Apokalipsis 15:1 - Northern Tepehuan Bible

¹ Dai bhodïrï tïïtïkiïrï dukai tïï aanï ïpï ïmo gïdukami maaxidaragai tïbagiana dai mai tïtïgaitadai aanï ixtumaxi gin tïgitoagi nïiditai. Tïï aanï kubarakami Diuxi tïtïañikarudï ix makïdï bhïkati go kubarakami gïgïbidaragai ixtukïdï gï kugaida agai oidigi daama óídakami gïgïbidaradï. Xïxkadï ka dïgabuñagi bïïxi gobai ka dodorhi bimu bhamudadï Diuxi dai ka mai surhigi agai bamioma gïgïbidaragai óídakami abhana.

Tepehuan Northern: Diuusi ñiooquidʌ utuducami oodamicʌdʌ

¹ Antai tʌʌ aanʌ tʌvaagiʌrʌ ʌʌpʌ ʌmoco istumaasi duadimudaca maasi. Tʌʌ aanʌ cuvaracami Diuusi tʌtʌaañicarudʌ ismaacʌdʌ viaa sʌʌlicami issoimaasi taatatuldagi oodami. Dai cuvaracamioco soimaasi taatatulda agai ʌgai oodami dai gomaasicʌdʌ camaibaamucamu Diuusi oodami vui.

Apokalipsis 15:1 Iomraidhean Croise

Apokalipsis 10:3

Dai gïgïrï iiña ïgai, ïpïan kaiti ïmo gïï mabidi xïxkadï kujudagi dai bhodïrï kubarakamioko kokobïrhi oidigi dai aa noraidan dui ñokidï go Diuxi tïañikarudï.

Apokalipsis 11:14

Podukai daibusai ïpï ïmo soi ïrhiaragai dïï gia otoma ayi agai ïpï ïmai kia.

Apokalipsis 14:19

Dai go Diuxi tïañikarudï ix makïdï bia go os gï aaga yooba go uba ïxikami bïïxi oidigi daamaiñdïrï. Yooba ïgai dai ïmo gïï pilana tua. Go pila ïr ïmo maaxidaragai aagaitai Diuxi bhamudadï bhamukatai ïgai soimaaxi ibuadami bui. Dai go uba ïr ïmo maaxidaragai dukai aagaitai óídakami.

Apokalipsis 16:1

Daidi bhodïrï kaï aanï ix gïgïrï ñokai ixtumaxi Diuxi kiupaigadïañdïrï dai ñokidi ïgai go kubarakami Diuxi tïtïañikarudï ix makïdï bia go ajasokorhi. Susudaga go ajasokorhi Diuxi bhamudadï dai gïgïbidaragai. Dai ix makïdï ñokai potïtïdai go tïtïañikaru, —Imibïrai dai mïï oidigi daama abïr aaxta go ajasokorhiañdïrï go bhamudagai dai gïgïbidaragai ix makïdï bia Diuxi óídakami bïïtarï— itïtïdai.

Apokalipsis 17:1

Daidi bhodïrï ïmadutai go kubarakami Diuxi tïtïañikarudï ix makïdï bia go ajasokorhi ayi ami xako dajatadai aanï daidi pobai in tïtïdai, —Gimi dai gï tïïgidamu aanï ix dukatai gïgïbituldamu Diuxi go oki kïkïïlmïrhiakami. Ïgai ïr ix makïdï bïïxi odami maatï dai gatïanïi ïgai go gïï sudagi daama dakatai.

Apokalipsis 19:15

Dai ïgai ix makïdï Diuxi Ñokidï tïgidu tïñidïañdïrï busakïi ïmo maxtai kïï mukakami dai ïgaikïdï maiti agai oidigi daama óídakami. Dai bhïkati ïgai ïmo baiñomi uxiaragai ïpï. Gokïdï mai taata tïanïda agai ïgai. Ix dukai ïmo odami bakïsai uba baragadï podukai gubuakami dukai gatïanïda agai Diuxi óídakami mos ïï kabami bhamukatai Diuxi ïgai bui.

Apokalipsis 21:9

Dai bhodïrï gin ñokidi ïmo tïañikarudï Diuxi. Ïgai ïr ïmadutai go kubarakami Diuxi tïtïañikarudï ix makïdï bia kubarakami ajasokorhi biakami gïgïbidaragai. Pobai in tïtïdai ïgai, —Gimi, gï tïïgidamu aanï nobiagadï go Arhi Kañiru ix makïdï onta agai ïgai— in tïtïdai.

Apokalipsis 8:13

Dai bhodïrï tïï aanï xi tïbagiana daigigi ïmo Diuxi tïañikarudï dai kaï aanï ix kaitimi, —Sogigi oidigi daama óídakami. Kia biïga ïpï baika Diuxi tïañikarudï xi ibagi trompetakïdï. Sïïrhikïdï soimaaxi taata agai óídakami gaiibakai ïgai— ikaitimi.

Apokalipsis 8:2

Dai tïï aanï kubarakami Diuxi tïtïañikarudï xi ami gukatadai Diuxi buidïrï dai gïn maakiatu ïïmo trompeta ïïmadutai ix tukïdï gaiibadagi ïgai.

Apokalipsis 8:6

Daidi go kubarakami Diuxi tïañikarudï ix makïdï bia go kubarakami trompeta bhai gïn dui dai gaiibada agai.

Apokalipsis 9:20

Gïïpi naana maaxi daibusai soimaaxi tudu dai mui óídakami koi dïï modukai mai ïma dukai gïn tïtïgito go odami ix makïdï bitadai kia. Apia xadutudaiña ïgai ixtumaxi ibuadana ïïgi ïgai dukami oro dai plata dai bhronse dai odai dai asta uxi duñixikami uubixi. Xadutudaiña ïgai go diabora tïtïañikarudï tudu pomaaxi xadutudaitai uubixi maaxi ix makïdï mai duduaka. Go maaxi uubixi mai nïayi tudu dai mai kaidaga dai mai bhaiga imidagai ïpï. Dïï bïïxkïrï go odami maiti ipïrhi xi dagitoagi go uubixi dai Diuxi xadutuadagi bhaiyoma.