Apokalipsis 11:8 - Northern Tepehuan Bible

⁸ Ami tudu ïr xakoga Sodoma dai Ejipto aagaiña odami mos ïï soimaaxi ibuadamikatai óídakami. Ami Jerusalenïrï gï xixatu kuruxiana Gïr Nukadakami tudu. Dai ami apia dukai kayana bïïtïkamu tukugadï ï goka ojotosadï Diuxi baika tasai dan tajukami.

Tepehuan Northern: Diuusi ñiooquidʌ utuducami oodamicʌdʌ

⁸ Daidʌ vaic tasai dan tajucami ʌcoidadʌ tuutucugadʌ mosvʌʌtʌcamu caayʌrʌ ʌgʌʌ quiiyʌrʌ siaaco gʌsiisatu curusiaba gʌrtʌaanʌdamiga. Sodoma dai Ejiipitu aagaiña ʌoodami ʌgʌʌ quii soimaasi ivuaadatai oidacami.

Apokalipsis 11:8 Iomraidhean Croise

Genesis 13:13

Go Sodomïrï óídakïdï sïïrhikïdï mai kïï tutuiga dai gïïpi galnaxi ibuadana Gïr Nukadakami buidïrï.

Genesis 19:24

Dai bhodïrï Gïr Nukadakami ami bhaabhaki dama surhi táí ïmadï asufre ami xakoga ïr Sodomïrï dai Gomorïrï.

Exodo 20:2

—Aanï ïgai daidi ïr Diuxi gïn Nukadakami— ikaiti Diuxi. —Aanï tudu ïgai daidi gïn bubaitu Ejiptuañdïrï xako axñiñitu dukai gïn aa duiñturhitadai go óídakami.

Exodo 3:7

Daidi Gïr Nukadakami apia ñokidimi daidi itïtïdai, —Kïï maatï nïidi aanï xïïxi soi dukai óídaga gin aaduñi Ejiptuïrï. Kaïkana aanï xïïxi aijiïgïiña ïgai xudu soi buadagi tïtïanïdamigadï. Daidi kïï maatï aanï xïïxi bia ïgai soi ïrhiaragai abhana— ikaiti.

Mataibo 10:15

Daiñi, aanï aagai sai ayimu ixtuigako Diuxi aagada agai ix tuma gïgïbidaragai biaka agai bïïxi soimaaxi ibuadami. Dai amaxi go óídakami ix makïdï maiti ipïrhi xi gïn miadïgidagi bamioma soimaaxi taata agai gïgïbidaragai xi bhai go óídakami Sodomïrï dai Gomorïrï ix makïdï kabami soimaaxi idui ïïki— itïtïdai Suxi go mamaatïrdamigadï.

Hechos 9:4

Daidi go Saulo dïbïrapi gïi dai kaï ïmo ñoki daidi ikaiti go ñoki, —Saulo, Saulo, ¿Tui pïxi gin buidïrï kaatïkami aapi dai soi gin buayi?— ikaiti go ñoki.

Hebreos 13:12

Dai podukai gï buididi Suxi Kristo ïpï. Ïgai gï baidakatu maigobai go kiiki saagidañdïrï ïpï dukami xi ïr ïmo tukuragaikamudai ïgai. Dai ami soimaaxi taata ïgai gïr soimaaxkamiga bïïtarï. Ami aaxi ïgai ïradï dai muu sai podukai ïkobai gïr bubaidana Diuxi bïïtarï.

Hebreos 6:6

Daiñi, xi ïmo odami bïïxi ka taatagi gobai dai bïïxkïrï ïpamu aa gïxiagi, ix ka ïmo mukiadï dukai biiyagi ibhïadï ka dagitokai buaboidaradï, ïgai xadïrï ixtutuidiña ïmai xi ïma dukai gï tïgituldagi ïpamu. Xadïrï gï bhaigakana gobai. Daiñi, xïïxkadï dagitoagi ïgai Suxi Kristo ka ïpïan buayi ïgai go odami ix makïdï Suxi kuruxigadï buidïrï gukatadai dai gaparunaitadai aidïxi muu ïgai. Ïpïan dukami gobai xi kuruxiana xixamudai ïgai ïpamu Suxi Kristo. Ïmo gïdukami parunaragai gobai Suxi buidïrï tudu dai jaa odami gïn tïgito nïijadamu dai parunadamu ïpï. Agia maiti gï agai gobai.

2 Pedro 2:6

Dai xia dodai Diuxi go gïgïr kiiki Sodoma dai Gomora tïtïgidukami ïpï ïïki. Bïïxi nato mïji ïgai tudu asta xudu bïïxi nato matai bii ami. Podui ïgai saidi go óídakami soimaaxi ibuadami ix makïdï gokiïrioma dadiagi gïn tïgito nïijadana ix dukatai pogïdui.

Udaxi 1:7

Dai podukai ïpï go ïïkidadï óídakami Sodomana dai Gomorana ïmadï bïïxkatai ix makïdï miadïrï óídakatadai ami. Galnaaxi idui ïgai ïpï gaïmadï bopodatai aipakoga. Ibuadana ïgai buirudagai tukugadïkïdï tudu ïmadï bopodatai ïgai ix makïdï maiti ïr sïïrhi. Kïï maatï aapimï sai Diuxi gïgïbiturhi ïgai. Dai gokïdï gïr tïtïïgidi Diuxi sai taiyïrï gïgïbitulda agai ïgai bïïxi soimaaxi ibuadami. Dai gïgïbidaradï bïïxkïrï bïïtarïka agai dai mai ugiti agai.

