1 Juan 3:24 - Northern Tepehuan Bible

²⁴ Dai toma xorai ix makïdï ïïgiadagi Diuxi sïïrhikamigadï ïgai kïïga biakana urabaragai Diuxi ïmadï. Diuxi gïr maa Ibhïadï saidi gïr ïmadï dakana tudu. Dai ka biakatai aatïmï Diuxi Ibhïadï gokïdï maatï aatïmï saidi ka kïïgakïrï uraba bii aatïmï Diuxi bïïxkïrï bïïtarï.

Tepehuan Northern: Diuusi ñiooquidʌ utuducami oodamicʌdʌ

²⁴ Sioorʌ ʌʌgiadagi Diuusi sʌʌlicamigadʌ poduucai cʌʌga oidaca ivuaadatai istumaasi Diuusi ipʌlidi dai Diuusi ʌʌmadu daja ʌgai. Dai Diuusi ootoi gʌIbʌdaga sai gʌrʌʌmadu daacana cascʌdʌ maata aatʌmʌ isDiuusi gʌrʌʌmadu daja.

1 Juan 3:24 Iomraidhean Croise

VUAANA 10:38

Dai tomaxi maiti ipïrhiada aapimï ix gin buaboitudagi kaïkatai gin ñoki, gia buaboitudabïrai nïiditai go aaduindagai ix makïdï ibuayi aanï. Dai ix buaboitudagi aapimï aidï gia maatïkamu aapimï sai aanï ïmadï gin Oga mos ïr ïmo odami— itïtïdai Suxi.

VUAANA 14:17

—Ïgai ïr Diuxi Ibhïgadï dai ïr gamaatïturhiadami ixtumaxi ïr buaboi. Dïï gia go gaa óídakami ix makïdï adaimïi mosïkaxi odami tïgibudadï mai bhaiga ix ïïgiadagi Diuxi Ibhïgadï. Ïgai mai buaboitudai Diuxi Ibhïgadï mai maatïkatai xorai ïgai dai mai maatïkatai ïpï ix dukatai aatabuayi ïgai. Dïï aapimï gia kïïga maatï Diuxi Ibhïadï gïn ïmadï dajatai ïgai. Gïn ïmadï daja ïgai tudu dai gokiïrioma gïn ïrana oidaka agai ïgai ïpï— itïtïdai.

VUAANA 17:21

Gï daanïi aanï saidi mos ïmo tïgibudagai biakana ïgai bïïxkatai gïr bïïna darakatai. Saidi ïr ïmo odami gïn dukamikana ïgai ïmapi ïpïandukai ix mos ïmo odami gïr dukami aapi ïmadï aanï. Podukai go gaa oidakami buaboituda antaada ix aapi gin otoi nïiditai ix ïr ïmo odami gï dukami gin mamaatïrdamiga— itïtïdai

1 Korintios 3:16

Gin aaduñi, kïïga maatï aapimï sai aapimï ïr Diuxi bakidï dukai xako oidakami ïgai. Kaxkïdï tudu Diuxi Ibhïadï aapimïrï daja.

1 Korintios 6:19

Kïï sïïrhi abïr gïn tïgitoka tudu sai gïn tukuga ïr Diuxi Ibhïadï bakidï dukai gïn ïrana dakatai ïgai. Dai Diuxi ïgai dai gïn maa ïïgi Ibhïgadï sai gïn ïmadï dakana. Kaxkïdï ka mai bia aapimï sïïrhikami ix ïïgi gïn tïanïdagi aapimï.

2 Korintios 6:16

Daiñi, kïïga maatï aapimï sai maiti gï agai aapimï xi go gïï kiupaigadïrï Diuxi tutusadagi uubixi dai Diuxi dukai xadutuada agadagi aapimï ïgai ami. Soimaaxi gobai tudu. Ïmo tukuragai gobai. Dai podukai ïpï aatïmï buaboitudadami maiti gï agai ix gïr bapasïdagi ïmadï ix makïdï mai buaboitudai. Gobai ïr ïpïan dukami xi kiupaigadïrï Diuxi bapasadagi aapimï ubixi. Ïmo tukugai gobai tudu. Diuxi gïr saagida oidaga kaxkïdï. Dai kaxkïdï Diuxi maa ñoki gïr aaduñi ïïki daidi potïtïdai, Ayimu ixtuigako gin aaduñi saagida oidakamu aanï Aanï ïr Diuxigadïkamu aidï dai ïgai ïr gin maamaraka agai.

