1 Juan 5:13 - Northern Tepehuan Bible

¹³ Daiñi, gïn ojidi aanï aapimï ix makïdï buaboitudai Diuxi Maradï saidi kïïga maatïkana aapimï sai ka bia aatïmï go utudui oidakaragai ix makïdï bïïxkïrï bïïtarï kabakarïi.

Tepehuan Northern: Diuusi ñiooquidʌ utuducami oodamicʌdʌ

¹³ Gomaasi gʌnoojidi aanʌ aapimʌ ismaacʌdʌ vaavoitudai Diuusi maradʌ mʌsai maatʌcana mʌsitomastuigaco oidaca agai Diuusi ʌʌmadu.

1 Juan 5:13 Iomraidhean Croise

VUAANA 1:12

dïï ïïmadutai gia. Dai bïïxkatai ix makïdï miadïgidi maa Diuxi oigaragai saidi ïr maamaradïkana, go ix makïdï buaboitudai ïgai tudu.

VUAANA 2:23

Dai mui óídakami buaboitu go Suxi nïiditai naana maaxi maaxidaragai ix makïdï idui ïgai ami Jerusalenïrï aidï Kïïgakïrï Bubaidaragai Bagimiana.

VUAANA 20:31

Tami idi libroïrï oja aanï ïïmoko ipïrhiditai ix nïiditai aapimï gobai kïïga buaboitudada aapimï ix go Suxi buaboikïdï ïr Diuxi maradï daidi ïr Ga Tïanïdami ïpï. Ojixi go maaxidaragai idi libroïrï sai ïgaikïdï buaboitudana aapimï dai sai ka buaboitudakai sai bhodïrï kïïgakïrï óídakana aapimï bïïxkïrï bïïtarï.

VUAANA 21:24

Aanï tudu ix makïdï ibuayi idi ojai ïr go mamaatïrdamigadï Suxi ix makïdï kïïga oigïdaitadai ïgai. Idi libroïrï oja aanï mosïkaxi ix tumaxi nïidi aanï kaxkïdï kïïga gï maatï saidi ïr buaboi idi ojai.

VUAANA 3:18

—Aanï tudu ïr Diuxi Maradï ïmadugakïdï dai tipu gïgïbidaragai odami bïïtarï ix makïdï gin buaboitudai. Dïï gia Diuxi ka aagai ix tuma gïgïbidaragai ajiagai odami ix makïdï maiti gin buaboitudai. Maiti ipïrhidi ïgai ix buaboitudagi tomaxi aanï ïr Diuxi Maradï ïmadugakïdï kaxkïdï— itïtïdai.

VUAANA 5:24

—Kïïga abïr gïn tïgito kaïka idi ñoki. Daiñi, odami ix makïdï ïïgida kaïkagi gin ñoki dai buaboitudagi ïgai ix makïdï gin otoi ka bïïxkïrï bïïtarï oidaka agai. Diuxi ka mai maakimu ïgai gïgïbidaragai dai ka bubuaka abhiadïrï xako darakatadai ïgai, xako mos ïr ïï mukigami gï dukami tudu, dai ka baapa ïgai xako gia ïr kïïgakïrï oidakaragai— itïtïdai.

Hechos 3:16

Dai apia gamaakai ñoki go Piduru daidi ikaiti, —Aapimï kïï maatï idi kïïrhi ix makïdï ïr kokoadïkatadai. Daiñi, ïgai baa Suxi gubukadadïkïdï duayi idi kïïrhi. Kïïga buaboitu gobai kaïkai ix aagai aatïmï gubukadadï Suxi dai mos kïï buaboidakai duayi gobai. Dai aapimï ka nïidi ïpï— itïtïdai.

Hechos 4:12

Daiñi, Diuxi otoi go Suxi Kristo sai ïgai ïïgi biakana gubukadagai ix kïïgakïrï bubiadagi odami tomax xako oidakami. Mai tipu ïmai bïïxi oidigi daama —itïtïdai Piduru.

2 Korintios 5:1

Kïïga maatï aatïmï tudu sai gïr tukuga ix makïdï bia aatïmï tami oidigi daama mai tïbïpi kabaka agai. Idi tukugïrï mosïkaxi chïki tasai óídaka ragai ïmo urhiñaragai dukai. Dai xïxkadï ugitiagi idi gïr tukuga aidï gia buimu aatïmï ïmai tukugai tïbagiañdïrï ix makïdï Diuxi idui dai mai xu ix makïdï odami idui. Dai gïr tukuga utudui ix makïdï bhïimu aatïmï gobai gia mai ugiti agai tomarhi ïmo imidagai.

Galatas 4:6

Dai kïï maatiga maaxi saidi ïr Diuxi maamaradï aapimï xibi. Daiñi, Diuxi gïn maa ïïgi Ibhïadï dai xadïrï gïn maakimudai Ibhïadï ix maiti ïr maamaradïkagi aapimï. Ïgai ïr ï galbaaxi Diuxi Ibhïadï ix makïdï Diuxi Maradï biakana ïpï. Dai xibi gïr maakai ïgai ïmo kïïgadukami ïmadaragai Diuxi ïmadï gïr ïrana dakatai. Gïr maakai ïmadaragai sai gïgïr ñokaiña aatïmï aatagaitai Diuxi dai sai —gïr Maama— dai —gïr Oga— aagaiña aatïmï Diuxi.

