Hechos 5:34 - Tepehuan Northern: Diuusi ñiooquidʌ utuducami oodamicʌdʌ

³⁴ Amaasi cʌquiva ʌmo sonʌrʌ cʌaacami Gamalieli tʌʌgiducami. Ʌgai ʌrʌmo fariseo daidʌ ʌrmamaatʌtuldiadami Diuusi sʌʌlicamigadʌ. Dai vʌʌsi ʌoodami aliʌ siaa duutudaiña. Dai ʌgai gatʌjai mʌsai vuvaidana laachi ʌojootosicami.

Northern Tepehuan Bible

³⁴ Dïï ami ïmpaiñdaragïrï dakatadai ïmo kïïrhi Gamaliel tïgidukami. Ïgai ïr ïmo fariseo daidi ïr maatïtuldiadami Diuxi sïïrhikamigadï. Dai odami kïï xadutudaiña ïgai. Daidi kïkiba ïgai mobai ïmpaiñdaragïrï dai gatïjai bubaidaragai lachi go ojotoxikami.

Hechos 5:34 Iomraidhean Croise

Lukas 2:46

Vaica tasai gaa daida tʌʌ vai ʌgʌʌ quiuupaigadʌrʌ ʌjudidíu daacatadai Suusi ʌʌmadu ismaacʌdʌ gamamaatʌtuldi Diuusi ñiooquidʌ. Dai cʌʌga gʌtʌgito caʌ dai tʌcacai ʌʌpʌ.

Lukas 5:17

Ʌmo imidagai ʌSuusi gamamaatʌtulditadai Diuusi ñiooquidʌ vai ami daraajatadai ʌʌmoco fariseo ʌʌpʌ dai ʌʌmoco mamaatʌtuldiadami Diuusi sʌʌlicamigadʌ ismaacʌdʌ vʌʌsi ʌʌmapʌcʌrʌiñdʌrʌ Galilea dada dai vʌʌsi Judeeaiñdʌrʌ dai Jerusaleenaiñdʌrʌ. Taidʌ ʌSuusi Diuusi guvucadadʌcʌdʌ duduaadi ʌcoococoidadʌ.

VUAANA 3:10

Taidʌ ʌSuusi itʌtʌdai: ―Aapi apʌrʌmo gʌʌ mamaatʌtuldiadamigadʌ ʌjudidíu. ¿Ducatai maimaatʌ caʌ aapi istumaasi gʌaagidi aanʌ?

Hechos 22:3

―Aanʌ ʌrjudíu. Tarsʌrʌ vuusaicami aanʌ. Ʌgai ʌrʌmapʌcʌrʌ Silisia. Dʌmos tanai Jerusaleenʌrʌ gʌʌ aanʌ. Gamalieli ʌrgiñmamaatʌtuldiadamicatadai. Ʌgai cʌʌ sʌʌli giñmaatʌtuli sʌʌlicamigadʌ gʌrʌʌqui aaduñicaru. Dai aanʌ vʌʌscʌrʌ giñaajagʌi isiduñiagi vʌʌsi giñguvucadacʌdʌ istumaasi ipʌlidi Diuusi, poduucai isducatai gʌnaajagʌi aapimʌ siduñiagi sivi.

Hechos 4:15

Daidʌ ʌdudunucami ʌʌgi gaaataga ʌliditadai cascʌdʌ ootoi ʌojootosicami sai vuvaacʌna ʌmpaidaragiaiñdʌrʌ,

Hechos 5:21

Amaasi caʌcai ʌojootosicami imaasi, siaadiqui ʌʌqui vaapa ʌgʌʌ quiuupaigadʌrʌ judidíu dai aagidi ʌoodami Diuusi ñiooquidʌ. Vaidʌ ʌbaitʌcʌaacamigadʌ papaali ʌʌmadu ismaacʌdʌ uraavacatadai poʌliditadai isquiaa maisacariʌrʌ daraajatadai ʌojootosicami cascʌdʌ ʌmpagi ʌgai ʌvaamioma tʌtʌaanʌdami. Ʌgai ʌrpipiscali judidíu. Dai gooquiʌrʌ ootoi sandaaru sai vuaapana maisacaruiñdʌrʌ ʌojootosicami.

Hechos 5:27

Amaasi vuaa dai vuitapi tuutui ʌvaamioma tʌtʌaanʌdami taidʌ ʌbaitʌcʌaacamigadʌ papaali judidíu potʌtʌdai:

Hechos 5:35

Dai otoma potʌtʌdai ʌgai ʌgaa tʌtʌaanʌdami: ―Giñaaduñi, aatʌmʌ ʌrjudidíu, gʌntʌgitovʌr nʌida mʌsduñiagi gocʌcʌʌli.