Diuxi otosaiña ïgai sai soikïiña ïgai odami ix makïdï kïïgakïrï bubuaki agai. Sai soikïiña ïgai go buaboitudadami tudu.

Hebreos 12:25

Gin aaduñi, Diuxi gïn maakaimi ñoki xibi. Gïn nukadabïrai tudu, tadu maiti ipïrhiada aapimï xi ïïgiadagi. Tadu ïpïan dui aapimï go Israelitas aidïxi maiti ipïrhi xi ïïgiadagi Diuxi ïïki aidïxi tami oidigi daamïrï ño Diuxi. Diuxi gïgïbiturhi ïgai tudu mai ïïgiditai ïgai. Dai xibi tïbagiañdïrï gïn mamaakai ñoki Diuxi mai xu oidigi daamaiñdïrï dai kaxkïdï xïïxi bamioma gï agai xi ïïgidagi aapimï xibi. Tïbagiañdïrï ñokaitai ïgai tudu. Kaxkïdï xadïrï mai taatana aapimï gïgïbidaragai ix mai ïïgiadagi aapimï Diuxi tïbagiañdïrï ñokaitai ïgai xibi.

1 Juan 5:10

Dai bïïxi odami ix makïdï buaboitudai sai go Suxi ïr Diuxi Maradï, ïgai kïïga maatï saidi bïïxi ixtumaxi gïr aagidi Diuxi ïr buaboi aagaitai Suxi ïpï. Dïï gia odami ix makïdï mai buaboitudai yaatabogami aagai Diuxi. Mai buaboitudaitai ïgai ixtumaxi gïr aagidi Diuxi aagaitai Maradï tudu.

1 Juan 5:21

Gin aaduñi, kïïga gïn oigïdai aanï dai kaxkïdï gïn aagidimi aanï sai mai buaboitudada dai mai oijada aapimï tomarhi ïmo ïma maaxi ixtumaxi. Mosïkaxi Suxi Kristo abïr oijada dai buaboituda tudu. Ïgai buaboikïdï ïr Diuxi kaxkïdï. Mosïkaxi.

Apokalipsis 1:1

Aanï ïr Juan dai oja idi libro pioñigadïkatai aanï Diuxi. Idi libroïrï oja aanï ïmo ñoki ix makïdï tïtïgidi Diuxi go Suxi Kristo. Tïtïgidi ïgai ïmo ñoki aagaitai ix tuma otoma daibuña agai tudu saidi go Suxi utioma gatïtïïgidiña ïgai go buaboitudadami xi ïgai maatïkana ixtumaxi daibuña agai ïpï. Gobai ïr go ñoki ix makïdï oja aanï idi libroïrï. Suxi Kristo otoi ïmo tïañikarudï xi ïgai gin tïïgi go ñoki pioñigadïkatai aanï Suxi.

Apokalipsis 1:9

Gin aaduñi, kïï maatï aanï sai soimaaxi gïn taatamiturhiña jaa bïïna darakatai aapimï Suxi Kristo dai aanï ïpï taataiña xi soimaaxi gin taatamiturhi jaa bïïna dakatai aanï Suxi Kristo ïpï. Ïmo xïgïmï aatïmï tudu soimaaxi gïr taatamiturhitai jaa aatïmï bïïxkatai. Dïï gia ïmaduga Gïr Nukadakami dai ïgai ïr Suxi Kristo. Dai bïïna darakatai aatïmï ïgai buyiña aatïmï gubukarhigai ixtukïdï gïr kabakadagi go soi ïrhiaragai bui. Gïn aagidamu aanï ix dukatai gin daibusai ïmo imidagai tumiñoko. Ïmo arhi oidigana dajatadai aanï aidï ix makïdï go gïï sudagi ïrana kaatï. Patmos tïgidu go arhi oidigi ïgai. Ami gin maixatutadai jaa aagaitai aanï Diuxi ñokidï dai aagaitai Suxi Kristo. Ami dajatadai aanï tudu dai ïmo imidagai gin tïanïitadai Diuxi Ibhïadï dai aanï kïïga ïïgidimi bai todian dukai ïgai gubukadadïkïdï kaï aanï ix gïgïrï ño ïmoko gin gokiañdïrï. Po ïrhiadan kaiti trompeta.

Apokalipsis 12:11

Dai go buaboitudadami maitï go diabora mukukai go Arhi Kañiru agaikïdï dai aaxtakai ïgai ïradï ïmo daaxdaragai dukai. Ga maitï ïgai buaboidaitai go bhai ïrhiaragai aatagi. Gobai ïr ï galbaaxi aatagi ix makïdï bïïxi aipakoga aagaiña ïgai tudu. Dai mai buamï ïrhidiña ïgai tomaxi jaa kodaiña buaboidaradïkïdï.

Apokalipsis 12:17

Xi kaxkïdï bamioma bhamu go kooyi mai aïkai go oki dai jii dai kokoda agai maamaradï go oki. Maamaradï go oki ïr go odami ix makïdï ïïgidi Diuxi dai mai daadagitoi Suxi Kristo ñokidï. Ïgai buidïrï tudu kokoda agai go gïï kooyi.

Apokalipsis 14:7

Dai gïgïrï ñokimi aagaitai sai, —Xadutuadabïrai Diuxi mos ïï gïdukatai ïgai. Dai abïr aagada xïïxi ïr gïdukami ïpï. Karhioga ayi ix tuigako Diuxi maakiagai gïgïbidaragai soimaaxi ibuadami tudu. Dai kaxkïdï abïr oigïda ñokada Diuxi bui aagaitai xïï kïï tuiga. Ïgai tudu idui tïbagi dai oidigi dai go gïgïrï susudagi dai asta bïïxi go bapabiki xajadïrï busanïi go sudagi. Bïïxi aïkatai idui ïgai tudu kaxkïdï gï agai xi odami xadutuadagi ïgai— ikaitimi go Diuxi tïañikarudï.

Apokalipsis 15:4

Gïr Nukadakami, bïïxi óídakami xagïdutuadamu dai aagamu xïïxi ïr gïdukami aapi Mosïkaxi aapi ïkobai daja soimaaxkamiañdïrï tudu Dai bïïxi óídakami gï xadutuadamu, maaxitudakai aapi saidi ïr sïïrhi bïïxi ixtumaxi ibuadagi aapi— ikaiti nïidadï.

Apokalipsis 19:9

Dai go tïañikarudï Diuxi pobai in tïtïdai, —Ojañi aapi adukai, Diuxi ikaiti sai, —Gia bhai gïn ïrhidi bïïxkatai ïgai ix makïdï ïr bapaidarxikami kunataradïrï go Arhi Kañiru— —Gobai ïr ïmo Diuxiañdïrï imïdami ñoki tudu dai kïïga ïr buaboi. Gobai oja aapi— in tïtïdai go tïañikarudï Diuxi.

Apokalipsis 4:10

Daidi go ïmokobhai dan maakoba bhaitï gukakami tootonakïdï gukaiña buidïrï ïgai ix makïdï tomaxtuigako oidaga. Dai ami buidïrï darasaiña bïïxkatai ïgai kororonadï xadutudaitai daidi ikaitiña,