Apokalipsis 15:4 - Tepehuan Northern: Diuusi ñiooquidʌ utuducami oodamicʌdʌ

⁴ Vʌʌsi oodami siaa gʌduutuadamu aapi gʌrtʌaanʌdamiga. Vʌʌsi oodami cʌʌga ñioocadamu aapi gʌvui. Mosʌcaasi aapi tomali ʌmo imidagai maisoimaasi ivueeyi cascʌdʌ. Dai vʌʌsi oodami siaa gʌduutuadamu maatʌcatai iscʌʌ tuiga aapi. Caiti ʌnʌidagi.

Northern Tepehuan Bible

⁴ Gïr Nukadakami, bïïxi óídakami xagïdutuadamu dai aagamu xïïxi ïr gïdukami aapi Mosïkaxi aapi ïkobai daja soimaaxkamiañdïrï tudu Dai bïïxi óídakami gï xadutuadamu, maaxitudakai aapi saidi ïr sïïrhi bïïxi ixtumaxi ibuadagi aapi— ikaiti nïidadï.

Apokalipsis 15:4 Iomraidhean Croise

Romanos 15:9

Daidʌ ʌCristo divia vaidʌ ʌgai ismaacʌdʌ maitʌrjudidíu cʌʌga ñioocaiña Diuusi vui. Diuusi cʌʌgacʌrʌ nʌidi ʌgai dai cʌʌgacʌrʌ vuvaidi ʌgai cascʌdʌ. Pocaiti Diuusi ñiooquidʌrʌ: Cascʌdʌ cʌʌga ñioocadamu aanʌ aapi gʌvʌʌtarʌ ʌgai ismaacʌdʌ maitʌrjudidíu saagida. Dai ganʌʌdamu aanʌ siaa gʌduutudaitai. Potʌtʌdai Davicaru Diuusi.

1 Pedro 1:16

Cʌʌ maatʌ aapimʌ iscaooja Diuusi ñiñiooquituldiadamigadʌ istumaasi aagai Diuusi dai pocaiti: “Cʌʌgacʌrʌ avʌroidaca aapimʌ dai maisoimaasi ivuaada, aanʌ tomali ʌmo imidagai maisoimaasi ivueeyi cascʌdʌ”, ascaiti Diuusi.

Apokalipsis 11:15

Taidʌ ʌcuugatʌrʌ ʌcuvaracamiañdʌrʌ Diuusi tʌtʌaañicarudʌ iiva gʌiivacarucʌdʌ tai caidatu ñioocadami tʌvaagiʌrʌ. Ʌgai cavami ñioocai dai pocaiti: Sivi gia caaayi istuigaco gatʌaanʌda agai Diuusi gʌrbaitʌcʌaacamiga ʌʌmadu ʌCristo vʌʌsi oidigi daama siaaco tʌaanʌi oodami. Dai tomastuigaco tʌaanʌda agai Diuusi ʌʌmadu ʌCristo. Caiti ʌñiooqui.

Apokalipsis 14:7

Dai cavami ñioo ʌgai dai pocaiti: ―Ʌʌbiadavurai aapimʌ Diuusi dai cʌʌga ñioocada ʌgai vui. Caaayi siuu duucu ʌgai soimaasi taatatulda agai sioorʌ maiʌʌgiditai caʌ gʌñiooqui. Siaavʌr duutuada aapimʌ ʌgai ismaacʌdʌ idui ʌtʌvaagi ʌʌmadu ʌoidigi ʌʌmadu ʌgʌʌ suudagi ʌʌmadu vʌʌsi ʌʌmapʌcʌrʌ siaaco vusanai suudagi ―caiti ʌDiuusi tʌaañicarudʌ.

Apokalipsis 16:5

Amaasi cai aanʌ ʌDiuusi tʌaañicarudʌ ismaacʌdʌ viaa sʌʌlicami isivuaadagi istumaasi ipʌlidi suudagicʌdʌ dai potʌtʌdai ʌgai Diuusi: ―Aapi gʌrDiuusiga ismaacʌdʌ tomali ʌmo imidagai maisoimaasi ivueeyi, maiquiaa cʌquivacai oidigi abiaadʌrʌ oidaga aapi dai quiaa oidaga. Aapi idui istumaasi ʌrsʌʌlicami aidʌpʌsi poduucai soimaasi taatatuli ʌoodami.

