1 Juan 2:29 - Northern Tepehuan Bible

²⁹ Kïïga maatï aapimï sai Suxi Kristo kïïga buañixi ibhïadï tudu. Dai kaxkïdï gï maatï ïpï sai bïïxi óídakami ix makïdï kïïga buañixikami óídaga ïgai ïr maamaradï Diuxi ïpï ïpïan maaxkatai ïgai Suxi Kristo.

Tepehuan Northern: Diuusi ñiooquidʌ utuducami oodamicʌdʌ

²⁹ Cʌʌ maatʌ aapimʌ isSuusi Cristo tomali ʌmo imidagai maisoimaasi ivueeyi cascʌdʌ cʌʌ maatʌ aapimʌ sai sioorʌ apiacʌʌgacʌrʌ oidacagi ʌgai gia ʌrDiuusi maamaradʌ.

1 Juan 2:29 Iomraidhean Croise

VUAANA 1:13

Ïgai ix makïdï buaboitudai ïpamu uutudui bubuakïi dai ka Diuxi maamaradï bipiïyi. Dïï gia maiti ïr Diuxi maamaradïkana odami mos bubuakïkai oidigi daama ix dukai bubuakïi bïïxi odami tukugadïkïdï tudu. Dai mai utudui bubuakïi odami mos ipïldakai ïgai. Bhaiyoma Diuxi ïgai dai podukai gï tïgito dai utuduturhi odami buaboitudakai ïgai sai podukai ïr maamaradïkana.

VUAANA 7:18

Daiñi, kïïga gï maatï sai ïïmo odami ix makïdï ïïgi tïgibudadïkïdï gamaakai ñoki bupuirumadai odami ïïgi gïn bïïtarï ñokaitai dai ipïrhiditai ix odami kïïgakïrï gïn nïijadagi kaïkatai aatagidï. Dïï gia ix makïdï ïr ojotoxikami mai pomaaxi ibuayi. Ïgai ñokaiña ïmai bïïtarï ipïrhiditai ix odami kïïgakïrï nïijadagi ix makïdï gaotoi dai mai xu ix kïïgakïrï nïijada ïïgi ïgai ix makïdï ñokai, kaxkïdï kïï sïïrhi ñokai ïgai dai mai bupuirumadai odami. Podukai tudu ñokai aanï ipïrhiditai ix odami kïïgakïrï nïijadana Diuxi ix makïdï gin otoi dai mai xu ñokai aanï ipïrhiditai ix kïïgakïrï gin nïijada odami aanï. Kaxkïdï kïïga gï maatï sai aanï mai bupuirumadai odami.

Hechos 10:35

Diuxi kïïgakïrï nïidi tomax maaxkami odami ix makïdï ïr xadutuadami Diuxi dai ix makïdï kïïga ibuadagi— itïtïdai Piduru.

Hechos 22:14

Dai ïgai pobai gin tïtïdai ïpï, —Diuxi ix makïdï aatïmï judidiu xadutudaiña ïïki abhiadïrï kaxi ïkobai gï busaitu aapi Saulo pai aapi maatïkana Diuxi tïgibudadï. Ïkobai gï busaitu ïpï pïsai nïijadana aapi gïr Bhaitï Kïakamiga, go ix makïdï kïï buañixi ibhïadï tudu. Dai ïkobai gï busaitu Diuxi pïsai aapi Saulo kaïkagi ixtumaxi gï aagiadagi ïgai ïpï—.

Hechos 3:14

Mai aagidi aapimï go Pilato ix dagitomudai ïgai go Suxi tomaxi ïgai kïïga ïïgidiña Diuxi dai kïï sïïrhiñikatadai tïgibudadï. Aapimï aagidi go Pilato ix bhaiyoma dagitona ïgai ïmo gamuakami.

2 Korintios 5:21

Gïn aagidamu aanï ïmo ixtumaxi aagaitai aanï go oidaragai ix makïdï gïr maakai Diuxi tudu. Daiñi, Diuxi dáí go Suxi ïmo daxdaragai dukai sai buanana gïr soimaaxkamiga mai soimaaxi ibuadamikatai ïgai toma lïïchi. Po dui ïgai saidi ka bïïna biiyagi aatïmï Suxi Kristo sai podukai buañixikami biiyagi aatïmï ïpïan dukai Diuxi. Gobai tudu ïr go gïï oidaragai ix makïdï gïr maakai Diuxi.

