1 Juan 3:14 - Northern Tepehuan Bible

¹⁴ Daiñi, kïïga maatï aatïmï sai ka mai koidadï gïr duu gïr iibhïdaga xibi. Kïïga maatiga maaxi gobai, gïr oigïdai aatïmï aipakoga kaxkïdï. Gobai ïr ïmo maaxidaragai ix ka duduakatu gïr ibhïdaga tudu. Dïï gia odami ix makïdï mai oigïdadagi jaa ïgai gia apia kia ïr koidadï dukai iibhïadï.

Tepehuan Northern: Diuusi ñiooquidʌ utuducami oodamicʌdʌ

¹⁴ Camaiiimia ragai aatʌmʌ ʌDiaavora ʌʌmadu baiyoma iimia ragai aatʌmʌ Diuusi ʌʌmadu. Maatʌ aatʌmʌ gomaasi oigʌdaitai gʌraaduñi. Sioorʌ maioigʌadagi gʌaaduñi imia agai ʌDiaavora ʌʌmadu.

1 Juan 3:14 Iomraidhean Croise

Mataibo 25:40

Dai potïdamu aanï ïgai, —Daiñi— tïdamu aanï. —Kïïga soikïiña aapimï jaa buaboitudadami. Soikïiña aapimï asta go buaboitudadami ix makïdï bamioma mai tïanïi tudu. Dai bïïxi aïkatai ixtumaxi ix makïdï idui aapimï soikïitai ïgai, bïïxi gobai aanï podukai nïidi sai aanï in bïïtarï iduitadai aapimï. Gobai kïïga ïr buaboi tudu. Po tïdamu aanï go buaboitudadami Reygadïkatai aanï— itïtïdai Suxi go odami.

Lukas 15:24

Ka mukiadï ïrhiditadai aanï idi in maara di. Dai xibi tami duakakami kïïka. Xibhï imiadïkatadai gobai dai xibi ka tïï aatïmï ïpamu— itïtïdai go kïrhiodami go pipioñi daidi idui bagimi.

Lukas 15:32

Dïï gia xibi ka dibia gï sukurhi. Aatïmï ïmo mukiadï ïrhiditadai dai xibi ka duakatu. Xibhï imiadïkatadai ïgai dai xibi ka tïï aatïmï ïpamu. Kaxkïdï gï agai xi bagimituda aatïmï di— itïtïdai.

Lukas 7:5

Kïïga gïr oigïdai ïgai aatïmï judidiu tudu dai asta gïr duñi gïr kiupaiga— itïtïdai.

VUAANA 13:35

Podukai odami gïn tïgito nïijadamu ix gïn oigïdai aapimï ïpïan dukai ix aanï gïn oigïdaiña dai maatïkamu ïgai sai kïïgakïrï ïr gin mamaatïrdamiga aapimï— itïtïdai.

VUAANA 15:12

Dai Suxi oi aatagidï go mamaatïrdamigadï ïmadï daidi itïtïdai, —Aanï gïn tïanïi sai gïn oigïada aapimï aipakoga ïpïandukai ix aanï gïn oigïdai— itïtïdai.

VUAANA 15:17

Gin mamaatïrdamiga aapimï tudu dai gïn tïanïi aanï sai gïn oigïdada aapimï aipakoga— itïtïdai.

VUAANA 5:24

—Kïïga abïr gïn tïgito kaïka idi ñoki. Daiñi, odami ix makïdï ïïgida kaïkagi gin ñoki dai buaboitudagi ïgai ix makïdï gin otoi ka bïïxkïrï bïïtarï oidaka agai. Diuxi ka mai maakimu ïgai gïgïbidaragai dai ka bubuaka abhiadïrï xako darakatadai ïgai, xako mos ïr ïï mukigami gï dukami tudu, dai ka baapa ïgai xako gia ïr kïïgakïrï oidakaragai— itïtïdai.

2 Korintios 5:1

Kïïga maatï aatïmï tudu sai gïr tukuga ix makïdï bia aatïmï tami oidigi daama mai tïbïpi kabaka agai. Idi tukugïrï mosïkaxi chïki tasai óídaka ragai ïmo urhiñaragai dukai. Dai xïxkadï ugitiagi idi gïr tukuga aidï gia buimu aatïmï ïmai tukugai tïbagiañdïrï ix makïdï Diuxi idui dai mai xu ix makïdï odami idui. Dai gïr tukuga utudui ix makïdï bhïimu aatïmï gobai gia mai ugiti agai tomarhi ïmo imidagai.

Galatas 5:22

Dïï gia xïïxkadï ïïgiadagi aatïmï Diuxi Ibhïadï gïr ïrana aatabuayi ïgai dai bhai buayi naana maaxi kïïgadukami gïr ïrañdïrï. Ïïgiditai aatïmï Diuxi Ibhïadï oigïdaiña aatïmï jaa dai bhai gïr ïrhidiña dai gïr ibhïxtakan taadakana aatïmï gïr ibhïdagïrï. Kïïga gïr kabakadaiña aatïmï ïpï xïxkadï soimaaxi taatamadagi. Kïï tutiakana aatïmï jaa bïïtarï dai ibuadana ixtumaxi ïr kïïga. Bïïxkïrï ibuadana aatïmï ix tumaxi aagagi aatïmï ïpï.

