1 Tomoteo 3:7 - Northern Tepehuan Bible

⁷ Ïmo nukadakami buaboitudadami gï agai xi sïïrhi oidakagi buitapi go gaa óídakami tudu ix makïdï mai buaboitudai sai podukai mai biakagi go diabora ixtukïdï gïpiïrï daitudagi ïpï.

Tepehuan Northern: Diuusi ñiooquidʌ utuducami oodamicʌdʌ

⁷ Dai aliʌsi gʌaagai isʌmaivaavoitudadami siaa duutuadagi ʌʌpʌ vai maiviaacagi oodami istucʌdʌ gʌpiʌr vuupadagi dai maitʌaagai isgʌdagitu ʌgai isʌDiaavora soimaasi iduiñtuldagi.

1 Tomoteo 3:7 Iomraidhean Croise

2 Korintios 8:21

Ipïrhidi aatïmï sai nïijadagi Diuxi sai kïï sïïrhi ibuayi aatïmï gïr aaduindaga tudu dai sai go odami nïijadagi ïpï.

2 Timoteo 2:26

Xibi maamaixapikami dukai bia go diabora ïgai ix makïdï soi dukai nïidi Diuxi ñokidï dai bia ïgai ix ïïgiadagi go diabora. Kaxkïdï gï agai xorai maatïtai maakana ñoki sai ïma dukai gïn tïtïgitoda ïgai. Dai ix ïma dukai gïn tïtïgitoagi ïgai aidï gia bhïimu ïgai go sïïrhi tïgibudagai dai ka mai gïpiïrï surhigimu go diabora.

Kolosenses 4:5

Kïïga abïr gïn tïgito nïijada ix dukatai ibuayi aapimï buidïrï go óídakami ix makïdï mai kia buaboitudai. Xibi kia bia aapimï oigaragai xi ibuadagi ixtumaxi ïr soiñi ïgai bïïtarï tudu dai kaxkïdï abïr kabami gïn aaga dai mai dagito ix mos dïgabuskïdagi tasai.

1 Tomoteo 6:9

Daiñi, mui odami gïpiïrï susurhigïiña gïn bipida ïrhiditai. Kaxkïdï tudu ibuada ïrhidiña ïgai naana maaxi soimaaxkami. Pobïnïrhidi sai podukai gïn bipida agai. Gobai ïgai dai gïpiïrï surhitudai dai xia buayi oidakaradï bïïxkïrï bïïtarï.

1Tesalonicenses 4:12

Podukai tudu jaa ix makïdï mai buaboitudai gïn tïgito nïijadamu kïï bhai maaxkami dukai óídakatai aapimï. Dai podukai ïpï maiti gï aagadamu ix gïn maakiagi ïgai soiñi. Maiti gïn biïgakamu soiñi tudu Ïïgi gamaitïmu aapimï ïïgi aatabuadatai bhaiyoma.

2 Korintios 6:3

Gin aaduñi, aanï ïmadï go gaa ix makïdï gin ïmadï aatabuayi kïï sïïrhi ibuadana gïr aaduindagai sai mai tipukana tomarhi ïmo sobhidaragai ix go odami buaboitudagi gïr ñoki.

1 Korintios 10:32

Maiti gï agai tudu ix ibuadagi ixtumaxi sobhikïdagi jaa ix buaboitudagi tomaxi ïr judidiukagi ïgai ix jaa ïpï, ix ka uraba daraka ïgai Diuxi buaboitudakai ix cho ïpï.

Hechos 6:3

Kaïkabïrai tudu gïr aaduñi daidi gaaga kubarakami kïkïïrhi gïn saagidañdïrï ix makïdï kïï tutiakami duu nïidi odami dai ix makïdï Diuxi Ibhïadï tïanïi dai ix makïdï xioma kïï maatï aatabuadagi. Ïgai tïïgidamu aatïmï go soiñi xi ïgai takoidana bhaiyoma.

Tito 2:8

Tïïgidañi ñoki ix makïdï ïr buaboi tudu sai podukai mai tipukagi ixdukatai ñokadagi jaa. Podukai ibuadatai aapi gïn xaïrogidamu gïr buidïrï bïïtïkamiga mai tïtïgaitai ïgai soimaaxi ixtukïdï gïpiïrï gïr buapadagi.

