1 Juan 2:24 - Northern Tepehuan Bible

²⁴ Gin aaduñi, gï agai sai gïn tïgito ajiopada aapimï Diuxi ñokidï ix makïdï kaïkana aapimï aidï abhiadïrï xi buaboitu aapimï. Ix apia buaboitudada aapimï gobai aidï gia biakamu aapimï urabaragai Diuxi ïmadï dai Diuxi Maradï ïmadï ïpï bïïxkïrï bïïtarï.

Tepehuan Northern: Diuusi ñiooquidʌ utuducami oodamicʌdʌ

²⁴ Cascʌdʌ apiavʌr cʌʌga ʌʌgiada aapimʌ Diuusi ñiooquidʌ ismaacʌdʌ caʌ aapimʌ tucamidʌrʌ abiaadʌrʌ. Mʌsiaapimʌ apiacʌʌga vaavoitudada aidʌ gia Diuusi gʌrooga ʌʌmadu maradʌ gʌnʌʌmadu daraajamu.

1 Juan 2:24 Iomraidhean Croise

Lukas 9:44

—Kïïga abïr gïn tïgito kaïka ixtumaxi gïn aagidamu aanï. Daiñi, aanï ïgai dai Kïïrhi Busai dai gï agai xi jaa gin tïïgidagi aanï gin buidïrï bïïtïkamiga— itïtïdai.

VUAANA 14:23

Dai Suxi itïtïdai, —Daiñi, gï agai ix gin oigïdadagi odami xi kaxkïdï gin ïïgiada ïpï. Ïma dukai mai tïtïgidiña aanï ix tuiga aanï. Kïïga gï maatï tudu sai gin ïïgiadamu go odami ix makïdï kïïgakïrï gin oigïdai tudu. Dai kaxkïdï oigïadamu gin Oga ïgai dai aanï ïmadï gin Oga ayimu ïgai ïmadï dai kïïga gïr urabakan dukai óídakamu ïgai ïmadï. Daiñi, aagaiña aanï mosïkaxi ixtumaxi gin tïjai Diuxi. Mai ïïgi gin tïgibudagakïdï ñokai aanï tudu. Dïï tomax dukai go odami ix makïdï maiti gin oigïdai mai ïïgidiña gin ñoki. Kaxkïdï mai tïtïgida iñagai ix tuiga aanï ïpï— itïtïdai.

VUAANA 15:7

Dïï gia ix kïïga saïkan dukai oidakagi aapimï gin abhana dai ix gin ñoki gïn abhana biyagi mos apia buaboidaitai aapimï, aidï gia tañimu aapimï Diuxi ixtumaxi ipïrhiadagi aapimï bai ïgai gïn maakimu.

VUAANA 6:56

Odami ix makïdï ugiagi gin tukuga dai iiyagi gin ïra gin bïnakami bipiïyi dai aanï bïnakami biïyi ïgai ïpï.

VUAANA 8:25

Dai go odami itïtïdai, —¿Borai gï ïrhidi aapi?— itïtïdai. Dai Suxi po tïtïdai, —Ka baasïki abhiadïrï gïn aagidiña aanï xorai aanï— itïtïdai.

Filipenses 4:15

Aapimï Filipoana óídakami, aidïxi tukamïrï gïn aiturhi aanï go bhai ïrhiaragai aatagi gin mamaakaiña aapimï soiñi. Dai gokiïrï aidïxi jii aanï abhiadïrï Masedoniañdïrï oidigi gin otosdiña aapimï soiñi ïpï saidi aituldana aanï go bhai ïrhiaragai aatagi maigobioma. Dai mosïkaxi aapimï buaboitudadami ix makïdï ami Filipoana gïn ïmpaidiña gin soikïiña podukai. Mai tipukatadai jaa xorai gin soikïiña podukai.

