1 Korintios 13:4 - Northern Tepehuan Bible

⁴ Odami ix makïdï kïïga oigïdaiña jaa mai ojodatai kïï tutiakana tomaxi soi buidadagi jaa. Ix makïdï kïïga oigïdaiña jaa mai ïgakoñikana ïpï dai mai pokaitiña ïgai ix ïr namïakami ïïgi ïgai dai mai gïgïrdukïdï gïn ïrhidiña.

Tepehuan Northern: Diuusi ñiooquidʌ utuducami oodamicʌdʌ

⁴ Oodami ismaacʌdʌ sʌʌlicʌdʌ oigʌdai aa ʌgai maioomaliga, dai cʌʌ tuutuiga, dai maicoimudadʌ tuutuiga, dai maigʌgʌrducʌdʌ gʌnʌlidiña,

1 Korintios 13:4 Iomraidhean Croise

Genesis 37:11

Dai go xixïgi ïgamu buidïrï go Jose. Dïï ogadï gia mos tïgito aimïraiña tïïtïkidï ïgai, —Maatï xi buaboi busiagi gobai ïpï— gï ïrhidi ïgai.

Mataibo 27:18

Go Pilato kïïga maatïkatadai sai ïgamudagaikïdï gï baan kïsatutadai Suxi ami buidïrï dai mai xu xi ïr soimaaxi ibuadamikatadai ïgai. Maatïkatadai ïgai tudu saidi go tïtïanïdamigadï go dadaxdadami ïgai dai ïgamukatadai. Dai kaxkïdï aagidi ïgai go odami ix bhai maiti ipïrhidi ïgai ix dagitoagi ïgai Suxi.

Hechos 7:9

—Gokiïrï go bhaitï gukakami ïgai ïgamu sukurhidï. Ïgamu ïgai go Jose tudu dai gagaarhi ïgai xibhïakoga óídakami bai ïgai bhïkai go Jose Ejiptuamu. Dïï bïïxkïrï Diuxi ïmadï dajatadai go Jose

Romanos 1:29

Go ïïgi soimaaxi biakana ïgai gïn iibhïdagïrï dai kaxkïdï soimaaxi ibuadana. Ïïgi gïn tïgito ajiopai odami dai soimaaxi tïgibudadï. Biaka ïrhidiña ïgai jaa buxtuidadï dai ïgamukana. Ga kodadamikana ïgai dai gïn bupui ñokaiña bhakoikatai. Yaatabogakana ïgai ïpï. Ojoidiña ïgai xi buirumadagi jaa dai xi naanakïrï ñokadagi.

Romanos 13:13

Tïtai kïïga bhai maaxkami dukai óídaka aidï, tonorakïrï dukai. Xibi ka maiti gï agai xi nabaakorïdagi aatïmï. Maiti gï agai xi okimïrhiakagi, gï agai xi dagitoagi gobai. Dai maiti gï agai xi ïgamotïrakagi aatïmï ïpï tomarhi xi omarhigakagi

1 Korintios 3:3

Apia kia ïïgidimi aapimï go odami tïgibudadï gïn tïanïda ïrhiditai aapimï ïïgi. Kia gïn ïjïgakorïi aapimï dai gïn bupui ñokai aapimï ïpï. Kaxkïdï maatiga maaxi sai kia adaimïi aapimï go oidigi daama óídakami tïgibudadï.

1 Korintios 4:18

Gin susukurhi, kïïga maatï aanï sai ïïmadutai aapimï gïgïrdukïdï dukai ibuayi dai tomarhi mai duadikoi pobïnïrhiditai ix ka mai imimu aanï gamoko.

1 Korintios 4:6

Gin susukurhi, gïn aagidi aanï go aatagi gobai gin aagaitai aanï ïïgi ïmadï go Apolos ix makïdï ïr gïn bhaitï gukakamiga sai podukai maatïkana aapimï ix dukatai kïïga ïïgiadagi Diuxi ojadï. Daiñi, ïïmoko aapimï mai kïï ïïgidimi Diuxi ojadï dai bhaiyoma gïgïrdukïdï gïn ïrhidiña ïïgi. Pokaitiña aapimï sai gïn bhaitï gukakamiga ix makïdï urabaka aapimï bamioma ïr namïakïdï ix bhai jaa bhaitï gukakamigadï. Gïgïrdukïdï gïn ïrhidiña aapimï ïïgi aagaitai gïn bhaitï gukakamiga tudu. Maiti gï agai podukai. Gobai maiti ïr ïïgidaradï Diuxi ojadï.