Efesios 1:15

Kaxkïdï tudu aidï abhiadïrï xi kajioma aanï xïï kïïga buaboitudai aapimï Gïr Nukadakami dai xïï kïïga oigïdai aapimï go gaa buaboitudadami,

Efesios 2:1

Ïkioma ïr koidadïkana gïn iibhïdaga soimaaxi buadatai aapimï. Mai ïïgidiña aapimï Diuxi kaxkïdï.

Efesios 2:5

Kaxkïdï tomaxi ïr koidadïkatadai gïr iibhïdaga ïkioma soimaaxi buadatai aatïmï bïïxkïrï Diuxi gïr duakaturhi Suxi Kristo ïmadï. Diuxi gia kïï tuiga tudu dai kaxkïdï kïïgakïrï gïr bubaitu ïgai.

Kolosenses 1:4

Kaxkïdï tudu kajioma aatïmï sai kïïga buaboitudai aapimï Suxi Kristo dai sai oigïdai aapimï bïïxi go gaa buaboitudadami. Kaxkïdï bhai gïr ïrhidi Diuxikïdï.

1Tesalonicenses 4:9

Daiñi, Diuxi kaxi gïn maatïturhi ix dukatai oigïdadagi aapimï go gaa tudu. Dai kaxkïdï gokïdï bhaitoma maiti gï agai ix gïn maakiagi aatïmï ñoki.

Hebreos 13:1

Gin aaduñi, ïmo aadunumï aapimï buaboitudadami dai gï agai xi mai ugutai gïn oigïdada aapimï aipakoga.

1 Pedro 1:22

Daiñi gin aaduñi, aapimï ka ïïgidi go buaboi aatagi dai ka buañixikami bii gïn ibhïdaga. Kaxkïdï gï agai sai kïïgakïrï gïn oigïdada aapimï aipakoga bïïxi gïn ibhïdagakïdï.

1 Pedro 3:8

Gïn maakimu aanï ïpï ïmo ñoki gin aaduñi. Gï agai sai kïï xioma gïn urapïkïda aapimï aipakoga ïmo tïgibudagai biakatai aapimï bïïxkatai. Soigabïr gïn ïrhiada ïmadï gïn aaduñi Diuxi amadïrï xïïxkadï soi gïn ïrhiadagi ïgai. Gïn oigïadabïrai aipakoga tudu ïmo xixïgïmï dukai. Dai kïïga abïr tutiaka jaa bïïtarï mai gïgïrdukïdï gïn ïrhiditai aapimï.

2 Pedro 1:7

Dai bhodïrï ka kïïga ïïgiditai aapimï Diuxi gï agai ïpï mïx kïïga oigïdadagi aapimï gïn aaduñi Diuxi amadïrï ïmo gïn xïgïmï dukai. Dai bhodïrï gï agai sai oigïdada aapimï bïïxi go gaa óídakami ïpï. Podukai abïr óídaka tudu maatïkatai ixtumaxi idui Diuxi gïr bïïtarï.

1 Juan 2:3

Daiñi, bïïxi odami ix makïdï kïïga maatï Diuxi dai kïïga bia urabaragai ïgai ïmadï kïïga ïïgidiña ïpï. Dai ix mai ïïgiadagi ïgai, aidï gia gobai itïiya ïrhidi sai mai kïïga maatï dai mai kïïga urabaka ïpï. Podukai gï maatï ix bhai kïïga maatï ïmoko Diuxi dai ix bhai kïïga bia urabaragai ïgai ïmadï tudu.

1 Juan 3:23

Diuxi gïr tïjai sai buaboitudaiña aatïmï Maradï, sai buaboitudana aatïmï Suxi Kristo tudu. Dai gïr tïjai sai gïr oigïadagi aatïmï aipakoga ïpï. Gobai ïr go sïïrhikami ix makïdï gïr maa Diuxi tudu.

1 Juan 4:12

Daiñi, tomarhi ïmo odami mai nïidi Diuxi tomarhi ïmo imidagai. Dïï gia ix kïïgakïrï gïr oigïadagi aatïmï aipakoga, aidï gia gï maatï sai gïr ïmadï daja Diuxi dai gïr nïijadamu odami dai bhaigakamu ïgai ix maatïkagi xïïxi kïïga oigïdai Diuxi ïgai.

1 Juan 5:13

Daiñi, gïn ojidi aanï aapimï ix makïdï buaboitudai Diuxi Maradï saidi kïïga maatïkana aapimï sai ka bia aatïmï go utudui oidakaragai ix makïdï bïïxkïrï bïïtarï kabakarïi.

1 Juan 5:2

Kaxkïdï ix oigïadagi aatïmï Diuxi dai ïïgiadagi aatïmï aidï gia oigïdadamu aatïmï Diuxi maamaradï ïpï. Podukai gï maatï ix bhai buaboikïdï oigïdai aatïmï gïr aaduñi Diuxi amadïrï tudu. Gï maatï gobai ïïgi gïr tïgito nïiditai ix bhai oigïdai aatïmï Ogadï, ix bhai oigïdai aatïmï Diuxi tudu. Ix mai oigïadagi aatïmï Diuxi aidï gia xadïrï oigïdaiña aatïmï gïr aaduñi Diuxi amadïrï ïpï.