1 Korintios 11:5 - Northern Tepehuan Bible

⁵ Dïï go oki gia gï agai ix iñapikagi momodï. Ïgai ïr ïmo parunaragai kunadï bui ix mai iñapikagi modï xïxkadï gadaanïdagi Diuxi ïmpaiñdaragïrï. Dai podukai ïpï xïxkadï aagiadagi Diuxi ñokidï. Ix pobuadagi ïgai mai iñapikatai momodï gobai ïr ïmo xaïraragai. Gïn aagidamu aanï ix maaxi gobai. Daiñi, ¿mai ix xaïraraga ix ïmo oki ïmo kïïrhi dukai ikidagi kuupadï? Ïmo kïïrhi dukai ibuayi ïgai kaxkïdï. Dai podukai ïpï ix daanïda ïgai Diuxi mai iñapikatai modï. Gobai ïr xaïraragai ïpï.

Tepehuan Northern: Diuusi ñiooquidʌ utuducami oodamicʌdʌ

⁵ Dʌmos isʌmo ooqui maivuracagi gʌmoo siuu duucu gamamadadagi dai siuu duucu gaaagiadagi Diuusi ñiooquidʌ gomaasi ʌrsiaa ʌʌraragai ʌgai vʌʌtarʌ gomaasi ʌrʌpan ducami isivisumicamudai ʌgai moodʌ.

1 Korintios 11:5 Iomraidhean Croise

Lukas 2:36

Dai ami go gïï kiupiïrï dakatadai ïmo rhiokodami Ana tïgidukami ïpï. Ïmo ñokituldiadamikatadai ïgai Diuxi dai ïr maradïkatadai go Penuelikaru daidi ïr pipiixaradïkatadai go Asielikaru. Ïmadï bitadai ïgai ïmo kïïrhi ïkioma dïï kubarakami umigikïdï mutadai go kïïrhi.

Hechos 2:17

Karhioga ugitïkai oidigi dibiamu gin Ibhïdaga dai ïmadï daakamu bïïxi odami oidigi daama óídakami. Dai amaxi gïn maamara maaxi aagadamu gin ñoki. Dai gin Ibhïdaga soikïdamu utu iimïdami kïkïïrhi xi ïgai tïïgimu mui naana maaxi tïïtïki dukai. Dai podukai ïpï kïkïrhiodami ïpï biakamu naana maaxi tïïtïki.

Hechos 21:9

Daidi Pirhi maamarakatadai maakoba oki. Mai kia ïr kukunakamikatadai ïgai dai ïr aagadami Diuxi ñokidï ïpï.

1 Korintios 11:4

Kaxkïdï ïmo kïïrhi xïxkadï gadaanïda agadagi Diuxi xiïpï aagadagi Diuxi ñokidï maiti gï agai ix iñapikagi modï. Ix iñapikagi modï gobai ïr ïmo parunaragai Suxi Kristo buidïrï tudu.

1 Korintios 11:6

Daiñi, ix maiti ipïrhiada ïmo oki ix iiñagi modï gobai ïr ïpïan dukami ix kïï ikidikamudai modï ïmo kïïrhi dukai. Daiñi, go oki maiti ipïrhidi ix kabami kaburhikagi kuupadï ¿Aba? Maiti ipïrhidi ix ïmo kïïrhi maaxkagi kaxkïdï. Dïï kïkïïrhi mai iñapikana modï xïxkadï gadaanïdagi ïgai dai ïïmo oki mai iña ïrhidi momodï ïpï. ¿Ix tuixi pobuayi ïgai? Gobai ïpïamaaxi kïïrhi ïpï di. Gï agai tudu ix iiñagi ïgai momodï.

1 Korintios 14:34

Maiti gï agai tudu oki ix ñokadagi ami ïmpaiñdaragiana dai bhaiyoma gï agai ïgai xi kïïga ïïgiada ïgai kukunadï ix dukai ojixi Diuxi ñokidïrï.