1 Korintios 4:10 - Northern Tepehuan Bible

¹⁰ Daiñi, aapimï pupuirugami dukai gïr nïidi aagaitai aatïmï Suxi Kristo dai sastudakami gïn ïrhidi ïïgi aapimï. Soi dukai gïr nïidiña aapimï. Dai pobïnïrhidi aapimï sai ïr gïgïrdukami aapimï jaa bïïtarï. Kïïga gïn xadutudai odami tudu dïï aatïmï gia maiti gïr xadutudai ïgai.

Tepehuan Northern: Diuusi ñiooquidʌ utuducami oodamicʌdʌ

¹⁰ Dai ducami isoodami vupuiirugami ducai gʌrnʌijadamudai gaaagiditai aatʌmʌ isSuusi Cristo ʌrcʌʌgacʌrʌ vuviadami. Mai aapimʌ povʌnʌlidi mʌsi aliʌ sastuduga vaavoitudaitai Suusi Cristo. Ducami isaatʌmʌ maicʌʌga vaavoitudadagi Diuusi ñiooquidʌ mai aapimʌ poʌlidi mʌsai cʌʌga vaavoitudai. Ducami isvʌʌsi oodami soi duucai gʌrnʌijadagi dai ducami mʌsaapimʌ siaa gʌnduutuadagi.

1 Korintios 4:10 Iomraidhean Croise

Isa 53:3

Odami soi dukai nïidi dai kïïdaiña Diuxi daasadï bhaitï kïakami. Kïïga ïïmadai ïgai soi ïrhiaragai. Dai odami maiti ipïrhi tomarhi xi nïijadagi. Odami sïïrhikïdï soi dukai nïidi dai mai xaduturhi.

Mataibo 24:9

—Daiñi, bïïxi go naana maaxi ñokadami ix makïdï oidaga oidigi daama gïn kïïdada agai gin aaduñikatai aapimï. Dudunukamiïrï baan gïn tutusadamu ïgai xi go dudunukami soi gïn buidadamu dai gïn kodamu.

Mataibo 5:11

—Kïïga bia aapimï bhai ïrhiaragai tomaxi óídakami gïn parunadagi dai soi gïn buidadagi gin oiditai aapimï tudu. Bia aapimï bhai ïrhiaragai tomaxi yaatagïdagi óídakami dai naana maaxikïdï gïpiïrï gïn bupadagi ïgai jaa buitapi ïpï gin oiditai aapimï.

Lukas 10:16

Dai biakatadai Suxi ïpï ïmo ñoki mamaatïrdamigadï bïïtarï ïpï daidi potïtïdai, —Gïn tïgitobïrai sai xorai kïïga kaïkagi gïn ñoki ïr ïpïan dukami xi aanï gin kaïkamudai. Dïï gia xorai maiti kaïka ïrhiada gïn ñoki ix makïdï bhïkati aapimï, Diuxi podukai nïidi sai aanï maiti gin kaïka ïrhidi ïgai. Dai xorai maiti in kaïka ïrhiada Diuxi podukai nïidi xi mai kaïka ïrhidi ïgai Diuxi ïpï. Diuxi otosadï aanï kaxkïdï— itïtïdai.

Lukas 18:9

Dai go Suxi aatagidi chïki odami ix makïdï kïï tutiakïdï gïn ïrhidiña dai soi dukai nïidiña ïgai jaa.

Lukas 6:22

—Gin aaduñi, kïïga bia aapimï ixtukïdï bhai gïn ïrhiadagi xïïxkadï gïn kïïdadagi odami gin urabakatai aapimï— itïtïdai. —Daiñi, odami maiti ipïldamu tomarhi xi gïn ñokiadagi dai gïn bhagaidadamu dai asta ïmo soimaaxi ñoki duu kaïkamu ïgai gïn tïtiaraga gin urabakatai aapimï.

Hechos 17:18

Dai ïïmadutai go ix makïdï kaï aatagidï ïr mamaatïtuldiadami jaa buaboidaragai ix makïdï epikureo dai estoiko tïtïgidukana buaboidaragai. Ïgai bui ño go Pabora aidï daidi ikaiti, —Go Pabora mai maatïtai ñokai— ikaiti. —Mai maatï aatïmï ixtumaxi gïr aagida ïrhidi gobai— ikaiti. Dai jaa ikaiti, —Gïr aagidadankaiti kaiti gobai xibhïadïrï óídakami diuxigadï— ikaiti. Go Pabora aagidiña aidï sai mutadai Suxi dai ka duakatutadai ïpamu, xi gokïdï go odami pokaititadai sai ïmai diuxi aagaiña ïgai.

Hechos 17:32

Dai go odami ami ïmpaiñdaragïrï kaï go Pabora xi aagai ïgai ïmo kïïrhi ix makïdï muu dai ïpamu duakatu daidi jaa mos parunadan kaititadai kaïkai. Dïï gia jaa itïtïdai sai, —Ïpï daamïrï kaïkamu aatïmï bamioma gï aatagi, aapi Pabora— ikaiti jaa.

