2 Pedro 2:2 - Northern Tepehuan Bible

² Go tïtïgiadami ñoki ïgai ojoidi ix ibuadagi naana maaxi soimaaxi buirudagai tukugadïkïdï abhan bopodatai ïgai jaa ïmadï aipakoga dai mui óídakami ix makïdï buaboitudagi aatagidï ïpïan ibuadamu soimaaxi ïpï. Dai jaa óídakami gïn tïgito nïijadamu ix dukatai óídaga ïgai dai pogïnïrhiadamu sai ix makïdï pobuayi ïr aatïmï gïr aaduñi dai kaxkïdï pokaitadamu ïïmoko sai maiti ïr soiñi gïr buaboidaraga.

Tepehuan Northern: Diuusi ñiooquidʌ utuducami oodamicʌdʌ

² Dai muidutai soimaasi ivuaada agai ʌpan duucai ʌmamaatʌtuldiadami yaatavogami. Ʌgai googosi gʌnducamicamu. Dai aa oodami parunadamu Suusi Cristo mamaatʌtuldiaragadʌ pomaasi ivuaadatai ʌgai.

2 Pedro 2:2 Iomraidhean Croise

Genesis 19:5

Dai gïïgïr ijiñakimi ïgai daidi ikaitimi, —¿Taa dudui go kïkïïrhi ix makïdï gï ïmadï dada ïkiapo? Bhaigobai busaida tïtai bïïnagi— ikaitimi ïgai.

Mataibo 22:16

Dai bhodïrï otoi ïgai chïki aaduñdï ïmadï jaa ix makïdï ïr aaduñdï go Rey Herodes, otoi ïgai saidi mïï aatagidiña ïgai go Suxi. Daidi potïtïdai ïgai go Suxi, —Aapi maatïtuldiadami, kïï maatï aatïmï sai aapi go ïïgi buaboi aatagi aagaiña. Kïï sïïrhi gatïtïïgidi aapi go aatagi ix makïdï ïr tïgibudadï Diuxi tudu. Kïïga mai duadikoitai aagidiña aapi odami ixtumaxi ïr buaboi toma xoraikagi ïgai tudu— itïtïdai.

Mataibo 24:24

—Dai dadimu jaa ïpï daidi potïimu saidi ïgai ïr go otosadï Diuxi ix makïdï nïnïraka go judidiu dai jaa potïimu ïpï saidi ïr ñokituldiadamigadï Diuxi. Naana maaxi buirumadaragai iduñimu ïgai ix makïdï odami ïïgi maiti ixtutuidiña xi ibuadagi dai podukai maaxituda agai xïï gupuka ïgai. Podukai bupuirumada agai ïgai mui odami. Dai asta ix makïdï Diuxi ka ïko bubaitu katoma buaboituda agai ïpï— itïtïdai.

Mataibo 7:14

Dïï gia go kuuparagai ix makïdï ïr go baakigai xako kïïgakïrï óídaga odami xako gatïanïi Diuxi gobai sïïrhikïdï arhidu gajiakoga dai ami go boi sïïrhikïdï arhidu gajiakoga ïpï. Kaxkïdï chïkidu go óídakami ix makïdï bapakïi ami— itïtïdai.

Markos 12:14

Mïï dada ïgai xako daja go Suxi daidi potïtïdai, —Maatïtuldiadami, kïï maatï aatïmï sai go ïïgi buaboi ñoki aagai aapi. Kïï tuiga aapi dai ïmadugan dukai nïidi aapi odami tomaxi ïr gïn bipidakami xi ïr soi titiigami ïpï. Aapi maatïturhiña odami sai maatïkana ïgai Diuxi tïgibudadï, kaxkïdï gï tïkaka rïrhidi ixtumaxi— itïtïdai. —¿Bhai ix ïr sïïrhi xi tïïgidagi aatïmï go kuota ix makïdï gïr tanïi go Rey César tïgidukïdï?— itïtïdai.

Markos 13:22

—Dai dadimu jaa ïpï daidi tïimu saidi ïr Diuxi otosadï daidi ïr gïn bhaitï kïakamiga. Dai jaa tïimu saidi ïr aituldadami Diuxi ñokidï odami buitapi ïpï. Naana maaxi iduñimu ïgai ix makïdï odami ïïgi xadïrï ixtuidana dai podukai maaxituda agai xïï gupuka ïgai. Podukai buirumada agai mui odami. Dai asta go ix makïdï Diuxi ïko bubaitu katoma buaboituda agai ïpï dïï ïgai gia xadïrï gïn buirumadana go yaatabogami.

