1 Pedro 5:1 - Northern Tepehuan Bible

¹ Xibi ojamu aanï ïmo ñoki go bhaitï gukakamigadï go buaboitudadami bïïtarï. Gin kaïkabïrai, aanï ïpï ïr ïmo bhaitï kïakamigadï go buaboitudadami ïpï dai nïidi aanï aidïxi soimaaxi taatamaitadai Suxi Kristo. Aanï ïpï urabamu Suxi xïïxkadï dibiagi ïgai dai gï maaxitudagi xïïxi ïr gïdukami ïgai.

Tepehuan Northern: Diuusi ñiooquidʌ utuducami oodamicʌdʌ

¹ Gʌnmaaquia iñʌlidi aanʌ ñiooqui aapimʌ vaavoitudadami gʌntʌtʌaanʌdamiga. Aanʌ ʌʌpʌ ʌrtʌaanʌdami ʌpan duucai ʌgai. Daidʌ ʌrnʌijadami isducatai soimaa taata Suusi Cristo dai aanʌ ʌʌpʌ ʌʌmadu daacamu Suusi Cristo vʌʌsi vaavoitudadami ʌʌmadu.

1 Pedro 5:1 Iomraidhean Croise

Lukas 24:48

Aapimï ïr nïijadami tudu sai bïïxi daibusai aanïkïdï ixdukatai ojixi. Dai gï agai xi aagagi aapimï bïïxi ix tuma nïidi— itïtïdai.

Hechos 1:8

—Dïï gia xïïxkadï aiyagi Diuxi Ibhïadï gïn abhana aidï bhïimu aapimï gubukarhigadï ïgai dai odami buitapi aituldamu aapimï ñoki gin bïïtarï. Jerusalenïrï aituldamu aapimï gin ñoki ïmadï xako Judeana tïgidu oidigi ïmadï maigobai xako Samariana tïgidu oidigi dai asta mïkaxi oidigi ugidïrï ukami aituldamu aapimï ñoki gin bïïtarï— itïtïdai go Suxi.

Hechos 11:30

Dai bhodïrï tïïgi ïgai go soiñi go Bernabe ïmadï Saulo sai ïgai bhïidakaiña Judeamu dai mïï tïïgidana go bhaitï gukamigadï buaboitudadami ami.

Hechos 14:23

Dai bïïxi aipakoga xako gïn ïmpaidiña buaboitudadami go Pabora ïmadï Bernabe darai bhaitï gukakami bai ïgai nukadakana go buaboitudadami. Dai kaxi po duñakai ïgai sai bhodïrï gadáí ïgai Diuxi go buaboitudadami bïïtarï mai dïïkai kuadagai. Daidi itïtïdai ïgai Diuxi, —Aapi Diuxi ïr nukadakami ka agai idi buaboitudadami— itïtïdai ïgai daanïitai.

Hechos 15:4

Gokiïrï ka aïkai ïgai Jerusalenïrï go ojotoxikami dai go bhaitï gukakami kïï bhai gïn ïjïrhidi nïiditai. Dai go gaa buaboitudadami ami bhai gïn ïjïrhidi ïpï. Daidi Pabora ïmadï Bernabe dai ix makïdï oiditadai bïïxi aagidi ixdukatai Diuxi gïn gupukaturhi xi aagadagi ïgai Diuxi ñokidï. Aagidi ïpï sai Diuxi gubukadadïkïdï jaa odami buaboitu ïpï ix makïdï maiti ïr judidiu. Dai go Jerusalenïrï oidakïdï buaboitudadami bhai gïn ïjïrhidi kaïkatai.

Hechos 15:6

Dai gïn ïmpagi go ojotoxikami ïmadï bhaitï gukakami dai aaga agai sa bhai ïr buaboi ix duu agaitadai go fariseos.

Hechos 2:32

Go Suxi tudu aba ïgai ix makïdï Diuxi duakaturhi. Aatïmï ïr nïijadami di.

