Mataibo 27:19 - Tepehuan Northern: Diuusi ñiooquidʌ utuducami oodamicʌdʌ

¹⁹ ɅPilaato quiaa daacatadai ʌdudunucamiʌrʌ taidʌ ʌooñigadʌ ootosi ñiooqui daidʌ itʌtʌdai: ―Maitigʌvapasada aapi gocʌʌli cʌʌ tuigacami ʌʌmadu. Tuucarʌ tʌʌtʌquimi aanʌ ʌmo istumaasi soimasi ʌgai vʌʌtarʌ ―asducai ootosi ñiooqui Pilaato ooñigadʌ.

Northern Tepehuan Bible

¹⁹ Dai go gïï daikaruana dakatadai go Pilato aidï xako dakatai gatïanïiña ïgai. Daidi oñigadï otoxdi ñoki ami. Daidi potïtïdai, —Maiti gï agai xi gïpiïrï daitudagi aapi go kïïrhi gobai. Maiti gï agai ix maakada gïgïbidaragai tudu. Maiti ïr soimaaxi ibuadami gobai toma lïïchi kaxkïdï. Tukarï tïïtïkimi gobaikïdï dai kabami soimaaxi taata aanï gokïdï— as duu otoxdi ñoki go oki.

Mataibo 27:19 Iomraidhean Croise

Mataibo 1:20

Dai aidʌsi quiaa tʌtʌgitoitadai ʌOsee gomaasi, tai coosigadʌrʌ gʌmaasitu ʌmo Diuusi tʌaañicarudʌ daidʌ itʌtʌdai: ―Osee Davicaru cajiudadʌ, maitiduaadicuda vʌʌnañi ʌMaría vaidʌ ʌrgʌooñiacana, Diuusi Ibʌadʌ guvucadadʌcʌdʌ viaaca agai ʌgai ʌali oodami.

Mataibo 2:19

Dai aidʌsi camuu ʌEroodʌsi, tai ʌmo Diuusi tʌaañicarudʌ gʌmaasitu ʌOsee coosigadʌrʌ Ejiipitʌrʌ daidʌ itʌtʌdai:

Mataibo 2:22

Dʌmos aidʌsi maí ʌOsee siʌʌArquelao ʌrtʌaanʌdamicatadai Judeeʌrʌ gʌooga Eroodʌsi vʌʌtarʌ, duaadicuitadai ʌgai isimiagi gaamucu, tai coosigadʌrʌ aagidi Diuusi tʌaañicarudʌ sai Galileeamu iimʌna.

Mataibo 27:18

Ʌgai maatʌcatadai ismoscoimudadʌ tadacatadai ʌbaitʌguucacamigadʌ ʌpapaali dai cascʌdʌ gatʌʌgi ʌSuusi.

Mataibo 27:24

Aidʌsi ʌPilaato catʌʌ iscamaitistui ʌoodamicʌdʌ cavaamioma galcaititai ʌgai, dai gatai suudagi dai gʌico vʌʌsi ʌoodami vuitapi daidʌ itʌtʌdai: ―Aanʌ gia maitʌrgiñduñi gocʌʌlicʌdʌ. Goovai gia maitʌrgʌʌpiʌrʌ caatʌcami, goovai gia ʌʌgi aapimʌ ʌrgʌnaa duiñdaga ―astʌtʌdai ʌPilaato.

Mataibo 27:4

Daidʌ itʌtʌdai: ―Aliʌ soimaasi idui aanʌ gatʌʌgidacai ʌmo cʌʌli maigʌpiʌrʌ caatʌcami mʌsai muaana ―astʌtʌdai ʌUudasi. Dʌmos ʌgai aa noragi daidʌ itʌtʌdai: ―¿Dai gomaasi tumaasi ʌrgʌrvʌʌtarʌ aatʌmʌ? Aapi ʌʌgi ʌrgʌduñi ―astʌtʌdai.