1 Korintios 5:2

Dai tomaxi gïn saagida daja go soimaaxi buadami bïïxkïrï aapimï ïïgi gïgïrdukïdï gïn ïrhidi. Gï agaitadai bhaiyoma ix soi gïn ïrhiadagi aapimï. Maiti gï agaitadai ix daadagitoagi aapimï ix gïn urapïkïdagi go soimaaxi buadami.

1 Korintios 8:1

Gin aaduñi, gin tïkakai aapimï go ojiïrï ix makïdï gin otoxi aapimï sa bhai kïïgadu ix aatïmï buaboitudadami ugiagi kuadagai ix makïdï gï dadaxdi go uubixi. Daiñi, kïïga maatï aatïmï sai go kuadagai ix makïdï gï dadaxdi uubixi maiti ïr ixtumaxi. Dïï maiti gï agai ix gïgïrdukïdï gïr ïrhiada aatïmï maatïkatai gobai. Maiti gï agai ix po gïr ïrhiada sai bamioma maatï aatïmï xi jaa tudu. ¿Tumaxi ïr soiñi gobai di? Gï agai bhaiyoma sai gïr oigïdada aipakoga. Ix gïr oigïdada aatïmï aidï gia gïr soikïdamu aipakoga ïpï sai bamioma gïrhiagi gïr buaboidaraga. Dai gobai gia ïr soiñi.

2 Korintios 12:20

Ibuayi aanï idi ojai gïn soikïda in ïrhiditai tudu. Ipïrhidi aanï ix kïïga ibuada aapimï xïïxkadï amïka gïn dibiagi aanï, tadu soi gin ïrhiadagi aanï gïn nïiditai ix mai kïï ibuada aapimï. Xïduñada gïn bupui ñiñokadagi aapimï aipakoga aidï dai koimudadï gïn tutiakagi ïpï. Dai gïn bupui bhakoñikagi aapimï ïpï dai gïpiïrï gïn bupadagi aapimï aipakoga dai naana kaitiadagi aapimï dai gïgïrdukïdï gïn ïrhiadagi aapimï ïpï dai ka mos xixiokïdankaitiadagi aapimï amïka aïkai aanï. Maiti ipïrhidi aanï xi pomaaxi darakagi aapimï tudu xïïxkadï amïka dibiagi aanï dai kaxkïdï gïn otoxdi aanï idi ojai gïn soiña in ïrhiditai.

2 Korintios 6:6

Aatïmï naana dukai mamaaxidi go óídakami buitapi sai sïïrhi aatabuayi aatïmï tudu. Daiñi, go óídakami kïïga nïidiña sai bïïxi ixtuma ibuadagi aatïmï kïïga buañixi Diuxi bïïtarï. Dai kïïga nïnïidiña ïgai ïpï sai aatïmï kïïga maatï dai kïïga oidiña ixtumaxi ïr buaboi. Mai bhakoikana aatïmï buidïrï jaa dai bhaiyoma kïï tutiakana aatïmï jaa bïïtarï. Diuxi Ibhïadï gubukarhigadïkïdï óídaga aatïmï tudu dai kïïga oigïdaiña aatïmï bïïxi óídakami.

Galatas 5:26

Maiti gï agai tudu xi gïgïrdukïdï gïr ïrhiadagi aatïmï ïïgi xiïpï xi gïr bupui bïïtïkagi xiïpï xi koimudadï tutiakagi aatïmï.

Efesios 4:2

Maiti abïr gïgïrdukïdï gïn ïrhiada ïïgi aapimï toma lachi dai kïïga abïr tutiaka jaa bïïtarï. Gupurtudabїrai gïn iibhïdaga daidi abïr mai ojodada go gaa buaboitudadami. Bhaiyoma abïr gïn oigïada aipakoga tomax dukai.

Efesios 4:32

Daiñi, Suxi Kristo bhai dui gïr bïïtarï kaxkïdï Diuxi soi gï ïrhidi gïr nïiditai dai gïr oigïrhi. Xibi aapimï abïr kïï tutiaka jaa bïïtarï ïpï daidi abïr soi gïn ïrhiada nïiditai. Daidi abïr oigïrhiada ïpï ïpïan dukai xi Diuxi gïr oigïrhi.

