Apokalipsis 12:12 - Northern Tepehuan Bible

¹² Gia bhai ïrhiaraga gobai tudu. Asta go Diuxi tïtïañikarudï bïïxi bhai gïn ïrhidiña nïiditai sai go buaboitudadami mai buamï ïrhidi tomaxi jaa kodagi kïïga buaboidaitai ïgai. Dïï gia xibi gï busaitu go diabora tïbagiañdïrï dai ka ayi oidigi daama óídakami saagida. Dai sïïrhikïdï bhamu maatïkatai sai ka mai xii tïbïpi bhaigakamu xi gaatabuadagi. Kabami bhamu ïgai tudu xi kaxkïdï sogigi bïïxi go oidigi daama óídakami dai go sudagiïrï óídakami ïpï— ikaiti go makïdï gïgïrï ñokai tïbagiana.

Tepehuan Northern: Diuusi ñiooquidʌ utuducami oodamicʌdʌ

¹² Aliʌsi gʌaagai isbaigʌnʌliadagi vʌʌscatai ismaacʌdʌ tʌvaagiʌrʌ daraaja. Dʌmos sioorʌ oidaga oidigi daama sʌʌlicʌdʌ soimaasi taata agai ʌʌmudu ʌcʌcʌisi gʌʌ suudarʌ oidacami. Catʌvanʌcai ʌDiaavora oidigi daama. Dai sʌʌlicʌdʌ baamucu ʌgai maatʌcatai ismaitʌvʌpi aimʌrda agai ʌgai oidigi daama.

Apokalipsis 12:12 Iomraidhean Croise

Lukas 15:10

—Daiñi— itïtïdai. —Aanï aagai sai pomaaxi xako daraka Diuxi tïtïañikarudï ïpï. Gïïpi oidaga bhai ïrhiaragai amïka xïxkadï ïma dukai gï tïgitoagi ïmo soimaaxi ibuadami— itïtïdai.

Lukas 2:14

—Gï agai xi bïïxi Diuxi tïtïañikarudï mïï tïbagiïrï aagana xïïxi ïr gïdukami Diuxi. Dai gï agai xi kïïga ibhïxtakan taadakagi óídakami tami oidigi daama ïpï. Diuxi ka kïïga buididi ïgai xibi kaxkïdï— ikaiti Diuxi tïtïañikarudï.

Hebreos 10:37

Daiñi, adukai ikaiti Diuxi ñokidïrï, Otoma dibiagai ïgai ix makïdï nïnïraka aapimï. Mai tïbïpida agai ïgai tudu.

2 Pedro 3:8

Gin aaduñi, gï agai sai gïn tïgitokagi aapimï sai Diuxi ïma dukai nïidi go tïbïragadï tasai dai mai xu ix dukatai aatïmï nïidi gobai. Ïgai bïïtarï ïmo tasai ïpïan tïbïraga ïmo mirhi umigi dai ïmo mirhi umigi ïpïan kaburhika ïmo tasai. Mos ïr ïgalbaaxi ïgai bïïtarï tudu.

Apokalipsis 11:10

Kabami soi maaxi taatamiturhiña go Diuxi ojotosadï go óídakami ix makïdï mai buaboitudai xi kaxkïdï bhai gïn ïjïldamu óídakami kokai ïgai dai ibuadamu bagimi dai asta gïn oidada agai oidaragai aipakoga bhai gïn ïrhiditai.

Apokalipsis 11:14

Podukai daibusai ïpï ïmo soi ïrhiaragai dïï gia otoma ayi agai ïpï ïmai kia.

Apokalipsis 12:9

Daidi Diuxi maigo surhi go gïï kïixi tïbagiañdïrï modukai tïtïañikarudï. Podukai bhaigobai oidigi daama surhi go kïixi ix makïdï diabora tïgidu dai satanás tïgidu ïpï. Ïgai tudu ïr go gïï kooyi agaikïdï ix makïdï ïki abhiadïrï ajiopaiña tami oidigi daama dai bupuirumadaiña óídakami. Tami oidigi daama gï surhitu ïgai tudu ïmadï modukai tïtïañikarudï maitïkai Diuxi tïtïañikarudï ïgai bui.

Apokalipsis 13:6

Naana maaxi galnaaxi ñoki aagai go gïï kïixi tudu aagaitai Diuxi dai aagaitai tïtiaradï dai aagaitai ïpï oidagadï go tïbagiïrï óídakami. Galnaaxi ñoki aagai ïgai aagaitai tïbagiïrï óídakami tudu. Ami óídakami ïmadï oidaga Diuxi kaxkïdï.

Apokalipsis 18:20

Daidi ikaitadamu go nïijadami ïpï, —Bhaigabïnïrhiada bïïxkatai aapimï tïbagiana óídakami. Aapimï buaboitudadami tudu dai aapimï ix makïdï ïr Diuxi ñokituldiadamigadï dai aapimï ojotosadï Suxi Kristo. Bhaigabïnïrhiada aapimï bïïxkatai. Xibi Diuxi iduña agai ixtumaxi ïr sïïrhi aapimï gïn bïïtarï dai maaki agai gïgïbidaragai go Babiloniana óídakami mos ïï kabami soi gïn buididitai ïgai— ikaitadamu.

Apokalipsis 8:13

Dai bhodïrï tïï aanï xi tïbagiana daigigi ïmo Diuxi tïañikarudï dai kaï aanï ix kaitimi, —Sogigi oidigi daama óídakami. Kia biïga ïpï baika Diuxi tïañikarudï xi ibagi trompetakïdï. Sïïrhikïdï soimaaxi taata agai óídakami gaiibakai ïgai— ikaitimi.

Apokalipsis 9:12

Podukai daibusai ïmo gïgïbidaragai dïï kia biïga ïpï goka.