1 Korintios 7:28 - Tepehuan Northern: Diuusi ñiooquidʌ utuducami oodamicʌdʌ

²⁸ Dʌmos isʌmo cʌʌli ooñtagi maisoimaasi ivueeyi dai isʌmo ooqui cunatagi maisoimaasi ivueeyi. Dʌmos sioorʌ gavʌʌnacami vaamioma soimaasi taata agai dai aanʌ ipʌlidi isotolioma soimaasi taata agai aapimʌ.

Northern Tepehuan Bible

²⁸ Dïï gia bïïxkïrï ix oñtagi ïmo kïïrhi maiti ïr soimaaxi gobai dai podukai oki ïpï. Ix kunatagi oki maiti ïr soimaaxi ïpï. Dïï gia odami ix makïdï kukuna gïïpi bamioma xijaiga oidakaradï. Naana maaxi bia ïgai xijaigakami tudu. Kaxkïdï pokaiti aanï sai xioma ïr kïïga ix ïïgi biyagi ïmoko sai mai kabami xijaigakagi oidakaradï.

1 Korintios 7:28 Iomraidhean Croise

Mataibo 5:32

Dʌmos aanʌ angʌnaagidi sai isʌmo cʌʌli dagituagi gʌooñiga, maiviaacatai istuisidʌ dagituagi, oodami poʌliadamu isʌooqui gogoosi gʌducami sai cascʌdʌ dagito ʌcʌʌli dʌmos ʌcʌʌli ʌrduñidʌ ispoduucai tʌtʌgitodagi ʌoodami, dai sioorʌ vʌʌnagi ʌmo ooqui dagitobarui ʌgai soimaasi ivueeyi ʌʌpʌ.

1 Korintios 7:26

Otoma aliʌsi soimaasi taatamituldi agai ʌdudunucami vʌʌsi ʌvaavoitudadami cascʌdʌ poʌlidi aanʌ sai ismaacʌdʌ maitʌrooñiacami dai ismaacʌdʌ maitʌrcuucunacami gʌaagai isapiaduu viiyagi.

1 Korintios 7:27

Vʌʌscʌrʌ ismaacʌdʌ caooñiga maitʌaagai isdadagitodagi gʌnooñiga dai ismaacʌdʌ maiquiaa ooñiga maitʌaagai isooñtagi.

1 Korintios 7:29

Giñaaduñi aanʌ gʌnaagidi sai chiʌʌqui tasai viʌʌga mʌsicamaioidacamu tami oidi daama cascʌdʌ gʌaagai tʌsvaamioma ivuaadagi Diuusi aa duiñdadʌ siʌma maasi sivi quiaa istutuiditai. Sioorʌ ooñiacagi, dai sioorʌ soigʌnʌliadagi, dai sioorʌ baigʌnʌliadagi, dai sioorʌ viaacagi tumiñsi dai tomasioorʌ ismaacʌdʌ tami oidigi daama oidaga gʌaagai isvaamioma ivuaadagi Diuusi aa duiñdadʌ siʌma maasi. Idi oidigi caugitimi cascʌdʌ.

2 Korintios 1:23

Dʌmos maatʌ Diuusi ismaiquiaa ii aanʌ Coriintoamu maitʌnbagaida iñʌliditai soimaasi ivuaadatai aapimʌ.

Hebreos 13:4

Siaavʌr gʌnduutuada aapimʌ cuucunacami aipacoga dai cʌʌgavʌr gʌntʌtʌgitoca dai maisoimaasi ivuaada. Maitavʌr googosi gʌnducamica tomali cʌʌli tomali ooqui. Vʌʌscʌrʌ maisoimaasi ivueeyi sioorʌ mosʌcaasiga gʌooñiga ʌʌmadu voopodagi. Diuusi soimaasi taatatuldia agai vʌʌsi ismaacʌdʌ googosi gʌnducami.