1 Pedro 3:4 - Northern Tepehuan Bible

⁴ Gï agai bhaiyoma sai kïï tutiakagi aapimï gïn ibhïdagïrï. Ix xigian tutiakagi aapimï gobai ïr ïmo kïïgadukami ixtumaxi ix makïdï mai ugiti agai daidi ïr ïmo bhai ïrhiaragai Diuxi bïïtarï. Ix mai oomarhigakagi aapimï toma lïïchi tudu dai mai ñiñokidaragakagi aapimï.

Tepehuan Northern: Diuusi ñiooquidʌ utuducami oodamicʌdʌ

⁴ Baiyoma gʌaagai mʌstʌtʌgitodagi mʌsducatai oidaga. Maitavʌr gʌgʌrducʌdʌ gʌnʌliada tomali maioomaliaca. Gomaasi ʌgai istumaasi aliʌ oojoidi Diuusi.

1 Pedro 3:4 Iomraidhean Croise

Mataibo 11:29

—Bhïibïrai go tïgibudagai ix makïdï gïn tïtïïgidamu aanï saidi podukai ïr gin mamaatïrdamigakagi aapimï. Aanï mai gïdukïdï gin ïrhidi buidïrï jaa dai kïï tuiga aanï tudu.

Mataibo 21:5

Aagidabïrai go Jerusalenïrï óídakami sai ka bhodïrï iimïi Reygadï. Kïï tuiga ïgai dai mai gïdukïdï gï ïrhidi. Ïmo axñitu daama dai ïmadï ïmo axñitu maradï daama daitugai ïgai. Po duu oja go ñokituldiadamigadï Diuxi ïïki.

Mataibo 23:26

Agia pupuiruga aapimï fariseos. Buanabïrai gïn iibhïdaga tudu. Gïn Buanabïrai ix dukai bakuanai odami ajasokorhi. Gï agai xi kïïga buanadagi gobai ïrabiadïrï tudu. ¿Ïma dukai dukatai kïïga buañixikana gobai?— itïtïdai.

Mataibo 5:5

—Dai podukai ïpï aapimï ix makïdï mai gïgïrdukïdï dukai gïn ïrhidi jaa bïïtarï dai bhaiyoma mai tïtïanïdami dukai gïn nïnïidi aapimï ïïgi. Aapimï kïïga bia ïmo bhai ïrhiaragai ïpï. Diuxi gïn maakimu bïïxi go oidigi saidi gïn tuidagaka agai gobai kaxkïdï—.

Lukas 11:40

Aa gia pupuiruga aapimï. ¿Maiti mïx maatï sai Diuxi idui gïr tukuga ix makïdï nïidi aatïmï dai idui ïgai gïr ibhïdaga ïpï ix makïdï mai nïidi aatïmï? Kaxkïdï xi xadutuada ïrhiada aatïmï Diuxi gï agai xi buañixikagi gïr ibhïdaga ïpï dai mai xu xi mosïkaxi gïr tukuga.

Lukas 16:15

Daidi Suxi potïtïdai, —Aapimï fariseos naana maaxi aaduindagai ibuadana ix makïdï buañixikami maaxi odami buitapi ipïrhiditai sai odami buañixikami ïrhiadagi gïn iibhïdaga gïn nïiditai. Dïï gia Diuxi kïïga nïidi ix maaxi gïn iibhïdaga dai mai xu xi mosïkaxi nïidi ïgai ixtuma buadagi aapimï. Kïïga gï maatï tudu sai Diuxi tukuragai dukai nïidi naana maaxi ixtumaxi ix makïdï odami buañixikami dai namïakami aagai— itïtïdai.

Romanos 1:23

Daiñi, Diuxi sïïrhikïdï ïr gïdukïdï dai kïï tiodi. Odami mai tïbïpi kapakarïi dïï Diuxi gia tomarhi ïmo imidagai mai mukimu. Dïï bïïxkïrï odami xadutudai uubixi bhaiyoma ix makïdï odami maaxi tomaxi odami mai tïbïpi kapakarïi. Odami maaxi uubixi xadutudai ïgai ïmadï ujurugi dai buxtaki dai kïkïixi maaxi ïpï, maiti ipïrhiditai ix xadutuadagi Diuxi.

Romanos 2:29

Dïï gia ix makïdï ïma dukai gïn tïtïgitoagi, ïgai gia ibhïgadïkïdï kïïgakïrï ïr judiu dai ïr Diuxi ïko bubaidadï. Ïgai gia ibhïdagakïdï maaxitudai sai ïr Diuxi tuidadï dai mai xu mosïkaxi tukugadïkïdï maaxitudai ïgai. Mosïkaxi Diuxi Ibhïgadï ïgai daidi ïr ïmapïduu ibuadami odami iibhïadï xi podukai ïkobai bubaidadïkagi ïgai Diuxi. Diuxi Ibhïadï ïgai dai ïkobai bubaidi odami Diuxi bïïtarï saidi ïr aaduñdïkana. Dai go sïïrhikami gobai mai ïkobai bubaidi tomarhi ïmo odami saidi Diuxi aaduñdïkagi ïgai. Diuxi ïkobai bubaidadï biaka agai ïmo xadutudaragai Diuxiañdïrï tudu dai mai xu odamiañdïrï.