Apokalipsis 11:13

Dai taiyako iimïkai ïgai bai kabami gigiburhi oidigi dai mui surhi bhaabhaki. Parï bhabaixtama surhi ïïmo ciento saagidañdïrï dai kubarakami mirhi óídakami koi. Dai go odami ix makïdï bii sïïrhikïdï duduadimuka dai aagaiña xïïxi ïr gïdukami Diuxi gatïanïitai ïgai tïbagiañdïrï.

Apokalipsis 11:9

Dai bïïxi aipadïrï óídakami nïijadamu tukugadï ami. Bïïxi aipadïrï go gïgïrï kiikiañdïrï óídakami ix makïdï ïr naana maaxi ñokadami bïïxi nïijadamu tukugadï ix ami bïïtï baika taasai dan tajukami dai mai dagitomu ïgai xi gïn yaasatudagi.

Apokalipsis 14:20

Ïmo gïï kiiki maigobai kidigamadïrï kïïka go pila dai ami ïrana tuiyi ïgai go uba bai abhai pilañdïrï busai baragadï. Go baragadï ïr ïmo maaxidaragai odami ïradï bïïtarï ix makïdï taata gïgïbidaragai bhamukatai Diuxi ïgai bui. Gïïpi mïï ïradï tudu gïgïbaitai Diuxi. Ajïi gobai kapayo kuxibodïana ukami dai parï baika ciento kilometro abhiadïrï pilañdïrï kia mïraiña.

Apokalipsis 14:8

Daidi gokiïrï imïi ïpï ïmai tïañikarudï Diuxi dai idi gïgïrï ñokai ïpï daidi ikaitimi, —Ka xia tui go gïï Babilonia kiiki. Ami óídakami gia pupuirugakana. Sïïrhikïdï ojoidi ïgai xi adaimudagi soimaaxi dai abïnakidiña odami bïïxi apakoga oidigi daama óídakami sai urabana soimaaxi ibuadatai. Ïpïan buadana ïgai ïmo iitïrakami xïxkadï abïnakidada ïgai jaa sai soiña yïïdana iidagai— ikaitimi ïgai.

Apokalipsis 16:19

Dai go gïï kiiki Babilonia tïgidukïdï baikapïrï taatapai dai ïjïkobai bii mos ïï kabami gigiburhikai oidigi. Dai go gïgïrï kiiki aipako oidigi daama gukakïdï bïïxi surhi bhaabhakidï ïpï. Podukai gïgïbiturhi Diuxi go Babiloniïrï óídakami dai dagito ix kïïga taatana ïgai xïï kabami bhamuka Diuxi ïgai bui.

Apokalipsis 17:1

Daidi bhodïrï ïmadutai go kubarakami Diuxi tïtïañikarudï ix makïdï bia go ajasokorhi ayi ami xako dajatadai aanï daidi pobai in tïtïdai, —Gimi dai gï tïïgidamu aanï ix dukatai gïgïbituldamu Diuxi go oki kïkïïlmïrhiakami. Ïgai ïr ix makïdï bïïxi odami maatï dai gatïanïi ïgai go gïï sudagi daama dakatai.

Apokalipsis 17:5

Dai kobadïrï biakatadai ïmo ojai ix makïdï ikaiti, Aanï ïr dïïdï bïïxi kïkïïlmïrhiakami oki dai aanïañdïrï bubuaka bïïxi galnaaxi buirudagai ix makïdï oidaga oidigi daama, ikaiti ojai go oki kobadïrï. Go ojai ïr tïtiaradï go oki dïï odami mai maatïkana ix tïiya ïrhidi.

Apokalipsis 18:10

Mïkaxdïrï gukakamu ïgai duadimukatai tïïgakai ixdukatai gïgïbiturhi Diuxi go Babiloniïrï óídakami daidi pokaitadamu, —Aiji, sogigi aapimï Babiloniïrï óídakami. Gia ïr gïdukamikatadai gïn kiiki dai aipako gatïanïiña aapimï. Dïï bïïxkïrï xibi todian dukai gïn ayi gïgïbidaragai— ikaitidamu go gïgïr dudunukami.

Apokalipsis 18:18

Nïijadamu ïgai go kubhuxi mïïkai gobai daidi ikaitidamu, —Go Babilonia bïïxi aipako gatïanïiña. Mai tipu ïmai gïï kiiki po maaxkami— ikaitadamu.

Apokalipsis 18:2

Daidi gïgïrï iñakimi ïgai daidi ikaitimi, —Ka xia tui go gïï kiiki Babilonia tïgidukïdï. Xibi ïr diabora tïtïañikarudï kiidï gobai dai ïr kiidï ujurugi tukurakami dai soimaaxkami.

Apokalipsis 18:21

Daidi ïmo gïï tïañikarudï Diuxi kïï gubuakami bañigi ïmo gïï odai dai go gïï sudagiïrï daitu. Daidi go tïañikarui ikaiti, —Ix duu ka mai tiputa go odai dai odami ka mai nïijadamu gobai ïpamu podukai ïpï mai tiputa agai go Babilonia dai ka mai tïigimu odami ïpamu.