Filipenses 1:15

Mui odami aipakoga aagaiña go Suxi tudu dai gokïdï bhai gin ïrhidi aanï. Ïïmoko aagaiña go Suxi gin oigïdaitai dai maatïkatai sai Diuxi gin maa sïïrhikamai sai maaxitudana aanï xïïxi ïr buaboi go bhai ïrhiaragai aatagi. Kïï bhai maaxkami bia ïgai tïgibudagai tudu dai aagaimi go Suxi. Dïï gia oidaga jaa ix makïdï ïjïgakoñi dai gin bui bïïtï. Gin maita ïrhidi ïgai tudu dai kaxkïdï aipakoga aagaiña ïgai go aatagi. Gïgïrdukïdï bubuakia ïrhidi ïgai dai kaxkïdï aipakoga aagaiña ïgai go Suxi tudu. Mai kïkïïgadu ïgai tïgibudadï. Ipïrhidi ïgai sai kabamioma soi taadakana aanï tami maixapikatai dai kajiomakatai aanï ix tuma ibuayi ïgai.

Kolosenses 1:11

Daanïiña aatïmï Diuxi ix makïdï kabami gubuka kïï gïdukatai ïgai tudu. Daanïi aatïmï Diuxi sai gin maakana gubukarhigadï. Podukai bhaigakamu aapimï xi mai ojodatai buidïrï gukiba go soimaaxi. Ipïrhidi aatïmï sai kïïga bhai ïrhiarakïdï

Kolosenses 2:18

Gin aaduñi oidaga tïtïgiadami ñoki ix makïdï gïgïrdukami gïn ïrhidi aagaitai ixtumaxi tïïtïkiïrï dukai tïï ïgai dai adaimïitai ïïgi tïgibudadï. Gïgïrdukïdï gïn ïrhidi ïgai dai maiti ïr gïgïrdukïdï. Dai pokaitiña ïgai sai gï agai odami xi Diuxi dukai xadutuadagi Diuxi tïtïañikarudï dai sai gï agai xi ïïgi soimaaxi gï taatamituldagi ïmoko tukugadï sai Diuxi kïïgakïrï nïidiña. Maiti abïr ïïgiada ïgai tadu gïn popoki ïgai gïn bhai ïrhiaraga.

Kolosenses 3:12

Daiñi, xibi aapimï buaboitudadami kaxi ïr ïko bubaidadï Diuxi. Ïkobai darasaka aapimï Diuxi bïïtarï tudu dai gïn oigïdai ïgai. Kaxkïdï abïr soi gïn ïrhiada nïiditai jaa ix makïdï soimaaxi taatamadagi daidi abïr kïï tutiaka buidïrï jaa odami ïpï. Maiti abïr gïgïrdukïdï gïn ïrhiada daidi abïr kïï bhai maaxkami buidadagi jaa mai omarhigakatai buidïrï. Maiti abïr otoma ojodada go jaa xïïxkadï mai kïï ibuadagi ïgai.

1Tesalonicenses 5:14

Gïr susukurhi, ix makïdï gïn urapïkïi dai paparïga abïr maakada ñoki. Daidi ix makïdï duduadikui abïr abïnakidada. Dai ix makïdï mai gupuka buaboidaradï abïr soikïda. Ïgai bïïxkatai gï agai xi mai dagitokai soiñagi aapimï dai mai ojodadagi.

1 Tomoteo 6:4

Dai ix makïdï gatïtïïgiadagi ïma maaxi ñoki podukai ïïgi gïgïrdukïdï gïn ïrhidiña. Bupuiruga ïgai tudu. Ojoidi ïgai ix aatagadagi naana maaxi ix makïdï maiti ïr soiñi dai ojoiditai ïpï xi gïn bupui ñokadagi aipakoga. Odami ix makïdï pobuayi ïjïgakoitïraga dai kïïdaiña ïgai jaa dai aagaiña galnaaxi ñoki jaa buidïrï dai otoma pobïnïrhidiña xi jaa mai kïïga ibuayi tomaxi mai kïï maatï ix bhai ïr buaboi sai mai kïïga ibuayi.

2 Timoteo 2:25

Ïmoko ix makïdï ibuayi Diuxi aaduindadï gï agai ix kïïga oigïdaitai maakiagi ñoki go odami ix makïdï soi dukai nïidiña Diuxi ñokidï. Sa bhai podukai soiñana Diuxi sai ïma dukai gïn tïtïgitoagi ïgai dai maatiagi ïgai ixtumaxi ïr buaboi.

