Hechos 5:19 - Tepehuan Northern: Diuusi ñiooquidʌ utuducami oodamicʌdʌ

¹⁹ Dʌmos tucarʌ divia ʌmo Diuusi tʌaañicarudʌ dai cuucupioco cuucuparagadʌ ʌmaisacarui dai vuvaitu ʌojootosicami daidʌ itʌtʌdai:

Northern Tepehuan Bible

¹⁹ Dïï aidï tukarï dibia ïmo Diuxi tïañikarudï dai kukupioka kuukuparagadï go maixakarui dai bubaitu go ojotoxikami daidi itïtïdai,

Hechos 5:19 Iomraidhean Croise

Mataibo 1:20

Dai aidʌsi quiaa tʌtʌgitoitadai ʌOsee gomaasi, tai coosigadʌrʌ gʌmaasitu ʌmo Diuusi tʌaañicarudʌ daidʌ itʌtʌdai: ―Osee Davicaru cajiudadʌ, maitiduaadicuda vʌʌnañi ʌMaría vaidʌ ʌrgʌooñiacana, Diuusi Ibʌadʌ guvucadadʌcʌdʌ viaaca agai ʌgai ʌali oodami.

Mataibo 1:24

Dai aidʌsi nʌnʌa ʌOsee poduucai idui isducatai aagidi ʌDiuusi tʌaañicarudʌ, vʌʌna ʌgai ʌMaría.

Mataibo 2:13

Dai aidʌsi canoonora ʌcʌcʌʌli, ʌmo Diuusi tʌaañicarudʌ gʌmaasitu coosigadʌrʌ ʌOsee daidʌ itʌtʌdai: ―Vañigiñi dai vaidacai goali siʌʌñi ʌʌmadu godʌʌdʌ voopoivurai Ejiipituamu dai momʌʌca avʌr daraaja asta siʌʌscadʌ gʌnaagida aanʌ. ɅEroodʌsi gaaga agai goali siʌʌñi dai muaa ʌlidi ―astʌtʌdai ʌDiuusi tʌaañicarudʌ.

Mataibo 2:19

Dai aidʌsi camuu ʌEroodʌsi, tai ʌmo Diuusi tʌaañicarudʌ gʌmaasitu ʌOsee coosigadʌrʌ Ejiipitʌrʌ daidʌ itʌtʌdai:

Mataibo 28:2

Tai todian duucai gigivuli dʌvʌʌrai, ʌmo Diuusi tʌaañicarudʌ tʌvai tʌvaagiaiñdʌrʌ cascʌdʌ. Dai aʌcai mʌʌca siaaco yaasapicatadai ʌSuusi maigovai daitu ʌodai istucʌdʌ cuupicatadai ʌgai dai daama daiva ʌodai.

Lukas 1:11

Tai todian duucai tʌʌ ʌZacaría ʌmo Diuusi tʌaañicarudʌ vai bo cʌaacatadai sʌʌlisia padʌrʌ siaaco gʌmʌmʌidi cuubimidali.

Lukas 2:9

Tai todian duucai gʌmaasitu ʌmo Diuusi tʌaañicarudʌ ʌpastutuuru vuitapi. Tai Diuusi gʌguvucadacʌdʌ cuudan duí ami siaaco daraajatadai ʌgai tai duduaadimu ʌpastutuuru.

Hechos 10:3

Dai ʌmo imidagai coi gʌʌsʌco tasai cʌʌga tʌʌ ʌCornelio ʌmo Diuusi tʌaañicarudʌ ismaacʌdʌ vaa siaaco daacatadai ʌgai daidʌ itʌtʌdai: ―Cornelio ―astʌtʌdai ʌDiuusi tʌaañicarudʌ.

Hechos 12:23

Dʌmos aidʌsi quiaa iiñacaitadai ʌgai tai divia ʌmo Diuusi tʌaañicarudʌ dai coocotuli ʌEroodʌsi maisiaa duutudacai ʌgai Diuusi cascʌdʌ vatopadagai ʌgai dai muu.

Hechos 16:26

Tai todian duucai cavami gigiduli dʌvʌʌrai dai oiñitu bibidaviqui ojoodagadʌ utioma daraajʌdʌ. Tai gocʌdʌ gʌcucupioco vʌʌsi cucuparagadʌ ʌmaisacarui, dai uupai vʌʌsi ʌmaamaisapicʌdʌ cadeenagadʌ ismaacʌdʌ ʌcʌdʌ vuupulicatadai ʌgai.

Hechos 27:23

Aanʌ ʌrDiuusi maradʌ dai ʌʌgidi aanʌ, dai tucarʌ tʌʌ aanʌ ʌmo Diuusi tʌaañicarudʌ

Hechos 8:26

Amaasi cadaivunucai imaasi ʌmo Diuusi tʌaañicarudʌ ñiooqui ʌPiili daidʌ itʌtʌdai: ―Cʌquivañi dai imi govoiyamu ismaacʌdʌ Jerusaleenaiñdʌrʌ caatʌ Gaasamaco dai idi vaa voi ʌgai dai oidigana daivunuga siaaco maitiipu oidacami ―astʌtʌdai ʌDiuusi tʌaañicarudʌ.