VUAANA 14:6

Daidi Suxi itïtïdai, —Aanï tudu ïr go boi ixtukïdï ajïi odami xako daja Diuxi. Mosïkaxi aanïkïdï mamaatïrïi odami ixtumaxi ïr buaboi. Dai mosïkaxi aanïkïdï kïïgakïrï óídaga odami ïpï. Mai tipu xorai aiyagi mïïka xako daja Diuxi ix maiti gin buaboitudadagi ïgai.

Hechos 13:10

daidi itïtïdai, —Diabora maradï aapi dai bui kaatïkami aapi bïïxi sïïrhikami. Yaatabogami aapi dai mos bupuirumadai aapi odami. Daiñi, Diuxi ñokidï gia ïr buaboi dïï aapi mai sïïrhi aagai Diuxi ñokidï dai podukai bupuirumadai aapi odami.

Hechos 14:2

Dïï go gaa judidiu ix makïdï maiti ipïrhi ix buaboitudagi ïgai maa aatagi go ix makïdï maiti ïr judidiu sai ïgai kïïdaidana go buaboitudadami.

Hechos 16:17

Idi arhi oki aipako gïr oidatukïiña, aatïmï ïmadï Pabora tudu, dai iñakidana daidi ikaitidana, —Idi kïkïïrhi ïr pipioñigadï Diuxi go bïïxi adama bhaitï kïakïdï. Gobai gïn aagidimi ixdukatai kïïgakïrï bubuakiagi aapimï— ikaitidana go arhi oki.

Hechos 18:26

Daidi ami dibia ïgai ïpï kiupaigadïrï judidiu dai gï aaga maakiagi ñoki ïpï. Kïïga mai duadimukatai aagai ïgai ñoki dai go Prisila ïmadï Akila kaïkatadai ñokidï dai báí sai oidana kiiyïrï. Dai ami go Prisila ïmadï Akila xioma kïïga maatïturhi Diuxi bogïdï.

Hechos 19:9

Dïï ïïmoko modukai maiti ipïrhi. Bhaiyoma mos galnaaxi ñokaiña ïgai buidïrï go buaboidaragai ix makïdï gïr biturhi Suxi Kristo. Dai bïïxi go gaa odami kaï aidï ix bui ñokaitadai ïgai. Baidi Pabora dagito go judidiu ami kiupiana dai jii dai baidakai go ix makïdï gia ïr buaboitudadami. Gïn ïmpagi ïgai ïmo eskuelïrï bhaiyoma xako gatïtïïgidiña ïmo kïïrhi Tirano tïgidukami. Ami go Pabora gamaa aatagi bïïx tasai.

Hechos 22:4

Aanï ïïkioma kabami soi buadana bïïxi go ix makïdï buaboitudai Suxi Kristo. Dai kodaiña aanï ïïmoko dai jaa buyiña aanï dai bupuraiña kadenakïdï dai maamaixapaiña bïïxi modukai kïkïïrhi ïmadï oki.

Hechos 24:14

Gia ïr buaboi xi aanï xadutudai Diuxi buaboitudaitai aanï Suxi Kristo buaboidaradï. Go judidiu pokaiti sai maiti ïr buaboi idi buaboidaragai, go buaboidaragai ix makïdï odami Boi aagaiña. Dïï aanï gia buaboitudai dai podukai xadutudai aanï Diuxi ix makïdï gïr aaduñi buaboitudaiña ïïki abhiadïrï. Buaboitudai aanï bïïxi go sïïrhikami makïdï oja Moiseskaru dai ix makïdï oja bïïxi go aagadami Diuxi ñokidï ïïki ïpï.

