VUAANA 19:6 - Tepehuan Northern: Diuusi ñiooquidʌ utuducami oodamicʌdʌ

⁶ Mostʌʌ ʌbaitʌguucacamigadʌ ʌpapaali ʌʌmadu sandaaruga ʌSuusi dai iiñaquimi daidʌ icaiti: ―Siisañi curusiaba, siisañi curusiaba vai poduu muucuna ―caiti ʌoodami. Taidʌ ʌPilaato itʌtʌdai: ―Vaidacaivurai aapimʌ idi cʌʌli dai siisa curusiaba. Aanʌ gia maitʌtʌʌgai isducatai ʌrsoimaasi ivuaadami idi ―tʌtʌdai ʌPilaato.

Northern Tepehuan Bible

⁶ Daidi go bhaitï gukakami gadaxdadami ïmadï go sandarugadï ijiñakimi tïïgakai go Suxi daidi ikaitimi, —¡Kuruxiana abïr xixa! ¡Kuruxiana abïr xixa!— ikaitimi. Daidi go Pilato itïtïdai go odami, —Baidakabïrai aapimï dai ïïgi kuruxiana abïr xixa. Aanï mai tïï ixtukïdï ïr soimaaxi buadami gobai— itïtïdai.

VUAANA 19:6 Iomraidhean Croise

Mataibo 26:58

Vaidʌ ʌPiiduru mosmʌʌcasdʌrʌ oiditadai ʌgʌʌ baitʌcʌaacamigadʌ papaaligadʌ ʌjudidíu tuisiquigadʌrʌ ucami dai amaasi vaa dai daiva ʌsandaaru ʌʌmadu dai nʌijada aagai istumaasi iduñia ʌgai ʌSuusicʌdʌ.

Mataibo 27:22

Taidʌ ʌPilaato tʌcacai daidʌ itʌtʌdai: ―¿Dai goSuusi mʌismaacʌdʌ Cristo aagai ducatai iduuna aanʌ? ―astʌtʌdai. Tai vʌʌscatai aa noragi daidʌ itʌtʌdai: ―Siisañi curusiaba vai poduu muucuna ―astʌtʌdai.

Mataibo 27:24

Aidʌsi ʌPilaato catʌʌ iscamaitistui ʌoodamicʌdʌ cavaamioma galcaititai ʌgai, dai gatai suudagi dai gʌico vʌʌsi ʌoodami vuitapi daidʌ itʌtʌdai: ―Aanʌ gia maitʌrgiñduñi gocʌʌlicʌdʌ. Goovai gia maitʌrgʌʌpiʌrʌ caatʌcami, goovai gia ʌʌgi aapimʌ ʌrgʌnaa duiñdaga ―astʌtʌdai ʌPilaato.

Lukas 23:4

Amaasi ʌPilaato itʌtʌdai ʌbaitʌguucacamigadʌ papaali ʌʌmadu ʌoodami: ―Maitantʌtʌgai tomali ʌmo istumaasi soimaascami idi cʌʌliʌrʌ ―astʌtʌdai.

VUAANA 18:3

Taidʌ ʌUudasi ami divia siaaco daacatadai ʌSuusi dai vaidati mui sandaaru. Siʌʌsi guviernu sandaarugadʌ icaasi ʌjudidíu quiuupaigadʌ sandaarugadʌ ismaacʌdʌ ootoi ʌbaitʌguucacamigadʌ papaali daidʌ ʌfariseo. Ʌsandaaru vucati mamaastai dai cuudagi.

VUAANA 18:31

Amaasi ʌPilaato tʌtʌdai: ―Bʌcavurai aapimʌ gocʌʌli dai ʌʌgi aapimʌ nʌida issʌʌlicʌdʌ gʌpiʌr caatʌcami ischu ʌʌpʌ aapimʌ gʌnsʌʌlicamigacʌdʌ ―tʌtʌdai ʌPilaato. Tai aa noragi ʌjudidíu dai potʌtʌdai: ―Dʌmos aatʌmʌ ʌjudidíu maiviaa oigaragai ismuaagi tomali ʌmaadutai ―tʌtʌdai.

VUAANA 18:38

Taidʌ ʌPilaato itʌtʌdai: ―¿Tumaasi ʌrvaavoi? ―astʌtʌdai. Dai mospotʌʌdacai ʌʌpʌpʌ vuusai ʌgai quiidigamu dai ñiooquida agai ʌjudidíu daidʌ potʌtʌdai: ―Aanʌ maitʌtʌʌgai istumaasicʌdʌ gʌpiʌr vuupai aapimʌ idi cʌʌli.

VUAANA 19:15

Dʌmos cavami ijiiña ʌjudidíu: ―Muucuna, muucuuna, siisañi curusiaba ―tʌtʌdai ʌjudidíu. Taidʌ ʌPilaato itʌtʌdai: ―¿Ipʌlidimʌsi aapimʌ iñsaanʌ siisana curusiaba gʌnraíga? ―tʌtʌdai ʌPilaato. Dʌmos ʌbaitʌcʌaacamigadʌ ʌpapaali aa noragi daidʌ itʌtʌdai: ―Mosaliʌʌmaduga aatʌmʌ gʌrraíga. Mosʌʌgi ʌbaitʌcʌaacamigadʌ ʌromamano ―tʌtʌdai.

VUAANA 19:4

Amaasi ʌPilaato ʌpamu vuusai quiidigamu daidi itʌtʌdai ʌjudidíu: ―Vuaapamu aanʌ gomaisapicʌdʌ baigovai vai nʌida aapimʌ ismaitʌʌ aanʌ isducatai ʌrsoimaasi ivuaadami goovai ―tʌtʌdai ʌPilaato.

Hechos 2:23

Vʌʌscʌrʌ aidʌmʌsi gʌntʌʌgi ʌSuusi maisatugai aapimʌ dai tʌʌgi ʌcʌcʌʌli ismaacʌdʌ maisiaa duutudai Diuusi sai curusiaba siisana dai poduucai gatʌjai aapimʌ muaaragai. Vʌʌsi imaasi camaatʌcatadai Diuusi. Ʌʌgi ʌgai capomaasi gʌtʌgito ʌʌqui abiaadʌrʌ sai poduucai ʌpʌduuna.

Hechos 7:52

Gʌnaaduñicaru soimaa taatatuli dai asta coi vʌʌsi Diuusi ñiñiooquituldiadamigadʌ ismaacʌdʌ ʌʌquioma dada dai aagidi Diuusi ñiooquidʌ. Ʌgai vaa ñiñiooquituldiadami aagai isdivia agai ʌcʌʌ tuigacʌdʌ ismaacʌdʌ tomali ʌmo imidagai maisoimaasi ivueeyi. Dai aidʌsi divia ʌgai aapimʌ gatʌʌgi mʌsai muaana.