Dai potïdamu aanï, —Idi ñoki ix makïdï gïn aagidamu aanï kïïga ïr buaboi. Daiñi, aidïxi maiti ipïrhi aapimï xi soikïdagi ïmadutai gin aaduñi, dai mai xudu tomaxi go bamioma mai tïanïdamikagi ïgai, ix maiti ipïrhi aapimï xi soikïdagi ïgai aanï podukai nïidi xi maiti ipïrhi aapimï xi gin soikïdagi tudu— tïdamu aanï.
1 Korintios 13:1 - Northern Tepehuan Bible1 Gin susukurhi, sïïrhikïdï gï aagai ix gïr oigïdada aatïmï aipakoga. Daiñi, tomaxi ñokadagi ïmoko ïmai ñokidï ix makïdï tomarhi ïmadutai mai maatï kaï dai asta Diuxi tïtïañikarudï ñokidï ïpï, dïï gia ¿Tumaxi ïr soiñikana gobai ix mai oigïdadagi ïgai jaa? Ix ïmoko mai oigïdadagi jaa aidï gia mos xixiokïdan dukai ñokidï dai maiti ibuayi soiñi jaa bïïtarï. Faic an caibideilTepehuan Northern: Diuusi ñiooquidʌ utuducami oodamicʌdʌ1 Isistutiadamudai aanʌ isñioocadagi aa ñiooquicʌdʌ ismaacʌdʌ maimaatʌ aanʌ tomasi ʌroodami ñiooquidʌ siʌʌpʌ Diuusi tʌtʌaañicarudʌ ñiooquidʌ dai ismaioigʌadʌ aanʌ oodami mosʌrʌpan ducami aanʌ ʌmo istumaasi imaacʌdʌ moscaiti dai maitʌrsoiñi. Faic an caibideil |
1 Korintios 13:1
22 Iomraidhean Croise
Daidi potïtïdai ïpï, —Go ix makïdï gin buaboitudadagi naana maaxi iduñimu ix makïdï odami ïïgi xadïrï ixtuidïna dai podukai maaxituda agai xi Diuxi gubukadadïkïdï aatabuayi ïgai. Odamiañdïrï bubaidamu ïgai Diabora tïtïañikarudï aanï gin gubukadakïdï. Dai ïma maaxi ñoki mui ñokadamu ïgai ix makïdï mai maatïkana ïgai.
Dai xi ugiagi aapi ïmo kuadagai ix makïdï daidarxikami aagai go gaa aidï gia mai oigïdadan buayi aapi ïgai. Soi gïn ïlda antaada ïgai poïrhiditai sai soimaaxi ibuayi aapi gakuadatai aapi gobai ix makïdï ïgai daidarxikami aagaiña . Dai Suxi Kristo muu ïgai bïïtarï ïpï. Kaxkïdï maiti gï agai xi soi ïrhiatuda aapi kuadatai ïïgi ix tumaxi bhai ïrhiada aapi tomaxi ïmai daidarxikami aagai gobai.
Ïïmoko mamaakai ïgai gubukarhigai saidi ibuadana maaxidaragai ix makïdï odami maiti ixtutuidikïi xi ibuadagi. Dai jaa saidi ïr Diuxi ñokituldiadamikagi. Dai jaa maakai ïgai gubukarhigai sai maatï kaïkana ix bhai Diuxi Ibhïadïkïdï ñokai ïmo aatagadami. Dai jaa mamaakai ïgai gubukarhigai sai todian dukai bhaigakana ix ñokadagi ïmamaaxi ñokadami ñokidïkïdï ix makïdï tomarhi ïgai dai tomarhi go gaa ix makïdï ami daraka mai maatï kaï. Dai jaa mamaakai ïgai gubukarhigai sai aagaiña ix tïiya ïrhidi ñokidï go ïma maaxi ñokadami.
Bhaitoma bïïxi ixtumaxi bia ix tuigako ugitiagi dïï gia bïïxkïrï bïïtarï oidaka agai go oigïldaragai. Gobai gia mai ugiti agai. Daiñi, ayimu ix tuigako ka maiti gï agadamu go gubukarhigai ixtukïdï aagagi ñoki ix makïdï Diuxiañdïrï imïi dai ka ugitimu go gubukarhigai gobai. Dai ka mai tipukamu ïpï go gubukarhigai ixtukïdï todian dukai ñokadagi ïmoko ïma maaxi ñokadami ñokidïkïdï. Gobai ugitimu ïpï. Dai xibi kia oidaga xorai biakagi go gubukarhigai Diuxiañdïrï sai maatïkaïkana ixtumaxi xijiakami ïpï dïï gia xïxkadï ïmadï darakagi aatïmï Diuxi ka maiti gï aagadamu go gubukarhigai gobai. Bïïxi go gubukarhigai gobai ugitimu tudu. Dïï gia go oigïldaragai apia kïïkiada agai bïïxkïrï bïïtarï.
Gobai ïr go gubukarhigai ixtukïdï bamioma soiña antaada aapimï jaa. Daiñi, ïïmo imidagai ïmo buaboitudadami todian dukai ñokaiña Diuxi Ibhïadï gubukarhigadïkïdï ïma maaxi ñokikïdï ix makïdï tomarhi ïmadutai mai maatï kaï. Xïïxkadï podukai ñokadagi ïgai mosïkaxi Diuxi maatï kaï. Mosïkaxi ïgai bïïtarï ñokai ïgai tudu dai mai soikïi ïgai jaa. Go gaa mai maatï kaïkana ñokidï kaxkïdï. Kïïga ñokai ïgai Diuxi Ibhïadï gubukarhigadïkïdï dïï go gaa mai maatï ix kaiti.