Hechos 20:17

Dai abhiadïrï Miletañdïrï go Pabora otoxi ñoki sai gamo iimïna go kïkïrhiodami ix makïdï ïr buaboitudadami bhaitï gukakïdï Efesoana óídakami.

Hechos 20:28

Kaxkïdï gïn nukadakabïrai ïïgi aapimï bhaitï gukakami daidi kïïga abïr nukada go buaboitudadami ïpï ix makïdï gïn nukaturhi Diuxi Ibhïadï. Ïgai tudu gïn darai saidi ïr nukadakamikana aapimï go buaboitudadami ix makïdï Diuxi sabïrhi ïïgi maradï ïradïkïdï. Go buaboitudadami ïpïan dukamikana kañiñiru. Diuxi sosoigadï gïn dukamikana ïgai dai gï aagaiña xorai nukadakagi ïgai.

Hechos 21:18

Dai xadiko Pabora gïr oi dai mïï dibiji aatïmï go Jakobo. Ami darajatadai bïïxi go kïkïrhiodami bhaitï gukakïdï ïpï.

Hechos 3:15

Podukai mua aapimï go ix makïdï gïr maakai gïr iibhïdaga. Mua aapimï dïï Diuxi duakaturhi ïgai dai aatïmï ïr nïijadami ix duaka ïgai— ikaiti.

2 Korintios 5:1

Kïïga maatï aatïmï tudu sai gïr tukuga ix makïdï bia aatïmï tami oidigi daama mai tïbïpi kabaka agai. Idi tukugïrï mosïkaxi chïki tasai óídaka ragai ïmo urhiñaragai dukai. Dai xïxkadï ugitiagi idi gïr tukuga aidï gia buimu aatïmï ïmai tukugai tïbagiañdïrï ix makïdï Diuxi idui dai mai xu ix makïdï odami idui. Dai gïr tukuga utudui ix makïdï bhïimu aatïmï gobai gia mai ugiti agai tomarhi ïmo imidagai.

2 Korintios 5:8

Daiñi, tïtïitoi aatïmï Gïr Nukadakami, ïmadï óídaka rïrhiditai tïbagiana dai kaxkïdï mai buamï rïrhiditai óídaga aatïmï tami oidigi daama. Asta ka bhai duka aatïmï ix dagitoagi gïr tukuga ipïrhiditai ix ïmadï darakagi Suxi Kristo tïbagiana tudu.

Filipenses 1:19

Maatï saidi daanïiña aapimï Diuxi gin bïïtarï tudu. Bhai gin ïrhidi aanï maatïkatai ïpï sai Suxi Kristo Ibhïadï kïïga gin soikïiña sai kïïgakïrï oidakagi aanï tomaxi naana dukai soimaaxi taataimi aanï xibi.

1 Tomoteo 5:1

Daiñi Timoteo, maiti gï agai xi bhagaidadagi ïmo kïrhiodami xïïxkadï mai kïï buadagi ïgai. Gï agai bhaiyoma xi kïïga xadutudaitai maakadagi ñoki kïï bhai dukai ïpïandukai xi ïr gï ogakamudai. Dai podukai go utu iimïdami ïpï imakada aapi ñoki ïpïan dukai xi ïr gï xixïgikagi ïgai.

1 Tomoteo 5:19

Dai xi ïmoko pokaitadagi sai ïmo buaboitudadami bhaitï kïakamigadï mai kïïga ibuayi maiti gï agai xi ïïgiadagi go gïpiïrï bupadami. Mosïkaxi ix oidakagi goka xiïpï muiyoma nïijadami sai soimaaxi idui go bhaitï kïakami aidï gia.

2 Timoteo 4:8

Dai kïï maatï aanï sai sïïrhi aatabuayi ïgai ix makïdï aagada agai ix bhai kïï idui aanï. Dai kïï maatï aanï ïpï sai bhai dasakami bia ïgai gin maitïki kïï sïïrhi oidakatai aanï. Dai mai xu xi mosïkaxi aanï gin maakimu ïgai maitïki ïpï. Bïïxi ix makïdï bhai ïrhiarakïdï nïnïraka ix dibiagi ïgai buimu maitïki ïpï.

