1 Pedro 2:8 - Northern Tepehuan Bible

⁸ Daidi ikaiti go ojai ïpï sai, Suxi Kristo ïr ïmo odai dukai xako utubai odami mai buaboitudaitai ïgai. Dai ix makïdï mai buaboitudai gïpiïrï surhigïi, ikaiti go ojai. Mui odami gïpiïrï surhigïï mai ïïgiditai ïgai Diuxi ñokidï ix makïdï aagai go Suxi Kristo tudu. Dai Diuxi ka podukai dáí sai taatana ïgai gïgïbidaragai.

1 Pedro 2:8 Iomraidhean Croise

Lukas 2:34

Daidi Ximuñi aagai ïmo bhai ïrhiaragai ïgai bïïtarï daidi potïtïdai ïgai go Maria, —Diuxi ka ïkobai busaitu idi xïïñi sai kïïgakïrï bubaidana gobai mui Israelitas. Mui kïïgakïrï bubuakimu idikïdï tudu dïï gia mui gïpiïrï surhigimu idikïdï ïpï— itïtïdai. —Kaxkïdï tudu mui odami bui surhigimu idi.

Romanos 9:22

Diuxi pomaaxi aatabuayi ïpï. Ïgai gatïtïïgida ïrhiditadai odami ix maaxika agai gïgïbidaragai ix makïdï daitulda agai soimaaxi buadatai odami. Dai tïtïgida ïrhiditadai xïï gubuka ïgai ïpï. Dïï ïgai maiti gï dagito xi gï maitagi ojodaragai tomaxi tïbïpi nïidi ïgai oidigi daama óídakami. Nïidi ïgai sai kïïga gïn ajïakatadai óídakami ix taatagi gïgïbidaragai ïmadï xia duadaragai mos ïï soimaaxi buadatai.

1 Korintios 1:23

Dïï aatïmï mai sastudakami dukai ñokaiña dai bhaiyoma mosïkaxi aagaiña aatïmï Suxi Kristo ix makïdï kuruxiana gï xixatu. Kaxkïdï mui odami mai buaboitudai gïr aatagi. Go judidiu mos bhakoikana aagaitai aatïmï Suxi Kristo. Dai go ix makïdï maiti ïr judidiu mos buirudagai dukai kaïkana gïr aatagi.

Galatas 5:11

Gin aaduñi, oidaga odami ix makïdï pokaitiña sai gatïtïïgidiña aanï aatagi ïpïan duki go gaa ix makïdï pokaiti sai gï agai xi gïn circuncidandoagi odami sai kïï biïna Diuxi ïmadï. Maiti ïr buaboi gobai. Xadïrï podukai gatïtïïgiadagi aanï ñoki. Daiñi, oidaga jaa ix makïdï bhakoikana gin bui dai soi gin buididiña gatïtïïgiditai aanï ixtumaxi ïr buaboi. Aagidiña aanï odami sai mai bia xi gïn circuncidandoagi sai kïïgakïrï nïijadana Diuxi tudu. Xi aagidamudai aanï sai gï agai xi gïn circuncidandoagi ïgai aidï gia ka mai soi gin buidadamudai go gaa. Dïï aanï bhaiyoma aagidiña odami sai gï agai xi buaboitudagi Suxi Kristo sai kïïgakïrï bubuakïna. Kaxkïdï gin bui bhakoikana jaa.

1Tesalonicenses 5:9

Daiñi, Diuxi ïkobai gïr bubaitu sai kïïgakïrï bubuakïna aatïmï buaboitudatai aatïmï Suxi Kristo dai mai xu ix ïkobai gïr bubaitu gïr maaki ïrhiditai ïmo gïgïbidaragai.

1 Pedro 2:6

Bïïxi gobai ïr ix makïdï aagai Diuxi ojadï ïkidadïrï aagaitai ïmo sïïrhikami biakami tudu. Ami ojadïrï ikaiti sai, Jerusalenïrï dáí Diuxi ïmo Tïanïdami ix makïdï ïr ïkobai busaidadï Diuxi. Ïgai ïr ïmo odai kïïga namïakami dukai xako daama dagïkan bii agai Diuxi aaduindadï ix makïdï ibuayi Diuxi. Gï agai sai odami kïïga xadutuada go Tïanïdami ïgai. Dai odami ix makïdï buaboitudagi ïgai mai biakamu ix tuixi xaïradagi buidïrï Diuxi, ikaiti Diuxi ojadï.

1 Pedro 2:7

Kaxkïdï pokaiti Diuxi ñokidïrï sai Suxi Kristo kïïga gïn soikïdamu, aapimï ix makïdï buaboitudai. Dïï gia Diuxi ñokidï aagai go odami ix makïdï mai buaboitudai ïpï daidi ikaiti ami sai, Diuxi bïïtarï Suxi Kristo ïr go bamioma kïïgadukïdï odai dukai kïsaragai bïïtarï bakidï dïï gia go odami gajiadïrï bia ïgai mai buaboitudaitai, ikaiti go ojai.

2 Pedro 2:3

Koimudadï tutiaka agai go tïtïïgiadami ñoki ïgai tudu dai gïn bupuirumadamu ïgai muidutai aapimï aatagidïkïdï gïn popoida ïrhiditai gïn tuminxiga. Dïï gia ka aagai Diuxi ïïki sai gïgïbitulda agai ïgai dai otoma ayimu gïgïbidaradï.