Lukas 23:41

Dʌmos aatʌmʌ gia viaa istucʌdʌ soimaasi taatacagi, soimaasi idui aatʌmʌ cascʌdʌ. Dʌmos idi cʌʌli maitidui tomali ʌmo soimaasi ―astʌtʌdai.

Lukas 23:47

Dai aidʌsidʌ ʌsandaaru tʌaanʌdamigadʌ ismaacʌdʌ ʌrromano nʌiditai istumaasi ʌpʌduitadai, siaa duutuli Diuusi daidʌ icaiti: ―Sʌʌlicʌdʌ ʌrvaavoi isidi cʌʌli maitʌrsoimaasi iducamicatadai ―ascaiti.

VUAANA 19:13

Moscaʌcai ʌPilaato imaasi gatʌjai sai vusaidana ʌSuusi. Daidʌ ʌPilaato daiva ami siaaco gatʌcacai ismaacʌdʌ gʌpiʌr vuupai sabai isgʌpiʌr caatʌcami ischu ʌʌpʌ. Ami Gabatʌrʌ tʌʌgidu ismaacʌdʌ evreo ñiooquidʌcʌdʌ itʌiya ʌlidi odai daapacami.

Hechos 12:21

Taidʌ ʌEroodʌsi ootosi ñiooqui dai aagidi ismaa tasʌrʌ iimia ʌgai. Daidʌ ʌEroodʌsi aidʌ tasʌrʌ gʌai cʌcʌʌgaducʌdioma gʌyuucusi dai raí daicarduʌrʌ daiva. Dai sidʌ tʌvʌpi aatagi.

Hechos 18:12

Aidʌsi Galioñi ʌrtʌaanʌdamicatadai Acaayʌrʌ ʌjudidíu vui baacoi ʌPaavora dai bʌʌcai ami siaaco daacatadai ʌtʌaanʌdami

Hechos 18:16

Dai vuvaitu abiaadʌrʌ.

Hechos 18:17

Tai vʌʌscatai ʌgiliego bʌi Sostiña ismaacʌdʌ baitʌcʌaacami judidíu quiuupaigadʌrʌ dai anaasi vuitapi ʌtʌaanʌdami gʌicacarai vaidʌ ʌtʌaanʌdami mosnʌidi dai maivuamʌ ʌlidi.

Hechos 25:10

Taidʌ ʌPaavora aa noragi daidʌ itʌtʌdai: ―Tamian cʌʌca siaaco gatʌaanʌi dudunucami ismaacʌdʌ daraasai ʌbaitʌcʌaacamigadʌ romamano dai tami ʌgai mʌsiaaco istutuidi isgiñtʌcacagi. Cʌʌga maatʌ aapi iñsaanʌ maitivueeyi tomali ʌmo istumaasi soimaascami ʌjudidíu vui.

Hechos 25:17

Cascʌdʌ aidʌsi dada ʌgai mainʌnʌra aanʌ vaamioma mossiaadiqui vaa aanʌ dudunucami quiidiʌrʌ dai gatʌjai aanʌ mʌsai vuaapana ʌcʌʌli.

Hechos 25:6

Daidʌ ʌFesto anaasi Jerusaleenʌrʌ vii parʌ mamacova tasai dai ʌpamu ii Sesareeamu dai siaadiqui vaa dudunucami quiidiʌrʌ siaaco gatʌaanʌda agai ʌgai dai gatʌjai mʌsai vuaapana ʌPaavora.

1 Juan 2:1

Giñaaduñi vaavoitudadami gʌnaagidi aanʌ gomaasi mʌsai maisoimaasi ivuaadana. Dʌmos isʌmaadutai soimaasi ivuaadagi, cʌʌ maatʌ aatʌmʌ isoidaga ʌmoco ismaacʌdʌ gʌrsoicʌi Diuusi gʌrooga vuitapi. Ʌgai ʌrSuusi Cristo. Dai ʌgai ivueeyi istumaasi ʌrsʌʌlicami.