Tito 1:5

Aapi Tito, gï aagidi aanï baasïkioñdïrï pïsai bhai buadana ixtuma biïgakagi buaboitudadami bïïtarï ami Kretana. Pomaaxi bïïtarï gï bia aanï Kretana tudu. Gï aagidi aanï pïsai darasagi bhaitï gukakamigadï go buaboitudadami bïïxi go arhi kiikiïrï xakoga gïn ïmpaidi ïgai.

Hebreos 12:1

Gin aaduñi Diuxi amadïrï, kaxi gïn aagidi aanï sai muidukana go óídakami ix makïdï kïïga buaboitudai Diuxi ïïki abhiadïrï. Gïr xikorhi gukakan duu ïgai gïr aagiditai sai mai ugutai buaboitudada aatïmï Diuxi tudu. Kaxkïdï ïpï tï tai aatïmï kabami gïr aga dai kïïga buaboitudaitai óídaka ïpï. Tï kabami gïr aga ïpïan dukai ïmo mïmïradami ix makïdï maigobai dadasai bïïxi ixtumaxi sobhikïdagi ix mïradagi ïgai. Tï maigobai dasa bïïxi ixtumaxi gïr sobhikïdagi saidi kïïga buaboidaitai óídakagi aatïmï tudu. Tï gajiadïrï bia bïïxi go soimaaxkami ix makïdï dudatai gïr sobhikïi. Gï agai tudu xi mai ojodatai oijadagi aatïmï go oidakaragai ix makïdï gïr maa Diuxi.

1 Pedro 1:12

Go ñiñokituldiadamigadï Diuxi kïïga máí sai mai kia bhai duña agaitadai Diuxi go kïïgakïrï bubaidaragai aidïxi kia oidakatadai ïgai. Diuxi podukai maatïturhi ïgai kaxkïdï. Dai kaxkïdï maatïkatadai ïgai saidi go ñoki ix makïdï gatïtïïgitadai ïgai ïïki ïr aapimï gïn bïïtarï ix makïdï gokiïrioma dada. Dai xibi Diuxi ka otoi Ibhïadï tïbagiañdïrï. Dai gïn otoxdi Diuxi tïtïïgiadami ñoki xorai gïn aiturhiadagi go bhai ïrhiaragai aatagi ïpï. Diuxi Ibhïadï gubukarhigadïkïdï gïn aiturhi ïgai go aatagi aagaitai go kïïgakïrï bubaidaragai tudu. Agia xigiamaaxi aatabuayi Diuxi. Asta go tïtïañikarudï Diuxi kïïga gïn tïgito nïnïidi ka daibuskïitai bïïxi ixtumaxi aagaiña go ñiñokituldiadamigadï Diuxi ïïki abhiadïrï tudu.

1 Pedro 1:7

Daiñi, gïn aagidamu aanï ïmo maaxidaragai ñoki gokïdï. Kïïga maatï aapimï sai odami taiyïrï dadasai oro dai mïmïidiña sai podukai kïïga maaxkana gobai ix makïdï buaboikïdï ïr go ïïgi oro. Dai podukai ïpï xïïxkadï soimaaxi taatamadagi aapimï buaboitudadami podukai kïïga maaxkana ix bhai buaboikïdï buaboitudai aapimï. Dai xïïxkadï apia kïïga buaboitudagi aapimï gobai bamioma namïga xi bhai go oro. Go oro mai bïïxkïrï bïïtarï kabaka tudu tomaxi kïïga gï mïidagi dai kïïga buañixikagi gobai. Dïï gia xïïxkadï ïpamu dibiagi Suxi dai gï maaxitudagi xorai ïgai aidï Diuxi kïïga ñokadamu gïn bïïtarï kïïga buaboitudaitai aapimï. Dai oidakamu gïdukami xadutudaragai gïn bïïtarï aidï ïpï.

