Apokalipsis 14:15 - Northern Tepehuan Bible

¹⁵ Daidi busai ïmo Diuxi tïañikarudï Diuxi kiupaigadïañdïrï ix makïdï tïbagiana kïïka dai gïgïrï iñakidi ïgai go kïïrhi ikomai daama dakïdï daidi potïtïdai, —Ka bhaji ïxikami oidigi daama— ikaiti. —Ka ayi kaduku xi gï aga yoobagi aapi. Yoobañi gï oskïdï tudu— ikaiti.

Tepehuan Northern: Diuusi ñiooquidʌ utuducami oodamicʌdʌ

¹⁵ Amaasi Diuusi quiidʌaiñdʌrʌ vuusai ʌʌpʌ ʌmoco Diuusi tʌaañicarudʌ dai cavami iiña dai potʌtʌdai ʌcʌʌli ismaacʌdʌ ʌicomai daama daacatadai: ―Casiata baigʌdui ʌsicami. Yoovañi gʌoosigacʌdʌ.

Apokalipsis 14:15 Iomraidhean Croise

Genesis 15:6

Dai go Abram buaboida kaï Gïr Nukadakami. Xi kaxkïdï Gïr Nukadakami kïï buañixikami aagai ibhïadï go Abram dai maa oigaragai xi urabana ïgai.

Mataibo 13:30

—Dagitobïrai bhaiyoma sai saagida gïrhiagi gobai asta xïxkadï aiyagi yoobaragai. Dai aidï gia gï agadamu xi ïpïgioma boponagi aapimï go basoi dai mïidagi gobai. Dai gokiïrï gï agadamu xi boponagi go tïrhigi dai gin trojogana bhai tuajidagi— itïtïdai go ïsadami go pipioñigadï. Pomaaxi tudu xaako gatïanïi Diuxi— itïtïdai Suxi.

Mataibo 13:39

Ix makïdï ïi go basoi gobai ïr go diabora. Dai go yoobaragai gobai aagadankaiti xïïxkadï ugiti agai oidigi. Dai go pipioñi ix makïdï gayoba agai ïr tïtïañikarudï Diuxi— itïtïdai.

Mataibo 23:32

Dai kaxkïdï ïpïan duñimu aapimï ïgai asta xako ka bïïxi naato kodai aapimï go ojotosadï Diuxi. Ïpïan tutuiga aapimï gïn aaduñi ïïkidadï kaxkïdï— itïtïdai.

Markos 4:29

Dai xïïxkadï ka kaibhia ïgai dai ka aiyagi yoobaragai, otoma gï yoobai gobai— itïtïdai Suxi. Podukai gamaa Suxi aatagi dai aagidi odami ix maaxi xudu gatïanïi Diuxi.

1Tesalonicenses 2:16

Dai kaxkïdï gïr sobhida ïrhidiña ïgai ix mai aituldada aatïmï go bhai ïrhiaragai aatagi go odami ix makïdï maiti ïr judidiu. Maiti ipïrhidi ix kïïgakïrï bubuakiagi ïgai kaxkïdï. Sobhikïiña ïgai jaa ix mai buaboitudagi tudu. Podukai adaimïiña ïgai go soimaaxkami tudu. Dïï gia Diuxi ka mai dagitomu ix apia sobhidagi ïgai jaa ix buaboitudagi. Xibi ka ayi ïmo gïdukami gïgïbidaragai Diuxiañdïrï go sobhidakami bïïtarï tudu.

Apokalipsis 11:19

Daidi tïï aanï xi gï kupioka Diuxi bakidï ix makïdï tïbagiïrï kïïka. Dai ka maaxi kïïka ami ïrana go kajoñi xadutudikïdï xako bhai dasaka go ñoki ix makïdï bhaiduitadai Diuxi odami ïmadï. Daidi mos kupiokai Diuxi bakidï bai kabami bïpïdorhi oidigi dai kokobïrhi dai gigiburhi dai gïïpi gïi tïayi.

Apokalipsis 14:14

Dai bhodïrï tïï aanï ïmo ikomai tojakami dai ami ikomai daama dajatadai ïmoko dai ïpïamaaxi go ix makïdï kïïgakïrï odami busai. Modïrï kïïsaka ïgai ïmo oro korona dai ïkadïrï dagïi ïmo os kïï mukakami.

Apokalipsis 14:16

Daidi go makïdï ikomai daama daja gï aga yooba ïïxidï go oskïdï bïïxi oidigi daamaiñdïrï.

Apokalipsis 14:17

Daidi busai ïpï ïmo Diuxi tïañikarudï Diuxi kiupaigadïañdïrï dai bhïkati ïmo os kïï mukakami ïpï.

Apokalipsis 14:18

Dai oidakatadai ïpï ïmai tïañikarudï Diuxi ïpï ix makïdï tïanïi go táí. Dai busai ïgai go daxdakaruañdïrï xako gï dadasai go daxdaragai dai gïgïrï iñakidi ïgai go os biakami daidi potïtïdai, —Go oidigi ïr ïmo uba dïïdï dukai dai ka kïï bhaji ibhiadï. Kïïga mukaga gï os tudu, yoobañi gokïdï— ikaiti.

Apokalipsis 15:6

Daidi abhai kiupiañdïrï bubuaka go kubarakami Diuxi tïtïañikarudï ix makïdï bia sïïrhikami xi kubarakamioko gïgïbituldagi óídakami. Gïn aadaka ïgai yukuxi totoakami kïï buañixikami. Dai taagidïrï bupuraka ïgai oro giburai.

Apokalipsis 16:17

Dai bhodïrï go gïmai tïañikarudï Diuxi ïbïltapi aaxi ixtumaxi biakatadai asokorhiïrï. Daidi gï kaidatu ïmo gïï ñoki go kiupiañdïrï dai go gïï daikaruañdïrï daidi gïgïrï ikaiti, —Idikïdï kaxi gï kugaida agai go gïgïbidaragai— ikaiti.

Apokalipsis 6:10

Dai gïgïrï daanïiña ïgai Diuxi dai potïtïdaiña, —Gïr Nukadakami, aapi gia ïkobai daja go gaa óídakamiañdïrï dai buaboi ñokai aapi. Gïr aagidañi xïï tïbïpidamu ix aagagi aapi xorai biaka agai gïgïbidaragai dai xorai mai biaka agai. Ka tïbïpi nïnïra aatïmï xi gïgïbitulda aapi go odami ix makïdï gïr koi— itïtïdaiña.