Hechos 26:24

Mos potïkai Pabora ïïgi gï soiña ïrhiditai baidi go Festo gïgïrï ño daidi ikaiti, —Kaxi pïtiki buirutu aapi Pabora. Ka bhaibitukami nïnïidi aapi ojai dai kaxkïdï gï buirutu ïrhi aanï— ikaiti Festo.

Hechos 9:16

Aanï tïïgidamu go Saulo sai gï agadamu xi kabami soimaaxi taatagi ïgai ibuadatai gin aaduindaga— ikaiti Suxi.

1 Korintios 1:21

Dïï gia Diuxi tïgibudadï gia saitudaga. Dai ïgai podukai gï tïgito dai podukai dáí sai odami tïgibudadïkïdï mai kïïga maatïkana odami Diuxi. Diuxi bhai ïrhi bhaiyoma sai mosïkaxi odami ix makïdï buaboitudagi go bhai ïrhiaragai aatagi gia kïïgakïrï bubuakïna. Dïï óídakami mos buirudagai dukai kaïkana go bhai ïrhiaragai aatagi dai mai buaboitudai.

1 Korintios 1:23

Dïï aatïmï mai sastudakami dukai ñokaiña dai bhaiyoma mosïkaxi aagaiña aatïmï Suxi Kristo ix makïdï kuruxiana gï xixatu. Kaxkïdï mui odami mai buaboitudai gïr aatagi. Go judidiu mos bhakoikana aagaitai aatïmï Suxi Kristo. Dai go ix makïdï maiti ïr judidiu mos buirudagai dukai kaïkana gïr aatagi.

1 Korintios 1:25

Diuxi tïgibudadï gïïpi bamioma saitudaga ix bhai odami tïgibudadï tomaxi odami po bïnïliadagi saidi ïr buirudagai ixtumaxi buayi Diuxi. Dai tomaxi odami pobïn ïrhiadagi ix mai gubuka Diuxi ïgai bïïxkïrï gïïpi bamioma gubuka ix bhai odami.

1 Korintios 10:12

Kaxkïdï maiti gï agai ix kïï gubuakami ïrhiadagi ïïgi buaboidaradï ïmoko tadu gïpiïrï gïi ïpï soimaaxi ibuadatai ïpï.

1 Korintios 2:14

Dïï go gaa odami ix makïdï mai bia Diuxi Ibhïadï mai maatï kaïkana gïr aatagi. Buirudagai dukai kaïkana ïgai bhaiyoma. Mosïkaxi go odami ix makïdï biakagi Diuxi Ibhïadï bhaiga ix maatï kaïkagi maatïtuldaradï Diuxi Ibhïadï.

1 Korintios 2:3

Dai mai gubuakan taadakana aanï aidï gïn dibidakai dai asta gigibukïiña aanï duadikuitai gïn maakaitai ñoki.

1 Korintios 3:18

Gin aaduñi, kïïga abïr gïn tïgito nïida dai bhïiyi go tïgibudagai ix makïdï ïr Diuxi tïgibudadï kaxkïdï tudu gobai kïïga ïr buaboi. Kaxi abïr mai oijada ïïgi gïn tïgibudaga tudu kaxkïdï tudu odami tïgibudadï gia yaatagïi. Ix saitudakami ïrhiada aapimï ïïgi gïn tïgibudaga ka bhïiyi aapimï ïmo yaatagi. Daiñi, mos ïr ïï buirudagai Diuxi bïïtarï go tïgibudagai ix makïdï óídakami saitudakami ïrhidi. Kaxkïdï gï aagai ix ïmadukai gïn tïtïgitoagi odami ix makïdï kïïga mamaatïkami gïn ïrhidi ïïgi oiditai tïgibudadï óídakami. Ïgai gï aagai ix ïma dukai gïn tïtïgitoagi dai buiyagi Diuxi tïgibudadï bhaiyoma tomaxi óídakami bupuirugami dukai nïijadamu gokiïrï. Ix bhïiyagi ïgai Diuxi tïgibudadï aidï gia sastudakami dukai biimu ïgai Diuxi bïïtarï. Daiñi, Diuxi ojadïrï ikaiti sai, Diuxi daadagitodai go odami sai bhaiyoma gïn bupuirumadaiña ïïgi go ix makïdï mamaatïkami gïn ïrhidi ïïgi.

1 Korintios 3:2

Gïn aagidamu aanï ix maaxkatadai gobai. Daiñi, kïï maatï aapimï sai mai bhaiga oki ix ïmo kuadagai kabakami bhidagi ïmo arhi xïïñi dai bhaiyoma xiitudai ïgai arhidukatai ïgai kia. Dai pomaaxkatadai aapimï ïpï. Kia ïr xixïñi gïn dukamikana aapimï gïn buaboidaragakïdï. Mai bhaigakatadai aapimï ix maatï kaïkagi gubuakami aatagi kia. Kaxkïdï gï agaitadai ix gïn xiitudan dukai buadagi aanï dai gïn tïïgidagi mosïkaxi ñoki ix makïdï mai xijaiga. Dai apia kia xixïñi dukai maaxi aapimï xibi. Mai kia kabaka gïn buaboidaraga tudu.