Romanos 2:24

Buaboi tudu ix dukatai ojixi Diuxi ñokidïrï ïïki sai aapimï mai xadutudai Diuxi dai kaxkïdï jaa odami mai xadutudai ïpï. Diuxi ñokidïrï adukai ojixi tudu, Go odami ix makïdï maiti ïr judidiu galnaaxi ñoki surhigaiña Diuxi bui mos nïiditai ïgai go soimaaxkami ix makïdï aapimï judidiu ibuayi. Aapimï judidiu tudu ïr gïn duñi xi galnaxi ñoki surhigai ïgai Diuxi bui, ikaiti Diuxi ojadï.

1 Tomoteo 5:14

Mui bipiudu ka podukai dagito Suxi Kristo tudu ka mai ïïgida ïrhiditai dai ïïgiditai bhaiyoma go diabora. Kaxkïdï aanï aagai sai maiti gï agai xi gïn ojagi utu iimïdami bipiudu ami paperhiïrï dai gï agai bhaiyoma xi gaïmadï biyagi ïgai ïpamu. Gï agai xi mamartadagi ïgai dai xi kïïga nukadakagi ïïgi bakidï daidi kïïga óídakagi. Gï agai tudu xi kïï buadagi ïgai sai mai tipukagi ixdukatai galkai nïijadagi jaa go buaboitudadami.

Tito 2:8

Tïïgidañi ñoki ix makïdï ïr buaboi tudu sai podukai mai tipukagi ixdukatai ñokadagi jaa. Podukai ibuadatai aapi gïn xaïrogidamu gïr buidïrï bïïtïkamiga mai tïtïgaitai ïgai soimaaxi ixtukïdï gïpiïrï gïr buapadagi.

1 Pedro 2:12

Gïn tïgitobïrai sai go óídakami ix makïdï mai buaboitudai gïn tïgito nïidiña ix dukatai óídaga aapimï. Kaxkïdï abïr kïïga ibuada bïïxi aïkatïrï. Podukai tomaxi gïpiïrï gïn bupada ïrhiadagi jaa mai tïïgimu ïgai ixtukïdï. Dai xïïxkadï aagagi Diuxi ix bhai kïï idui óídakami aidï gia go ix makïdï gïpiïrï gïn bupaitadai biakamu xi aagadagi sai kïï idui aapimï. Dai aidï gia kïïga ñokadamu ïgai Diuxi bïïtarï ïpï nïiditai xïï kïïga ibuadana aapimï gïn soikïitai Diuxi.

2 Pedro 2:12

Daiñi, go tïtïïgiadami yaatagi ïgai parunaiña ixtumaxi mai maatï mai kïïga biakatai tïgibudagai. Naana maaxi soimaaxi buirudagai ibuayi ïgai mai kïïga gïn tïgitokatai ïpïan dukai go oidigana kïkïixi ix makïdï go óídakami buyiña dai kodaiña. Dai gïn kodituda agai ïgai ïpïan dukai kïkïixi ïpï.

2 Pedro 2:15

Ka dagito ïgai go kïïgadukïdï boi tudu dai ïpïan buayi ïgai go maradï Beor ix makïdï Balaam tïgidu dai oidakatadai ïïki. Ïgai arhiï ojoiditadai tuminxi dai soimaaxi iduña agaitadai gamaitïkïda ïrhiditai.

2 Pedro 2:18

Kïïga gïgïrdukami gïn aagai ïgai ïïgi dai ñokidï kïïga yoobikan kaiti dïï gia maiti ibuayi soiñi bïïtarï ix makïdï kaïkagi. Pokaiti ïgai sai bia aatïmï oigaragai xi ibuadagi ïïgi ixtumaxi ipïrhiadagi aatïmï, ixtumaxi gïr tanïdagi gïr tukuga tudu. Dai podukai abïnakidi ïgai odami sai soimaaxi ibuadagi. Podukai gïpiïrï surhigai ïgai odami ix makïdï utudami bhïjimi go kïïgadukïdï boi dai utudami ka mai uurapïkïi go soimaaxi ibuadami.

2 Pedro 2:21

Ka máí ïgai ix dukatai bhaiga odami xi buañixikami dukai óídakagi tudu dai gokiïrï ka mai ïïgidi ïgai go ñokidï Diuxi xako gïr tïjai ïgai sai ïgai bïïtarï óídakana aatïmï ïkobai darakatai aatïmï go soimaaxkamiañdïrï tudu. Xioma ïr kïïgaikamudai ïgai bïïtarï ix mai kia maatïkamudai ixdukatai buañixikami óídakagi tudu.