Dïï gia ix makïdï todian dukai ñokadagi ïma maaxi ñokikïdï mai soikïi jaa. Ïgai mosïkaxi ïïgi gï bïïtarï buyiña go bhai ïrhiaragai ñokaitai podukai. Dïï gia ix makïdï aagagi ñoki ix makïdï Diuxiañdïrï imïi dai ix makïdï bïïxkatai maatï kaïkagi ïgai gia maakai ïmo bhai ïrhiaragai bïïxi go buaboitudadami.
Xïïxi ïr kïïgaikamudai ix maakimudai Diuxi gubukarhigai bïïxkatai aapimï buaboitudadami ix todian dukai ñokadagi ïma maaxi ñokadami ñokidïkïdï ix makïdï tomarhi ïmadutai mai maatï kaï. Sïïrhikïdï ïr kïïgaikamudai gobai dïï gia gï aagai ix oidakagi xorai biakagi gubukarhigai Diuxiañdïrï xi maaxi aagagi go ñoki ïpï. Ïma dukai ¿Tumaxi ïr soiñikana go ñoki bïïxi go gaa buaboitudadami bïïtarï mai maatï kaïkatai tomarhi ïmadutai? Kaxkïdï bamioma gï agai ix bhaiyoma aagiadagi aapimï ñoki Diuxiañdïrï dai ix makïdï maatï kaïkagi go gaa. Gobai gia ïr soiñi bïïxkatai bïïtarï maatï kaïkatai ïgai.
Gin aaduñi, gin tïkakai aapimï go ojiïrï ix makïdï gin otoxi aapimï sa bhai kïïgadu ix aatïmï buaboitudadami ugiagi kuadagai ix makïdï gï dadaxdi go uubixi. Daiñi, kïïga maatï aatïmï sai go kuadagai ix makïdï gï dadaxdi uubixi maiti ïr ixtumaxi. Dïï maiti gï agai ix gïgïrdukïdï gïr ïrhiada aatïmï maatïkatai gobai. Maiti gï agai ix po gïr ïrhiada sai bamioma maatï aatïmï xi jaa tudu. ¿Tumaxi ïr soiñi gobai di? Gï agai bhaiyoma sai gïr oigïdada aipakoga. Ix gïr oigïdada aatïmï aidï gia gïr soikïdamu aipakoga ïpï sai bamioma gïrhiagi gïr buaboidaraga. Dai gobai gia ïr soiñi.
Dïï gia xïïxkadï ïïgiadagi aatïmï Diuxi Ibhïadï gïr ïrana aatabuayi ïgai dai bhai buayi naana maaxi kïïgadukami gïr ïrañdïrï. Ïïgiditai aatïmï Diuxi Ibhïadï oigïdaiña aatïmï jaa dai bhai gïr ïrhidiña dai gïr ibhïxtakan taadakana aatïmï gïr ibhïdagïrï. Kïïga gïr kabakadaiña aatïmï ïpï xïxkadï soimaaxi taatamadagi. Kïï tutiakana aatïmï jaa bïïtarï dai ibuadana ixtumaxi ïr kïïga. Bïïxkïrï ibuadana aatïmï ix tumaxi aagagi aatïmï ïpï.
Ka bïïna daraka aatïmï Suxi Kristo tudu xi kaxkïdï mai xudu xi circuncidadugakagi ïmoko xiïpï xi mai circuncidadugakagi ïpï. Maiti ïr ixtumaxi gobai. Xibi mosïkaxi namïga xi buaboitudagi aatïmï Suxi Kristo dai xi gïr oigïdadagi aipakoga. Podukai tudu gïr oigïdaitai aipakoga maaxitudai aatïmï sai kïïgakïrï buaboitudai aatïmï.
Daiñi, aatïmï gia gatïtïïgidiña aatagi ix makïdï kïïga ïr soiñi odami bïïtarï. Ga tïtïgidiña aatïmï aatagi ipïrhiditai ix kïïga buañixikagi ibhïadï odami bai kïïga gïn oigïdada ïgai aipakoga. Ga tïtïgidiña aatïmï ipïrhiditai xi odami ïïgiadagi gïr aatagi bai podukai maatïkana ïgai sai kïïga ibuayi ïïgiditai gïr aatagi. Podukai maaxitudamu ïgai sai buaboikïdï buaboitudai ïgai.
Podukai gï agai sai óídakagi aapimï tudu. Dai xibi gïn aagidamu aanï ixtumaxi ix makïdï adaama gï agai saidi ibuadagi aapimï. Gï agai aapimï buaboitudadami xi kïïgakïrï gïn oigïdadagi aipakoga tudu. Gobai ïgai dai adaama gï agai saidi ibuada aapimï. Ix gïn oigïdadagi aapimï aipakoga aidï gia tomaxi dudatai soimaaxi gïn buidadagi gïn aaduñi aapimï bïïxkïrï mai bui ñokadamu ïgai. Kaxkïdï gï agai sai gïn oigïdadagi aapimï aipakoga.
Kïïga gïgïrdukami gïn aagai ïgai ïïgi dai ñokidï kïïga yoobikan kaiti dïï gia maiti ibuayi soiñi bïïtarï ix makïdï kaïkagi. Pokaiti ïgai sai bia aatïmï oigaragai xi ibuadagi ïïgi ixtumaxi ipïrhiadagi aatïmï, ixtumaxi gïr tanïdagi gïr tukuga tudu. Dai podukai abïnakidi ïgai odami sai soimaaxi ibuadagi. Podukai gïpiïrï surhigai ïgai odami ix makïdï utudami bhïjimi go kïïgadukïdï boi dai utudami ka mai uurapïkïi go soimaaxi ibuadami.
Sanasan