Kolosenses 3:16

Gïn tïgito abïr ajiopada aatagidï Suxi Kristo dai abïr dagito sai ïgai ñokidï gïn tïanïdagi gïn tïgibudagïrï dai saidi gïn tïanïdagi gobai bïïxi ix tumaxiïrï ibuadagi aapimï ïpï. Podukai abïr bhïiyi kïïgadukami tïgibudagai daidi aipako abïr gïn mamaatïturhiada aapimï dai aipakoga abïr gïn mamaakada ñoki. Dai bïïxi gïn ibhïdakïdï abïr ganïyi go naana maaxi nïidadï Diuxi ix makïdï aagai xïïxi ïr gïdukami Diuxi. Daidi abïr gamamaakada ïmo Diuxiatanamїidaragai Diuxi bïïxi gïn ibhïdagakïdï.

Hebreos 2:1

Daiñi gin aaduñi, kaxi gïn aagidi aanï sai Diuxi maradï ïgai dai gïr aiturhi ñokidï Diuxi. Dai xibi aanï aagai sai bïïxi ix makïdï ojixi tami aagaitai Diuxi Maradï ïr buaboi. Kaxkïdï gï agai xi kïïga ïïgiada aatïmï go ñoki ix makïdï kaïkana aatïmï ix makïdï aagai Diuxi Maradï, tadu dagito aatïmï ix tumaxi ïr buaboi.

Hebreos 3:14

Gï agai xi gïr mamaakadagi aatïmï ñoki aipakoga dai xi gïr abïnakiadagi ix apia buaboitudada aatïmï tudu. Kaxkïdï tudu kïïga maatï aatïmï sai gï agai xi apia kïïga buaboitudada aatïmï asta xïïxkadï ukami óídakagi aatïmï. Gï agai xi mo ïxi buaboitudada aatïmï ix duu buaboitu aatïmï tukamïrï tudu sai podukai kïïga biakana aatïmï ïmo urabaragai Suxi Kristo ïmadï.

1 Juan 1:3

Daiñi, aatïmï ix makïdï ïr ojotosadï Suxi Kristo bia ïmo kïïgadukami urabaragai Diuxi ïmadï dai Suxi Kristo ïmadï ïpï ix makïdï ïr Diuxi Maradï. Dai kaxkïdï gïn aagidimi aatïmï gobai ix makïdï nïidi aatïmï dai kaï ïpï ix makïdï gïr tïtïïgidi Suxi Kristo. Ipïrhidi aatïmï sai biakana aapimï urabaragai Diuxi ïmadï dai Suxi Kristo ïmadï ïpï gïr ïpïan dukai kaxkïdï.

1 Juan 1:7

Dïï gia ix buañixikagi aatïmï dai aagagi aatïmï ixtumaxi ïr buaboi ïpïan dukai Diuxi, aidï gia kïïga biakana aatïmï ïmo urabaragai aipakoga bïïxi go buaboitudadami ïmadï. Dai aidï gia bïïx tasai apia buanai Diuxi bïïxi gïr soimaaxkamiga ïradïkïdï Suxi Kristo ix makïdï aaxi ïgai mukukai gïr bïïtarï.

1 Juan 2:7

Gin aaduñi, gïn maakimu aanï ïmo sïïrhikami ñoki ix makïdï gï agai sai ïïgiadagi aapimï. Gïn oigïadabïrai aipakoga tudu. Gobai tudu ïr go sïïrhikami ix makïdï kaxi maatïkatadai aapimï ïïki abhiadïrï. Ïïki abhiadïrï kaïkana aapimï gobai tudu dai maatïkana sai gï agai xi ïïgiadagi gobai.

1 Juan 3:24

Dai toma xorai ix makïdï ïïgiadagi Diuxi sïïrhikamigadï ïgai kïïga biakana urabaragai Diuxi ïmadï. Diuxi gïr maa Ibhïadï saidi gïr ïmadï dakana tudu. Dai ka biakatai aatïmï Diuxi Ibhïadï gokïdï maatï aatïmï saidi ka kïïgakïrï uraba bii aatïmï Diuxi bïïxkïrï bïïtarï.

