VUAANA 1:48 - Tepehuan Northern: Diuusi ñiooquidʌ utuducami oodamicʌdʌ

⁴⁸ Amaasi Natanieli itʌtʌdai: ―¿Ducatai giñmaatʌ aapi? ―astʌtʌdai. Taidʌ ʌSuusi itʌtʌdai: ―Aanʌ gʌnʌidi aidʌsi abiaadʌrʌ maiquiaa gʌvaí goPiili pai ʌmo iigosi uta daacatadai aapi ―astʌtʌdai ʌSuusi.

Northern Tepehuan Bible

⁴⁸ Dai go Natanael kaï daidi itïtïdai, —¿Dukatai mos ïï kïïga gin maatï aapi?— itïtïdai. Dai go Suxi itïtïdai, —Aanï gï nïidi aidïxi mai kia gï baidakai Pirhi, aidïxi ïmo igoxi uta kïakatadai aapi— itïtïdai.

VUAANA 1:48 Iomraidhean Croise

Mataibo 10:3

dai Piili, dai Bartolomé, dai Tomás, dai aanʌ Mataivo ismaacʌdʌ ʌrvuudamicatadai tumiñsi, dai Jacovo Alfeo maradʌ, dai Leveo mʌsmaacʌdʌ Tadeo aagaiña ʌʌpʌ,

Mataibo 6:6

Dʌmos aapimʌ mʌsiʌʌscadʌ gamamadadagi iimivurai siaaco maitiipu oodami dai gamamadada. Dai Diuusi gʌrooga ismaacʌdʌ nʌidi mʌstumaasi ivueeyi ʌstocai ʌgai gʌnsoicʌdamu.

VUAANA 1:44

ɅPiili ʌrBetasaidʌrʌ oidacami. Dai ami oidacatadai ʌʌpʌ Aandʌrʌsi ʌʌmadu Piiduru.

VUAANA 12:21

Dai ʌgai miaadʌrʌ guuquiva ʌPiili ismaacʌdʌ ʌrBetasaidʌrʌ oidacami. Betasaida ʌrʌmo ali quii Galilea dʌvʌʌriʌrʌ. Daidʌ ʌoodami giliego itʌtʌdai ʌPiili: ―Aapi cʌʌli, aatʌmʌ nʌida ʌrʌlidi ʌSuusi ―astʌtʌdai ʌgiliego.

VUAANA 14:8

Taidʌ ʌPiili itʌtʌdai: ―Giñbaitʌcʌaacamiga, gʌrdagitoñi tʌsnʌida aatʌmʌ Diuusi gʌrooga. Mosʌcaasi gomaasi ipʌlidi aatʌmʌ ―tʌtʌdai ʌPiili.

VUAANA 2:25

ɅSuusi maitʌgito isaagidiagi ʌmai isducatai tʌtʌgitoi oodami mosʌʌgi ʌgai maatʌ cascʌdʌ.

VUAANA 6:5

Dai aidʌsi tʌʌ ʌSuusi ismuidutugai oodami, ʌgai gooquiʌrʌ potʌtʌdai ʌPiili: ―¿Siaaco savʌdamu aatʌmʌ cuaadagai mosʌʌqui oodami vʌʌtarʌ? ―tʌtʌdai ʌSuusi.

VUAANA 6:7

Amaasi ʌPiili itʌtʌdai: ―Issavʌda aatʌmʌ goo siento piisu aʌcami paana vʌʌscʌrʌ moslaalachi ajian tada goovai ―tʌtʌdai ʌPiili.

1 Korintios 14:25

dai siaa duutuadamu Diuusi dai potʌimu isDiuusi sʌʌlicʌdʌ ʌʌmadu daja ʌvaavoitudadami.

1 Korintios 4:5

Dai cascʌdʌ aapimʌ maitʌaagai isapiapocaitiadagi ansai aanʌ ʌrsoimaasi ivuaadami asta siʌʌscadʌ divia Suusi Cristo amaasi ʌgai maasiuldamu istumaasi maitʌmaatʌ sivi, asta istumaasi tʌtʌgitoiña oodami, dai sioorʌ cʌʌga ivuaadana Diuusi potʌʌdamu sai cʌʌga idui.