Galatas 2:17 - Tepehuan Northern: Diuusi ñiooquidʌ utuducami oodamicʌdʌ

¹⁷ Aidʌsi aatʌmʌ mamaatʌrʌitadai sai Suusi Cristo cʌʌgacʌrʌ nʌidi oodami ducami istomali ʌmo imidagai maisoimaasi ivuaadamudai, amaasi maí aatʌmʌ isaatʌmʌ ʌʌpʌ ʌrsoimaasi ivuaadami ʌpan duucai ʌgai ismaacʌdʌ maitʌrjudidíu. Dʌmos maitistutuidi aatʌmʌ ispotʌiyagi sai Suusi Cristo soimaasi gʌrduiñtuldi.

Northern Tepehuan Bible

¹⁷ —Daiñi— antïtïdai aanï go Piduru. —Aatïmï buañixikami gïr ïrhidiña ïkioma judidiukatai aatïmï dai ïïgiditai aatïmï go sïïrhikami. Dïï gia buaboitudakai aatïmï Suxi Kristo ka máí aatïmï sai ïpïan ïxi soimaaxi ïr ibuadami aatïmï xi go gaa ix makïdï maiti ïr judidiu. Aidï abhiadïrï ka mai buaboitudai aatïmï sai go sïïrhikami kïïgakïrï gïr bubiadamu. Ïpïan dukai bii aatïmï gobai ix makïdï maiti ïr judidiu tudu ka mai ïïgiditai aatïmï go sïïrhikami. Kaxkïdï tudu tomarhi ïmo odami mai kïï bipiïyi Diuxi ïmadï ïïgiditai go sïïrhikami— antïtïdai go Piduru. Daidi potïtïdai aanï ïpï, —Xibi pokaitada antaada jaa sai soimaaxi gïr duiñturhi Suxi Kristo ka dagitokai aatïmï go sïïrhikami dai ka buaboidakai aatïmï Suxi. Dïï xadïrï ïr buaboikana sai soimaaxi gïr duiñturhi Suxi Kristo.

Galatas 2:17 Iomraidhean Croise

Mataibo 1:21

Ʌgai marata agai ʌmo ali gʌʌli pai Suusi tʌʌtʌ. ɅSuusi cʌʌgacʌrʌ vuvaida agai oodami soimaascamigadʌaiñdʌrʌ ismaacʌdʌ vaavoitudagi cascʌdʌ potʌʌgiduca agai ʌgai ―astʌtʌdai.

Lukas 20:16

Divimu ʌgai dai coodimu dai maaquimu ʌdʌvʌʌrai aa oodami ―astʌtʌdai ʌSuusi. Moscaʌcai ʌgai imaasi maí isʌgai aagadamʌ ʌlidi ʌSuusi cascʌdʌ pocaiti ʌgai: ―Diuusi maidagitona ispovʌ duñiagi ―ascaiti.

Romanos 11:7

Gʌnaagidamu aanʌ istumaasi ʌpʌdui. Ʌjudidíu matia ʌliditadai isducatai cʌʌgacʌrʌ vuvaquiagi dʌmos chiʌʌquiatai maí, mosʌca ʌgai ismaacʌdʌ Diuusi ʌcovai vuvaitu. Dai Diuusi dagito isʌgaa maimaatʌ caʌcana dai cascʌdʌ maimaí ʌgai.

Romanos 15:8

ɅCristo divia dai ʌjudidíu saagida oidaga cʌʌgacʌrʌ vuvaida ʌliditai ʌjudidíu. Poduucai ʌpʌdui istumaasi aagidi Diuusi ʌjudidíu ʌʌqui aaduñdʌcardu sai ʌmo imidagai divi agaitadai ʌmo cʌʌgacʌrʌ vuviadami. Dai poduucai maatʌtuldi Diuusi ʌgai sai istumaasi aagai Diuusi sʌʌlicʌdʌ ʌrvaavoi.

Romanos 3:4

Ʌgai vʌʌscʌrʌ ivueeyi istumaasi aagai, tomasi vʌʌsi oodami yaatavoga. Pocaiti Diuusi ñiooquidʌrʌ: Tomasi oodami poʌlidi ismaitʌrvaavoi istumaasi aagai Diuusi, Vʌʌscʌrʌ nʌidamu ʌgai isiʌrvaavoi istumaasi aagai Diuusi. Ascaiti Diuusi ñiooquidʌrʌ.

Galatas 2:11

Aidʌsi ii Piiduru Antioquiiamu siaaco daraajatadai aatʌmʌ, ʌgai tucamidʌrʌ gacuaadana ʌgai ʌʌmadu ismaacʌdʌ maitʌrjudidíu. Dʌmos aidʌsi ami dada ʌʌmʌco Jacovo aaduñdʌ, Piiduru camaitauu ismaacʌdʌ maitʌrjudidíu ʌʌmadu. Ʌgai maitipʌliditadai isñiooquiadagi ʌjudidíu vaavoitudadami ismaacʌdʌ apiaʌʌgiditadai Moseesacaru sʌʌlicamigadʌ. Cascʌdʌ aanʌ bagaimi povuaadatai ʌgai.

Galatas 2:15

Aatʌmʌ ʌrjudidíu, gʌrdʌʌdʌ dai gʌraaduñicaru ʌrjudidíu cascʌdʌ.

Galatas 3:21

Dʌmos maacacai Diuusi gʌsʌʌlicamiga ʌjudidíu vʌʌscʌrʌ maigajiaadʌrʌ viaa istumaasi aagidi ʌAvraañicaru. Moseesacaru sʌʌlicamigadʌ maimaa guvucadagai tomali ʌmaadutai saidʌ ivuaadana istumaasi aagai sʌʌlicamiʌrʌ. Isʌsʌʌlicami gamaacadamudai guvucadagai istutiadamudai oodami iscʌʌgacʌrʌ vuvacʌdagi ʌsʌʌlicamicʌdʌ.

Galatas 6:14

Aanʌ gʌducʌdʌ giñʌlidi muucucai gʌrtʌaanʌdamiga Suusi Cristo curusiaba sai cʌʌgacʌrʌ vuvacʌiña oodami maisiu ʌma maasicʌdʌ. Dai cascʌdʌ aanʌ camaioojoidi isivuaadagi istumaasi ivueeyi ʌgai ismaacʌdʌ soimaasi ivueeyi.

Hebreos 8:2

Mʌʌca tʌvaagiʌrʌ siaaco daja Diuusi Suusi Cristo ʌgai daidʌ ʌrgʌrpaaliga. Ʌgai ivueeyi aa duiñdadʌ papaali baitʌguucacamigadʌ.

1 Juan 3:5

Cʌʌ maatʌ aapimʌ isSuusi Cristo divia tami oidi daama dai muu curusiaba dai poduucai oigʌldi ʌgai soimaascamigadʌ oodami dai tomali ʌmo imidagai maisoimaasi ivueeyi.