1Tesalonicenses 4:8

Daiñi, mai xu xi ïr ïïgi gïr tïgibudaga idi ñoki sai mosïkaxi Diuxi bïïtarï óídakana aatïmï ïkobai darakatai soimaaxkamiañdïrï. Dai bhaiyoma Diuxi ïgai dai gïr maa Diuxi Ibhïgadï ix makïdï kïï buañixi dai gïr tïanïi sai buañixikami duakai óídakana aatïmï. Kaxkïdï ix oidakagi xorai mai ïïgiada ïrhiada idi ñoki, ïgai mai xu ix mosïkaxi aatïmï maiti gïr ïïgidi. Dai bhaiyoma mai ïïgidi ïgai Diuxi Ibhïadï. Kaxkïdï tudu Diuxi Ibhïadïañdïrï dibia idi ñoki.

2 Timoteo 1:14

Daiñi, Diuxi gï nukaturhi go kïïgadukïdï aatagi kaxkïdï maiti gï dagitoda aapi ix kuga imiagi gï aatagi xïïxkadï gatïtïïgiada aapi ñoki. Kïï sïïrhi aagada tudu. Dai Diuxi Ibhïadï ix makïdï gïr ïmadï daja gï soiñamu sai podukai kïï nukadakana aapi go aatagi.

1 Juan 2:24

Gin aaduñi, gï agai sai gïn tïgito ajiopada aapimï Diuxi ñokidï ix makïdï kaïkana aapimï aidï abhiadïrï xi buaboitu aapimï. Ix apia buaboitudada aapimï gobai aidï gia biakamu aapimï urabaragai Diuxi ïmadï dai Diuxi Maradï ïmadï ïpï bïïxkïrï bïïtarï.

1 Juan 2:3

Daiñi, bïïxi odami ix makïdï kïïga maatï Diuxi dai kïïga bia urabaragai ïgai ïmadï kïïga ïïgidiña ïpï. Dai ix mai ïïgiadagi ïgai, aidï gia gobai itïiya ïrhidi sai mai kïïga maatï dai mai kïïga urabaka ïpï. Podukai gï maatï ix bhai kïïga maatï ïmoko Diuxi dai ix bhai kïïga bia urabaragai ïgai ïmadï tudu.

1 Juan 2:5

Dïï gia ix kïïga ïïgiadagi ïmoko podukai mamaaxidi ïmoko sai kïïga oigïdai Diuxi. Podukai gï maatï ix bhai kïïga urabaka ïmoko Diuxi tudu.

1 Juan 2:6

Ix pokaitadagi ïmoko sai urabaka Diuxi aidï gia gï agai sai ïpïandukai oidakagi ïgai Suxi Kristo ïma dukai yaatagïi ïgai tudu.

1 Juan 3:22

Dai kaxkïdï xïïxkadï daanïdagi aatïmï kïïga maatïkana aatïmï sai gïr maaki agai ixtumaxi tañiagi aatïmï. Kïïga ïïgidi aatïmï dai kïïga ibuayi aatïmï ixtumaxi bhai ïrhidi ïgai kaxkïdï.

1 Juan 4:7

Gin aaduñi, kïïga gïn oigïdai aanï dai ipïrhidi aanï saidi gïn ojoigïadagi aapimï aipakoga ïpï. Daiñi, mosïkaxi Diuxi ïgai dai buaboikïdï oigïdai jaa dai mosïkaxi Diuxi ïgai dai gamamaakai gubukarhigai óídakami saidi gïn ojoigïadagi ïgai ïpï. Kaxkïdï gï maatï saidi ïr maamaradï Diuxi go odami ix makïdï buaboikïdï oigïadagi jaa. Dai podukai gï maatï ix bhai kïïga maatï ïgai Diuxi ïpï.