Hebreos 7:2

Daidi go Abraam kïïga xadutugi go Melkisedek dai maa ïmo oidaragai. Maa ïgai jaa go maitïki ix makïdï popoki ïgai go maakoba reyes kokodiïrï. Ïïmoko maa ïgai bhabhaibuxtamaiñdarï ix makïdï maitïtadai ïgai go reyes kokodiïrï tudu. Podukai maa ïmo oidaragai go Abraam go Melkisedek. Dai go Melkisedek tïtiaradï itïiya ïrhidi —Go rey ix makïdï sïïrhi aatabuayi—. Dai reykatadai ïgai Salemïrï dai go Salem itïiya ïrhidi ïmo ibhïxtaragai.

Hebreos 7:26

Suxi Kristo tudu ïr go adaama kïïgadukïdï dadaxdadami ix makïdï bamioma kïï bhaiga ix gïr soikïdagi. Kïïga ïko daja ïgai go soimaaxkamiañdïrï tudu mai biakatai ixtukïdï gïpiïrï kaatïkagi. Kïï buañixi ïgai dai ka ïkobai daja ïgai soimaaxi ibuadamiañdïrï amïï tïbagiana dakatai ïgai. Dai bïïxi adaama bia ïgai xadutudaragai amïka tïbagiana dakatai ïpï.

Santiago 1:18

Diuxi ïgai dai gïr maa gïr utudui oidakaragai tudu aidïxi buaboitu aatïmï Diuxi ñokidï ix makïdï kïïga ïr buaboi. Podui ïgai saidi ïko darasadïkana aatïmï, saidi podukai aatïmï ix makïdï buaboitudai ïpïgioma ïko ïr darasadïkana ix bhai ïma maaxi ixtumaxi ix makïdï idui ïgai tudu. Podukai aatïmï bamioma namïakami bii Diuxi bïïtarï xi bhai go gaa ixtumaxi ix makïdï idui ïgai. Ïïgi podukai gï tïgito Diuxi dai kaxkïdï podui ïgai.

1 Pedro 1:23

Ka uutudui aapimï tudu, uutudui bubuaka aapimï ïmo utudui oidakaragai bïïtarï ix makïdï mai ugiti agai tomarhi ïmo imidagai. Diuxi ñokidïañdïrï imïi gïn utudui oidakaraga tudu dai Diuxi ñokidï mai ugiti agai tomarhi ïmo imidagai. Bïïxkïrï bïïtarï gobai.

1 Pedro 1:3

Gin aaduñi, gï agai sai kïïga ñokada aatïmï Diuxi bïïtarï. Gï agai sai kïïga ñokada aatïmï bïïtarï ïgai ix makïdï ïr Diuxigadï Gïr Nukadakami Suxi Kristo tudu. Soi ïlda gïr tïï ïgai kaxkïdï daidi gïr maa ïmo utudui oidakaragai. Gï duakatu Suxi Kristo ïpamu tudu gokiïrï xi mutadai ïgai dai kaxkïdï bia aatïmï ïmo kïïgadukami nïnïraragai xibi. Dai kïïga gupuka antaadakana aatïmï gïr utudui oidakaragai bïïtarï maatïkatai sai bia aatïmï go kïïgadukami nïnïraragai gobai.

1 Pedro 3:18

Asta Suxi Kristo soimaaxi taata kïïga ibuadatai ïgai tudu. Muu ïgai bhai buadatai gïr soimaaxkamiga bïïtarï. Dai podukai bhai dui ïgai gïr bïïtarï bïïxkïrï bïïtarï dai ka mai biïga bamioma daxdaragai xibi. Kïïga buañixikami ïgai tudu dai muu ïgai aatïmï soimaaxi ibuadami gïr bïïtarï sai kïï biïna aatïmï Diuxi ïmadï. Gï muatu tukugadï tudu dïï gia gï duakaturhi ïpamu Ibhïadï.

2 Pedro 1:4

Dai gïr aagidi Suxi mui ñoki kïïga gupukami dai kïïga namïakami ïpï dai ïgaikïdï gï báí ïgai saidi gïr maaki agai naana maaxi kïkïïgadukami ixtumaxi. Sïïrhikïdï gubuka ïgai tudu dai kïï tuiga dai kaxkïdï gïr aagidi ïgai go naana maaxi namïakami ñoki gobai. Dai go ñoki ix makïdï gïr aagidi ïgai gïr maakai tïgibudadï Diuxi saidi ka biakatai aatïmï tïgibudadï Diuxi ka ïpïan tutiakana aatïmï ïgai. Kaxkïdï tomaxi soimaaxi iduña ïrhidi go óídakami ix makïdï mai buaboitudai dai naana maaxi oidaga soimaaxkami tami oidigi daama bïïxkïrï kïïgakïrï bubuakïi aatïmï go soimaaxkamiañdïrï.