2 Timoteo 3:10

Dïï aapi gia mai ïpïamaaxi go bupuirumadami. Aapi gia kïïga máí ixtumaxi gï tïtïgidiña aanï dai gin ïpïan dukai ibuayi ïpï. Kïï maatï aapi ixtumaxi bïïtarï oidaga aanï dai aapi pomaaxi bïïtarï oidaga ïpï. Kïï gï tïgito nïidiña aapi xïï kïïga buaboitudai aanï Suxi Kristo dai nïidi aapi ïpï ix mai daadagitoiña aanï ix gin maitiagi soi ïrhiaragai dai ix oigïdai aanï jaa. Nïidi aapi sai apia oidiña aanï gïr buaboidaraga tomaxi soi taatamaiña aanï. Bïïxi gobai gï tïgito nïidi aapi dai gin ïpïan dukai buayi.

Tito 3:3

Daiñi, maiti gï agai xi soi dukai nïijada aatïmï go jaa ix makïdï mai buaboitudai. Aatïmï ïpï maiti ïr buaboitudadamikana ïkioma tudu dai ïpïan tutiakana aatïmï ïgai dai ïpïamaaxi ibuadana. Aidï mai ïïgidiña aatïmï Diuxi dai buaboitudaiña aatïmï ixtumaxi ïr yaatagi. Mai bhaigakana aatïmï xi dagitoagi go soimaaxkami ix makïdï ibuada ïrhidiña aatïmï gaagaitai ïmo bhai ïrhiaragai. Aidï ïjïgakoitïrïkana aatïmï dai gïr kïïdaiña aatïmï aipakoga. Pomaaxi tutiakana aatïmï mai kia buaboitudakai tudu.

Santiago 4:5

Gobai tudu aagaiña Diuxi ñokidïrï xako ikaiti ïgai sai, Diuxi gïr maa Ibhïadï saidi gïr ïmadï dakana dai bïïx tasai gïr tïtïitoiña ïgai ipïrhiditai saidi Diuxi bïïtarï óídakagi aatïmï dai mai xu xi ïmai bïïtarï. Sïïrhikïdï maiti ipïrhidi ïgai sai oijadagi aatïmï ïmai tudu. Po tudu ikaiti Diuxi ñokidïrï dai kïïga ïr buaboi gobai.

1 Pedro 2:1

Bia aapimï ïmo utudui oidakaragai xibi tudu. Dai kaxkïdï ka maiti abïr soimaaxi ibuada. Ka maiti abïr yaatagïda tudu. Daidi maiti abïr bupuirumadada jaa ixtumaxikïdï ibuadagi aapimï ïpï ipïrhiditai sai kïï tutiakami gïn aagagi ïgai tomaxi mai kïï tutuiga aapimï. Kaxi maiti abïr ïgakoñiaka ïpï dai maiti abïr buidïrï ñokiadagi go jaa. Dagitobïrai bïïxi gobai tudu.

1 Pedro 3:8

Gïn maakimu aanï ïpï ïmo ñoki gin aaduñi. Gï agai sai kïï xioma gïn urapïkïda aapimï aipakoga ïmo tïgibudagai biakatai aapimï bïïxkatai. Soigabïr gïn ïrhiada ïmadï gïn aaduñi Diuxi amadïrï xïïxkadï soi gïn ïrhiadagi ïgai. Gïn oigïadabïrai aipakoga tudu ïmo xixïgïmï dukai. Dai kïïga abïr tutiaka jaa bïïtarï mai gïgïrdukïdï gïn ïrhiditai aapimï.

1 Pedro 4:8

Podukai gï agai sai óídakagi aapimï tudu. Dai xibi gïn aagidamu aanï ixtumaxi ix makïdï adaama gï agai saidi ibuadagi aapimï. Gï agai aapimï buaboitudadami xi kïïgakïrï gïn oigïdadagi aipakoga tudu. Gobai ïgai dai adaama gï agai saidi ibuada aapimï. Ix gïn oigïdadagi aapimï aipakoga aidï gia tomaxi dudatai soimaaxi gïn buidadagi gïn aaduñi aapimï bïïxkïrï mai bui ñokadamu ïgai. Kaxkïdï gï agai sai gïn oigïdadagi aapimï aipakoga.

2 Pedro 1:7

Dai bhodïrï ka kïïga ïïgiditai aapimï Diuxi gï agai ïpï mïx kïïga oigïdadagi aapimï gïn aaduñi Diuxi amadïrï ïmo gïn xïgïmï dukai. Dai bhodïrï gï agai sai oigïdada aapimï bïïxi go gaa óídakami ïpï. Podukai abïr óídaka tudu maatïkatai ixtumaxi idui Diuxi gïr bïïtarï.

1 Juan 4:11

Kïïga gïr oigïdai Diuxi tudu gin aaduñi. Dai kaxkïdï gï agai ix aipakoga gïr ojoigïadagi aatïmï ïpï.