1 Juan 2:22 - Northern Tepehuan Bible

²² Dai kïïga ïr yaatabogami ïgai ix makïdï pokaitadagi sai Suxi Kristo maiti ïr go Tïanïdami ix makïdï otoi Diuxi tami oidigi daama. Buidïrï bïïtïkamigadï ïgai Suxi Kristo tudu ix makïdï pokaitadagi sai Suxi Kristo maiti ïr Maradï Diuxi. Ix pokaitadagi ïgai aidï gia gobai itïiya ïrhidi sai mai buaboitudai ïgai Suxi Kristo dai tomarhi Ogadï ïpï.

Tepehuan Northern: Diuusi ñiooquidʌ utuducami oodamicʌdʌ

²² Isʌʌmadutai pocaitiadagi sai Diuusi maiootoi Suusi sai cascʌdʌ maitʌrʌCristo ʌgai gia yaatagʌi. Ʌgai gia vuidʌrʌ vʌʌtʌ ʌCristo. Ʌgai pocaiti sai Diuusi maitʌrgʌrooga dai sai Suusi maitʌrDiuusi maradʌ.

1 Juan 2:22 Iomraidhean Croise

Mataibo 24:24

—Dai dadimu jaa ïpï daidi potïimu saidi ïgai ïr go otosadï Diuxi ix makïdï nïnïraka go judidiu dai jaa potïimu ïpï saidi ïr ñokituldiadamigadï Diuxi. Naana maaxi buirumadaragai iduñimu ïgai ix makïdï odami ïïgi maiti ixtutuidiña xi ibuadagi dai podukai maaxituda agai xïï gupuka ïgai. Podukai bupuirumada agai ïgai mui odami. Dai asta ix makïdï Diuxi ka ïko bubaitu katoma buaboituda agai ïpï— itïtïdai.

VUAANA 8:44

Aapimï ïr maamaradï go diabora di— itïtïdai. —Dai ojoidi aapimï ix buadagi ixtumaxi ïgai ipïrhidi. Ïgai tukamïrï abhiadïrï mos ïr gamuakamikana dai buidïrï kaatïkamikana ïgai ixtumaxi ïr buaboi. Ïïgi pomaaxi tuigakami ïgai ix kaxkïdï yaatagïi ïgai. Ïgaiñdïrï tudu daibïi bïïxi go yaatagi— itïtïdai.

1 Juan 1:6

Kaxkïdï ix pokaitadagi aatïmï sai bia aatïmï urabaragai Diuxi ïmadï dïï gia ix apia oijadagi aatïmï go soimaaxkami aidï gia yaatagïi aatïmï. Go soimaaxkami ix makïdï ibuayi aatïmï gïr mamaaxidi ix yaatagïi aatïmï tudu.

1 Juan 2:18

Gin aaduñi Diuxi amadïrï, ka miadaimi ix ugitiagi oidigi. Dai aapimï kajiomakana saidi dibiagai ïmoko ix makïdï Suxi Kristo dukai gï dasa agai daidi ïr buidïrï kaatïkamigadïka agai Suxi Kristo. Dai xibi kaxi oidaga mui óídakami ix makïdï Suxi Kristo dukai gïn darasai dïï bhaiyoma ïr buidïrï bïïtïkamigadï ïgai. Kaxkïdï gï maatï xibi sai ka miadaimi ix ugitiagi oidigi.

1 Juan 2:23

Bïïxi odami ix makïdï pokaitadagi sai Suxi Kristo maiti ïr Maradï Diuxi ïgai mai urabaka Diuxi. Dïï gia xorai maaxiko aagagi sai buaboitudai ix Suxi Kristo ïr Maradï Diuxi, ïgai gia urabaka Diuxi.

1 Juan 2:4

Yaatagi tudu ix pokaitadagi ïmoko sai kïïga maatï Diuxi daidi mai ïïgiadagi.

1 Juan 4:20

Ix pokaitadagi ïmoko sai oigïdai ïmoko Diuxi dïï gia ix kïïdadagi ïgai aaduñdï Diuxi amadïrï aidï gia yaatagïi ïgai dai maiti ïr buaboi ix oigïdai ïgai Diuxi. Mai oigïdai ïgai tomarhi go aaduñdï ix makïdï kïïga nïnïidiña ïgai tudu. Dai kaxkïdï ¿ixdukatai oigïdaiña ïgai Diuxi ix mai nïidi ïgai tomarhi ïmo imidagai di?

1 Juan 4:3

Dïï gia xi pokaitadagi ïgai sai Suxi Kristo maiti ïr Diuxi otosadï aidï gia bia ïgai tïgibudadï go buidïrï kaatïkamigadï Suxi Kristo. Kaxi kajioma aapimï saidi dibiagai go buidïrï kaatïkamigadï Suxi Kristo tudu. Dai aanï agai sai ka aimïrai ïgai tami oidigi daama.

1 Juan 5:1

Gin aaduñi, toma xorai ix makïdï buaboitudai sai go Suxi ïr go gïï Tïanïdami ix makïdï otoi Diuxi tami oidigi daama ïgai kaxi ïr maamaradï Diuxi. Ix buaboitudai ïgai sai Suxi ïr go Kristo agaikïdï tudu. Diuxi ïr Ogadï xorai podukai buaboitudagi tudu. Dai kïïga maatiga maaxi sai xorai oigïdadagi ïmo gaoga sai oigïdada agai maamaradï ïpï.

2 Juan 1:7

Daiñi, xi gïn oigïdadagi aapimï aipakoga gobai gïn soiñamu sai mai oijadana aapimï go bupuirumadami ix makïdï aipakoga ajiopai oidigi daama. Muidu ïgai tudu. Pokaitiña ïgai sai mai ïmo odami dukai dibia Suxi Kristo tami oidigi daama. Yaatabogami ïgai tudu daidi ïr buidïrï bïïtïkami ïgai Suxi Kristo.

Apokalipsis 3:9

Dai tïañimu aanï go gaa ix makïdï pokaitiña sai kïïgakïrï ïr judidiu dai yaatagïi urabakatai go diabora, tïañimu aanï sai kuikïskïda ïgai aapimï gïn buitapi. Dai podukai maaxitudamu ïgai ix maatï sai aapimï ïr ix makïdï kïïga oigïdai aanï.