1Tesalonicenses 5:22

dïï gia ix soi maaxkagi aidï gia abïr mai ïïgiada gobai.

1 Tomoteo 5:14

Mui bipiudu ka podukai dagito Suxi Kristo tudu ka mai ïïgida ïrhiditai dai ïïgiditai bhaiyoma go diabora. Kaxkïdï aanï aagai sai maiti gï agai xi gïn ojagi utu iimïdami bipiudu ami paperhiïrï dai gï agai bhaiyoma xi gaïmadï biyagi ïgai ïpamu. Gï agai xi mamartadagi ïgai dai xi kïïga nukadakagi ïïgi bakidï daidi kïïga óídakagi. Gï agai tudu xi kïï buadagi ïgai sai mai tipukagi ixdukatai galkai nïijadagi jaa go buaboitudadami.

1 Korintios 5:12

Gin susukurhi, aanï mai bia sïïrhikami ix aagadagi ix bhai ïr soimaaxi buadami go odami ix makïdï mai buaboitudai. Gobai ïr Diuxi aaduindadï. Dïï gia go odami ix makïdï gia ïr buaboitudadami dai gïn urapïkïi ïgaikïdï gia ïr ïma dukai. Ïgaikïdï gia gï aagai ix aapimï aagadagi ix bhai ïr soimaaxi ibuadami ix cho ïpï. Daiñi, go Moiseskaru oja adukai ïïki sai, Maigobai abïr busaida go soimaaxi buadami gïn saagidañdïrï, ikaiti ojadï. Kaxkïdï gï agai aapimï xibi ix podukai ibuadagi ixdukai oja ïgai. Gï aagai ix maigobai busaida aapimï go soimaaxi buadami gïn saagidañdïrï tudu.

Hechos 22:12

Dai ami oidakatadai ïmo kïïrhi Ananias tïgidukami. Ïgai kïïga ïïgidi kaïkana Diuxi ñokidï dai go judidiu Damaskïrï óídakïdï sïïrhikïdï kïïga ñokaiña ïgai bïïtarï.

Hechos 10:22

Daidi go kïkïïrhi itïtïdai aidï, —Ojotosadï aatïmï go kapitañi Kornelio— itïtïdai. —Go Kornelio kïï xadutudai Diuxi. Dai bïïxi go judidiu kïï tuigakami aagai ïgai— itïtïdai. —Dai ïmo Diuxi tïañikarudï aagidi go Kornelio sai gï baidana pïsai imïna kiidïrï dai maakana aapi ñoki— itïtïdai kïkïïrhi.

Markos 4:11

Taidi go Suxi potïtïdai, —Daiñi, Diuxi gïn maakai oigaragai xi maatïkagi aapimï ïmo xijaigakami aatagi. Ïgai gïn maakai oigaragai xi maatïkagi ix maaxi xudu tïanïi ïgai. Dïï go gaa gia cho. Ïgai mosïkaxi maaxidaragai aatagikïdï aatagai aanï

3 Juan 1:12

Xibi aagamu aanï ïmai kïïrhi Demetrio tïgidukami. Daiñi, bïïxi go odami ix makïdï maatï go Demetrio pokaitiña sai kïï tuiga. Kïïga maatiga maaxi sai kïï tuiga ïgai tudu kïïga oiditai ïgai ixtumaxi ïr buaboi. Dai aatïmï ïpï ix makïdï ïr ojotosadï Suxi pokaiti aatïmï ïpï sai kïï tuiga ïgai. Dai kïï maatï aapi sai mai yaatagïi aatïmï.

1 Tomoteo 3:6

Dai ïmo kïïrhi ix makïdï utudami buaboitu maiti gï agai ix nukadakami dasagi ïpï. Tadu ïmo gïdukami dukai gï ïrhiada ïgai ïïgi ka bhïkai go sïïrhikami ka nukadamikatai ïgai dai podukai go diabora gïpiïrï daitudagi.