Markos 10:32 - Tepehuan Northern: Diuusi ñiooquidʌ utuducami oodamicʌdʌ

³² Dai ʌmo imidagai voiyamu iimʌitadai ʌgai catʌʌtʌidimi Jerusaleena ʌSuusi baitʌqui imʌitadai gʌmamaatʌrdamiga, vaidʌ ʌmamaatʌrdamigadʌ maitʌtʌgaitadai istumaasi gʌntʌtʌgitoagi dai duduaadimutugaitai oidi. Taidʌ ʌSuusi ʌpamu ʌcovai vuvaitu ʌbaivustaama dan gooca gʌmamaatʌrdamiga, dai aagidi isducatai ʌpʌduñia agaitadai ʌgaicʌdʌ.

Northern Tepehuan Bible

³² Ïmo imidagai mïï daana Jerusalenamu imïitadai Suxi ïmadï mamaatïrdami dai Suxi bhaitï kïïkigi. Dai go mamaatïrdami naana maaxi tïtïitoi boiyamu iimïitai dai jaa odami oidi ïpï. Duduadimutugai ïgai mai maatïkatai xi pogïduña agai. Dai Suxi ïko báí go bhaibuxtama dan goka mamaatïrdami dai aagida agai ixdukatai ïpïduñagai ïgaikïdï, Suxikïdï tudu.

Markos 10:32 Iomraidhean Croise

Mataibo 11:25

Amaasi ʌSuusi potʌtʌdai Diuusi gʌooga: ―Giñooca aanʌ gia sʌʌlicʌdʌ siaa gʌduutudai aapi apʌrbaitʌcʌaacami tʌvaagiʌrʌ dai oidigi daama. Aapi apʌtmaimaatʌtuli idi maasi ismaacʌdʌ poʌlidi isʌrsastudugami, aapi maatʌtuli mosʌca ʌgai ismaacʌdʌ maatia ʌlidi gʌmamaatʌtuldaraga.

Mataibo 13:11

Tai ʌgai gʌraa noragi dai povʌrtʌtʌdai: ―Diuusi gʌnmaatʌtuldamu aapimʌ mʌstumaasi maimaatʌ isducatai ipʌlidi Diuusi issoicʌdagi oodami sai cʌʌgacʌrʌ oidacana dʌmos gogaa maiviaa oigaragai ismatiagi.

Markos 1:27

Tai vʌʌscatai ismaacʌdʌ ami daraajatadai aliʌ duduaadimu, dai aipaco gʌntʌcacaimi daidʌ icaitimi: ―¿Tumaasi goovai? ¿Tuma utudui gʌrmamaatʌtuldi goovai? Gocʌʌli gia sʌʌlicʌdʌ viaa guvucadagai asta ʌDiaavora tʌtʌaañicarudʌ ʌʌpʌ ʌʌgidi dai vuuvacʌi oodamiaiñdʌrʌ ―ascaiti ʌoodami.

Markos 4:34

Maitiipucana ʌmo imidagai ismaiaagiada ʌSuusi ʌmo istumaasi cuentocʌdʌ dʌmos gooquiʌrʌ vʌʌsi aagidiña ʌgai gʌmamaatʌrdamiga istʌiya ʌlidi cuento.

Lukas 10:23

Amaasi ʌgai vui nʌnʌava gʌmamaatʌrdamiga dai ʌʌgi ʌgai potʌtʌdai: ―Baigʌnʌlidi aapimʌ nʌiditai mʌstumaa nʌidi.

Lukas 19:28

Dai amaasi caaagacai ʌSuusi imaasi ʌpamu apiaimʌitadai Jerusaleenamu.

Lukas 9:51

Aidʌsi camiaadimi istuigaco tʌsadia agaitadai ʌSuusi tʌvaagiamu ʌgai pocaiti: ―Aanʌ angia imia iñagai Jerusaleenamu ―ascaiti ʌSuusi.

VUAANA 11:16

Amaasi ʌTomás mʌsmaacʌdʌ cuate aagaiña povʌrtʌtʌdai: ―Tʌoidá cascʌdʌ ʌmapai cooyi aatʌmʌ ―gʌrtʌtʌdai ʌTomás.

VUAANA 11:8

Tʌtai aatʌmʌ itʌtʌdai: ―Mamaatʌtuldiadami, maiquiaa daivusai mui tasai daidʌ ʌjudidíu mʌʌca Judeeʌrʌ ipʌliditadai isgʌmaicarsagi. ¿Ducatai ʌpamu mʌʌca imia ʌlidi aapi? ―tʌtʌdai aatʌmʌ.