1 Juan 3:18 - Northern Tepehuan Bible

¹⁸ Gin aaduñi, maiti gï agai sai mosïkaxi pokaitadagi aatïmï sai oigïdai aatïmï jaa. Gï agai bhaiyoma sai ibuada aatïmï ixtumaxi ïr soiñikagi jaa bïïtarï dai podukai mamaaxdagi sai buaboikïdï oigïdai aatïmï.

Tepehuan Northern: Diuusi ñiooquidʌ utuducami oodamicʌdʌ

¹⁸ Giñaaduñi ispocaitiadagi aatʌmʌ sai oigʌdai aa dai vʌʌscʌrʌ maisoicʌdagi aidʌ gia maitʌrvaavoi isoigʌdai aa. Baiyoma aliʌsi gʌaagai issoicʌdagi aatʌmʌ aa poduucai gʌmaatʌ issʌʌlicʌdʌ oigʌdai aatʌmʌ.

1 Juan 3:18 Iomraidhean Croise

Lukas 7:5

Kïïga gïr oigïdai ïgai aatïmï judidiu tudu dai asta gïr duñi gïr kiupaiga— itïtïdai.

VUAANA 17:19

Gin Oga, kaxi gin tïïgi aanï ïïgi ix ïr mosïkaxi aapi gï bïïtarïkana aanï sai podukai gin mamaatïrdamiga buaboikïdï ïr mosïkaxi aapi gï bïïtarïkana ïpï— itïtïdai Suxi Diuxi.

Romanos 12:9

Gï agai xi kïïgakïrï gïn oigïada aapimï. Gajiadïrï abïr bia gobai ix makïdï ïr soimaaxkami daidi abïr kabami bhïiyi ix makïdï gia ïr kïïga.

Galatas 5:13

Daiñi gin aaduñi, Diuxi gïn báí mïsai kïïgakïrï óídakana aapimï. Gïn báí ïgai sai ka mai biakagi aapimï xi pipioñi dukai ïïgiadagi ïmo sïïrhikami tudu kabami gïn tïanïitai gobai. Ka kïïgakïrï gïn bubaitu ïgai tudu. Kaxkïdï kabami soi gin ïrhidiña aanï gïn aagiditai jaa sai bia aapimï xi ïïgiadagi go sïïrhikami. Maiti ïr podukai di. Daiñi, kïïga ïr buaboi tudu sai mai gubuakïdï bia aapimï xi ïïgiadagi go sïïrhikami sai podukai kïï biïna Diuxi ïmadï. Dïï gia maiti abïr po gïn ïrhiada ïpï sai bhaiga aapimï xi ibuadagi ïïgi ixtumaxi iduña ïrhiada aapimï oiditai ïïgi gïn tïgibudaga. Gï agai bhaiyoma xi aipakoga gïn soikïdagi aapimï gïn oigïdatai aipakoga.

Efesios 4:15

Aatïmï buaboitudadami oijadamu ixtumaxi ïr buaboi bhaiyoma, gïr oigïdaitai aipakoga. Podukai bïïx tasai bamioma gïïrhidamu aatïmï dai bïïxi aïkatai bamioma ïpïan tuigakamu aatïmï Suxi Kristo. Aatïmï buaboitudadami ïr tukugadï dukai Suxi Kristo dai ïgai ïr gïr moo.

1 Pedro 1:22

Daiñi gin aaduñi, aapimï ka ïïgidi go buaboi aatagi dai ka buañixikami bii gïn ibhïdaga. Kaxkïdï gï agai sai kïïgakïrï gïn oigïdada aapimï aipakoga bïïxi gïn ibhïdagakïdï.

1 Juan 2:1

Aapimï gin maamara Diuxi amadïrï, gïn soiña in ïrhidi aanï sai mai soimaaxi ibuada aapimï dai kaxkïdï gïn otoxdi aanï idi ojai. Dïï gia xïduñada soimaaxi ibuadagi ïmadutai aatïmï, aidï gia kïïga maatï aatïmï sai bia aatïmï xorai gïr soiñagi dai gïr ñokituldagi Diuxi buitapi. Ïgai ïr Suxi Kristo ix makïdï kïïga buañixi ibhïadï.

1 Juan 3:7

Gin aaduñi, oidaga odami ix makïdï gïn aagida antaada naana maaxi ix makïdï mai ïpïan kaiti idi ñoki ix makïdï gïn aagidimi aanï xibi. Kaxkïdï gï agai sai kïïga gïn tïtïgitokagi aapimï sai podukai maiti gïn bupuirumadagi ïgai. Daiñi, odami ix makïdï kïïga oijadagi ixtumaxi ïr sïïrhi kïïga buañixikana ïpïan dukai Suxi Kristo mai biakatai soimaaxkami abhana.

2 Juan 1:1

Aanï ïr Juan dai gïn otoxdi idi ojai ïmo bhaitï kïakamigadïkatai aanï bïïxkatai go buaboitudadami. Ïmo biatuldaragai gïn bïïtarï bïïxkatai aapimï buaboitudadami ix makïdï gïn ïmapaidi dai xadutudai Diuxi ami xako daraka aapimï. Ïko bubaidadï aapimï Diuxi aapimï gin aaduñi. Ïmo aadunumï dukai aatïmï, aanï ïmadï aapimï tudu, buaboitudaitai aatïmï ixtumaxi ïr buaboi. Kaxkïdï kïïga gïn oigïdai aanï dai gïn ojidi. Dai bïïxi go gaa buaboitudadami aipakoga óídakami gïn oigïdai ïpï.

3 Juan 1:1

Bhaiga aapi Gaiyo. Aanï ïr Juan dai gï otoxdi aanï idi ojai ïmo bhaitï kïakamigadïkatai aanï go buaboitudadami. Kïïga gï oigïdai aanï aapi Gaiyo