Apokalipsis 17:1 - Northern Tepehuan Bible

¹ Daidi bhodïrï ïmadutai go kubarakami Diuxi tïtïañikarudï ix makïdï bia go ajasokorhi ayi ami xako dajatadai aanï daidi pobai in tïtïdai, —Gimi dai gï tïïgidamu aanï ix dukatai gïgïbituldamu Diuxi go oki kïkïïlmïrhiakami. Ïgai ïr ix makïdï bïïxi odami maatï dai gatïanïi ïgai go gïï sudagi daama dakatai.

Tepehuan Northern: Diuusi ñiooquidʌ utuducami oodamicʌdʌ

¹ Amaasi divia ʌmaadutai ʌcuvaracami Diuusi tʌtʌaañicarudʌ ismaacʌdʌ viaacatadai ʌcuvaracami ajaasocoli dai povaiñtʌtʌdai: ―Dimi, gʌtʌʌgidamu aanʌ isducatai Diuusi soimaasi taatatulda agai ʌooqui tataacaligami ismaacʌdʌ ʌgʌgʌr suusudagi daama daja.

Apokalipsis 17:1 Iomraidhean Croise

Lukas 24:32

Baidi go kïkïïrhi pobai gïn tïtïdai ïïgi aipakoga, —Agia mïmïïda antaadakana gïr ibhïdaga bhai ïrhiarakïdï gïr aagiditai ïgai ix tïiya ïrhidi Diuxi ñokidï boiyïrï iimïitai aatïmï ¿aba?— ikaitimi.

Lukas 9:30

Dai todian dukai gïn maaxitu ami ïpï goka kïkïïrhi dai tonoraka maaxi ïpï. Ïgai ïr go Moises ïmadï go Elias dai aatagaitadai Suxi ïmadï. Agaitadai ïgai go aaduindagai ix makïdï iduñi agai Suxi Jerusalenïrï. Go aaduindagai tudu ix makïdï bïïxi naato iduñimu ïgai mai kia imïkai tami idi oidigi daamaiñdïrï.

Apokalipsis 1:1

Aanï ïr Juan dai oja idi libro pioñigadïkatai aanï Diuxi. Idi libroïrï oja aanï ïmo ñoki ix makïdï tïtïgidi Diuxi go Suxi Kristo. Tïtïgidi ïgai ïmo ñoki aagaitai ix tuma otoma daibuña agai tudu saidi go Suxi utioma gatïtïïgidiña ïgai go buaboitudadami xi ïgai maatïkana ixtumaxi daibuña agai ïpï. Gobai ïr go ñoki ix makïdï oja aanï idi libroïrï. Suxi Kristo otoi ïmo tïañikarudï xi ïgai gin tïïgi go ñoki pioñigadïkatai aanï Suxi.

Apokalipsis 15:1

Dai bhodïrï tïïtïkiïrï dukai tïï aanï ïpï ïmo gïdukami maaxidaragai tïbagiana dai mai tïtïgaitadai aanï ixtumaxi gin tïgitoagi nïiditai. Tïï aanï kubarakami Diuxi tïtïañikarudï ix makïdï bhïkati go kubarakami gïgïbidaragai ixtukïdï gï kugaida agai oidigi daama óídakami gïgïbidaradï. Xïxkadï ka dïgabuñagi bïïxi gobai ka dodorhi bimu bhamudadï Diuxi dai ka mai surhigi agai bamioma gïgïbidaragai óídakami abhana.

Apokalipsis 16:19

Dai go gïï kiiki Babilonia tïgidukïdï baikapïrï taatapai dai ïjïkobai bii mos ïï kabami gigiburhikai oidigi. Dai go gïgïrï kiiki aipako oidigi daama gukakïdï bïïxi surhi bhaabhakidï ïpï. Podukai gïgïbiturhi Diuxi go Babiloniïrï óídakami dai dagito ix kïïga taatana ïgai xïï kabami bhamuka Diuxi ïgai bui.

Apokalipsis 18:1

Dai gokiïrï tïï aanï ïpï ïmai tïañikarudï Diuxi ix tïbai tïbagiañdïrï. Ïmo gïdukami sïïrhikami biakami ïgai. Dai kïï kabami kudaka maaxi ïgai. Kïïga maaxtu ïgai oidigi aipakoga kudakatai kudaigadï.

Apokalipsis 19:2

Gïgïbiturhi ïgai go oki kïkïïlmïrhiakami tudu ix makïdï soi duiñturhi oidigi daama óídakami. Ka mui koi go oki pipioñigadï Diuxi di dai xibi Diuxi kaxi gï sïïrhiñtu ïgai ïmadï. Gia sïïrhi aatabuayi Diuxi gïgïbiditai go oki tudu. Bïïxkïrï gïgïbidi ïgai soimaaxi ibuadami ixdukatai ajïakagi, ikaiti.

Apokalipsis 19:9

Dai go tïañikarudï Diuxi pobai in tïtïdai, —Ojañi aapi adukai, Diuxi ikaiti sai, —Gia bhai gïn ïrhidi bïïxkatai ïgai ix makïdï ïr bapaidarxikami kunataradïrï go Arhi Kañiru— —Gobai ïr ïmo Diuxiañdïrï imïdami ñoki tudu dai kïïga ïr buaboi. Gobai oja aapi— in tïtïdai go tïañikarudï Diuxi.

Apokalipsis 21:15

Dai go tïañikarudï Diuxi ix makïdï gin aatagidi bhïkati ïmo ïpïabidakarui parï ïmo metro ïxi tïbïdukami dai ïgaikïdï ïpïabida agai go gïï kiiki ïmadï kuraradï dai kukuparadï.

Apokalipsis 21:9

Dai bhodïrï gin ñokidi ïmo tïañikarudï Diuxi. Ïgai ïr ïmadutai go kubarakami Diuxi tïtïañikarudï ix makïdï bia kubarakami ajasokorhi biakami gïgïbidaragai. Pobai in tïtïdai ïgai, —Gimi, gï tïïgidamu aanï nobiagadï go Arhi Kañiru ix makïdï onta agai ïgai— in tïtïdai.

Apokalipsis 4:1

Dai gokiïrï ïpamu nïidi aanï ixtumaxi tïïtïkiïrï dukai. Nïidi aanï ïmo kuuparagai kupiokikami tïbagiana dai ïgai ix makïdï trompeta ïrhiadan kaiti gin ñokidi ïpamu dai pobai gin tïtïdai, —Gimi dai gï tïïgidamu aanï ixtumaxi daibuña agai gokiïrioma— gin tïtïdai ïgai.