1 Juan 4:13

Daiñi, Diuxi gïr maa Ibhïadï sai gïr ïmadï dakana. Dai kaxkïdï kïïga maatï aatïmï sai buaboikïdï urabaka aatïmï Diuxi dai sai Diuxi gïr ïmadï daja. Ïmadukai xadïrï gïr maakana ïgai Ibhïadï tudu.

1 Juan 4:15

Dai bïïxkatai ix makïdï pokaitadagi sai Suxi ïr Diuxi Maradï ka urabaka Diuxi dai Diuxi ïgai ïmadï daja.

1 Juan 4:16

Gin aaduñi, kïïga maatï taatamai aatïmï ix gïr oigïdai Diuxi. Dai kïïga iibhïxtakan taadakana aatïmï kïïga buaboitudaitai ix gïr oigïdai ïgai. Daiñi, mosïkaxi Diuxi ïgai ix makïdï buaboikïdï oigïdai odami dai ïgai gïr mamaakai gubukarhigai ix aatïmï oigïadagi jaa ïpï. Kaxkïdï gï maatï sai odami ix makïdï mai ugutai oigïadagi jaa, kïïga gï maatï ix urabaka ïgai Diuxi. Dai podukai gï maatï ïpï ix Diuxi ïgai ïmadï daja.

2 Juan 1:2

Bïïxkatai aatïmï buaboitudai ixtumaxi ïr buaboi tudu dai bïïxkïrï bïïtarï apia buaboitudadamu aatïmï. Kaxkïdï gïr oigïdai aatïmï aipakoga.

2 Juan 1:9

Daiñi aapimï buaboitudadami, tomax makïdï aapimï ix makïdï gajiadïrï dagitoagi ixtumaxi gïr maatïturhi Suxi Kristo ïgai mai bia urabaragai Diuxi ïmadï. Dïï gia bïïxkatai ix makïdï mai dagitokatai oijadagi ixtumaxi gïr maatïturhi Suxi Kristo, ïgai gia bia urabaragai Diuxi gïr Oga ïmadï dai ïmadï Suxi Kristo ix makïdï ïr go Maradï Diuxi.

3 Juan 1:3

Aapi Gaiyo, gin maara dukai gï nïidi aanï Diuxi amadïrï dai kaxkïdï kïïga bhai gïn ïrhidi aanï dadakai gïr aaduñi amïkadïrï xako daja aapi. Gin aagidi ïgai sai apia kïïga sïïrhi aatabuayi aapi dai sai apia kïïga oidiña aapi ixtumaxi ïr buaboi. Kïïga bhai ïrhiaraga gobai gin bïïtarï. Xïïxkadï gin maamara Diuxi amadïrï kïïga oijadagi ixtumaxi ïr buaboi gobai sïïrhikïdï ïr ïmo bhai ïrhiaragai gin bïïtarï. Mai tipu gïdukamioma bhai ïrhiaragai gin bïïtarï tudu.

Apokalipsis 3:11

Otoma dibiamu aanï tudu. Kaxkïdï abïr oijada go buaboikïdï buaboidaragai ix makïdï ka bia aapimï. Dai maiti abïr gïn dagito xi gïn popoidagi jaa go maitïki ix makïdï bhai daraka gïn bïïtarï.

Apokalipsis 3:3

Ïma dukai abïr gïn tïtïgito tudu dai gïn tïgitobïrai Diuxi aatagidï ix makïdï kaï aapimï baasïkioma dai abïr ïïgiada gobai. Dai ix mai pobuadagi aapimï, aidï gia ix dukai daibïi ïïxibogami xuduku mai nïnïrakagi óídakami podukai dibiamu aanï todian dukai dai gïn maakimu gïgïbidaragai.