Romanos 6:6

Kïï maatï aatïmï sai aidïxi Suxi gï xixatu kuruxiana aidï gïr ibhïdaga ïkidadï gï xixatu ïpï ïgai ïmadï. Podui Diuxi sai podukai ka maiti gïr tïanïdana go soimaaxkami.

Romanos 7:22

Daiñi, Diuxi sïïrhikamigadï ïr bhai ïrhiaradï gin ibhïdaga.

2 Korintios 10:1

Gin aaduñi, pokaitiña ïïmo odami sai xïïxkadï gïn ïmadï dakagi aanï sai kïï tuigakami dukai gïn mamaakaiña aanï ñoki maiti gïn bhagaiditai. Dai pokaitiña ïgai sai mosïkaxi xïïxkadï mïkaxi dakagi aanï dai gïn ojidagi sai aidï gia bhagaidadan kaitiña gin oja. Pokaitiña ïgai gin aagaitai aanï Pabora tudu ix makïdï ibuayi idi ojai. Dïï gia gïn aagidamu aanï ïmo ñoki dai gï agai sai maatïka aapimï sai ñokiturhimi aanï Suxi Kristo aagaitai idi ñoki. Daiñi, kïï tuiga Suxi dai kaxkïdï kïï bhai maaxkami dukai gïn maakimu aanï ñoki. Kïï bhai dukai gïn aagidimi aanï mïsai gin ïïgiada aapimï tudu ñokiturhitai aanï go Suxi Kristo.

2 Korintios 4:16

Sïïrhikïdï kïï tuiga Diuxi gïn bïïtarï tudu daidi ibuayi naana maaxi gïn bïïtarï ipïrhiditai ix oijadagi aapimï ixtumaxi ïr buaboi. Kaxkïdï apia gatïtïïgidimi aatïmï go bhai ïrhiaragai aatagi tomaxi soimaaxi taatamai aatïmï dai maiti gïr daadagitoi xi gïr maitiagi go soi ïrhiaragai toma xïïxi kabami soimaaxi taatamai aatïmï. Apia gatïtïïgidi aatïmï go bhai ïrhiaragai aatagi aipakoga tomaxi bïïx tasai bamioma ugitimi gïr tukuga tudu dïï gia bïïxkïrï bïïx tasai bamioma utudutuimi gïr iibhïdaga.

Galatas 5:23

Ga aatabuadatai Diuxi Ibhïadï gïr ïrana kïïga bhai maaxkami dukai buididiña aatïmï jaa ïpï. Dai bhaigakana aatïmï xi ka mai ïïgiadagi ixtumaxi gïr tïanïdagi ïïgi gïr tïgibudaga. Bïïxi gobai ibuayi Diuxi Ibhïadï aatïmïrï xïxkadï ïïgiada aatïmï ïgai. Dai xïïxkadï ïïgiada aatïmï Diuxi Ibhiadï aidï gia ka mai tipu tomarhi ïmo sïïrhikami ix makïdï gïpiïrï gïr daitudagi.

Efesios 4:2

Maiti abïr gïgïrdukïdï gïn ïrhiada ïïgi aapimï toma lachi dai kïïga abïr tutiaka jaa bïïtarï. Gupurtudabїrai gïn iibhïdaga daidi abïr mai ojodada go gaa buaboitudadami. Bhaiyoma abïr gïn oigïada aipakoga tomax dukai.

Kolosenses 3:12

Daiñi, xibi aapimï buaboitudadami kaxi ïr ïko bubaidadï Diuxi. Ïkobai darasaka aapimï Diuxi bïïtarï tudu dai gïn oigïdai ïgai. Kaxkïdï abïr soi gïn ïrhiada nïiditai jaa ix makïdï soimaaxi taatamadagi daidi abïr kïï tutiaka buidïrï jaa odami ïpï. Maiti abïr gïgïrdukïdï gïn ïrhiada daidi abïr kïï bhai maaxkami buidadagi jaa mai omarhigakatai buidïrï. Maiti abïr otoma ojodada go jaa xïïxkadï mai kïï ibuadagi ïgai.