2 Pedro 2:7

Dïï gia aidïxi xia dodai Diuxi go Sodoma dai Gomora bïïxkïrï kïïgakïrï busaitu ïgai go kïïrhi Lot tïgidukami ix makïdï ïr ïmo kïïga ibuadami. Go Lot kabami ojorhitadai nïiditai dai kaïkatai bïïx tasai go buirudagai ix makïdï ibuadana go soimaaxi ibuadami ami. Kabami soi gïrhidiña ïgai gokïdï tudu.

Udaxi 1:10

Dïï gia go tïtïïgiadami yaatagi ix makïdï gïn saagida bapai ïgai mos parunaiña ixtumaxi mai maatï kaïkagi ïgai. Tïgibudadï ïpïan maaxi buxtaki tïgibudadï. Buxtaki dukai ïïgidiña ïgai bïïxi ixtumaxi tañiagi tukugadï daidi ibuayi naana maaxi soimaaxkami tudu. Dai mos ugiti agai ïgai pobuadatai. Pokaitiña ïgai sai kïïga maatï ïgai ixtumaxi dïï pupuiruga ïgai bhaiyoma.

Udaxi 1:15

—Daiñi, Diuxi maatï bïïxi go soimaaxkami ix makïdï ibuadana go odami ix makïdï mai ïïgidi Diuxi. Dai maatï ïgai xïxkadï galnaxi ñoki aagagi ïgai buidïrï Diuxi ïpï. Dai ka dibiakai aagada agai Diuxi ixtuma gïgïbidaragai aji agai bïïxkatai ïgai— ikaiti go Enok ïïki.

Udaxi 1:7

Dai podukai ïpï go ïïkidadï óídakami Sodomana dai Gomorana ïmadï bïïxkatai ix makïdï miadïrï óídakatadai ami. Galnaaxi idui ïgai ïpï gaïmadï bopodatai aipakoga. Ibuadana ïgai buirudagai tukugadïkïdï tudu ïmadï bopodatai ïgai ix makïdï maiti ïr sïïrhi. Kïï maatï aapimï sai Diuxi gïgïbiturhi ïgai. Dai gokïdï gïr tïtïïgidi Diuxi sai taiyïrï gïgïbitulda agai ïgai bïïxi soimaaxi ibuadami. Dai gïgïbidaradï bïïxkïrï bïïtarïka agai dai mai ugiti agai.

Apokalipsis 12:9

Daidi Diuxi maigo surhi go gïï kïixi tïbagiañdïrï modukai tïtïañikarudï. Podukai bhaigobai oidigi daama surhi go kïixi ix makïdï diabora tïgidu dai satanás tïgidu ïpï. Ïgai tudu ïr go gïï kooyi agaikïdï ix makïdï ïki abhiadïrï ajiopaiña tami oidigi daama dai bupuirumadaiña óídakami. Tami oidigi daama gï surhitu ïgai tudu ïmadï modukai tïtïañikarudï maitïkai Diuxi tïtïañikarudï ïgai bui.

Apokalipsis 13:14

Diuxi maa ïgai oigaragai saidi ibuadana maaxidaragai podukai dai bupuirumadaiña ïgai bïïxi oidigi daama óídakami ibuadatai naana maaxi maaxidaragai ami buitapi go kïixi ix makïdï ka duayi. Dai tïjai ïgai óídakami saidi ibuadana ïmo ubixi ïpïamaaxkami go kïixi ix makïdï gï muragi dai duayi. Po buadana ïgai ipïrhiditai xi odami xadutuadagi ïgai.

Apokalipsis 13:8

Dai bhaitoma bïïxi oidigi daama óídakami xadutuada agai go kïixi Diuxi dukai. Dïï gia go odami ix makïdï ojixi go libroïrï ix makïdï bia go Arhi Kañiru ïgai gia mai xadutuada agai go gïï kïixi. Go Arhi Kañiru ïgai makïdï gï muatu dai bia ïmo libro xako ojixi odami ix makïdï bïïxkïrï bïïtarï óídaka agai. Aidï abhiadïrï xi mai kia kïkibatadai oidigi biakana ïgai go libro tudu. Dai odami ix makïdï ojixi ami libroïrï gia mai xadutuada agai go gïï kïixi.