Apokalipsis 16:7

Dai cai aanʌ ʌmaadutai isñioo ʌaltaraiñdʌrʌ dai pocaiti: ―Aapi gʌrDiuusiga gʌrbaitʌcʌaacamiga sʌʌlicʌdʌ viaa guvucadagai. Aapi gia cʌʌga idui istumaasi ʌrsʌʌlicami soimaasi taatatuldacai ʌsoimaasi ivuaadami ―caiti ʌgai.

Apokalipsis 19:2

Ʌgai vʌʌscʌrʌ ivueeyi istumaasi ʌrsʌʌlicami. Dai vʌʌscʌrʌ aagai mosʌcaasi istumaasi ʌrvaavoi. Ʌgai soimaasi taatatuli ʌooqui tataacaligami. Ismaacʌdʌ soimaasi iduiñtuli mui oodami oidigi daama oidacami. Diuusi soimaasi taatatuli ʌooqui coodaitai ʌgai Diuusi ñiñiooquituldiadamigadʌ. Caiti ʌñiooqui.

Apokalipsis 19:8

Ʌgai gʌnaadaca yuucusi cʌcʌʌgaducami cʌʌ vuaañicami dai dadadacʌdami. Caiti ʌñiooqui. Ʌyuucusi cʌcʌʌgaducami ʌrʌpan ducami isduucai oidacana Diuusi maamaradʌ.

Apokalipsis 3:7

Oojidañi aapi Vuaana ʌtʌaanʌdamigadʌ ʌvaavoitudadami ismaacʌdʌ gʌnʌmpaidi Filadelfiʌrʌ dai povaitʌʌda: “Povaiñtʌtʌdai ʌcʌʌli ismaacʌdʌ tomali ʌmo imidagai maisoimaasi ivueeyi dai vʌʌsi istumaasi aagai ʌgai ʌrvaavoi dai ʌgai viaa ʌsʌʌlicamigadʌ ʌraí Davicaru, dai ʌʌgi ʌgai aagai istumaasi ʌpʌduñia agai dai maitiipu sioorʌ ʌma duucai aagidagi:

Apokalipsis 4:8

Vʌʌ maacova viaa naanadami aanai. Dai daamadʌrʌ dai utadʌrʌ aanadʌ muumujidu vuupuidʌ. Dai tasʌrʌ dai tucarʌ ʌgai mosñioocaiña dai pocaitiña: Aapi gʌrDiuusiga sʌʌlicʌdʌ maisoimaasi ivueeyi. Aapi gʌrDiuusiga sʌʌlicʌdʌ maisoimaasi ivueeyi. Aapi gʌrDiuusiga sʌʌlicʌdʌ maisoimaasi ivueeyi. Aapi gʌrDiuusiga sʌʌlicʌdʌ viaa guvucadagai. Maiquiaa cʌquivacai oidigi abiaadʌrʌ oidaga aapi. Dai quiaa oidaga aapi. Dai tomastuigaco oidaca agai. Pocaitimi ʌcʌcʌisi.

Apokalipsis 6:10

Dai ʌgai cavami ñioocai dai pocaiti: ―Gʌrbaitʌcʌaacamiga aapi gia tomali ʌmo imidagai maisoimaasi ivueeyi dai aapi gia vʌʌscʌrʌ ivueeyi vʌʌsi pʌstumaasi aagai saidʌ ivuaada agai. ¿Asta siʌʌscadʌ nʌidamu aapi ʌoodami oidigi daama oidacami ismaacʌdʌ ʌrcʌʌga ivuaadami dai ismaacʌdʌ ʌrmaicʌʌga ivuaadami dai soimaasi taatatuldamu aapi ʌgai ismaacʌdʌ gʌrcoi? ―caiti ʌgai.