1 Korintios 4:8

Gin susukurhi, sïïrhikïdï mai kïïgadu ix dukatai gïn tïtïitoi aapimï. Pobïnïrhidi aapimï ix ka maiti gïr tïgito aatïmï ix makïdï ïr Suxi Kristo ojotosadï. Pobïnïrhidi aapimï sai ka bïïxi bia ixtumaxi gïn iibhïdaga bïïtarï. Gïn bipidakami dukai gïn ïrhidi aapimï tudu gïn iibhïdagïrï. Dai asta gatïanïdan buayi aapimï ïpïan dukai ix kaxi gïn tïïgiditadai Suxi go sïïrhikami ix gatïanïdagi aapimï ïgai ïmadï. Reyes dukai gatïanïdan buayi aapimï tudu. Dïï maiti gïn maa Suxi sïïrhikami ix gatïanïda aapimï ïgai ïmadï kia. ¡Xïïxi ïr kïïgaikamudai ix kaxi gatïanïdamudai aapimï xibi Suxi Kristo ïmadï! ¡Ix ïr buaboikamudai ix kaxi gïn tïïgidamudai Suxi sïïrhikami ix gatïanïdagi aapimï aidï gia aatïmï ix makïdï ïr Suxi ojotosadï ka buimudai sïïrhikami ix gatïanïdagi gïn ïmadï ïpï!

2 Korintios 10:10

Kïï maatï aanï tudu sai pokaitiña ïïmoko sai xïïxkadï ojidagi aanï buaboitudadami sai kabami bhagaididan kaitiña gin oja. Dai pokaitiña ïgai ïpï sai xïïxkadï gïn ïmadï dakagi aanï sai aidï gia duadimukan dukai ñokaiña aanï dai pokaitiña ïgai sai mai maatïkatai gamamaakai aanï ñoki. Po tudu ikaitiña ïïmoko.

2 Korintios 11:29

Xïïxkadï ïmo buaboitudadami mai gubuakagi buaboidaradï aanï taatakana ïpï. Dai xïïxkadï ïmo buaboitudadami gïpiïrï gïxiagi oiditai ixtumaxi maiti ïr buaboi, aanï kabami buamï in ïrhidiña ïgai bïïtarï ïpï.

2 Korintios 13:9

Kaxkïdï bhai gïr ïrhidiña aatïmï xïïxkadï kïïga gubuakan dukai buaboitudagi aapimï. Bhai gïr ïrhidi aatïmï gokïdï tomaxi mai gupukami dukai gïr nïijadagi jaa. Aatïmï ïgai dai gïn tïtïïgidiña ñoki tudu. Dai kaxkïdï gïn daanturhiña aatïmï saidi bïïx tasai apia bamioma kabakatuna gïn buaboidaraga asta xako ukami maiti gïn biïgakagi ixtumaxi. Gobai tudu ïr gïr bhai ïrhiaraga ix makïdï gaagai aatïmï dai aatabuayi.

2 Korintios 4:12

Soimaaxi taatamai aatïmï dai asta koi antaada aatïmï gïn aiturhitai go bhai ïrhiaragai ñoki. Soimaaxi taatamaiña aatïmï gïn soiña rïrhiditai mïsai aapimï kïïgakïrï óídakana tudu.

2 Korintios 6:8

Dïï gia tomaxi gïr bui ñokadagi óídakami gobai mai xii ïr ixtumaxi gïr bïïtarï. Tomax dukai aatïmï bïïxkïrï ïr pipioñigadï Diuxi. Mai xudu ix kïïga ñokadagi óídakami gïr bïïtarï xi gïpiïrï gïr bupadagi ïgai ïpï. Daiñi, aatïmï bïïxkïrï kïïga aagaiña ixtumaxi ïr buaboi dïï gia go óídakami yaatabogami gïr aagaiña tomax dukai.

1Tesalonicenses 4:8

Daiñi, mai xu xi ïr ïïgi gïr tïgibudaga idi ñoki sai mosïkaxi Diuxi bïïtarï óídakana aatïmï ïkobai darakatai soimaaxkamiañdïrï. Dai bhaiyoma Diuxi ïgai dai gïr maa Diuxi Ibhïgadï ix makïdï kïï buañixi dai gïr tïanïi sai buañixikami duakai óídakana aatïmï. Kaxkïdï ix oidakagi xorai mai ïïgiada ïrhiada idi ñoki, ïgai mai xu ix mosïkaxi aatïmï maiti gïr ïïgidi. Dai bhaiyoma mai ïïgidi ïgai Diuxi Ibhïadï. Kaxkïdï tudu Diuxi Ibhïadïañdïrï dibia idi ñoki.

1 Pedro 4:14

Gin aaduñi, Diuxi Ibhïadï kïïga xigiamaaxi dai kïï gubuka. Dai xïïxkadï soimaaxi ñoki gïn aagiadagi jaa óídakami oiditai aapimï Suxi Kristo gobai ïr ïmo maaxidaragai sai gïn ïmadï daja Diuxi Ibhïadï. Bhaigabïnïrhiada gokïdï tudu.