1 Pedro 4:13

Bhai gïn ïrhiadabïrai bhaiyoma. Gobai ix makïdï taatamaimi aapimï ïr ïmo urabaragai Suxi Kristo ïmadï kaxkïdï. Ïgai podukai soimaaxi taata ïpï tudu. Dai gobai itïiya ïrhidi sai gia kabami bhai gïn ïrhiadamu aapimï xïxkadï dibiagi ïgai ïpamu xïïxkadï gï maaxitudagi xïï xigiamaaxi ïgai dai xïï kabami ïr gubuakami ïpï.

1 Pedro 5:4

Ix podukai nukadakagi aapimï gïn aaduñi Diuxi amadïrï aidï gia Diuxi gïn maakimu ïmo maitïki ix makïdï bïïxkïrï bïïtarï bhai ïrhiaragaka agai. Gïn maakimu ïgai gobai xïxkadï dibiagi Suxi Kristo ïpamu ix makïdï adama ïr gïr Paxturuga tudu.

1 Juan 3:2

Gin aaduñi, kaxi ïr maamaradï aatïmï Diuxi xibi. Dïï gia maiti gïr tïtïïgidi Diuxi kia ix maaxka ragai aatïmï xïïxkadï dibiagi Suxi Kristo. Dïï gia kïïga maatï aatïmï sai xïïxkadï dibiagi Suxi Kristo kïïga nïijadamu aatïmï dai maatïkamu ix maaxi ïgai. Dai mos nïiditai aatïmï ix maaxi ïgai aidï gia ka ïpïan mamaaxkamu aatïmï ïgai.

2 Juan 1:1

Aanï ïr Juan dai gïn otoxdi idi ojai ïmo bhaitï kïakamigadïkatai aanï bïïxkatai go buaboitudadami. Ïmo biatuldaragai gïn bïïtarï bïïxkatai aapimï buaboitudadami ix makïdï gïn ïmapaidi dai xadutudai Diuxi ami xako daraka aapimï. Ïko bubaidadï aapimï Diuxi aapimï gin aaduñi. Ïmo aadunumï dukai aatïmï, aanï ïmadï aapimï tudu, buaboitudaitai aatïmï ixtumaxi ïr buaboi. Kaxkïdï kïïga gïn oigïdai aanï dai gïn ojidi. Dai bïïxi go gaa buaboitudadami aipakoga óídakami gïn oigïdai ïpï.

3 Juan 1:1

Bhaiga aapi Gaiyo. Aanï ïr Juan dai gï otoxdi aanï idi ojai ïmo bhaitï kïakamigadïkatai aanï go buaboitudadami. Kïïga gï oigïdai aanï aapi Gaiyo

Apokalipsis 1:9

Gin aaduñi, kïï maatï aanï sai soimaaxi gïn taatamiturhiña jaa bïïna darakatai aapimï Suxi Kristo dai aanï ïpï taataiña xi soimaaxi gin taatamiturhi jaa bïïna dakatai aanï Suxi Kristo ïpï. Ïmo xïgïmï aatïmï tudu soimaaxi gïr taatamiturhitai jaa aatïmï bïïxkatai. Dïï gia ïmaduga Gïr Nukadakami dai ïgai ïr Suxi Kristo. Dai bïïna darakatai aatïmï ïgai buyiña aatïmï gubukarhigai ixtukïdï gïr kabakadagi go soi ïrhiaragai bui. Gïn aagidamu aanï ix dukatai gin daibusai ïmo imidagai tumiñoko. Ïmo arhi oidigana dajatadai aanï aidï ix makïdï go gïï sudagi ïrana kaatï. Patmos tïgidu go arhi oidigi ïgai. Ami gin maixatutadai jaa aagaitai aanï Diuxi ñokidï dai aagaitai Suxi Kristo. Ami dajatadai aanï tudu dai ïmo imidagai gin tïanïitadai Diuxi Ibhïadï dai aanï kïïga ïïgidimi bai todian dukai ïgai gubukadadïkïdï kaï aanï ix gïgïrï ño ïmoko gin gokiañdïrï. Po ïrhiadan kaiti trompeta.