Romanos 2:3 - Tepehuan Northern: Diuusi ñiooquidʌ utuducami oodamicʌdʌ

³ Sioorʌ pocaitiadagi sai aliʌsi ʌrsoimaasi ivuaadami aa dai vʌʌscʌrʌ ʌpan duucai ivueeyi maitʌaagai ispoʌliadagi sai Diuusi maisoimaasi taatatulda agai ʌgai ʌpan duucai soimaasi taatatulda agai ʌgaa soimaasi ivuaadami.

Northern Tepehuan Bible

³ Aapimï odami ix makïdï ïr gïpiïrï bupadami go gaa, ¿Bhai ix kïïgakïrï bubuakimu aapimï xi maiti gïn gïgïbituldagi Diuxi? ¡Xadïrï kïïgakïrï bubuakïna aapimï! ¡Ïïgi ibuayi aapimï go baaxi soimaaxi di!

Romanos 2:3 Iomraidhean Croise

Mataibo 23:33

Sʌʌlicʌdʌ ʌrsoimaasi ivuaadami aapimʌ. Aapimʌ gia maicʌʌgacʌrʌ vuvaquimu baiyoma iimimu aapimʌ mʌʌca siaaco oidaga ʌDiaavora.

Mataibo 26:53

¿Maitapʌs maatʌ aapi iñsaanʌ istutuidi istaañiagi giñooca ʌmo soiñi vai ʌgai cʌʌga istutuidi isgiñootosdagi mui mil gʌsandaaruga tʌvaagiaiñdʌrʌ?

Lukas 12:14

Dʌmos ʌSuusi potʌtʌdai: ―Giñaduñi, ¿toorʌ giñdaí aanʌ dunucami duucai siʌʌpʌ taacogiadami aapimʌ gʌnvʌʌtarʌ? ―astʌtʌdai.

Lukas 22:58

Tai gooquiʌrioma, ʌmai cʌʌli tʌʌ daidʌ itʌtʌdai: ―Aapiapʌ ʌrʌmoco gomaisapicʌdʌ aduñdʌ ʌʌpʌ ―astʌtʌdai. Dʌmos ʌPiiduru itʌtʌdai: ―Cho, maitanmaatʌ aanʌ gocʌʌli di ―astʌtʌdai.

Lukas 22:60

Taidʌ ʌPiiduru itʌi: ―Cho, aanʌ tomali maimaatʌ mʌsioorʌ aagai aapimʌ ―astʌtʌdai ʌPiiduru. Dai quiaa ñioocaitadai ʌgai tai cuujui tacucu.

Romanos 1:32

Tomasi cʌʌ maatʌ ʌgai istumaasi Diuusi tʌjai oodami saidʌ ivuaadana dai maatʌ ʌgai sai sioorʌ soimaasi ivuaadagi maitistutuidi isiimiagi Diuusi ʌʌmadu dai vʌʌscʌrʌ apiasoimaasi ivueeyi dai baigʌnʌlidiña ʌgai siʌʌscadʌ aa pomaasi ivuaadagi ʌʌpʌ.

Romanos 2:1

Cascʌdʌ isʌmaadutai pocaitiadagi sai aliʌsi ʌrsoimaasi ivuaadami ʌoodami ismaacʌdʌ gʌaagai tami sai gʌaagai issoimaasi taatagi ducami ispocaitiadagi sai ʌgai ʌʌpʌ gʌaagai issoimaasi taatagi. Ʌgai ʌrsoimaasi ivuaadami ʌʌpʌ ʌpan duucai ʌgai cascʌdʌ.

Romanos 2:2

Dai cʌʌ maatʌ aatʌmʌ iscʌʌga ivueeyi Diuusi siʌʌscadʌ soimaasi taatamituldiadagi ismaacʌdʌ soimaasi ivueeyi.

Romanos 9:20

Ducami isajaayi ñioocadamudai vʌʌscʌrʌ maitʌaagai ispotʌtʌada ʌgai ʌajaatadami: “¿Tuipʌsi poduucai idui giñuusu?” Dʌmos oodami maitʌaagai isñiooquiadagi Diuusi. Diuusi idui oodami cascʌdʌ viaa sʌʌlicami isivuaadagi oodamicʌdʌ isducatai ipʌliadagi. Cʌʌ maatʌ vʌʌscatai isDiuusi idui oodami cascʌdʌ oodami maiviaa sʌʌlicami ispotʌtʌadagi Diuusi: “¿Tuipʌsi poduucai giñdui?”

1Tesalonicenses 5:3

Siʌʌscadʌ ʌoodami ismaacʌdʌ maivaavoitudai Diuusi dai tomali maiʌʌgidi istumaasi ipʌlidi pocaitiadagi: “Sivi gia cʌʌga gʌriibʌstacan tada aatʌmʌ maitiipucatai istucʌdʌ vuaama ʌrʌliada aatʌmʌ”. Amaasi ʌgai sitodian duucai Diuusi ugititudamu ʌgai. Poduucai siʌtodian duucai coocorʌi ʌmo ooqui siʌʌscadʌ duaadia agadagi. Poduucai ismaacʌdʌ maivaavoitudai maiviaacamu oigʌldaragai. Dʌmos aapimʌ giñaaduñi maitʌrʌpan ducami ʌgai ismaacʌdʌ mosʌcaasi soimaascami tʌtʌgitoiña dai mainʌnʌra istuigaco divia agai ʌtʌaanʌdami poduucai isduucai ʌmo oodami ismaacʌdʌ mainʌnʌra ʌmo ʌʌsivogami.

Hebreos 12:25

Gʌnnuucadacavurai aapimʌ dai maigajiaadʌrʌ vipiaada Diuusi baiyoma ʌʌgiadavurai. Aidʌsi Diuusi ñiooqui ʌjudidíu Siñaíʌrʌ aidʌsi maa gʌsʌʌlicamiga gigivuli ʌdʌvʌʌrai dʌmos vʌʌscʌrʌ ʌjudidíu maiʌʌgi Diuusi tai cascʌdʌ Diuusi soimaasi taatatuli. Poduucai soimaasi gʌrtaatatuldia agai ʌgai ismaiʌʌgiadagi aatʌmʌ Suusi Cristo sʌʌlicamigadʌ. Cascʌdʌ pocaiti Diuusi sivi: “Ʌʌpʌ ʌmo imidagai gigivuquitudamu aanʌ dʌvʌʌrai dai tʌvaagi ʌʌpʌ”, ascaiti Diuusi.

Hebreos 2:3

Ʌʌpʌga Suusi Cristo gʌrtʌaanʌdamiga aagai sai Diuusi cʌʌgacʌrʌ vuvaidi oodami dai gooquiʌrʌ gʌraagidi ʌgai vaa ñiooqui aa ismaacʌdʌ caʌ. Ismaiʌʌgiditai caʌca aatʌmʌ ʌñiooqui ismaacʌdʌ aagai ʌgai maitiipucamu isducatai cʌʌgacʌrʌ vuvaquiagi.