Apokalipsis 17:3 - Northern Tepehuan Bible

³ Daidi bhodïrï Diuxi Ibhïadï gin tïanïitadai dai gin tïtïgidi naana maaxi. Diuxi Ibhïadï gubukadadïkïdï gin baidaja ïmo Diuxi tïañikarudï oidigamu tudu dai gin tïtïgidi ixtumaxi ami. Dai gin tïtïgidi ïgai go oki xi daama daitugai ïmo gïï kïixi bïgikami ix makïdï sudagiañdïrï busaitadai. Dai ojixitadai mui tïtiaragai tukugadïana go kïixi. Dai go naana maaxi tïtiaragai ix makïdï ojixi tukugadïana ïr galnaaxi buirudagai ñoki Diuxi bïïtarï. Dai kubarakami momokana ïgai dai bhaibuxtamadu aagadï.

Tepehuan Northern: Diuusi ñiooquidʌ utuducami oodamicʌdʌ

³ Amaasi apiagiñtʌtʌʌgidi Diuusi Ibʌadʌ naana maasi istumaasi. Daidʌ Diuusi tʌaañicarudʌ oidigamu giñvaidacai dai ami tʌʌ aanʌ ʌmo ooqui ʌcʌisi vʌgicʌdʌ dan daitugai dai ʌcʌisi tuucugadʌrʌ oojisi mui ñiooqui ismaacʌdʌ parunai Diuusi dai cuvaracami moomo dai baivustaamadu aagadʌ.

Apokalipsis 17:3 Iomraidhean Croise

Mataibo 27:28

Dai upasai ïgai yukuxidï dai aadi jaa yukuxi moraduakami.

Hechos 8:39

Dai bubuakïkai ïgai sudagiañdïrï Diuxi Ibhïadï todian dukai baidakai go Pirhi. Daidi go dunukami ka mai tïï ïpamu. Bhodïrï go dunukami oi gï imidaga dai kïïga bhai gï ïrhiditai imïi boiyamu.

2 Tesalonicenses 2:4

Go kïïrhi ïgai gï dasamu ïïgi saidi ïr bhaitï kïakamigadïkana bïïxi óídakami dai asta ipïldamu ïgai ix odami Diuxi dukai nïijada ïgai. Dai asta daidamu ïgai odami ix Diuxi dukai xadutuadagi ïmai kaxkïdï tudu ipïldamu ïgai ix mosïkaxi ïgai gï xadutuadagi. Dai asta baakimu ïgai kiupaigadïrï Diuxi Jerusalenïrï dai parunadamu Diuxi. Ami daibamu ïgai dai pokaitadamu saidi ïgai ïr Diuxi.

Apokalipsis 12:14

Dïï gia Diuxi aanatu go oki ïmo gïï bhagai dukai dai daa ïgai dai daibuna jii oidigamu. Ami ayi ïgai ïmapïkïrï xako bhaiduitadai Diuxi ïgai bïïtarï. Dai ami nukagi Diuxi baika umigi dan tajukami. Mai bhaigakatadai go gïï kïixi kooyi maaxkami xi aiyagi ami.

Apokalipsis 12:3

Dai bhodïrï tïbagiana gï maaxitu ïpï ïmo ixtumaxi ix makïdï odami tomarhi ïmo imidagai mai nïidiña. Gï maaxitu ïmo gïï kïixi omarhigami dai bïgikami tudu kubarakami momoakami. Momodïrï gï kïïsaka ïgai kubarakami arhi korona dai bia bhaibuxtama aagadï ïpï.

Apokalipsis 12:6

Daidi go oki daibuna mïï oidigamu dai ayi ïmapïkïrï xako ka bhaiduitadai Diuxi ïgai bïïtarï sai ami nukadakana Diuxi baika umigi dan tajukami.

Apokalipsis 17:4

Dai go oki gï aadaka yukuxi moraduakami dai bïgikami. Dai gï aadaka ïgai naana maaxi oro duñixikami dai biakami arhi ojodai namïakami ïpï, dukami go arhi perla tïgidukïdï ojodai. Dai ïkadïrï daagïka ïgai ïmo oro asokorhi sudakami naana maaxi galnaaxi buirudagai ix makïdï ibuadana ïgai mos ïï kïkïïlmïrhiakatai.

Apokalipsis 18:12

Naana maaxi kukuspïiña ïgai tudu gagara bïïtarï. Kukuspïiña ïgai oro dai plata dai perla dai ojodai kïï namïakami dai ikuxi namïakami moraduakami dai bïgikami dai seda ikuxi dai jaa naana maaxi ikuxi namïakami dai naana maaxi uxi kïï fifinuakami dai naana maaxi elefante taatamudïkïdï duñixikami dai namïakami uxi duñixikami dai bhronse dai jaa papaiñomi duñixikami dai marmol. Gobai kukuspïiña ïgai Babiloniamu tudu dai xibi ka mai tipuka agai xorai sabïadagi ami.

Apokalipsis 18:16

dai pokaitada agai, —Aiji, sogigi go gïï kiikiïrï óídakami. Kïïga gïn aadakaiña ïgai yukuxi kïkïïgadukami moraduakami dai bïpïgikami. Dai gïn aadakaiña oro naanakagi dai oro bhaibukai dai ojodai kïï namïakami.

Apokalipsis 21:10

Daidi Diuxi Ibhïadï gubukarhigadïkïdï gin baidaja go Diuxi tïañikarudï ïmo gïï tubidaki daama. Ami gin tïïgidi ïgai go gïï kiiki Jerusalen tïgidukïdï ix makïdï ïr Diuxi ïkobai dasadï. Dai tïbañimi go Jerusalen abhiadïrï xako daja Diuxi tïbagiïrï.

Apokalipsis 4:2

Dai mos potïi ïgai bai gin ayi gubukarhigadï Diuxi Ibhïadï. Dai Diuxi Ibhïadï gubukarhigadïkïdï tïï aanï ix tïbagiïrï kïïka ïmo gïï daikarui dai ami daikaruana daja Diuxi.