Kolosenses 3:3

Kaxkïdï tudu ka koidadï duu bii aatïmï gïr ïïkidadï oidakaragai bïïtarï dai xibi bia aatïmï ïmo utudui oidakaragai bïïnaka darakatai aatïmï Suxi Kristo. Aatïmï bïïnaka daraka Suxi Kristo tudu dai Suxi Kristo bïïnaka daja Diuxi dai bia gïr utudui oidakaragai. Suxi gia kïïga maatï ix maaxika agai gïr utudui oidakaragai dïï aatïmï gïr bïïtarï mai maaxi kia.

1Tesalonicenses 4:11

Gïn abïnakida rïrhidi aatïmï sai gaagagi aapimï ix dukatai kïï bhai maaxkami dukai óídakagi dai maiti gï agai xi gïn bapasadagi xako maiti gïn ajïakagi. Daidi buadabïrai ïïgi gïn aaduindaga tudu sai podukai biakana aapimï ix dukatai óídakagi. ¿Mai ix podukai gïn mamaakaiña aatïmï ñoki baasïkioñdïrï abhiadïrï?

2 Tesalonicenses 3:12

Daiñi, bia aatïmï ïmo sïïrhikami ix makïdï gïr maa Suxi Kristo ix kaxkïdï tïanïi aatïmï ïgai sai mai paparïgakana dai sai kïï bhai maaxkami gaatabuadana bhaiyoma dai sai ïïgi maitïkïiña ixtuma kuadana.

1 Tomoteo 2:2

Daidi abïr daanturhiada go gïgïr dudunukami dai bïïxi go gaa gupudagai bipiakami ïpï. Abïr daanïda ïgai bïïtarï bai kïïga aatabuadagi ïgai. Gï agai gobai sai podukai xioma óídakana aatïmï bïïxkatai xadutudaitai Diuxi dai kïïga gïr xadutudaitai aipakoga ïpï.

2 Timoteo 2:25

Ïmoko ix makïdï ibuayi Diuxi aaduindadï gï agai ix kïïga oigïdaitai maakiagi ñoki go odami ix makïdï soi dukai nïidiña Diuxi ñokidï. Sa bhai podukai soiñana Diuxi sai ïma dukai gïn tïtïgitoagi ïgai dai maatiagi ïgai ixtumaxi ïr buaboi.

Tito 3:2

Maiti gï agai ïmo buaboitudadami xi galnaaxi ñoki aagiadagi tomarhi ïmadutai tomarhi xi gabupui ñokidaragakagi. Gï agai bhaiyoma xi kïï tuigakagi ïgai bïïxi óídakami bïïtarï dai mai xu xi ïmo gïdukami gï ïrhiadagi ïïgi.

Santiago 1:21

Kaxkïdï abïr dagito bïïxi go soimaaxkami dai bïïxi go tukuragai maaxi ix makïdï ibuadana aapimï. Dai bhaiyoma abïr kïïga maaxituda sai mai gïgïrdukïdï gïn ïrhidi aapimï kïïga ïïgiditai Diuxi ñokidï. Kïïga ïr buaboi Diuxi ñokidï tudu ix makïdï gïn tïtïïgidi jaa. Ka kïïga maatï aapimï Diuxi ñokidï gïn iibhïdagïrï tudu. Dai Diuxi ñokidï kïïga bia gubukarhigai ix kïïgakïrï gïn bubiadagi kïïga buaboitudakai aapimï.

1 Pedro 1:23

Ka uutudui aapimï tudu, uutudui bubuaka aapimï ïmo utudui oidakaragai bïïtarï ix makïdï mai ugiti agai tomarhi ïmo imidagai. Diuxi ñokidïañdïrï imïi gïn utudui oidakaraga tudu dai Diuxi ñokidï mai ugiti agai tomarhi ïmo imidagai. Bïïxkïrï bïïtarï gobai.

1 Pedro 3:15

Dai bhaiyoma abïr kïïga xadutuada Suxi Kristo bïïxi gïn ibhïdagakïdï gïn Tïanïdamigakatai ïgai. Dai bhaiga abïr gïn duka sai bhaigakana aapimï xi kïïga aa noraidagi ñoki xïïxkadï gïn tïkakagi go jaa ix tuixi bhai gïn ïrhidi aapimï buaboitudaitai aapimï Suxi Kristo. Dïï gia xïïxkadï aa noraidagi aapimï ñoki gï agai sai mai gïgïrdukïdï gïn ïrhiadagi aapimï dai gï agai sai kïï bhai maaxkami dukai aa noraidagi aapimï.

1Sa 16:7

Dïï Gïr Nukadakami itïtïdai, —Maiti gï tïgito nïñiada xïï kïï tiodi ïgai dai xïï tïkaboga ïgai ïpï. Aanï maiti ipïrhidi xi ïr Reykagi ïgai. Odami mosïkaxi tukugadï nïidi dïï aanï gia ibhïadï nïidi bhaiyoma—.