1 Juan 2:1

Aapimï gin maamara Diuxi amadïrï, gïn soiña in ïrhidi aanï sai mai soimaaxi ibuada aapimï dai kaxkïdï gïn otoxdi aanï idi ojai. Dïï gia xïduñada soimaaxi ibuadagi ïmadutai aatïmï, aidï gia kïïga maatï aatïmï sai bia aatïmï xorai gïr soiñagi dai gïr ñokituldagi Diuxi buitapi. Ïgai ïr Suxi Kristo ix makïdï kïïga buañixi ibhïadï.

1 Juan 3:5

Dai kïïga maatï aapimï sai Suxi Kristo mai soimaaxi ibuayi tomarhi ïmo imidagai. Dai bhaiyoma dibia ïgai tami oidigi daama buanada agaitai gïr soimaaxkamiga.

1 Juan 3:7

Gin aaduñi, oidaga odami ix makïdï gïn aagida antaada naana maaxi ix makïdï mai ïpïan kaiti idi ñoki ix makïdï gïn aagidimi aanï xibi. Kaxkïdï gï agai sai kïïga gïn tïtïgitokagi aapimï sai podukai maiti gïn bupuirumadagi ïgai. Daiñi, odami ix makïdï kïïga oijadagi ixtumaxi ïr sïïrhi kïïga buañixikana ïpïan dukai Suxi Kristo mai biakatai soimaaxkami abhana.

1 Juan 4:7

Gin aaduñi, kïïga gïn oigïdai aanï dai ipïrhidi aanï saidi gïn ojoigïadagi aapimï aipakoga ïpï. Daiñi, mosïkaxi Diuxi ïgai dai buaboikïdï oigïdai jaa dai mosïkaxi Diuxi ïgai dai gamamaakai gubukarhigai óídakami saidi gïn ojoigïadagi ïgai ïpï. Kaxkïdï gï maatï saidi ïr maamaradï Diuxi go odami ix makïdï buaboikïdï oigïadagi jaa. Dai podukai gï maatï ix bhai kïïga maatï ïgai Diuxi ïpï.

1 Juan 5:1

Gin aaduñi, toma xorai ix makïdï buaboitudai sai go Suxi ïr go gïï Tïanïdami ix makïdï otoi Diuxi tami oidigi daama ïgai kaxi ïr maamaradï Diuxi. Ix buaboitudai ïgai sai Suxi ïr go Kristo agaikïdï tudu. Diuxi ïr Ogadï xorai podukai buaboitudagi tudu. Dai kïïga maatiga maaxi sai xorai oigïdadagi ïmo gaoga sai oigïdada agai maamaradï ïpï.

1 Juan 5:18

Kïïga maatï aatïmï tudu sai aatïmï ix makïdï ïr maamaradï Diuxi mai oidiña go soimaaxkami. Suxi Kristo ix makïdï ïr Diuxi Maradï gïr nukadai kaxkïdï. Dai kaxkïdï go diabora maiti ixtutuidikïi ix gïpiïrï gïr surhigidagi maamaradïkatai aatïmï Diuxi.

1 Juan 5:4

Daiñi, bïïxi odami ix makïdï ïr maamaradï Diuxi maitïkïi go soimaaxi ix makïdï oidaga tami idi oidigi daama. Maitïkïi aatïmï buaboitudaitai sai Suxi ïr go Kristo. Buaboitudaitai aatïmï sai ïgai ïr Diuxi otosadï Tïanïdami tudu. Kaxkïdï mai xijaiga ix ïïgiadagi aatïmï Diuxi dai podukai maitiagi aatïmï go soimaaxi.

3 Juan 1:11

Aapi Gaiyo, gï oigïdai aanï dai maiti ipïrhidi aanï xi ïpïan buadagi aapi go Diotrefe. Maiti oijada aapi go soimaaxkami tudu dai bhaiyoma oijada ixtumaxi ïr kïïga. Gï tïgitoñi sai odami ix makïdï kïïga ibuayi kïïga mamaaxidi saidi ïr maamaradï Diuxi kïïga ibuadatai ïgai tudu. Dai go soimaaxi ibuadami gobai gia mamaaxidi sai mai urabaka ïgai Diuxi soimaaxi ibuadatai ïgai.