1 Pedro 5:12

Gin aaduñi, go Silbano ïgai dai gin soi ibuadatai aanï idi ojai. Dai ipïrhidi aanï sai maatïkagi aapimï sai ïgai ïr ïmo gïr aduñi Diuxi amadïrï dai kïïga sïïrhi aatabuayi ïgai. Idui aanï idi arhi ojai gïn bïïtarï gïn soiña in ïrhiditai sai tomaxi soimaaxi taatamaimi aapimï bïïxkïrï apia buaboitudana aapimï maatïkatai sai kïï tuiga Diuxi gïn bïïtarï. Daiñi, tami idi ojiïrï gïn maa aanï ñoki dai gïn aagidi ixtumaxi ïr buaboi saidi maatïkana aapimï sai Diuxi kïï tuiga gïn bïïtarï dai gïn maa oigaragai ix taatagi aapimï bïïxi gobai ix makïdï taatamaimi aapimï xibi. Kïïga ïr buaboi tudu sai kïï tuiga Diuxi gïn bïïtarï. Dai kaxkïdï apia kïïga buaboitudai aatïmï maatïkatai sai kïï tuiga Diuxi gïr bïïtarï tudu.

1 Juan 1:4

Dai kaxkïdï gïn ojidi aatïmï saidi kïïga bhai gïn ïrhiadagi aapimï ïpï gïr urabakatai.

1 Juan 2:1

Aapimï gin maamara Diuxi amadïrï, gïn soiña in ïrhidi aanï sai mai soimaaxi ibuada aapimï dai kaxkïdï gïn otoxdi aanï idi ojai. Dïï gia xïduñada soimaaxi ibuadagi ïmadutai aatïmï, aidï gia kïïga maatï aatïmï sai bia aatïmï xorai gïr soiñagi dai gïr ñokituldagi Diuxi buitapi. Ïgai ïr Suxi Kristo ix makïdï kïïga buañixi ibhïadï.

1 Juan 2:21

Daiñi, gïn ojidi aanï maatïkatai sai ka maatï aapimï ixtumaxi ïr buaboi. Kïïga maatï nïnïidi aapimï ïmo ñoki ix bhai ïr buaboi dai ix bhai ïr yaatagi ïpï.

1 Juan 2:25

Dai go urabaragai ïgai ïmadï gobai kaxi ïr go kïïgakïrï oidakaragai bïïxkïrï bïïtarï ix makïdï gïr aagidi Suxi Kristo sai gïr maaki agai.

1 Juan 2:26

Gin aaduñi, oidaga odami ix makïdï gïn tïïgida agai yaatagi gïn bupuirumada ïrhiditai dai kaxkïdï gïn ojidi aanï idi ojai mïsai maatïkana dai gïn nukadakana.

1 Juan 3:23

Diuxi gïr tïjai sai buaboitudaiña aatïmï Maradï, sai buaboitudana aatïmï Suxi Kristo tudu. Dai gïr tïjai sai gïr oigïadagi aatïmï aipakoga ïpï. Gobai ïr go sïïrhikami ix makïdï gïr maa Diuxi tudu.

1 Juan 4:9

Daiñi, mos arhi ïmaduga go Maradï Diuxi dai bïïxkïrï otoi Diuxi tami oidigi daama sai bhai buadana ïgai ixdukatai kïïgakïrï óídakagi aatïmï bïïxkïrï bïïtarï. Podukai gïr tïtïïgidi Diuxi xïïxi kïïga gïr oigïdai ïgai tudu.

1 Juan 5:10

Dai bïïxi odami ix makïdï buaboitudai sai go Suxi ïr Diuxi Maradï, ïgai kïïga maatï saidi bïïxi ixtumaxi gïr aagidi Diuxi ïr buaboi aagaitai Suxi ïpï. Dïï gia odami ix makïdï mai buaboitudai yaatabogami aagai Diuxi. Mai buaboitudaitai ïgai ixtumaxi gïr aagidi Diuxi aagaitai Maradï tudu.

1 Juan 5:11

Diuxi gïr aagidi sai gïr maakai ibhïdagai utudui sai kïïgakïrï óídakana aatïmï bïïxkïrï bïïtarï mos buaboitudakai aatïmï Maradï tudu.

1 Juan 5:20

Daiñi, kïïga maatï aatïmï sai dibia Diuxi Maradï tami oidigi daama dai gïr tïtïïgidi xorai buaboikïdï ïr Diuxi. Suxi Kristo ïgai dai gïr tïtïïgidi tudu. Dai xibi ka urabakatai aatïmï Suxi Kristo ka uraba bii aatïmï Diuxi ïpï. Suxi Kristo ïr Diuxi kaxkïdï. Buaboikïdï ïr Diuxi ïgai dai mai tipu ïmai. Mai tipu ïmai xorai gamaakadagi go utudui oidakaragai bïïxkïrï bïïtarï tudu. Mosïkaxi Suxi gïr maakai gobai.