1Sa 13:14 - Northern Tepehuan Bible

¹⁴ Dïï xibi ka mai xi tïbïpi biakamu aapi gï sïïrhikamiga. Gïr Nukadakami daasa agai ïmai ix makïdï oigïdai ïgai sai ïgai tïanïda agai aaduñdï. Aapi ka mai ïïgidi ñokidï kaxkïdï— itïtïdai Samuel.

1Sa 13:14 Iomraidhean Croise

2Sa 5:2

—Dai tomaxi ïr Reykana go Saul bïïxkïrï aapi ïgai dai gïr bhaitï kïakana xudu kokodiïrï baapaxikagi aatïmï. Dai ïkobïrakoga Gïr Nukadakami ïgai dai kaxi gï aagidan tïi xi aapi ïgai dai gïr bhaitï kïakami ka agai dai gïr tïanïda agai— itïtïdai go bhaitï gukakamigadï Israel go Dabid amïï Hebronïrï aïkai. Dai go Dabid bhai dui ñoki ïmadï go bhaitï gukakami dai aagai sai Gïr Nukadakami ïr kaïkami go ñoki ix makïdï bhai dui ïgai. Dai bhodïrï go bhaitï gukakamigadï go Israelitas dáí go Dabid saidi ïr Reykana.

Hechos 13:22

Daidi gokiïrï Diuxi busaitu Saul sai ka maiti tïanïna dai maa go sïïrhikami go Dabid. Dai Diuxi ikaiti aidï, Ka tïï aanï ïmo kïïrhi, maradï Isaí, Dabid tïgidukami, gobai gia bia tïgibudagai gin ïpïan dukami dai gobai ibuadamu bïïxi ixtumaxi aanï tañiagi, ikaiti Diuxi.

Hechos 7:46

Diuxi kïïgakïrï nïidiña go Dabid tudu. Daidi go Dabid ikaiti ïïki sai, —Go Jakobokaru kïï buaboitudaiña Diuxi dai xibi aanï buaboitudai ïpï. Iduña in ïrhidi ïmo kïïgadukami kiupai Diuxi bïïtarï— ikaiti.

Hebreos 2:10

Daiñi, Diuxi ïgai daidi idui dai nukadai bïïxi ixtumaxi. Dai ïgai kïïgakïrï bubaida ïrhidi mui maamaradï dai baidaja ïrhidi maigobai xako maakimu ïgai ïmo gïdukami bhai ïrhiaragai dai xadutudaragai. Kaxkïdï kïï bhai maaxi idui Diuxi aidïxi dagito ïgai sai soimaaxi taatana Suxi gïr bïïtarï. Podui ïgai sai kïï bhai gï dukana Suxi Kristo ix gïr bhaitï imïdagi dai gïr tïïgidagi boi ix dukatai kïïgakïrï bubuakiagi aatïmï. Ïgai tudu bhai dui go kïïgakïrï bubaidaragai gïr bïïtarï.

1Sa 16:1

Dai Gïr Nukadakami aataga ïmadï Samuel daidi itïtïdai, —Maiti agai pïxi soi gï ïrhiadagi tïtïitoitai go Saul. Aanï ka maiti ipïrhidi xi ïr Reykagi ïgai Israelïrï. Sudadañi asaiti xadutudikami kañiru agadïrï ix makïdï gï toidi kïïrhi modïrï xudu Rey gï daasa agadagi ïgai. Bhodïrï mïïka dibida go Isaí Belenïrï. Ipïrhidi aanï xi ïmo maradï ïgai ïr Reykagi xibi— itïtïdai Gïr Nukadakami.

1Sa 16:12

Dai go Isaí otoxi ñoki sai mïkadïrï dibiana go arhi gïrhi. Dabid tïgidu go arhi gïrhi dai kïï tiodi. Dai Gïr Nukadakami itïtïdai go Samuel, —Idi gia ïr ïgai. Toidañi asaiti go Dabid ixtukïdï gï darasai Reyes— itïtïdai.