2 Pedro 1:21 - Northern Tepehuan Bible

²¹ Maiti ïr odami tïgibudadï gobai tudu. Dai bhaiyoma Diuxi Ibhïadï ïgai dai tïgitoturhi ïgai saidi ñokadana ïgai Diuxi bïïtarï. Kaxkïdï sïïrhikïdï gï agai ix kïïga gïn tïgito kaïkagi ix kaiti ïgai ojadï.

Tepehuan Northern: Diuusi ñiooquidʌ utuducami oodamicʌdʌ

²¹ Diuusi ñiñiooquituldiadamigadʌ tomali ʌmo imidagai maiaagai istumaasi ʌʌgi ʌgai ipʌlidi baiyoma ʌgai ʌrcʌcʌʌli ismaacʌdʌ Diuusi ʌcovai vuvaitu dai ʌgai ñiooquituldiña Diuusi. Diuusi Ibʌadʌ mamaatʌtuldiña istumaasi aagadagi ʌgai.

2 Pedro 1:21 Iomraidhean Croise

Markos 12:36

Daiñi, Diuxi Ibhïadï ñokiturhi go Dabidkaru ïmo imidagai baidi ikaiti Dabid, —Diuxi Gïr Nukadakami aatagidi gin bhaitï kïakamiga daidi potïtïdai, Dakañi aapi gin sïïrhixapadïrï nai aanï dumaltudana gï sasayu pai daama tuaja aapi gï ïïkaso pai kïixana aapi, itïtïdai Gïr Nukadakami— ikaiti Dabid.

Lukas 1:70

Ka ïïki abhiadïrï pokaitiña Diuxi ñokituldiadamigadï

Hechos 1:16

—Gin aaduñi, ¿Mai ix gï agaitadai xi buaboi busiagi ix makïdï oja Dabidkaru ïïki aagaitai go Udaxi? Daiñi, Diuxi Ibhïadï tïgibudadïkïdï oja Dabid ïïki. Dai xibi ka buaboi busai gobai. Go Udaxi ïgai dai gatïïgi go Suxi xi gï bhïitu ïgai.

Hechos 28:25

Mai ïmo tïgibudagai biakatadai ïgai dai gïn bupui ñokaitadai. Kaxi ïr iimïdamikatadai go odami baidi Pabora itïtïdai aidï, —Gia ïr buaboikatadai ix dukatai Diuxi Ibhïadï aagidi gïn aaduñi ïki. Ïgai aagidi ïmo ñoki go aagadami Diuxi Ñokidï Isaias tïgidukami ïki. Bai go Isaias oja ix kaititadai Diuxi Ibhïadï aidï dai adukai oja,

Hechos 3:18

Ïïki ka podukai ojixikami bia bïïxkatai go Diuxi ñokituldiadami. Dai xibi ka buaboi busai gobai dai soimaaxi taata Diuxi Otosadï Gïr Bhaitï Kïakamiga.

Hebreos 10:15

Ka mai biïga bamioma daxdaragai gïr soimaaxkamiga bïïtarï tudu. Suxi Kristo ka bïïxi bhai dui gïr bïïtarï kaxkïdï. Dai Diuxi Ibhïadï podukai aagai ïpï. Ïgai aagidi ïmo kïïrhi ïïki sai ojana ïmo ñoki Diuxiañdïrï imïdami. Dai adukai oja ïgai. Diuxi ikaiti sai,

Hebreos 3:7

Kaxkïdï gïr maa ñoki Diuxi Ibhïadï ojadïrï Diuxi daidi ikaiti sai, Aanï ïr Diuxi dai xibi xïïxkadï kaïkagi aapimï ix gïn ñokiada aanï

Hebreos 9:8

Pomaaxkatadai go ïïkidadï sïïrhikami tudu. Dai gokïdï gïr maatïturhi Diuxi Ibhïadï sai mai tipukatadai oigaragai go óídakami bïïtarï xi aiyagi ïgai xako daja Diuxi. Pomaaxkatadai asta aidïxi ukami kia namïakatai go ïïkidadï sïïrhikami tudu. Aidïxi kia kïakatadai go kiupai ix makïdï ïr duñidïkatadai ïïgi odami, aidï mai tipukatadai oigaragai óídakami bïïtarï ix bapakiagi Diuxi buitapi.

1 Pedro 1:11

Suxi Kristo Ibhïadï ka ïkiaxdïrï maatïturhitadai go ñiñokituldiadamigadï saidi Suxi Kristo soimaaxi taata agai dai sai gokiïrï oidaka agai naana maaxi bhai ïrhiaragai. Dai go ñiñokituldiadamigadï Diuxi maatïka ïrhiditadai ix tuigako daibuña agai bïïxi gobai dai xorai bïïtarïka agai gobai ïpï.

Apokalipsis 19:10

Pobai in tïtïdai ïgai antai totonakïdï kïkiba ïkasodï sonoana xadutuda iñagaitai Diuxi dukai. Dïï mos ïgai pobai in tïtïdai aidï, —Maiti pobuada. Aanï ïpï mos ïr pioñigadï Diuxi ïpïan dukai aapi ïmadï bïïxi go gaa ix makïdï aipakoga aagaiña Suxi Kristo ñokidï. Daiñi, Diuxi ñokituldiadamigadï aatïmï tudu xïïxkadï aagagi aatïmï Suxi Kristo ñokidï. Kaxkïdï gï agai xi mosïkaxi Diuxi xadutuada aatïmï dai maiti gï agai xi Diuxi dukai gin nïijada aapi— in tïtïdai ïgai.