2 Tesalonicenses 1:6 - Tepehuan Northern: Diuusi ñiooquidʌ utuducami oodamicʌdʌ

⁶ Diuusi maatʌ isgʌaagai issoimaa taatatuldagi ʌgai ismaacʌdʌ soimaasi gʌntaatamituldi aapimʌ goovai ʌrʌmo istumaasi cʌʌgaducami.

2 Tesalonicenses 1:6 Iomraidhean Croise

Kolosenses 3:25

Dʌmos sioorʌ soimaasi ivuaadagi, Diuusi soimaasi taatamituldia agai ʌgai. Diuusi ʌgai dai vʌʌscʌrʌ ivueeyi istumaasi ʌrsʌʌlicami vʌʌsi oodamicʌdʌ.

Hebreos 6:10

Diuusi vʌʌscʌrʌ ivueeyi istumaasi ʌrsʌʌlicami cascʌdʌ ʌgai mostʌgitoca istumaasi ivueeyi aapimʌ soicʌitai aa vaavoitudadami poduucai cʌʌga gʌmaatʌ isaapimʌ oigʌdai Diuusi.

Apokalipsis 11:18

Dai mui oodami muiyapʌcʌrʌ oidigi daama oidacami cabaacoi aapi gʌvui. Dʌmos caaayi istuigaco aapi baamu agai ʌgai vui. Dai caaayi istuigaco nʌidamu aapi vʌʌsi ʌgai ismaacʌdʌ cacoi ismaacʌdʌ ʌrcʌʌga ivuaadami dai ismaacʌdʌ maitʌrcʌʌga ivuaadami. Dai caaayi istuigaco maaquiagi aapi naana maasi istumaasi cʌcʌʌgaducami gʌñiñiooquituldiadamiga ʌʌmadu ʌvaavoitudadami, ivuaadatai ʌgai gʌaa duiñdaga. Ʌʌmadu vʌʌscatai ismaacʌdʌ gʌsiaa duutuadai tomasi ʌrsoituutuigami siʌrriricugami. Dai caaayi istuigaco ugititudamu aapi vʌʌsi ʌgai ismaacʌdʌ siaa doodai naana maasi istumaasi oidigi daama. Caiti ʌʌmo coobai dan maacova cʌcʌʌliodami.

Apokalipsis 15:4

Vʌʌsi oodami siaa gʌduutuadamu aapi gʌrtʌaanʌdamiga. Vʌʌsi oodami cʌʌga ñioocadamu aapi gʌvui. Mosʌcaasi aapi tomali ʌmo imidagai maisoimaasi ivueeyi cascʌdʌ. Dai vʌʌsi oodami siaa gʌduutuadamu maatʌcatai iscʌʌ tuiga aapi. Caiti ʌnʌidagi.

Apokalipsis 18:20

Dʌmos aapimʌ ismaacʌdʌ tʌvaagiʌrʌ oidaga aliʌsi gʌaagai mʌsbaigʌnʌliadagi. Dai aapimʌ ʌʌpʌ Suusi Cristo ojootosadʌ, dai aapimʌ Diuusi ñiñiooquituldiadamigadʌ, dai aapimʌ Diuusi maamaradʌ aliʌsi gʌaagai mʌsbaigʌnʌliadagi ʌʌpʌ. Soimaasi taatatuldacai Diuusi ʌBabiloniʌrʌ oidacami idui Diuusi istumaasi ʌrsʌʌlicami aapimʌ gʌnvʌʌtarʌ, cascʌdʌ aliʌsi gʌaagai mʌsbaigʌnʌliadagi.

Apokalipsis 18:24

ɅBabiloniʌrʌ oidacami coodaiña Diuusi ñiñiooquituldiadamigadʌ dai Diuusi maamaradʌ. Daidʌ ʌBabiloniʌrʌ oidacami tʌaanʌdamigadʌ gatʌaanʌiña coodaragai ʌvaavoitudadami vʌʌsi oidigi daama oidacami.

Apokalipsis 19:2

Ʌgai vʌʌscʌrʌ ivueeyi istumaasi ʌrsʌʌlicami. Dai vʌʌscʌrʌ aagai mosʌcaasi istumaasi ʌrvaavoi. Ʌgai soimaasi taatatuli ʌooqui tataacaligami. Ismaacʌdʌ soimaasi iduiñtuli mui oodami oidigi daama oidacami. Diuusi soimaasi taatatuli ʌooqui coodaitai ʌgai Diuusi ñiñiooquituldiadamigadʌ. Caiti ʌñiooqui.

Apokalipsis 6:10

Dai ʌgai cavami ñioocai dai pocaiti: ―Gʌrbaitʌcʌaacamiga aapi gia tomali ʌmo imidagai maisoimaasi ivueeyi dai aapi gia vʌʌscʌrʌ ivueeyi vʌʌsi pʌstumaasi aagai saidʌ ivuaada agai. ¿Asta siʌʌscadʌ nʌidamu aapi ʌoodami oidigi daama oidacami ismaacʌdʌ ʌrcʌʌga ivuaadami dai ismaacʌdʌ ʌrmaicʌʌga ivuaadami dai soimaasi taatatuldamu aapi ʌgai ismaacʌdʌ gʌrcoi? ―caiti ʌgai.